📖 ZKIZ Archives

我主場：萬能鍾點止講波佬

1 : GS(14)@2013-07-14 11:48:07

http://hk.apple.nextmedia.com/entertainment/art/20130714/18333584


人稱鍾仔的鍾志光，對於網民的評價，他日前以分析賽事角度的口脗去說：「網民嘅反應從直觀去睇，好似見我多咗，事實只係最近有好多足球賽事，而且又有劇集出街，做直播節目嘅感覺係強烈啲，加上球賽又係連續做好多晚，所以咪有呢個錯覺，亦係因為呢個原因。我諗喺無綫嚟講，我唔算工作時間長，背後仲有好多負責劇集嘅同事，工作時間比我長好多。」                                                                                                                                                                                                                 

太監初體驗

                                    印象中的鍾仔的確是瓣瓣通、樣樣掂，閒談入行的經過時，竟然又有另一個驚嘆，他說：「我讀書係讀體育，不過當時好皮毛好淺，所以我入行嘅專業係喺電台開始，嗰陣我係做體育節目，可以話係不折不扣出去跑體育新聞，跟住喺無綫做體育節目，當時亦會有啲足球以外嘅雜項項目，某程度上係一種訓練。」
從體育主持突然兼顧拍劇，原來亦是另一個機緣：「當時拍劇嘅起點係《醉打金枝》，呢個體驗好有趣，劇情有一場蹴踘比賽，監製當時安排咗一個負責講埋波嘅太監角色畀我，呢個角色啱晒我，所以咪幫吓手。當時嘅體驗係辛苦，做直播嘅體育節目好簡單，深夜一點開工，若果連埋加時都係四點可以收工，但係拍劇啱啱相反，差唔多成個禮拜都係朝早零六開工，到傍晚先收工，對我嚟講真係唔係幾慣，不過出嚟嘅反應都幾好，所以我又唔抗拒拍劇呢樣嘢。」



                直到《古靈精探》的出現，令他嘗試做醫生和律師以外的角色，他說：「張乾文（監製）畀咗個好得意嘅角色，嗰次佢安排我做一個好鍾意鬧人嘅警司，結果觀眾都好受落，所以跟住搵我做嘅角色都好多元化，呢個係我從體育記者轉去拍劇嘅唔同工種。」他續說：「我成日都同人講，係呢個行業搵我，而唔係我搵呢個行業，喺我而家嘅年紀睇番轉頭，你會發覺有好多嘢係冥冥之中嘅安排，而唔係我處心積慮去做，行到邊、去到邊，就算係讀書都係一樣，當初我選擇讀師範做老師，過咗若干年之後，有啲同學因為職業需要再讀學位，大家傾開偈，又介紹啲啱讀嘅課程畀我，點知一讀就讀出癮。」結果鍾仔成為人文學科榮譽學士、中國語言及文學以及哲學文學碩士。

---

2 : GS(14)@2013-07-14 11:48:21

http://hk.apple.nextmedia.com/entertainment/art/20130714/18333586
以追求簡單生活為目標的鍾志光，為目標生活好好計劃人生，他說：「我將自己嘅人生分咗三部份，第一部份，人一定要工作，做嘢嘅原因就係求生；第二係玩，做人一定要有娛樂，要識得享受，得閒我會搵啲舊同學同老師食飯、傾偈，同屋企人好好相處；第三就係讀書，只要有時間我就會走去讀書，呢三方面就構成咗我日常嘅生活，所以某程度對我嚟講，真係好感恩，我身邊有好多朋友，可能背負住家庭負擔，做一份唔鍾意嘅工作，聽佢哋成日呻喺工作上嘅唔如意，但係每一日都要日出而作，日入而息，講句唔好聽咪叫捱，我自己呢，可以搵到一份同興趣有關嘅工，變咗真係唔覺得辛苦，所以我好感恩，亦可以講話真係好彩。」
因為鍾仔可以將興趣變工作，令他有時間研究學術，他說：「始終我唔係主線演員，拍劇唔會日日要開工，有時可能一、兩個禮拜唔使開工，我可以用呢啲時間，去做啲學術嘅事，所以真係好感恩有一份咁樣嘅工，我有好多同學都好勤力，但係時間比我辛苦，因為佢哋日日都要返工，有啲仲要放大假做功課，人生真係好奇妙。」不過他笑稱不敢跟朋友講，擔心被誤會「晒命」。

---

3 : hh0610(1603)@2013-07-15 00:06:31

阿叔走左之後, 聽左鍾仔咁多年. 如果聽唔倒佢把聲有D唔慣. 我已經習慣性過濾左佢D癈UP.

---

4 : hoyin86(39556)@2013-07-15 01:04:05

2樓提及

---

http://hk.apple.nextmedia.com/entertainment/art/20130714/18333586
以追求簡單生活為目標的鍾志光，為目標生活好好計劃人生，他說：「我將自己嘅人生分咗三部份，第一部份，人一定要工作，做嘢嘅原因就係求生；第二係玩，做人一定要有娛樂，要識得享受，得閒我會搵啲舊同學同老師食飯、傾偈，同屋企人好好相處；第三就係讀書，只要有時間我就會走去讀書，呢三方面就構成咗我日常嘅生活，所以某程度對我嚟講，真係好感恩，我身邊有好多朋友，可能背負住家庭負擔，做一份唔鍾意嘅工作，聽佢哋成日呻喺工作上嘅唔如意，但係每一日都要日出而作，日入而息，講句唔好聽咪叫捱，我自己呢，可以搵到一份同興趣有關嘅工，變咗真係唔覺得辛苦，所以我好感恩，亦可以講話真係好彩。」
因為鍾仔可以將興趣變工作，令他有時間研究學術，他說：「始終我唔係主線演員，拍劇唔會日日要開工，有時可能一、兩個禮拜唔使開工，我可以用呢啲時間，去做啲學術嘅事，所以真係好感恩有一份咁樣嘅工，我有好多同學都好勤力，但係時間比我辛苦，因為佢哋日日都要返工，有啲仲要放大假做功課，人生真係好奇妙。」不過他笑稱不敢跟朋友講，擔心被誤會「晒命」。

我追求財務自由，都係為左實現佢果三個目標
如果你話番份工岩自己興趣，但俾唔到最好既（能力以內既最好啦，移民去火星就無可能既）屋企人
我好難過到自己果關囉

---

5 : mr_dlm(19486)@2013-07-15 11:22:22

就係因為佢太多野搞, 所以佢講波唔係好專, 基本上無d一針見血的見解, 而且D資料好似唔係咁貼

---

6 : MrYeung(15476)@2013-07-15 19:24:58

我屋企冇其他收費電視台，唔常睇波，睇都只睇tbb
我就幾鍾意睇鍾仔，因為佢好帶動到氣氛。每次聽佢班拍擋(即係踢過職業足球果幾個) 講波，果種死氣沉沉，拉牛上樹嘅感覺，真係聽到想mute 左部電視

---

7 : GS(14)@2013-07-15 22:56:15

今日睇師父明白了又有他

---

我主場：李治廷戀冰冰唔怕瘀

1 : GS(14)@2013-09-08 13:57:10

http://hk.apple.nextmedia.com/entertainment/art/20130908/18413510
在電影《一夜驚喜》中李治廷飾演痴情男，愛上了范冰冰飾演的上司米雪，在現實同樣與范冰冰譜戀曲的李治廷，早已洩露這段姊弟戀的端倪。

「佢內心世界幾可愛」

                問現年26歲的李治廷跟年齡有差異的范冰冰有沒有發展可能？他說：「我哋幾啱key啱嘴形囉！呢樣係我最大驚喜，開戲時都驚㗎，喂！范爺，係咪先，咁大氣場嘅女演員，但估唔到咁啱key，雖然我啲國語唔鹹唔淡，又覺得OK喎！大家嘅興趣幾似，笑點又幾似，拍得幾有默契，但你話係咪啱我就隨緣囉！」會否介意姊弟戀？他笑說：「我覺得乜嘢戀都唔係問題，最重要係咪真有愛情存在囉，唔好介意太多同愛情冇關嘅事。愛情好純潔，你信就會搵到真愛，唔應該擔心同顧慮咁多。」
那麼外觀是否重要？李治廷說：「我覺得先望見個樣再入內心世界，外觀唔係最重要，但我信相由心生，個樣令我舒服至會去發掘佢內心世界。」有否發掘范冰冰內心世界？他揚言：「佢內心世界幾可愛，因為拍戲，點都會瞭解啲，佢其實幾細路女，你估唔到，我當初都嚇一嚇，我對佢認識主要喺廣告，雜誌封面好勁吖嘛，好女神級嘅女仔，覺得好難接觸、好遠，但原來私下同佢傾偈傾戲，深入瞭解呢個人，會覺得佢好多嘢仲簡單過我，譁！原來我細佢咁多，但我諗嘢諗多啲。」

「兩個人入咗件事」

                  時機似乎已經降臨，兩人上月被網友目擊同遊布吉，李治廷更親吻范冰冰額頭。愛火有蔓延至幕前之勢，兩人合體宣傳時玩得興起，公然互抱對方，李治廷抱起范冰冰時情深對望，勝過甜言蜜語。
李治廷亦坦承拍攝時情不自禁愛上了范冰冰，他說：「有一場戲有一剎那，係有感覺，講我去佢屋企，同佢道別，個感覺好真好特別，演戲永遠追求呢種感覺，個嚇係有囉，兩個人入咗件事，導演未叫cut，仍然喺嗰個世界入面。」回到現實有愛上她？他迴避說：「做戲一定要，呢個我喺佢身上學，有次佢寸我，佢唔知我做音樂，佢聽到我唱歌，就叫我唔好拍戲去寫歌，我講笑：『范小姐，我演戲係咪好差？』佢話唔係，但希望我可以再真啲，我點會唔真呀，佢話你試嚇再投入啲再拎個心出嚟，嗰刻我好努力拎個心出嚟擺喺部戲度，最後發覺真係唔同，我又發覺點解佢演戲咁好呢，佢好執著真誠呢樣嘢。佢有幫我開啟演技，最意外係我有概念大演員有個演戲方式，眼見同真實係兩回事，佢私下好平易近人，唔係女神，係鄰家女孩，呢樣感染到我，我下次要好真好真。」

「唔使介意俾人拒絕」

                                    李治廷在《一》片中不介意姊弟戀，現實中會否勇敢去愛？他說：「以前我冇咁勇敢，但拍完呢部戲受感染，愛情好純潔，唔可以諗瘀唔瘀，唔去諗面子，係咪上司同姊弟唔係咁重要，真係鍾意嘅話，唔使介意俾人拒絕，阻礙一段美好愛情發生。我以前好典型同理性，會考慮追求對象同我啱唔啱key、朋友點睇、或者父母會唔會鍾意，有冇發展可能、工作有冇時間見面之類，城市長大男女都會去諗呢啲嘢，同我朋友唔啱key會嗌交就唔好，呢啲諗法搞到我錯失愛情機會。我而家儘量想放低呢啲睇法，純粹用心去感受世界，不過講就易，真正做到都好難。搵到啱嘅人，想試嚇放低框框勇敢去愛。」

---

我主場：謝安琪心痛背後

1 : GS(14)@2013-10-13 11:14:05

http://hk.apple.nextmedia.com/entertainment/art/20131013/18461390

                謝安琪入行八年經歷高低起伏，初出道憑歌曲《愁人節》嶄露頭角，怎知仍未企穩就因奉子成婚暫別樂壇，生完仔復出後簽環球，憑《囍帖街》唱紅奪四台聯頒傳媒大獎，以為可以踏上天后之路，偏偏是非一浪接一浪：整容變面、扮大牌、拒訪問觸怒無綫、與環球反面解約，甚至連另一半張繼聰都被攻擊為廢柴老公！

              ■與陳奕迅傳緋聞的謝安琪不忿被抹黑，強調與他再沒聯絡。資料圖片

同Eason冇偈傾

                不過，種種加諸在Kay身上的鞭撻，都不及跟陳奕迅的緋聞令她傷痕纍纍，Kay提起往事仍帶點激動說：「呢啲咁莫須有、創作咁離譜新聞擾攘咗年幾，對我造成壓力，傷害好大，當時真係唔識處理，成日問點解？覺得好痛苦，之後我不再問究竟，同自己講唔好理亦管唔到，只能夠努力做好自己。」去年已離開環球的Kay，強調當時跟Eason只是同事關係，連朋友也談不上：「我哋同一間公司，工作時會見面，可能會互通message傾吓唱乜歌，當然都有聖誕新年互祝快樂，就係呢啲咁有限度溝通，私下真係冇，食餐飯都冇試過，絕對唔係好熟朋友，搵到最恰當詞語——同事。」

                由於兩人各有家庭，緋聞令Kay更感受傷害，她說：「真係好唔公平，一單揑造緋聞對女仔同男仔傷害冇得比，呢件事對我形象同心靈破壞好大，大家都有家庭事業，但真係睇到對佢壓力冇咁大，因為好多焦點都係抹黑我，其後我為咗保護自己，真係好避忌，同一場合見到佢唔會行得太近，可能離遠禮貌打個招呼，而家更加冇聯絡，冇公事上嘅嘢要傾。」
幸好老公張繼聰對Kay百分百信任，令她覺得好窩心：「其實佢好心痛，我承受嘅壓力，無辜辜被打擊，佢喺側邊畀好大支持我，結婚六年我哋好了解對方，亦體諒忙碌。」對於張繼聰被踩為廢柴老公，她說：「我心痛啲，永遠都係咁，打你唔痛，打你身邊嗰個心痛，佢都花好多時間面對壓力，但佢係一個好成熟嘅人，好有分寸。」
相比緋聞的殺傷力，整容傳聞對Kay來說只是小兒科，她說：「唔只整容，話我頭髮稀疏都有，我唔會一一回應，將佢視為鼓勵，原來大家之前唔覺得我係靚，而家覺得我靚咗，唔好將我以前箍牙樣作準，以前我妝又唔識化，真係阿梅（趙薇在電影《少林足球》角色）階段，嗰時唔係走靚女路線，而家進步好多。」

              ■多年來一直被拿來與容祖兒（右）比較，謝安琪稱與她私下有偈傾。
資料圖片

私約祖兒飲茶

                                    Kay在《囍帖街》唱紅後人氣曾力逼容祖兒，兩人經常被拿來比較，Kay無奈說：「音樂唔需要打分數，鍾意就會成日聽，唔需要比較，每人音樂品味唔同，人哋點比較影響唔到我，雖然我係放工即刻返屋企嘅人，但我同所有歌手相處都係友善，競爭始終都係公司之間，其實我同祖兒有偈傾，私下見面會互相鼓勵，佢係一個好鍾意鼓勵人嘅歌手，亦係我前輩，好記得初出道時祖兒買咗我第一隻碟，佢喺IFPI投票活動揀最佳專輯，佢推介我隻碟好聽，之後活動見面我親自多謝佢，好耐之前我哋仲喺酒店飲過一次茶。」
化妝：Khaki Yan
髮型：Chris（Queen's private i salon）
服裝：Macro Chan

---

2 : GS(14)@2013-10-13 11:17:25

http://hk.apple.nextmedia.com/entertainment/art/20131013/18461392


走過逆境，Kay去年跟環球解約，將廣東碟發行簽給跟無綫關係友好的星煥，國語唱片就跟金牌大風合作，老公張繼聰是金牌旗下歌手，一切重新開始，她說：「同星煥、金牌合作好開心，互相支持，有啲頒獎禮大家仲會坐埋一齊，氣氛好融洽。」比以前在環球更開心？她說：「以前同環球都有開心時候，雖然最後解約走，但自己問心無愧。」
[■謝安琪坦言過檔後，與星煥合作愉快。資料圖片] ■謝安琪坦言過檔後，與星煥合作愉快。資料圖片

在環球後期Kay受盡冷落，在港人氣下跌，惟有北上拍戲，現在推出國語碟，又頻頻到內地宣傳，對於蔡少芬返內地商演遇綁架疑雲，Kay說：「我哋選合作單位好小心，全部白紙黑字，只係試過一次幾乎滯留澳門，嗰次我同孫耀威演出完想趕返香港，但主辦話冇船飛，最快都要半夜兩點後：『不如上after party飲杯嘢傾偈，介紹主辦方你哋識。』我哋唔係話好大牌，傾吓偈都唔得，但我哋真係好想返港，搵工作人員check到有大把船飛，結果自己買船飛返香港。」

---

【add】紅人主場：謝安琪　時勢造女神

1 : GS(14)@2014-09-07 12:20:55

Alice+ Olivia黑色釘石長裙



人在娛樂圈，即使有壞新聞都總好過無新聞，謝安琪近年惹起過的是與非，勿論好與醜，足令她多次登上茶餘飯後的熱話榜首。金曲唱紅過，緋聞鬧過，被冠以高登女神與B餐人妻之名，統統照單全收；在眼下紛亂不安的時勢，她被指憑歌抽水，啃下去，天涯何處無高牆？統籌：林妙萍撰文及造型：趙潔恆攝影：郭賢興化妝：Natalie Soo.Ki of ND& Co.髮型：Eagco Leung



Marc by Marc Jacobs格紋蝴蝶斗篷、黑色長裙Pinko珍珠金屬手鈪

藝人多避談社會議題，事關一談就難免進退失據，尤其在大是大非的此時此刻。謝安琪早前於敏感的七一前夕在網上發佈了歌曲《雞蛋與羔羊》，熱血聽眾立時對號入座，源於電影《被奪走的12年》關於自由與奴隸的歌詞被無限發酵。「創作首歌時擺咗好多意念入去，接收嘅人喺呢隻歌入面會聯想到乜嘢，或者鼓勵咗佢哋去做啲乜嘢，促發佢哋關心啲乜，都係將呢首歌交畀大家之後發生嘅事，至於隻歌敏唔敏感呢，我覺得唔需要框死大家去諗，呢首歌能夠帶畀你係乜就係乜。」


多角度議事

誰知一句「大劫在頭上不堪設想」，謝安琪被指趁機抽水炒作；事實上一出道就以《姿色分子》講瘦身整容，之後的《囍帖街》講城市重建，《十二月二十》講貧富懸殊，她的歌路一直緊貼社會現象，更因此被封草根天后。「好想去表達嘅嘢，我都一定會去講，我覺得冇嘢唔可以創作歌曲。過去幾年香港經歷嘅大小事件，為香港人帶嚟好多反思同反應，大家嘅感受好多時都係負面嘅，又有好多對立聲音。喺咁嘅環境下創作嘅歌，反而令大家更沉重，並唔係我想做嘅事。我想帶出嚟嘅視野廣闊啲，對於你嚟講乜嘢係嗰道高牆呢？可以人人都唔同，希望可以喺呢隻碟建議多一個角度去觀察我哋嘅生活。」



Minkpink印字TeeCarven豹紋高腰裙

Tory Burch印花裙

■一曲《雞蛋與羔羊》被視作為民發聲，同時惹來不少是非。

十年幾番新

抽水危機實屬小菜一碟，入行將近十年，謝安琪見過的風浪也不算少。自謔個性倔強又不擅於交際的她，曾問上帝為甚麼要安排自己入了娛樂圈。「入行遇到嘅辛苦都同某一啲媒體報道嘅手法或者風氣有關嘅，藝人會首當其衝承受壓力。不過我冇太過執着，漸漸明白到其實好多人都面對緊呢種窘境，呢種風氣其實影響緊整個社會點睇我心愛嘅音樂演藝行業，並唔係只係我謝安琪開唔開心。我因為咁而變得更堅強，同埋眼光更闊。」今年自組公司出碟，從十年前的懵懂女生，升格做老闆擔起營運重擔，計數與創作同步進行難不到她。「喺自己能力範圍內任性囉，又不至於不顧一切咁浪漫。除咗市場上我哋認為最流行嘅、最容易賣得出嘅、樂迷喜歡嘅K歌，穩打穩紮之外，我哋願意去做啲冒險啲嘅，唔同類型或風格。可喜係做咗十年都仲生存緊，雖然唔係首首歌都成功，都想繼續落去，想用自己小小嘅能力去豐富一下本地樂壇嘅類別。」



■與張繼聰結婚8年，最欣賞對方的幽默感。

反思B餐論

食得鹹魚真要抵得渴，謝安琪三個字被大眾及媒體用來消費與娛樂，甚至在網絡潮文中被擬物成一個B餐擺上枱。「原來而家會咁公開發表去討論人哋嘅婚姻，甚至去比較兩段婚姻，可能我老套啦；篇文令我了解多咗原來咁多人覺得另一半身家有幾多係咁重要。我係感受到作者對我嘅祝福，呢件事又冇令我好尷尬，反而令我思考咗好多。」套餐論將婚姻同金錢掛鈎，與張繼聰結婚8年的謝安琪眼中的婚姻卻很單純。「結婚時冇問過我另外一半其實你有幾多身家，我哋結婚之後會過乜嘢生活都唔係我最着緊嘅事。我睇婚姻比較單純，我同佢相處好開心，靈魂溝通得到，就係咁簡單。」甚至她決定嫁給張繼聰，都只為笑一世。「佢求婚之後我就諗，其實呢個人真係好好笑，到八、九十歲都會咁好笑。有乜好得過有一個人成日喺身邊令你笑？我就覺得好抵呀，每日都有咁多好笑嘅事，佢真係有咁嘅本事。」



更多精采時尚內容，盡在http://add.appledaily.com。




來源: http://hk.apple.nextmedia.com/entertainment/art/20140904/18854674

---

【add】紅人主場：鍾楚紅　女神愛香港

1 : GS(14)@2014-09-18 13:52:16

agnès b.皮褸及牛仔褲Chloé流蘇手鏈/Net-A-Porter



沒聽多時的移民潮，今年忽然又出現了，離開？留下？大美人鍾楚紅最近花了多個月時間，拍下香港恬靜優美的風光、親切的舊區街坊笑容，展出50張相片，記錄的全是香港的愛，「我想令大家重新搵到香港嘅可愛之處，唔好人人諗住移民！」撰文：林妙萍攝影：郭賢興造型：鄧卓嶽化妝︰Ricky Lau@ ZING the makeup school髮型︰Sev Tsang@ hair culture



「香港喺呢個世界上，實在係最靚嘅地方！好近就去到海邊，行一陣就有山，最美麗嘅景物都喺身邊。新、舊嘅融和，就係佢嘅迷人之處。」鍾楚紅今個月推出第一本慈善攝影集及舉行相展，以「To Hong Kong with Love」為題，希望透過自己的眼睛鏡頭，發放正能量為香港打打氣。



Valentino孖襟斗篷

沒想過移民

「我從冇諗過移民，香港而家好亂，我覺得好sad，如果大家都繼續唔愛香港，或者咁多負能量，就太可惜了！」土生土長，1979年參選過香港小姐，做過影后，拍的《秋天的童話》成就香港文藝片經典，紅姑也在香港找到今生最愛，所以才更心痛這一切的得來不易，「呢個地方，係香港人多年來辛辛苦苦建立，因為香港人嘅勤奮，咁愛家，先有我哋香港今天嘅繁榮，我哋唔能夠放棄香港，要為香港更加努力。」平日只用手機影相，紅姑今次拎住幾十萬的專業級哈蘇相機（Hasselblad)，走遍果洲羣島、塱原、紅樹林，也落區跑到石硤尾工廈、旺角、深水埗舊區，影人影景。



Dior連身褲及皮帶Herve Van der Straeten手鈪/Net-A-Porter

不敢問發哥

直言自己影相隨心、沒構圖、不講究技巧，但勝在「快狠準」，「如果影風景，好天氣基本上唔會大錯；如果影人，要面對人，要同佢溝通，自己就變咗一個導演，傾偈之外，仲要兼顧構圖去捕捉動作。」有冇請教好友周潤發？「我唔想煩佢，佢係發燒友，好高級，我啲相係比較隨意啲。」


沒關係　是愛啊！

54歲的鍾楚紅甜美笑容歷年不變，對被稱為凍齡美女，紅姑大叫：「唔係我講呀！我冇凍齡，其實我都冇去諗要keep住後生或者點樣，都係隨心。」愛行山、愛綠色，keep fit全靠多菜少肉，「鍾意食喺泥土上長出嚟嘅食物。」人生才過了一半，她指現時追求的愛，只要有愛，不是愛情也沒所謂，「愛情係互動，唔係想要就會有，唔，其實都唔使啦，我已經愛好多嘢，我太花心，鍾意動物，鍾意花草樹木，又鍾意去旅行，好博愛㗎喇！」



＜獅子山下＞

＜萬宜水庫＞

「鍾楚紅－To Hong Kong with Love」相展展期：24/9-14/10地點：agnès b.展場(尖沙嘴K11)



更多精采時尚內容，盡在http://add.appledaily.com。




來源: http://hk.apple.nextmedia.com/entertainment/art/20140918/18869533

---

【add】紅人主場：少時允兒　請繼續愛我

1 : GS(14)@2014-10-02 11:05:12




Pandora純銀、彩珠手鏈、戒指



韓國女子天團少女時代（少時），前日驚爆成員Jessica「被退出」，震驚韓國。這隊以長腿美女熱舞見稱的九人組合，自07年出道後，一直紅遍亞洲。24歲的少時主將允兒早前罕有在港受訪，當時少時仍然整整齊齊9人組合，允兒也表現平常，她呼喚香港fans：「請繼續愛我，為我加油呀！」又自爆有一對大細眼，果然可愛。撰文：林妙萍攝影：周樂恒造型：趙潔恆場地：中環四季酒店



韓國女子天團少女時代今年新聞多多，先有多位成員戀情曝光，近日Jessica又突爆退團。少時主將允兒樣子清純、美腿迷人，今年爆出和韓星李昇基拍拖，但無損人氣，她早前來港更穿上Lanvin露肩裙為蘋果影靚相，大騷一對強打的超長美腿。美腿以外，允兒對自己雙眼又愛又恨，她自爆小秘密，原來雙眼一大一細！「我很喜歡自己的眼睛，不過它們也令我很困擾，因為，其實我雙眼是不同大小的。」她指相片比真人更明顯，「一拍照，拍出來眼睛就會出現一大一細，看來很大分別，令我很煩惱呢。」

Lanvin黑色露肩長裙Pandora純銀、玻璃珠手鏈、戒指

■高䠷纖瘦的允兒，擁有一對迷人長腿。


我希望自己快樂

K-pop熱爆全球，韓星也競爭激烈，女團壓力更加大，如何減壓？「我喜歡靜靜聽歌，或者找人傾偈，不停講不停講，講完就沒有壓力了。」允兒表示自己和一般女孩子一樣會煮飯仔，至於將來能否成為一位稱職太太，允兒就幽默回應：「如果我可以識得煮十樣餸菜，我才會說自己是（賢妻）呀！」「不論做甚麼，我都希望自己快樂和健康！」允兒來港行色匆匆，她對香港夜景最深印象，「香港晚上有非常美麗的夜色，真的很明亮、動人，今次行程很輕鬆，我試了超多香港美食。」拍攝期間，攝影師用英語和她溝通交流，她亦熟練擺出各種甫士，允兒又驚訝發現原來香港有不少人懂韓語，「Hello，香港的朋友，多謝你們經常歡迎我，又帶給我很多笑聲，我會多些來探你們，請繼續愛我，為我加油呀！」



■少女時代2007年以九人組合出道。

■少時成員


我不公開私生活

前隊友Jessica拍過美國生活特輯，少時分隊TaeTiSeo也開拍真人騷節目，「這些或許會很有趣，但我從無公開過自己的私生活，除非，將來到了合適時候，我才會公開呢。」今年是少女時代成立7周年，多年來，她的腦海經常出現同一首歌，「很多時間，都會閃過初出道的《into the new world》，這是少女時代的第一首歌，也是我們的里程碑，因為這首歌才令我們走到今天。」



■允兒自爆大細眼。



■允兒和韓星李昇基拍拖近一年。

禁問愛情

韓星訪問一向嚴謹，所有有關她和男友李昇基愛情的問題，一律不答。至於演藝工作則相對歡迎任問，允兒曾經主演過韓劇《愛情雨》、《總理與我》，「我很感恩，也很喜歡演出和我樣子很配合的角色，不過，也幻想可以嘗試反差很大、和我外貌成很大對比的角色。」更強調自己唱歌、演戲都同樣享受，很難二選一。



更多精采時尚內容，盡在http://add.appledaily.com。




來源: http://hk.apple.nextmedia.com/entertainment/art/20141002/18886041

---

我主場：神探楊采妮　對話化戾氣

1 : GS(14)@2014-10-18 23:06:57



楊采妮最近為新戲《一個人的武林》宣傳，飾演一名屢破奇案的督察，偏偏遇上棘手連環兇殺案一直未破，要找飾演監犯的甄子丹幫忙。面對近日警隊形象下滑，她認為不能將現實和電影比較，但提到佔中話題，她強調希望有關人士能盡法溝通，以和平方法解決問題。撰文：王連連



■警方近日被指利用過份武力驅趕示威者。資料圖片

■近日警隊形象跌至新低，大家都希望四點鐘許Sir能挽回警隊形象。資料圖片

楊采妮在戲中飾演女督察，辦事能力極高，信奉槍械和高科技，她說：「我角色係覺得練武人所講嘅先練拳、次練腿係古人先講。而子丹、寶強練武出身，喺我眼中似外星人。戲中講我好有自信，因為經常破案，但遇着案件未破到，會擔心。」雖然看似目中無人，但為伸張正義不惜付上性命，絕對是警隊榜樣。然而，近日佔中運動，警方為對付示威者，頻頻出動武力，又利用催淚彈驅散群眾，近日更被媒體拍到向和平示威者拳打腳踢，警察在市民心中形象盡毀。對此，楊采妮說：「同生活好難比較，我哋係電影，有電影故事嘅設計。」



■楊采妮自言是和平主義者，她希望政府和示威者盡法溝通，解決問題。

佔中最緊要有溝通


對於佔中運動仍未解決，金鐘、旺角仍有示威者聚集，楊采妮稱自己是追求和諧和平的人，她希望有關人士能盡快溝通和解決事情：「香港係我成長嘅地方，會好關心香港嘅狀況，都會好擔心。我性格唔會同人有衝突，希望和諧和平，同朋友少少誤會、矛盾都想快啲去傾好。細個如果我激嬲媽媽，都會好想快啲傾，快啲解決。人與人溝通係好重要，互相可以將件事講出嚟，就算大家唔同意見立場唔緊要，但起碼要溝通。少咗溝通，誤會、唔開心嘅事感覺會加重。」


拍完搵王寶強傾偈


楊采妮在片中有不少追逐戲，對付重犯王寶強更頻頻以最高武力──出槍指嚇，她說：「每場戲我都係用槍指住寶強，拍完之後我同佢傾偈，話唔好意思，全套戲見親你都用槍指住你，而且唔會坐低傾兩句，希望將來再合作係拍笑片。」而跟子丹則鬥智力多，她說：「同子丹都好玩，兩個見面說話實有骨。雖然我搵佢破案，但我都唔係好信佢，因為當時佢係監犯，對住子丹信與唔信之間，尊重又唔尊重，對佢唔太友善。」問到楊采妮有沒有要求導演加動作場面給她，她笑說：「喺咁多咁叻武功嘅人面前，我唔使打啦！近年好多戲都加咗CG場面，但呢套戲我哋真功夫，子丹同寶強打到拳拳到肉，有啲場面我唔使演，但都喺現場睇。有幕講佢哋都拎住長竹打，真係好危險，大家驚佢哋受傷，睇到我好肉緊。」場地提供：Faces Music Lounge



■楊采妮在新片扮演一名屢破大案的督察。劇照

■甄子丹和王寶強在《一個人的武林》會打到飛起。劇照


花心思諗角色前傳

外表斯文柔弱的楊采妮，在片中雖然不用打鬥，但也有很多追逐戲，需要大量體力，為了多添剛強味，事前她學拎槍手勢，她說：「事前上堂學，觀察拎槍嘅人，佢哋開槍嘅人會有小動作。而且我可以開槍，之後會決定到開槍時硬朗嘅一面。」面對戲中兇狠的王寶強，事前較柔的楊采妮花心思揣摩，她說：「每次我接到劇本時都會幻想一個前傳畀個角色，加上學習開槍，會加強感覺。」戲中講到甄子丹和王寶強等人都希望爭取做「武林第一」，問到現實中，楊采妮覺得「一個人的武林」會是怎麼樣的，她說：「其實我哋每人都對一個人的武林有唔同見解，但我覺得一個人嘅武林，得一個人，會好寂寞。」




來源: http://hk.apple.nextmedia.com/entertainment/art/20141018/18903447

---

【add】紅人主場：關於周慧敏的47個問題

1 : GS(14)@2015-02-13 00:06:26





Balenciaga白色cutout上衣Tod's白色長裙Jimmy Choo銀色platform涼鞋


時尚界去年最有趣短片話題，非《Vogue》上月推出的「73 Questions」莫屬，訪問以快問快答的形式，向碧咸、Anna Wintour及一眾荷李活女星狂問七十三條問題（當然有綵排過），從中了解她／他的品味、取向。養尊處優的「玉女掌門人」周慧敏（Vivian），近期為福音碟出動宣傳，凍齡不老的Vivian今年四十七歲，我們向她問了四十七個問題，宗教、福音以外，屬於周慧敏的一些小事。撰文：林妙萍攝影：周樂恆造型：顏英儀髮型：Gricha化妝：Abby of HAiR



Michael Kors藍色花裙套裝

Marc Jacobs金色連身裙



1.今朝幾點起身？

十一點。



2.早餐食咗乜嘢？

咖啡卷。



3.如果可以令一個人信教，會係？

古巨基！



4.福音碟中最感動嘅歌？

《A LOVE LIKE THIS》。




5.用三個字定義「玉女」

三個字……自愛，仲有兩個字，溫婉、正氣。



6.最怕人叫你嘅稱呼係？

最怕，唔……女神。



7.如果可以活喺過去，你想生喺邊個年代？

我媽咪嘅年代。



8.二○一五年最怕嘅一件事？

病。




9.重聽自己邊一首歌會起雞皮？

《最愛》。



10.人生至今最大成就

可以成為神嘅僕人。



11.衣櫃內最舊一件衫？

我老公（倪震）以前送畀我嘅一件冷衫，好cute嘅冷衫，到今年都仲有着，係七彩嘅。



12.五官最唔滿意地方？

冇，全部都係阿媽送嘅，即使唔係太美觀，都滿意！



13.最滿意？

眼睛。



14.如果唔住香港，會住邊一個城市？

溫哥華。



15.畀你一種超能力，會係……

醫治能力。




16.一個字形容倪震

四A！



17.點解？

因為佢係好爸爸、好老公、好兒子同好老闆。




18.一個字形容古巨基

蝙蝠俠。



19.點解？

因為佢平時好靜，但變身之後可以好惡。




20. G.E.M.定王菀之

唔……王菀之！因為我同Ivana合作過，一定揀佢；第二係，因為我唔識G.E.M.，但我對佢都有興趣。



21.想去但未去嘅國家

印度。



22.聖經中最愛金句

We love because he first love us.



23.噚晚嘅晚餐

等我諗下先……越南粉卷。



24.火燭逃生時，只可以拎一樣嘢

手機。



25.每次聽都會想喊嘅一句話

冇喎！



26.你覺得一九八五年新秀，自己應該拎第幾名？

唔應該有名次，點解？因為唔得囉。



27.《等一個人咖啡》等人，還是被等？

被等。



28.有冇睇過《100毛》？

冇。



29.點名一個你眼中嘅玉女明星

周慧敏，唔好煩，自己認咗佢算數，唔好麻煩人哋。



30.死前想完成的一件事

無可能㗎喎，我想自己化嗰個妝（死人妝）。



31.日出還是日落

日出。




32.想同黎智英講的一句說話

多謝你咁錫我老爺（倪匡）！



33.你係咪一個慳妹？

唔係！



34.有乜嘢事可以令你剪短頭髮？

隨時都得㗎，只係髮型師阻止我。



35.上星期買過嘅一件衫

係一條網購嘅白色裙，買完之後，佢哋話似護士裙……



36.

---

我主場：楊英偉被迫轉型「諗起忍唔住喊」

1 : GS(14)@2015-03-06 09:10:50





【維基解密之黯然離場】「我哋呢個年紀嘅演員，記到台詞同埋可以演唔同角色，慳到錄影廠時間，又可以教到新人，係好值得繼續有工作。我唔知係咪生不逢時，以前演員好受尊重，但係我

---

【add】紅人主場：梁漢文　樂天好男人

1 : GS(14)@2015-03-19 09:04:54





Bottega Veneta背心、cardigan及長褲Gucci白色皮鞋


現代愛情故事充斥偷食賤男，究竟世上還有沒有好男人？屢被捧為模範老公的梁漢文（Edmond），與太太林文慧（Karen）相戀到結婚至今十六年，鮮有緋聞。Karen幾年前患癌，二人攜手走過逆境，四十三歲的Edmond自嘲越來越似住家男，分享夫妻相處之道，「一定要畀空間佢發洩！」統籌：林妙萍撰文：趙潔恆攝影：周樂恆髮型：Moe of Fifth化妝：Maggie Lee



梁漢文青靚白淨，又識彈琴又識踢足球文武雙全，理想好男人條件清單上剔剔剔，還有呢？向來主攻歌唱事業的他，最近參演新片《全力扣殺》，相隔多年再登大銀幕，全因為今次電影題材，「今次套戲係講打羽毛球，咁我又好鍾意運動，加上仲有一班識咗好耐但冇合作過嘅朋友，何超儀、鄭伊健、鄭中基、劉浩龍呀，所以一搵我就決定接。」



幽默一面

面對同片還有搞笑能手林敏驄，Edmond對自己的幽默感也信心爆棚：「一直以嚟都好鍾意拍喜劇，就算以前主持《美女廚房》，都鍾意玩有啲搞笑造型嘅project，今次個古仔係講幾個有缺陷嘅大賊坐完監，去打羽毛球改變自己，個idea幾有趣，我個造型用嘅假髮，仲似足我當年出道唱《纏綿遊戲》個髮型。」



Gucci灰色背心及綠色西裝Versace黑色球鞋

Sacai迷彩網衫



鼓勵太太

Edmond喜歡搞氣氛，想法亦正面樂天，曾將熱愛運動的個性化為愛的力量，來鼓勵幾年前患上乳癌的太太。「我太太前幾年有病，佢好番後，我就上網睇到有啲資料，話原來佢嘅病做啲提升男性荷爾蒙嘅運動，會對佢有幫助，咁啱又遇上一位泰拳教練，最早期係想因為我去玩，而令太太都去玩，不過後來打打吓，太太就去咗玩瑜伽，我就keep住一直打。」經歷過患難，Edmond近幾年也越來越喜歡家庭生活，又特別注意養生，對於夫妻之道也別有一番體會。「呢十六、七年經過咗好多階段，有唔順利嘅日子，感覺到對方嘅肯定，而慢慢建立咗好多層次，亦更鞏固。有樣嘢係好重要，有時要畀佢發洩一下，唔好成日㩒住對方，等佢有渠道宣洩情緒。」至於會否生小朋友，兩口子未有計劃，「我就冇所謂，佢（Karen）就一時一樣，有時話想生，有時又話唔好，不過最緊要係佢要養好身子，可以再等吓㖭！」



【飆高音嗌怕怕】

近年歌唱比賽節目盛行，還興起飆高音唱法，新秀出身的Edmond聽到就怕怕，「首先叫我再參加比賽我就真係唔得喇，我又唔係飆高音嗰類歌手。不過作為一個歌手，我覺得佢哋當然有信心覺得自己做得好先會去唱，至於個節目會唔會飆高音多得滯，好唔好睇就係另一個觀點角度。」Edmond透露今年將會開個人演唱會，「前幾日開始錄新歌，唱廣東歌唱番自己熟悉嘅語言係特別親切同開心！」



■Edmond月前與太太Karen去韓國旅行。微博圖片

■Edmond多年沒拍電影，接演《全力扣殺》全因為喜歡運動。



更多精采時尚內容，盡在http://add.appledaily.com。





來源: http://hk.apple.nextmedia.com/entertainment/art/20150319/19081276

---