ZKIZ Archives


梗係唔可以啦! 人在中環

http://manincentral.blogspot.com/2011/12/blog-post_21.html

晚上六時零五分。

「唔好意思呀April…」May按著了辦公桌上的speaker phone:「岩岩有個客call in,想問你地條team負責既product,你可唔可以幫忙handle一下?」

「梗係唔可以啦!」speaker phone內傳來一把既兇兼且高八度的聲音:「你知唔知依家過左office hour架啦!」

隨即聽到「拍」一聲,電話被掛斷了。

「過左五分鐘遮,駛唔駛呀…」May小聲跟自己說。

我剛行出了自己的房間,碰巧讓我聽到整段對話。作為April的老闆,聽到她這番說話,不禁搖頭嘆息。

你大概以為我係因為April過左辦公時間五分鐘卻拒絕工作而感到不滿吧?

唔好誤會,同事們在辦公時間外拒絕OT,我反而覺得問題不大。反正佢做的話係人情,唔做係道理,當然佢肯幫忙的話我也許會對佢另眼相看,但佢選擇唔幫,我也覺得冇乜唔妥。

而真正讓我覺得唔妥當既,係April有冇必要用咁既態道去對待自己既工作夥伴?

我理解人人都心急趕放工返屋企,不過要推卻同事一個after office hour既工作請求,有好多方法可以讓大家都舒服一d。

比方話:「唔好意思呀May,依家過左office hour,個call我唔方便接啦。麻煩可唔可以幫我留低個客既contact,我聽朝call back佢丫,唔該。」

換左個表達方式同語氣,成件事會唔會唔同晒?

辦公室裡面,好多「恩恩怨怨」,好多時就係根源於一句半句說話既表達方式 。

然而一個人能力既強弱,除左佢本身既工作能力之外,其中一個非常重要既element,就係佢能夠跟工作夥伴融洽相處既能耐。呢一part如果唔掂,其他部份叻到曉飛都係冇用。

祝大家有個愉快既冬至和聖誕。

梗係 係唔 可以 人在 中環
PermaLink: https://articles.zkiz.com/?id=30072

無線最終目的係唔播港臺節目 中環客

來源: http://hkcitizensmedia.com/2016/09/20/%e7%84%a1%e7%b7%9a%e6%9c%80%e7%b5%82%e7%9b%ae%e7%9a%84%e4%bf%82%e5%94%94%e6%92%ad%e6%b8%af%e5%8f%b0%e7%af%80%e7%9b%ae/

呢個禮拜日,無線唔播歷史以嚟都播嘅《城市論壇》,寧願重播其他節目,原有城市論壇前一個鐘,就播由梁粉牙醫陳健強,同埋做過嚇政務官嘅商臺主持黃永主持嘅《周日龍門陣》。

以收視,以陣容,以火花,以成本等計埋,無線唔播《城市論壇》完全無道理,因為《城市論壇》用公帑製作,集集都星級陣容打到七彩,而以歷史攸久,實有收視,無線呢個決定睇落好無厘頭。

但如果你計埋無線想唔播港臺黃金時段果筆,就唔係咁計。

根據現有免費電視牌照規定,牌照持有人一定要撥出黃金時段嚟播香港電臺節目,而當時有咁嘅牌照規定嘅理由,係因為港臺無自己嘅頻道,而一直以嚟,港臺電視部嘅節目唔少因為係幫政府做宣傳,所以被視為票房毒藥,拉低黃金時段收視,影響廣告收入。黃金時段係有《頭條新聞》呢啲過癮節目,但果啲政府部門同港臺合作製作嘅節目,大部分都悶到無人想睇,係近年港臺中人為咗整蠱警方,拍《警訊》 案件重演竟然用上MK活地雅倫之稱嘅葉念琛手法,竟然因為cult味濃而成為網民熱話,呢個係後話。

如今港臺有自己嘅頻譜,無論數碼定模擬,遲早都做到全港覆蓋,既然係咁,港臺係時候交番商營電視臺嘅黃金時段,依家無線咁做,唔係扭計,而係證明港臺節目就算唔交俾商營電視臺都有人睇嘅。如果咁計,星期日嘅收視同廣告,換番星期一至五黃金時段,除笨有精。

只不過,梁振英肯唔肯呢,我中環客都係木宰羊。或者《周日龍門陣》都係同梁振英講,我地會安排梁粉節目,仲聽話過香港電臺,可以放心俾番啲黃金時段。

中環客

無線 最終 目的 係唔 唔播 播港 港臺 節目 中環
PermaLink: https://articles.zkiz.com/?id=216418

東亞銀行 真係唔駛俾人查? 中環客

來源: http://hkcitizensmedia.com/2017/02/23/%e6%9d%b1%e4%ba%9e%e9%8a%80%e8%a1%8c-%e7%9c%9f%e4%bf%82%e5%94%94%e9%a7%9b%e4%bf%be%e4%ba%ba%e6%9f%a5%ef%bc%9f/

曾蔭權被判監二十個月,話重唔重,話輕唔輕,對一個七十幾歲老人家嚟講,呢個判刑都唔易捱,除非佢得到醫生證明,可以長期喺醫院服刑,咁另計喇。只不過,曾蔭權案有好多手尾係未完嘅,其中一個未完嘅手尾,就係 東亞銀行 會唔會被監管機構照肺,甚至引嚟外國反洗黑錢組織嘅註意,搞到生意難撈。

其實已經有兩單高官相關嘅公職人員行為失當案,係同 東亞銀行 有關,一單係許仕仁案,一單係曾蔭權案,許仕仁案涉及果堆無厘頭無抵押貸款,隨住許仕仁坐監梗係無得還,究竟果筆貸款係點搞出嚟至得,跟住,曾蔭權案啲錢銀嘢,係經 東亞銀行 嘅,連以前做過老廉嘅林卓廷議員都問老廉,點解唔係跟佢以前做調查員果陣嘅規矩做嘢,連李國寶都傳召。隨時喺曾蔭權案重審果陣, 東亞銀行 有更多人甚至高層要上庭作供。

依家世界各國監管機構,對果啲經常處理黑錢,例如政治人物啲唔乾淨錢嘅銀行好敏感,HSBC係咁被人查,係咁被人罰,都係因為呢啲麻煩客戶,搞到依家大家喺HSBC開戶簡直難過登天,仲要依家HSBC搞到咁嚴,都仲發現有戶口懷疑同IS恐怖分子有關,又俾人查過。HSBC都搞成咁,如果香港監管機構對 東亞銀行 一啲表示都無,恐怕都好難同世界其他國家嘅監管機構交代。話雖 東亞銀行 主要業務都集中喺香港同中國,但係反洗黑錢呢家嘢,一向都係全球進行,標準亦都全球一致,唔好唔記得,雖然中國唔係全球反洗黑錢組織埃格蒙特集團(The Egmont Group of Financial Intelligence Units)嘅成員,但香港一直都係,其他埃格蒙特集團成員國,好難當 東亞銀行 喺兩單案嘅作為無到喎。

監管機構如果想認真查 東亞銀行 ,唔該快啲查咗佢,好過搞到外國啲監管機構睇到 東亞銀行 實曬,搞乜業務都麻煩多多,依家 東亞銀行 嘅業務都唔叫靚仔,如果早啲查,至少投資者早啲決定玩唔玩落去。只不過,以近年HSBC同德意誌銀行嘅濕滯經驗嚟睇, 東亞銀行 呢類連案件都涉及啲大案嘅銀行,避之則吉係好一啲,因為監管風險無理由由投資者孭嘅。

東亞銀行 東亞 銀行 真係 係唔 唔駛 駛俾 俾人 人查 中環
PermaLink: https://articles.zkiz.com/?id=236972

摩摩電影節之《樹大招風(Trivisa)》:其實主角係唔係大賊,並唔係最重要

既然相一個人,不如相信每一個人,咁究竟係貪曾、Hea 曾、689、689 2.0、定係肥彭做我城城管,都唔係最重要嘅事;邊個選到都好,「就讓一切隨風」:


閱讀更多 »
摩摩 電影節 電影 樹大 招風 Trivisa 其實 主角 係唔 唔係 係大 大賊 並唔 係最 重要
PermaLink: https://articles.zkiz.com/?id=238270

講膠所手記:至蠢係唔老實!

1 : GS(14)@2012-02-08 23:01:23

http://www.sharpdaily.hk/article/index/15307/20120208/51054
所謂大智若愚,係讚緊人哋有智慧,只不過外表蠢啫!咁乜嘢人至係蠢?唔做嘢但又鍾意爭功抽你水嘅蛋散?開親會都廢噏嘥你時間嘅火星人?返工夢遊累你陪佢攬炒?佛地魔?YY個人就認為,唔老實嘅「豬標」係最蠢嘅!
話說某日YY同親戚去港島某商場拎車嘅時候,分別俾兩個地產經紀夾咗去睇商場裏面嘅示範單位,個親戚就好好彩,夾佢嗰個地產經紀做開豪宅,完全無亂吹水非常專業,反觀YY就慘咯,俾個「豬標」夾住,唔知係因為嗰日着得太過Causal定係乜嘢原因,嗰位仁兄當YY係一個低能兒咁Sell,無論係個盤嘅Location、景觀、附近二手呎價,同YY喺公司聽地產版手足講嘅完全唔同,更離譜嘅係,佢話收租都可能買得過嘅細單位只係得番4個,要買就趁手喎!
蝕底始終係自己

原本,因為嗰個細單位真係可以睇到維港煙花,佢未爆呢句嘢之前,YY真係有小小心動,但係嗰日個盤都仲係處於滯銷中,何來咁啱得咁翹得番4個單位?若然落疊,YY當堂咪變傻B?所以,唔好以為呃到人係叻仔,最後蝕底嘅,其實係你自己咋!

YY
講膠 膠所 手記 至蠢 蠢係 係唔 老實
PermaLink: https://articles.zkiz.com/?id=277641

宣傳片:我哋渴望自由,但係唔敢抗爭J2幕後暗撐佔中

1 : GS(14)@2014-10-20 08:18:57




■讀白提到話大隻B分享上街感受。



【雨傘革命】雨傘革命進入第23天,即使警方向示威者施以暴力清場,但從未動搖巿民和學生和平抗爭的心,無綫員工對公司的維穩並不苟同,繼新聞部員工不滿把7魔警涉嫌濫用私刑的報道中一句「拳打腳踢」又刪又播,無綫新聞及資訊部總監袁志偉的錄音流出,節目《東張西望》主持張慧慈和梁麗翹大前晚穿黃衣出鏡撐佔中,J2幕後及配音組近日又默默起革命,由幕後撰寫的多個節目預告配音對白,着迹顯示為佔中者打氣。旺角前晚警察與示威者對峙時,警方武力升級,不停用伸縮警棍打示威者,J2日前為日本動畫《進擊的巨人》播出的宣傳讀白滲入「佔中味」:「我哋渴望自由,但係唔敢抗爭;追求平等,但又戀慕權力;以前我哋畏縮,今天更加妥協;口口聲聲探尋公義,但又自甘墮落,將來,注定失去更多!」



■讀白提到,有人恐嚇你要舉高雙手,與佔中示威者情況脗合。

■J2台昨晚播的《大隻B自由行》,連日播宣傳片時,讀白有暗撐佔中。

■宣傳片播出一班男子出鏡,讀白說他們要預被潑冷水後要返歸。


「大隻B分享上街感受」


有網友把J2昨晚播出的節目《大隻B自由行》預告剪貼上YouTube,並指當中對白疑似聲援佔中:「大隻B分享上街感受,第一千祈咪博出位。第二有人兇你就舉高手仔。第三為表清白,剝光豬先好示威。最後請預咗畀人潑冷水叫你返歸。」網民睇完狂畀like,直至截稿前,無綫官網仍沒把預告片刪走。撰文:楊定




來源: http://hk.apple.nextmedia.com/entertainment/art/20141020/18905404
宣傳片 宣傳 渴望 自由 但係 係唔 唔敢 抗爭 J2 幕後 暗撐 撐佔 佔中
PermaLink: https://articles.zkiz.com/?id=286169

遇泡沫市 一係唔買 有買要趁早 黃國英

1 : GS(14)@2015-04-22 17:36:40

http://eastweek.my-magazine.me/index.php?aid=42116
中、港股市猛升至今,如要用一句說話形容多數人的心態,說是「又要驚又想玩」。其實不用那麼糾結,大可參考史瓦格《新世紀金融怪傑》一書中,康姆歐熙的訪問。歐熙是對沖基金經理,曾在索羅斯麾下操作,經歷科網、次按兩大泡沫,仍能全身而退。

據歐熙所講,泡沫第一要點,是它們往往維持一段長時間,其實不難賺到錢。應市竅門有二:一是完全不參加,就像巴菲特講明不買科網股,歐熙也深表佩服,當巴郡(BRK.A)因而被視作不合時宜,跌了一半後買入。巴菲特亦沒食言,笑到最後。相反,一旦決定參加派對,歐熙的經驗,最緊要信得夠早。最受傷是初期懶理性,硬頸不玩,到人家散場才急急瞓身的人。

港股大時代來臨,銀行門外出現買股的人龍,散戶若決定參與,應要盡早入市。

派對途中,很多人賺到錢但激死。此種慘況,信報專欄作家阿梅的形容最為生動:「……不是因為手上沒貨而感到不快,而是因為手上的股份今天『只』漲了五個巴仙而感到沮喪。當你見到身旁的『他他他』今天都賺了廿個巴仙,真是激到人都癲。回想不久之前市況淡靜,賺五個巴仙差點想劏雞還神了。今天呢?羞愧得要搵窿捐。」歐熙認定,心理上要作出調節。洪流中,表現必然跑輸牛軍主力,因為跑贏者當時一定是真心相信,勇悍不可企及。他則將目標定為賺得合理回報,但轉勢後不能嘔凸。他不介意「與眾同樂」,齊齊湧埋一份,卻堅持只投入即使泡沫爆破,仍能維持極高流通性的工具。這要靠研究而非觀察:泡沫面前,沒甚麼投資會缺乏流通性;最多人受創的原因,就是只憑眼下的流通性去選擇項目,一旦出事,連認輸的機會也沒有。

另一方面,歐熙告誡絕不能單純認為某項資產昂貴,便貿然沽空。先不論觀點(最終)對錯,要出現趨勢或轉勢,首要條件是有人理。無人care,則不成勢。他以一九九九年納指為例,4,000點時你認為不值,但升浪中無人care,立即先見5,000。大浪之中,誰能估頂?就算叻到識飛,都只能在確認見頂,轉勢下跌後才出手。他自言毋須獨具慧眼,分析的原始材料,全可在《金融時報》中找到,只是要等有人care罷了。

那如何判斷泡沫告終?歐熙自言很難一概而論,但有兩個方法:一是用商品交易顧問(CTA)常用的趨勢跟蹤系統,以固定的技術分析原則決定去留;一是自行觀察價格的表現,價格愈是幾何級數般飆升,便愈接近玩完。

就算確認爆煲,歐熙也不會直沽股市。他憶述二○○○年中,納指敗象畢呈,由5,000點跌至3,100點以下。但兩個月間,竟出現四成升幅的熊彈,重回4,300點。盲目追沽,傷亡隨時甚於過早造淡。早又死遲又死,爆煲後歐熙如何搵食?在此例中,他的選擇是買美國長債,因為泡沫爆煲倒過來影響經濟,定息工具受捧,升勢也比股市跌浪順滑得多。
泡沫 一係 係唔 唔買 有買 買要 趁早 國英
PermaLink: https://articles.zkiz.com/?id=289798

龍小菌涉偷菜被捕「疏忽都係唔啱」

1 : GS(14)@2015-06-15 01:08:20

■龍小菌前日傍晚6時許,在超市涉盜竊被捕,被帶返柴灣警署調查,昨凌晨1時許保釋離去,下月再返警署報到。攝影:李家傑



現年26歲的蒙面歌手龍小菌涉盜竊被捕,前日她獨自到鰂魚涌超市購物後,疑未有支付總值約120港元的蔬菜及生果錢便離去,即時被保安截停報警處理,聲稱因感冒病到「吽吓吽吓」的小菌,昨解釋在事件上純粹疏忽,但認錯說:「但疏忽都係唔啱!」她不擔心此事影響前途,因為自己還在讀書,她會完成學位,繼續唱歌作詞。


前日傍晚6時許,龍小菌在鰂魚涌AEON百貨公司超市購物時,將價值約120港元的蔬菜及生果放入環保袋內,懷疑未有付款離開,被保安截停報警處理,將小菌帶往柴灣警署調查。至昨凌晨1時許,獲准保釋的小菌終於離開警署,現保釋候查,下月要返警署報到。素顏戴帽的小菌在警署門外接受訪問,她表示近日因感冒「吽吓吽吓」,前日下午打完泰拳後,再去幫母親修理電話,之後往超市買餸,先買了鹵水付款後,因鹵水要加熱,她又往買蔬菜及番茄等,之後將所有食物放入手推車,直接推去出口,她說:「將啲嘢擺入環保袋出咗門口,俾便衣保安截住話有啲嘢未畀錢,佢冇聽我解釋直接帶我去保安室,喺超級市場唔記得畀錢真係第一次。」離開警署後,小菌由一輛四驅車接載,兜勻港九新界欲撇傳媒追訪,約兩個多小時,駛至牛頭角道由一名男親友陪同,轉乘「寶馬」離開成功撇甩記者。



昨晨1:00am【步出警署】■素顏戴牛仔帽的龍小菌,昨凌晨由經理人邵子風陪同離開警署。

3:30am【喪遊花園】■龍小菌為避記者追訪返家,在港九新界大兜圈後,最後在牛頭角由男親友接載撇甩記者。


昨午【急睇中醫】■龍小菌昨戴口罩往睇中醫,解釋自己在事件上純粹疏忽:「但疏忽都係唔啱!」互聯網圖片

「以後會小心啲」

昨午小菌戴口罩往睇中醫,她透過WhatsApp錄音說:「今日收到好多朋友關心,問我需唔需要幫手。因為噚日喺警察局搞咗好耐,大概六七個鐘,好攰,同埋差館比較凍,今日去咗睇醫生,醫生話我患咗流行性感冒。多謝好多朋友都好相信我,喺呢件事上係純粹疏忽,但疏忽都係唔啱,自己以後會小心啲。」問家人擔心她嗎?小菌說:「家人當然好擔心,始終屋企都冇發生過咁嘅事,所以我都唔係好識處理,我哋都係要搵適合嘅人去幫手。」問事件對工作有否影響?她說:「我心態上就冇好大嘅影響,始終我仲讀緊書,我想繼續讀書,完成埋個碩士學位,繼續唱歌寫詞。」


■2011年,龍小菌以網絡歌手身份出道,並蒙面在街頭獻唱,後被揭是位中學老師。資料圖片

邵子風:人之常情

小菌因涉盜竊被捕,昨凌晨獲釋返家後,問有否失眠?她說:「返到屋企之後都好攰好夜,所以都瞓得着,但就唔係好安穩。經歷咗成晚,搞咗好耐,瞓瞓吓又咳醒。希望事件可以盡快雨過天青。」今晚小菌會現身文化中心捧經理人邵子風有份演出的舞台劇《現代馴悍記》。至於事件警方怎處理?邵子風說:「等下次返警署報到,先知往後係點樣。」前晚他在警署外受訪時,曾說「買嘢唔記得畀錢人之常情」,被網民狠批教壞小孩,他說:「其實但凡唔記得都係一種錯誤,錯咗就要知錯,唔好再冇記性。」昨記者向梁永鏗律師查詢盜竊罪成的判刑,他在電話說:「最高刑罰十年監禁,但通常唔會,喺舖頭偷嘢可能罰錢,如果佢話唔記得畀錢,睇吓乜嘢原因,控方信佢可能撤銷控罪。如果唔認罪可能短期監禁一兩星期,認罪求情就罰錢幾千元。」採訪:皓騫





來源: http://hk.apple.nextmedia.com/entertainment/art/20150612/19180986
龍小 小菌 菌涉 涉偷 偷菜 被捕 疏忽 都係 係唔 唔啱
PermaLink: https://articles.zkiz.com/?id=290920

大台衫無限loop翠如:都係唔知着邊個件衫

1 : GS(14)@2016-06-21 07:39:08

無綫慳家就係人都知,除咗蔡思貝、陳凱琳面孔喺啲劇無限loop,道具、戲服等等,亦時不時俾眼利網民,發現循環又循環咁,用完再用。咁今次主角係邊個呢?咪係同樣喺有線過檔大台嘅好姊妹梁嘉琪同黃翠如囉!有網民昨日貼咗翠如BB同梁嘉琪做節目嘅相,就問翠如BB究竟係邊個着咗邊個件衫。相入面,梁嘉琪同翠如BB,同樣着咗件超sharp醒嘅彩色間條衫,直頭離一條街都見到嗰隻。通常呢個情況,俾人篤爆咗,大部份藝人都保持緘默或者hea住答,偏偏翠如BB就好鬼認真咁回覆呢位網民:「我都係唔知着邊個件衫!」仲引用番梁嘉琪個句:「只能說公司D衫好耐穿。」





來源: http://hk.apple.nextmedia.com/entertainment/art/20160621/19662829
大臺 臺衫 無限 loop 翠如 都係 係唔 唔知 著邊 個件 件衫
PermaLink: https://articles.zkiz.com/?id=302385

【紫薯芝士泛濫 】後生仔開「劣鳩飯堂」抗劣食「垃圾我係唔會食!」

1 : GS(14)@2017-01-09 08:11:54

為抗衡現在很多食肆都亂加紫薯、芝士的文化,五個後生仔女早前開設了名為「劣鳩飯堂」的Facebook專頁,短短一個月已吸到萬多個Likes。



近期越來越多餐廳食肆玩創新同Crossover,不論是雞蛋仔、豆腐花、麵包、蛋撻等小食,抑或是火鍋、拉麵、煲仔飯,總要加入紫薯芝士紫薯芝士紫薯芝士……相信地球上已經冇嘢可以阻止到紫薯同芝士入侵,但其實芝士混入煲仔飯,紫薯變成雞煲的湯底,真係會好食咩?


要數最恐怖的食物配搭,他們首推海膽麻婆豆腐配竹炭烏冬。

最近 Facebook有個名為「劣鳩飯堂」的專頁彈起,專門批評市面上越來越多食物亂加紫薯、芝士,而且越來越濫,還賣得不便宜,原來該page有五個版主,有男有女,其中兩位Gab和Ali早前接受了我們訪問,他們聲稱雖然自己不是食家,但對食物都總有些要求,「紫薯加芝士這些垃圾我係唔會食」,為免以後出街食飯被人認得趕走,他們拒絕上鏡。他們說,開設這個專頁,源於經常在Facebook看到有女性朋友會tag人,一按入去就是林林總總的飲食post,幾乎全部都標籤「#極邪惡」、「#隱世小店」、「#爆漿」、「#芝士」,Ali說:「其實紫薯芝士本身很正常,但好多餐廳做出的配搭係完全錯晒,根本唔夾,夾硬放埋一齊,之前見到Facebook都有個Page「猛鳩語錄」,抗衡少女語錄,我們就諗到不如開個Page抗衡這種飲食文化。」專頁開了一個月,已吸到有一萬四千多個Like,成績算很不錯,還有很多讀者與他們分享自己的中伏經歷,他們發覺其實有很多志同道合的人。他們認為這個現象泛濫,是因為供求問題,「老實講,有啲人買來都唔係為咗食,食完又唔會寫食評,只係為呃Like,當食肆將紫薯芝士放埋一齊,港女見到就會覺得很正,會諗又可以呃Like,就會狗衝去食,食肆就會覺得很好賣,之後就繼續研發更加多類似的奇怪產品。」Gab補充:「我哋開呢個Page,就係為咗撥亂反正,將呢種歪風變返正常。」到底這些「創意料理」有幾恐怖?兩位版主又會點評價?請睇片。記者:黃子配攝影:伍慶泉




來源: http://hk.apple.nextmedia.com/su ... t/20170109/19890631
紫薯 芝士 泛濫 後生 仔開 劣鳩 飯堂 抗劣 劣食 垃圾 我係 係唔 唔會 會食
PermaLink: https://articles.zkiz.com/?id=322065

張如城新歌玩搖滾?網民:唔睇歌詞真係唔知唱乜

1 : GS(14)@2017-01-26 18:08:31

亞洲神童張如城對音樂真係充滿熱誠,近日又有新歌喇!佢首新歌《路上》上個月面世,仲話走「英倫鄉村搖滾」風格。有網民睇完之後留言:「唔睇歌詞真係唔知唱乜X」、「班外國人為左錢,咩出賣良心嘢都肯做」、「個紅色新細明體字幕好有heart」、「樂壇赤紅清泉」。




來源: http://hk.apple.nextmedia.com/entertainment/art/20170125/19907643
張如 城新 歌玩 搖滾 網民 唔睇 歌詞 真係 係唔 唔知 知唱 唱乜
PermaLink: https://articles.zkiz.com/?id=324163

2200年貴族男女乾屍紋動物上身係唔同啲

1 : GS(14)@2017-02-05 10:48:23

2,200年前的紋身會是甚麼模樣?專家為西伯利亞地區一對貴族男女木乃伊的乾屍進行掃瞄,發現兩人的紋身與一般巴澤雷克人(Pazyryk)有別,他們紋上了真實的動物如馬和猛禽,但當時的巴澤雷克人卻會紋上幻想出來的生物,十分特別。這對古木乃伊自1949年就安放在俄羅斯冬宮博物館(The State Hermitage Museum),今次掃瞄科學家想了解他們的死因、重塑他們的外觀、了解當時的木乃伊技術。男性木乃伊肩膀紋了捕食性動物紋身,可能是老虎和馬;右前臂紋了野驢或馬或有斑紋尾巴的捕食性動物;雙手就紋了禽鳥,包括松雞;雙膝就紋了蹄類哺乳動物。女性木乃伊的雙肩沒有紋身,左臂紋了一隻猛禽類動物正獵殺一隻鹿或駝鹿,手上就紋有公雞;左前臂就是兩隻老虎和雪豹攻擊鹿和麋的情景。她的紋身全都是真實動物類,而且描述複雜的情景,與他們當時的文化有別。這對古木乃伊相信是高加索人(Caucasoid),男的頭髮微曲呈深色,而且剃剩腦後的頭髮;女的頭髮深啡色,剃剩頭頂頭髮綁了馬尾。兩人的面形都屬長而窄。英國《每日郵報》




來源: http://hk.apple.nextmedia.com/international/art/20170204/19917836
2200 貴族 男女 乾屍 動物 上身 係唔 唔同 同啲
PermaLink: https://articles.zkiz.com/?id=325409

「佢冇怨言,唯一係唔夠成熟」大劉讚甘比盡責顧家

1 : GS(14)@2017-04-16 14:40:53

■大劉感激甘比在他患病時細心照顧,又頻撲湊仔女。(版權所有.嚴禁盜用)



【劉鑾雄講大劉】【連載系列之十八 最後女人】劉鑾雄(大劉)在多年的感情生活上是多情種,女友多如繁星。去年病重時,得到陳凱韻(甘比)不辭勞苦照顧他和一對子女,絕無怨言,如他所言「路遙知馬力,日久見人心」,令他決定再婚,給甘比一個「劉太」名份。大劉更首次公開大讚甘比超過100分,但唯一缺點是欠成熟。



劉鑾雄在商界上有「狙擊手」之稱,感情路上更多情,多年來備受外界矚目,不過情場老手的他亦承認曾後悔為愛情落錯注。去年他因腎病病重,獲得多年紅顏女友甘比對他不辭勞苦照顧而深受打動,故換腎後健康好轉時,為人生幸福再下注,再婚娶甘比,賜對方名份。



■大劉一手抱着孻仔仲學,一手攬實秀樺,盡顯慈父之情。(版權所有.嚴禁盜用)

■大劉戴上消防員帽及手持公仔,享受兩父子的玩樂時光。(版權所有.嚴禁盜用)

■大劉接受本報獨家專訪時,攬着甘比在他「一生中最愛」的畫作前合照。


「佢令我好感動」

大劉日前接受本報專訪時,作為劉太的甘比全程默默守候,其間更為大劉遞上大褸,提點攝影師小心燈光等,孻仔仲學放學前來會合,兩母子就靜坐一旁,盡顯背後女人的細心周到。記者開玩笑問大劉,甘比是否他最後一個女人?他即幽默大笑:「如果你要我答,今日就一定係!哈哈!講笑啫!」之後,大劉正經地說:「佢真係令我好感動,第一,以今日嘅best knowledge(以我了解),一定係最後一個女人。我識佢15、16年,無論中間我啲脾氣幾唔好,搵佢發脾氣又好,佢都就我。我有病時,佢照顧周到,同埋好頻撲,要照顧仔女,又顧住頭家,接仔女返學放學,其實佢好辛苦好攰,差不多日日夜夜,幾乎崩潰咁滯。好彩呢排我身體好啲,佢真係盡咗佢責任,盡咗佢能力。」



■平時一臉嚴肅的大劉與秀樺瞇眼又嘟嘴,展示調皮一面。(版權所有.嚴禁盜用)

■大劉與甘比及秀樺於去年大除夕倒數時,齊齊做「眼鏡黨」。(版權所有.嚴禁盜用)

■甘比與大劉相戀10多年,早已融入劉家。(版權所有.嚴禁盜用)


無端小器單打

離婚多年的大劉直言最初未有再婚打算:「有時人嘅嘢係講緣份,感情係慢慢培養出嚟,我都冇諗住要再結婚,但結咗就要徹底,有時啲嘢係整定,唔係有planning,只係適當時間做最適當嘢,梗係唔係要刺激呢個嗰個咁幼稚,儍嘅咩!」對甘比的評價,大劉大讚超過100分:「佢真係冇怨言,唯一係唔夠成熟,因年紀仲輕,但人品算好好,係有時會無端小器咁單單打打,男人最怕呢啲嘢,我哋男人思想要好理智同清醒,當諗緊嘢去搵食投資,唔理智唔得,投資係好痛苦、好寂寞嘅。」外形上大劉強勢,而甘比溫純,但他吵架後亦會?回對方:「以前我哋嗌交,我媽媽覺得佢老實,會叫佢忍,咁發完一陣脾氣,知道自己唔啱,我都會主動出聲講好說話?番佢,10次嗌交,一般有7次係我唔啱嘅。」再有家室,大劉笑言見過鬼怕黑,不敢再識女友,問是否與呂麗君分手後才有此決定?大劉表示:「我冇講佢呀,我唔方便講人哋嘅嘢!」對於他曾澄清及展示送給呂麗君簽收珠寶的單據,他說:「工作做嘢時會好小心,好均真會有記錄,但禮物畀人簽收係做過一次啫!我送好多嘢畀老婆甘比、我啲妹都冇簽收㗎!」採訪:陳月媚攝影:陳俊強


【大亨起跌】大劉語錄

大劉受訪時大講人生起跌,由家庭、事業到感情無所不談,連爆金句,令人回味。「我係廢柴中嘅廢柴,懵炳中嘅懵炳!」提及生意失敗時自嘲。「不知幾多人寫信嚟,或者阿媽帶埋個女嚟,想我去照顧佢個女喎!望都唔敢望聽都唔想聽啦!點知你係咪捉黃腳雞㗎!」講不時有人寫信或自薦想見面的奇遇。「我唔係股壇狙擊手,每次有呢啲行動,次次百分之一千都係被迫。我可以誓神劈願講,完全係被迫!」道出做股壇狙擊手並非自願。「四十幾年前冇錢,真係遇佛弒佛,遇父刺父,都要做!」因家族失和,大劉24歲入院割膽,要問老工人借錢出院,獨自流淚感懷身世。「錢有機會就搵,但唔需要刻意,都已經夠食夠着,已經好夠,唔需要去爭做第幾富豪,我要引述好多人講:『我心中富有咪得囉!』」談及現在搵錢心態。「我唔係一出世就八、九十歲㗎!」自言做過後生仔,經歷過求戀期,愛聽《一生中最愛》。



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170416/19991330
佢冇 怨言 唯一 係唔 唔夠 成熟 大劉 甘比 盡責 顧家
PermaLink: https://articles.zkiz.com/?id=330746

【寵物籽】三年照顧四隻導盲幼犬 寄養家庭:真係唔捨得分離

1 : GS(14)@2017-10-09 00:02:33

62歲的李江明是導盲犬寄養家庭的義工,其家庭已接待過四隻導盲幼犬,他身旁是現時寄養的Cha Cha。



【寵物籽:寵愛生命】「佢哋要走嘅時候,高高興興咁着晒制服,同啲訓練員一齊踏出我哋個門口,我哋都真係唔捨得。」李江明說道,手中不忘捉緊狗帶,腳旁的Cha Cha乖巧地趴着。今年62歲的李江明是導盲犬寄養家庭的義工,一家三口至今已經接養過四隻導盲幼犬,最初女兒在導盲犬中心網站上看到申請寄養家庭的資訊,加上一家人本身喜歡小狗,三年前就決定申請成為寄養家庭。



李生在大陸生活時養過狗,那時的方式是天生天養,與養一隻將要肩負重任的導盲犬截然不同,「要教佢嘢啦,樣樣嘢都要教,初初細細隻乜都唔識,要教佢一啲生活上嘅規矩。」Cha Cha是一隻黃色拉布拉多犬,剛剛才過四個月的生日,是一個徹頭徹尾的小孩子,在家要教牠大小便、不亂咬東西這些不在話下,最重要的是要帶牠融入社區,稱為「社會化訓練」,當小狗穿上制服走到街上的時候,牠便要學習成為一隻工作犬,主人等地鐵、坐巴士、搭電梯、在餐廳坐下吃飯時,牠不能蹦蹦跳跳,只可安靜地趴在腳旁,也要學會服從基本的指令。想養狗的人有很多,有人選擇去寵物店買,有人選擇領養,而李生一家選擇接養那些要成為導盲犬的幼犬,他們並沒有接觸過視障人士,只是覺得這樣做更有意義,「自己冇諗過真係要領養一隻狗仔喎,養導盲犬有個意義喺到,可以照顧到視障人士,等佢哋將來帶啲視障人士出街。」三年以來,有四隻導盲犬在他們家裏長住過,由Coby、Fraser、Almore到Cha Cha,都是普遍的導盲犬品種拉布拉多,兩黑兩黃。李生退了休,由朝到晚都與小狗相伴,「我同佢接觸得最多㗎,要湊佢啦,日日同佢大小便,要餵佢,成日都對住佢,又要帶佢出街啦。」照顧小狗的責任落在李生身上,但他從不嫌辛苦,「鍾意嘅就唔覺得煩,而且佢聽話,我要出去嗰時放佢入籠,佢都會好聽話自己瞓覺。」為了保護幼犬的髖關節,李生每次都會抱起Cha Cha上落樓梯,但他一點也不介意,「值得嘅,為咗佢嘅健康好啲冇乜所謂啦!」快樂的時光一閃即逝,小狗在李家生活到約一、兩歲,由當初的小孩長大成「狗」,便要離家接受專業的訓練,正式成為一隻導盲犬,成為視障人的眼睛。寄養家庭義工不可私下接觸使用者與狗相聚,即使在街碰到也不能接觸牠,免得令導盲犬分心而影響牠的工作表現。經歷過三次分離,不捨得是在所離免,可是也欣慰。「佢哋走咗之後,又未養第二隻嘅時候,我都覺得屋企寧靜咗㗎,有啲唔慣。」可幸的是,偶爾回到中心參與大型活動時,有機會碰上時,不捨已不再,而是滿滿的自豪。


第一隻服役中 視障主人最忠心朋友

回想第一隻在李家成長的小狗Coby,感受猶深,「我見到佢服務嘉濠,我都好開心㗎,佢哋行得咁有默契同自信,我都戥佢哋開心。」Coby是一隻黑色的拉布拉多犬,在台灣出生,李家是牠的第二個寄養家庭,「佢真係好聽話,佢去廁所自己識行去門口,佢行過去之後就擰轉面,好似用身體語言講嘢,邊個帶我去廁所呀?」睡覺時會反肚,做些趣怪的表情,打鼻鼾打得特別大聲,微小的舉動依然藏於李生一家人的心坎。Coby兩歲時離開寄養家庭,與使用者黃嘉濠(Alex)一起接受訓練半年後,正式畢業成為一隻導盲犬。畢業禮當天,李生一家出席,沒有合照,但見證着Coby自信地展開其工作生涯,已心滿意足。現在Coby已四歲,陪在嘉濠身邊有一年半的時間,嘉濠說:「Coby係一隻好關心我嘅導盲犬嚟㗎,佢係一個好敏感嘅小朋友。」那時候嘉濠剛使用導盲犬,要由自己最熟悉的工具手杖轉用導盲犬,經歷了一段十分沮喪的時間,「我覺得自己有好多嘢都唔識,所有嘢都做得唔好,記得有一次我好唔開心,甚至喊咗,Coby行咗過嚟,做咗好多嘢想引我笑,又好親近咁挨埋我度。」又有一次,嘉濠腸胃很不舒服,所以由工作地點走往地鐵站的路上走得很辛苦,由原本十分鐘的路程,花了雙倍時間。聰明的Coby感應到嘉濠的不妥後,主動放慢腳步,「我好肯定咁話你知,佢係知你諗緊乜嘢。」Coby是一隻稱職的導盲犬,每天引領嘉濠的生活;回家下班,就做回嘉濠最忠心的朋友,豐富他的生命。導盲犬一出生就注定身負重任,工作八至十年會退休,牠也許會回到寄養家庭度晚年,如果不會,天各一方之時但願人長久。



李生一家三口至今接養過四隻導盲犬,全因為喜歡狗和想幫助視障人士。

李生第一隻寄養的導盲犬Coby小時候也有趣怪一面,會反肚逗人開心。

只有四個月大的Cha Cha雖然未受專業訓練,但已十分乖巧,將來定有一番作為!


坐交通工具時要教導導盲犬趴下,主人也會輕輕踩着狗帶。

第一次使用導盲犬就遇上Coby,嘉濠覺得自己的生命因牠變得更方便和精采。

查詢:http://seeingeyedog.org.hk記者:鄧天蔚攝影:鄭明川(部份圖片由受訪者提供)編輯:施明慧




來源: http://hk.apple.nextmedia.com/su ... t/20171006/20173573
寵物 三年 照顧 四隻 隻導 導盲 盲幼 幼犬 寄養 家庭 真係 係唔 捨得 分離
PermaLink: https://articles.zkiz.com/?id=341816

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019