ZKIZ Archives


濕熱易引發痱滋想快啲好可以點?

1 : GS(14)@2016-04-18 12:00:18

天氣回暖,濕熱氣候最容易出現痱滋及暗瘡,前者疼痛難擋,後者則有礙觀瞻。中醫師表示,要對付痱滋及暗瘡,除可以湯水清熱去濕外,偏方以砂糖敷痱滋確能加速痊癒,也可將中藥白芨磨粉後直接敷用。暗瘡則可以銀花、菊花、淮山及白芨等磨粉後敷面,也有清熱解毒之效。記者:伍雅謙註冊中醫師陳仿陽表示,近日轉暖兼濕氣重,容易出現濕熱疾病,臨床所見患痱滋及暗瘡的求診者也增加。濕熱不同於早前天氣寒冷引起的寒濕,因寒濕多引致關節痛症及感冒,濕熱症狀則是痱滋、暗瘡、咳嗽、唇角受損、腸胃不適、大便灼熱、小便偏黃、早上喉痛及多眼垢等症狀。經常熬夜、飲食不節制、腸胃不佳者均容易有濕熱體質,一般症狀輕微者可以湯水調理,平日應多進食水果、增加休息、飲食清淡,避免邊吃飯邊看電視,減低腸胃吸收。要對付濕熱引起的症狀,陳建議可以馬蹄2両、竹蔗半斤、茅根1両、果皮四分一塊,連同2公升清水煲1.5小時,也可加入少量肉類同煲。馬蹄有消熱潤燥的功效,對痱滋特別有效,湯方也適合一家大小飲用。蕃茄及奇異果等含豐富維他命C的食物,也能加快痱滋痊癒。民間有用砂糖敷痱滋的偏方,陳指確實有功效,飯後以漱口水或鹽水漱口後,在痱滋上敷以幼砂糖,再覆以棉花15分鐘幫助吸收,每天進行2至3次,能加快痱滋的黏膜形成,有助痊癒,要加強功效,可將中藥白芨磨粉,敷在痱滋上15分鐘,又或敷過夜,有去腐生肌之用,砂糖及白芨亦不會「揦痛」痱滋,「慢慢就唔會覺得痛」。至於暗瘡患者,陳指,大多與脾胃虛弱有關,不能單純飲用坊間只具清熱功效的涼茶,需加入健脾材料,效果才顯著,可以銀花15克、菊花15克、淮山15克、土茯苓30克、薏米15克、白花蛇舌草15克,以5碗水煲成2碗水,再加入少許蜜糖,即可分為數次飲用,有清熱健脾、去濕解毒的功效。體虛者如臉色不佳、容易腸胃不適及舌色較淡者,可調節份量,將淮山加至30克,土茯苓及菊花分別減至15克及10克。此外,暗瘡患者也可將上述材料加入白芨粉、蛋白及水,開成糊狀當作面膜敷面。若同時出現痱滋及暗瘡症狀,可交替飲用上述兩款湯水。





來源: http://hk.apple.nextmedia.com/news/art/20160418/19576209
PermaLink: https://articles.zkiz.com/?id=299420

【馮仁昭四圍超】DaDa抱外甥女求愛:想快啲生

1 : GS(14)@2017-02-06 07:28:06

陳靜(DaDa)噚日拋胸露4寸事業線現身支持ViuTV活動,同場仲有鄧洢玲(阿旦)、王貽興、梁奕倫、余迪偉等節目主持。好耐冇露面嘅DaDa,帶埋3歲外甥女到場,但佢哋個樣有九成似,唔講仲以為係佢個女,DaDa話:「今個新年都湊女,?家係熟手保母,自己都想快啲生,要有段好姻緣先,我屬蛇,聽講今年姻緣、愛情、工作都好。」上年同台灣男友甩拖後,DaDa一直未有新戀情,佢自爆好心急想拍拖:「都停咗好耐,冇乜機會識新朋友,見嚟見去都係老朋友多,以前緣份都喺外地,?家想搵番香港男仔。」



■ViuTV噚日舉行記招,眾主持都有出席。

■阿旦低胸露bra邊,側邊又見帶。


搬返家飲靚湯


DaDa話想搵個男友可以幫手照顧到屋企人,如果過多兩年仲搵唔到嘅話,就會去相睇。而DaDa近半年搬返屋企同家人住,佢話:「冇個人特別原因,只係純粹可以互相照顧。最初都唔慣,獨立咗咁多年,?家一日三餐好幸福,日日有靚湯飲好溫馨,任何關係都畀唔到呢種感覺我,想儲多啲錢,買間大啲嘅屋同屋企人住。」另外,阿旦主持嘅《啪啪聲太好聽》會繼續拍多半年,節目探討性愛為主,其中一集講梁奕倫去一樓一撳鐘仔,阿旦自爆以前嘅男友曾經出軌偷食:「幾愛都會斬斷,唔可以忍一世,但女人都要自我檢討,可能性知識唔夠又或自己太差,男友先有機會外求。」撰文:馮仁昭




來源: http://hk.apple.nextmedia.com/entertainment/art/20170206/19919071
PermaLink: https://articles.zkiz.com/?id=325676

Next Page

ZKIZ Archives @ 2019