| ||||||
近 日港股交投慘淡,噚日成交得番三百零億,創06年底以來新低。正所謂「生意淡薄,不如賭博」,華華噚日撞到港交所(388)主席夏佳理,佢話港交所成交 少,相反馬會嘅投注額雖然都一樣跌,但跌幅就細好多。今個馬季,馬會投注額暫時只係跌咗5%,難怪夏佳理話:「如果港交所成交好似馬會嘅投注額只係跌咁 少,咁就發啦!」 去滑雪唔諗住拉頭馬 噚晚六合彩又冇華華份,惟有寄望今個星期日可以喺馬場刀仔鋸大樹,發個聖誕財。咁蹺夏佳 理名下兩隻愛駒「超班」同「聖河」都有參賽,華華第一時間最想知道主席準備好去拉頭馬未?點知主席話嗰日唔喺香港,會同屋企人出外滑雪咁話,所以唔會到 場。兩隻馬贏面有幾大,咁就要再衡量吓。夏佳理係愛馬、識馬之人,做過一代馬王「翠河」嘅馬主,月中馬會搞嘅馬匹拍賣會,唔知主席有冇買到心頭好呢?聽夏 佳理講,嗰次佢都有競投,不過俾人截糊,空手而回。佢話睇中隻馬成本價190萬銀,佢用200萬去投,諗住呢個時勢,應該買得到,點知有人出價220萬投 咗。計華華話,對夏佳理豐厚嘅身家嚟講,三幾十萬都只係「碎銀」皮毛,既然睇啱心頭好,應該去盡啲,只係以20萬之差投唔到,華華都戥佢唔抵!李華華 [email protected] |
|
||||||
「新股超購王」米蘭站(1150)下周一掛牌,市場消息話,9萬幾人認購,只係易過中六合彩。市場普遍估計,米蘭站首日掛牌升五成,如果係真嘅話,一手賬面賺千七蚊,真係幾開心。主席姚君達身家暴漲固然高興,更開心可能係猛人齊集佢嘅上市儀式。 首選證監韋奕禮出席 話 說港交所(388)主席夏佳理,早前講過,曾經幫襯米蘭站,買咗個靚袋送畀老婆。佢認為米蘭站係土生土長嘅公司,值得大家支持吓,佢打算下星期一出席上市 儀式,仲叫埋證監會行政總裁韋奕禮去。證監作為監管機構,高層極少出席個別公司上市儀式,如果韋奕禮真係去,認真係新聞。 |
2樓提及
thats why I move some of my portfolio to us etf