ZKIZ Archives


都是你的錯,借孖展俾我 老狐狸

來源: http://hkcitizensmedia.com/2015/01/22/%E9%83%BD%E6%98%AF%E4%BD%A0%E7%9A%84%E9%8C%AF%EF%BC%8C%E5%80%9F%E5%AD%96%E5%B1%95%E4%BF%BE%E6%88%91/

學特首話齋早前有個5歲既小朋友問老狐貍:「肥仔姓乜?」

我扮曬無知地俾個小朋友威威,小朋友好開心就答:「肥仔梗係姓『死』架啦!」

如果呢幾日走去問下D黃大仙銀行入面睇緊股票既王師奶:「呢幾日點解個市跌咁多既?」

王師奶一定會答:「咪係中證監咯,無個樣整個樣,無啦啦停乜兩融喎,我D股好地地都俾佢拖埋落黎。XY^&%#(*!(#_ ) 」    (下刪一百個字器官名稱和大量動詞。)

咁如果睇埋王師奶既答案,大家都知股民係姓乜架嘞。

無錯,股民一定係姓賴既!!!!!

中國諺語中有一句:「文無第一,武無第二」,如果老狐貍可以加一句「股民無第二」,我相信我可以拎到諾貝爾經濟學獎,如果大家唔信,大家係1月18日前走去D股票行,大家一定會聽到以下呢幾句:

- 「信我啦,呢隻OK架,呢個板塊好勁呀,總理話會開放金融市場呀,梗係買中資劵商啦。」

- 「習主席話一帶一路呀,贏番D餸錢先」

到左1月19號下午,大家都會聽到:

-「我都話乜乜乜咯…….點解你會買架?」

-「我隻物物物得架,無啦啦搞乜融拖低曬。」

老狐貍一直強調中國市場太多魚,而且近年經濟好,衰左復元力強,無樓炒後個個湧曬去炒股,仲有得借就借,完全實現出中國人既賭性,所以大市要你滅亡,必先令你瘋狂,所以當全國股民湧去「融」既時候,就有隻黑天鵝出現了。

其實近日大家可能少左睇外匯市場,如果大家有玩開外匯的話,一定知道瑞士法郎同歐元脫左鈎,事件甚至令人重新討論港元聯匯的制度,我唔係想講外匯,而係當日個個諗住瑞郎會堅守之際突然脫鈎,令瑞士法郎單日暴升兩成以上,令好多借左孖展俾客戶,又或者空左重倉瑞郎的外匯公司輸到爆廠,令某間外國上市的大型外匯公司股價單日跌88%,可知又係借錢的禍。

當然,孖展(或者槓桿)永遠係雙面刄,輸起上黎可以百年基業都番轉,贏起上黎早前長和重組大計後,持有長和輪的朋友在復牌後狠狠地殺左D輪商一刀,好多輪商hedge 唔切重傷,又係槓桿的禍。

老狐貍係一個唔鍾意借錢的人,孖展對於我的影響力有限,但炒股票的人,尤其係愛槓桿的股民應該引以為戒,不要只睇贏個面,到跌既時候係度怨點解要借貸,好好的風險管理才是跑贏大市的法門。

 

如大家有興趣,歡迎大家加老狐貍的FANPAGE交流下啦

https://www.facebook.com/oldfoxfanclub

 

老狐貍

 

 

 

都是 是你 你的 的錯 借孖 孖展 展俾 俾我 老狐 狐貍
PermaLink: https://articles.zkiz.com/?id=128956

仲唔俾我睇到你條底 老狐狸

來源: http://hkcitizensmedia.com/2016/06/15/%e4%bb%b2%e5%94%94%e4%bf%be%e6%88%91%e7%9d%87%e5%88%b0%e4%bd%a0%e6%a2%9d%e5%ba%95/

呢一篇終於係認認真真寫股票的文章,可謂嘔心嚦血之作,洋洋4,000字,為小弟第一次,希望大家好好欣賞。如果大家睇完都唔明,咁就無乜辦法,可以去找找我的舊文章。

近期很多舊粉絲都私訊我,問我雅高控股(3313.HK)是否已經賣盤,在收到這些提問時,老狐的心裡實在有喜有悲,喜的是證明很多舊粉絲都非常「關心」,悲的是你們又挑中小弟的痛處,因為大家應該知道小弟今年的倉位主要是輸給了這一隻股票,感覺非常不爽。

先再講一次為何當日小弟會中伏,主因係此股份曾經出個股權集中的公告而引起了小弟的興趣,且其自上市後持有者無人能贏他大錢,加上其中一個主要股東實力非凡,街貨乾過阿婆,令到老狐貍落疊,持有至今拖累成個狐貍倉跑輸大市。

雖然老狐貍輸了十個一皮,面目無光,但我總覺得市在人在,有本事呢世唔好做的心態,反正老狐貍除了兩三個老友外無人得知本人真身,狐貍皮又成尺厚,輸咪輸咯,但佢做得咁衰,老狐貍見佢近期有D賣盤跡象下決定起佢個底,係剛過去的星期天飯唔食、茶唔飲咁用左8個鐘,在勤力過番工既狀態下居然俾我發現到佢既一D消息,在和老死商量後,決定公開佢條「底」,希望唔會俾人打(亦為小弟不願真身見人的原因之一)。

先重溫番佢近期既一些通告和變動:

Screen Shot 2016-06-15 at 11.58.58

好了,大家從上表應該明顯地得悉劉傳家已功成身退,其前手下和持股友好已退下火線,而新主表面上好像是梁迦傑和伍晶,所以老狐貍亦有呢方面查起。

先看看交易所就此兩位新主和管理層顧偉文先生的介紹:

(1) 梁迦傑博士

梁博士,39歲,先後於二零一三年及二零一一年獲太歷國立大學頒授教育管理博士學位及碩士學位。梁博士亦先後於二零零九年及二零零六年取得香港科技大學 科學(環境科學)碩士學位及科廷科技大學(Curtin University of Technology)科學(健康與安全)學士學位。梁博士為ISO9001及ISO14001質量管理體系主任審核員並擁有近15年跨國企業管理經驗,專註於核電、火電、水利工程、質量管理、環境安全及綜合企業體系管理。

(2) 伍晶女仕

伍晶女士30歲於二零一六年三月九日加入本公司,現任本公司副總裁,負責本公司的企業宣傳及市場推廣工作。伍女士具備6年企業品牌管理經驗。於二零 一零年,伍女士創立管理顧問公司自二零一零年二月起為本地及海外機構及法團提供品牌推廣、銷售及公共關係方面的顧問服務客戶包括但不限於中華人民共和國香港特別行政區政府政府新聞處、香港旅遊發展局、渣打銀行(香港)有限 公司、恒生銀行有限公司、戴德梁行控股有限公司(DTZ Holdings PLC)、中石化(香港)有限公司、蘇寧雲商集團股份有限公司、中國電建集團海外投資有限公 司。於二零零八年六月伍女士獲武漢大學頒授生物科技學士學位,並先後於二零零九年十一月及二零一零年十一月取得香港科技大學環境工程理學碩士學位及香港大學工業工程及物流管理碩士學位。於二零一五年,伍女士獲選為「十大傑 出新香港青年」。伍女士現任江蘇聯會婦女會常務理事及江蘇青年總會理事。

(3) 顧偉文先生

顧偉文先生46歲,具備近26年貿易及投融資經驗。加入本集團前,顧先生曾於 一九九零年七月至一九九二年七月出任上海紡織品總公司的批發專員。於一九九二年八月至一九九四年九月顧先生出任上海東方商廈有限公司的時裝部經理。 於一九九四年十月至二零零零年十月顧先生出任上海惠豐毛紡織集團有限公司的總經理。於二零零一年一月至二零一一年十月顧先生出任成都潤衡投資有限公司的總經理。於二零一一年十月至二零一六年二月顧先生出任中國疏浚環保控股有限公司(一家於聯交所上市的公司股份代號:871)的董事長助理。

表面上,又係新青年來港發跡的又一例證,但只要從互聯網上一查梁迦傑先生和伍晶女士的報導,大概大家只會見到係伍晶女士係科大讀書期間邂逅梁先生,二人投入愛河,兩口子開了一間名為「迦傑國際禮儀的公司,二人以國際禮儀導師身份為富二代、大公司作培訓,報章的報導中梁博士從小孩禮貌、九型人格、$99參加1.5小時國際禮儀工作坊都有,好似同佢係交易所通告的核電、火電、水利工程管理的工作和經濟不甚有關係。而另一單吸睛的新聞則為梁博士曾持有中國疏浚 871.HK最高達8.77%,此部份在文章後段另有分析。

至於伍晶女士,在互聯網上大家會發覺很多知名國內網媒曾經就伍女士在2015年取得十大傑出香港新青年作出報導,指其來港很努力工作,取得很多客戶,故取得此榮譽,但不說不知伍女士當時的提名人為曾得到世界傑出華人的福建幫頭領施子先生,可見伍女士的人脈殊不簡單。

睇到呢度,大家都會好奇怪點解兩名年青人為何有財力購入一個上市公司的控股權,為什麼會有能力取得中國疏流的批股?亦可以請得動該公司的董事長助理成為雅高的CEO?

首先,我們先看看雅高3313.HK的持股人仕:

宏勝國際 - 王江澤 和 梁迦傑

徐克付

孫浩程

在老狐貍經過一整個下午的整理後得知:

  1. 王江澤曾和一位名為伍宏林持有上海韻義企業管理有限公司
  2. 王江澤和徐克付共同持有一間註冊資本為人民幣7,000萬元的公司,名為上海淮遠船務有限公司
  3. 在一間名為上海豐威投資集團的資料內,伍宏林董事長,顧偉文為該公司的總裁,而孫浩程則為此公司的事業務主管

所以肯定的是這幾名持股人和高管可以話係共同行動者,劉傳家手上的33.01%分別轉讓予徐克付(19.44%)和宏勝國際(29.89%)的原因是為了迴避全面收購 General Offer。

謎底解開了吧?伍宏林才是此公司的新主人,其他的只是甲乙丙。

再經過一大輪的搜索和資料比較後,再證實一個為何梁博士和伍晶可以入主雅高的原因就是伍宏林先生是伍晶女士的爸爸,所以要資金有資金,要人脈有人脈了,而梁迦傑則為伍宏林的女婿,梁博士一定係睇多香港富豪的成功個案,就係成功需外父幹。

那伍宏林是何許人呢?

伍宏林原籍江蘇東臺,主要持有豐威實業投資集團持有多間企業,包括江蘇凱威化工、豐盛集團、永邦投資、新疆海益,伍先生於2011年已希望在國內收購A股市場買入一些ST公司當家作主,當中ST黃河一役SH.600579 (現已改名為天華院)曾令報章多番報導,可惜在當年被市場認為伍先生的財力不足,就算其把手持的貴重上海別墅作押,及透過信托融資未能成功,最終令其退出該次收購。此外,涉及另一間深圳上市的ST金谷源的行動亦未能達陣。在此之後,伍氏在國內股票市場好像沈靜了,但他卻透過江蘇東湖科技園公司和江蘇遠旗置業有限公司,發展一個名為東湖科技城的項目,當中包含酒店、住宅和商業的項目,聲稱投資額達30億元人民幣,筆者認為伍氏雖然未能上富豪榜,但隨著近年國內資產泡沬,數十個億資產總是有的。

(東湖科技城的部份資料請參閱百度之連結)

說到底,伍氏對買入上市企業的心似乎未有停止,蟄伏數年後,終於可以成功買入雅高當家作主,雖然做法非常低調 (甚至伍晶任執董的通告也只是排在後面位置,梁迦傑也是到最後一刻才露面),但估計伍氏極希望透過資本市場上令自己可以晉身富豪榜高位置。

如果你叫老狐貍去估,我猜他最終不外乎把凱威化工或東湖科技城的地產項目轉移到上市公司去,以完善資金鏈,但有兩點老狐貍仍然不明白的是:

  1. 現在此股份非常乾,為什麼現在不大炒一轉,相反卻向下隊?
  2. 伍氏如何可以搞掂第二大股東凱雷集團?

小弟認為若未能令凱雷有滿意的回報,相信伍氏入主了也是枉然。

至於伍氏和中國疏浚(871.HK)的關係,因為伍宏林和劉開進(中國疏浚)的主席均為江蘇商會的友好和同鄉 (伍為江蘇東臺,劉為江蘇鹽城),劉開進的中國疏浚亦曾和伍氏的豐威集團,加上上海實業以80%, 10%,10%的安排合作成立一間事小額融資業務的公司,名為「淮安市翔宇科技小額貸款有限公司」,可謂同撈同煲,故幫手持下股,介紹埋管理人材也是閒過立秋之事,至於你話會唔會賣埋俾伍宏林,我諗係現階段可謂諗多左。

總結:

呢間野終於轉了主人,新主低調和相當有神秘感,老狐貍至今連伍先生的照片也未曾確認到,從賣物業給雅高開始第一步,到放入自己的心腹、女兒和女婿,無論安排和迴避全面收購也可謂做得很迂迴,到現在市場絶大部份人都未知伍宏林是誰,而居然俾小小老狐貍睇穿佢條底。從伍先生過去欲買殼不果,到是次成為主人,老狐貍很肯定必定會做得好好睇睇,而小弟亦抱住睇下邊個長命的心態,唔信你唔做。

此外,係寫呢篇文的過程中,深深睇到娶一個有錢女的重要性,可惜老狐貍後生時睇得書少,無睇到香港富豪發跡史,否則都會學到野,至少贏在起跑線,當人家剛跑左100米時,你都已經衝線了,老狐貍拜服!

如大家有興趣,歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

仲唔 唔俾 俾我 我睇 睇到 到你 你條 條底 老狐 狐貍
PermaLink: https://articles.zkiz.com/?id=200794

俾我都係咁

1 : GS(14)@2012-02-16 00:14:34

http://hk.apple.nextmedia.com/te ... 376&art_id=16070309
四十出頭的人看《 Descendants(繼承大丈夫)》,不禁感觸處處,我就算沒片中男主角 Matt的遭遇,但他遇到的每一個問題,我都會自然同步跟他一起想「俾我會點處理?」
「 Matt只顧工作搵錢養家,卻忽略與太太與孩子的相處。」俾我都會係咁,其實大部份男人婚後,都會以搵錢養家為原因,去逃避與家人相處!
「 Matt以忍氣吞聲的態度,來面對一雙女兒及昏迷了妻子的爸媽。」俾我都會係咁,當有大堆問題無法解決時,少說一句就少一個問題發生。
「 Matt知道妻子有外遇,好想但又怕知道他是誰,終於他要扮買家去約那『情夫』見面。」俾我都會咁做,因為當你要暗地裏追查某些東西時,你的創意會很澎湃,但千算萬計又如何?結果都會像 Matt一樣,在毫無準備下,想知但又怕知的,會突然出現你面前。
「 Matt終於見到『情夫』,得知他曾在自己的床上與其妻鬼混,沒有揮拳相向,但離開時卻超越禮儀地給了情夫的太太一吻。」俾我都會係咁,以其人之道,還治其人之身,比靠暴力渲洩來得更徹底,更邪惡。
「 Matt與女兒把妻的骨灰灑進大海後,一切塵埃落定, Matt回到家與女兒三個坐在梳化上,共披着一張氈,吃着乳酪,沉默地一起看電視。」俾我都會係咁,所謂「一家人」,就是可以圍着一起,無言共對,但依然樂透。
「 Matt做以上的每一件事,我身旁的年輕情侶毫不關心,全程就在談心調情大聲吃爆穀,女方還不只一次說『都唔知有乜好睇?』」俾我都會係咁,如果像他們年輕,我一定會咁問,而我也希望自己還可以咁問「都唔知有乜好睇,都唔知有乜咁感動?」
2 : 草帽(1253)@2012-02-16 07:10:43

俾我都會係咁
3 : GS(14)@2012-02-16 21:01:10

2樓提及
俾我都會係咁


我都可能會
俾我 我都 都係 係咁
PermaLink: https://articles.zkiz.com/?id=277777

「係咪俾我去佔區,就等如無力管教?」粉筆少女心痛父受指摘

1 : GS(14)@2015-01-22 08:31:50





【本報訊】涉以粉筆在連儂牆畫花的十四歲少女遭警申請兒童保護令,激起民憤,縱使法庭其後撤銷保護令,但已令她心靈受創。相比遭三十警圍捕或身陷兒童院的恐怖時光,聽障父親背負無力管教的指摘更令她難受,「我喊咗一陣,應承自己,以後要無畏無懼」。少女透露,在警署通宵拘留十七小時期間屢遭警員不公對待,包括企圖趁她無成年人陪同下錄取口供,她擬投訴警察濫權。記者:白琳粉筆少女在法庭裁決後向本報透露,案發當晚十多名警員包圍她,未幾增至三十警,她當時並不害怕,「因為好多市民喺外圍睇住,我知道警察唔敢亂嚟」。她被帶返警署後,警員企圖在沒有其他成年人在場下錄口供,她不肯就範。「好似特登博我講錯嘢。我平時睇電視,學識緘默權」。她被拘期間因胃痛獲醫生處方胃藥,但警拖了四個多小時才讓她服藥,「由得我胃抽筋,慘過俾人打」;拘留十一小時後完成保釋手續,警卻以開會為由,要多等六個小時才放人。



住兒童院度日如年

粉筆少女事件激起社會反響,有人向傳媒放風羅列其「前科」。少女承認,讀中一曾經與父親爭執而離家出走。她又稱在學校遭同學毆打時,推了對方一下,遭警司警誡兩年。從離家出走到參與雨傘運動,少女都願意為行為負責任,但不能接受父親受屈,連他廿多年前的案底也被翻出來,「如果聽障係無力照顧我既理由,係一種侮辱。」父親初時反對女兒去佔領區,後來只好尊重,「佢好錫我,好努力做一個爸爸。係咪俾我去佔領區,就等如無力管教?佢作為父親嘅權利都俾人剝奪,我退庭嗰陣喊咗出嚟。」少女被關進兒童院三天,度日如年,每天只能與父相聚四十五分鐘。院內禁止帶護膚品,她雙頰發紅「爆坼」,院友笑她「爛面怪」,「我同院友講點解入嚟,佢哋聽到都笑。呢三日好恐怖,畀人恰死,每日食飯耷到個頭好低,心理好大傷害。」法庭撤銷保護令後,少女鬆一口氣,期待尋常校園生活,「會追番啲成績,將來對民主做番啲嘢,唔會俾白色恐怖打壓。」父親叮囑她不要四處走,但她仍希望當街站義工,「呢刻爸爸擔心,將來我都會擔心自己仔女承受白色恐怖。我唔想佢哋好似我咁痛苦,承受咁多嘢。」根據《查問疑犯及錄取口供的規則及指示》,警方應只可在監護人在場下與未滿十六歲人士會面,否則應由相同性別的非警員人士陪同。警方發言人回應,警錄口供時盡量安排監護人在場,否則會安排適當成人陪同。發言人又稱,粉筆少女被拘期間,值日官沒收到相關投訴。





來源: http://hk.apple.nextmedia.com/news/art/20150121/19010188
係咪 咪俾 俾我 我去 去佔 佔區 就等 等如 無力 管教 粉筆 少女 心痛 父受 指摘
PermaLink: https://articles.zkiz.com/?id=287392

「你願意嫁俾我嗎」窩心男字條鼓勵厭食女

1 : GS(14)@2016-01-08 08:52:40

「我希望她知道她無論裏裏外外都很美麗……我希望她在結婚當日能夠看起來及感到自己很美麗……你願意嫁給我嗎?」這張字條不單幫助厭食女子斯托克斯(Emma Stokes)走出陰霾,更包含了男友照顧一生的承諾。住在英國柴郡的25歲斯托克斯,是位舞蹈老師,2013年祖母去世令她大受打擊,因而患上厭食症,體重由128磅暴跌至91磅。她病情最嚴重時,一天只吃少於600卡路里的食物,例如一小份生菜、蔬菜及穀物以及牛奶。她的情況比其他病人更為嚴重,因為她會迫自己早起去健身,之後又會教跳舞三至四小時,令精力透支。兩年下來,她一度停經,而且經常感到疲倦,去年3月更因跌倒而入院。斯托克斯的情況令26歲男友非常憂心,當她出院回家後,男友便單膝下脆向她交出字條,列出希望斯托克斯康復的10個原因。字條最後一項就寫上:「你願意嫁給我嗎?」更畫有心形圖案及鑽戒。「我當然說我願意……他的求婚是一大轉捩點,我希望可以好起來結婚。」斯托克斯甜蜜憶述,並感謝男友的窩心鼓勵。她在愛情滋潤下,體重已回升至102磅,希望能夠在8月結婚前回復正常體重:「每一次我往壞的方面想,我便會想到大喜日子,我的月經仍未回復正常,但我希望有天能生兒育女。」英國《每日郵報》





來源: http://hk.apple.nextmedia.com/international/art/20160108/19443904
願意 嫁俾 俾我 我嗎 窩心 字條 鼓勵 厭食
PermaLink: https://articles.zkiz.com/?id=294109

吳若希忽然晒巨肚:史迪仔送個星球俾我

1 : GS(14)@2017-03-23 06:51:19

昨日許廷鏗喺fb貼咗一張驚人七人大合照,原來佢係約咗三個大肚婆謝安琪(Kay)、吳若希(Jinny)同化妝師朋友,而Kay BB昨日就回覆咗《蘋果》話:「總之好難得,我哋兩個同廷鏗都係同一個化妝師,覺得呢件事好有緣份,好有紀念價值好難得,我哋就任性少少,個肚籮咁大都出嚟食餐飯。」唔知係咪呢次飯局嘅焦點集中咗喺Kay BB身上呢,身在澳門嘅Jinny BB就喺晚上,放咗一張肚肚相,佢留言話:「關於大肚相點解唔見肚~~我想還攝影師一個清白!曾幾何時史迪仔話送個星球俾我~應該就係呢個!」咁睇落史迪仔送俾Jinny嘅星球又的確好大喎!




來源: http://hk.apple.nextmedia.com/entertainment/art/20170323/19967394
吳若 若希 忽然 曬巨 巨肚 史迪 仔送 送個 星球 俾我
PermaLink: https://articles.zkiz.com/?id=328513

「係咪俾我?」張智霖父親節禮物居然收Ralph Lauren童裝

1 : GS(14)@2017-06-22 07:42:32

父親節過了兩天,各大小父親都應該吃完飯、拆完禮物。張智霖前日就post了名牌Ralph Lauren送的父親節禮物,不過就無福消受,皆因所送的恤衫、短褲,應該是童裝!Chi Lam出文答謝,一方面忍不住幽默更講笑:「Thanks polo sent me a Father's Day gift!but I am not sure is it for me...」更將童裝放上身影相,十足縮水衫褲咁,非常搞笑。網友就猜測,禮物應該是送給張智霖和袁詠儀的10歲兒子魔童,「好明顯係送俾魔童的...」「這是給魔先生的,哈哈哈!」咁,到底係父親節禮物,定兒童節禮物呢?




來源: http://hk.apple.nextmedia.com/entertainment/art/20170621/20063727
係咪 咪俾 俾我 張智 智霖 父親節 父親 禮物 居然 Ralph Lauren 童裝
PermaLink: https://articles.zkiz.com/?id=336221

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019