ZKIZ Archives


讀者質素是筆者最上心的 止凡

來源: http://cpleung826.blogspot.hk/2015/06/blog-post_7.html

話說與止凡在imoney同寫一個專欄的財叔於今期imoney出文,文章是講述有關劉鳴煒的訪問,當中亦有談論引起全城關註的概念,就是劉生舉例指月入萬五元的年青人,應該多犠牲消費娛樂,由月儲500元提升至3000元,買樓機會就會大增。這言論被公眾聲討,指其概念「離地」,引起一場風波。



財叔的文章就是討論劉生這個概念,把一些新鮮一點的思維帶給讀者,例如單人儲蓄未必可行,年青人可以考慮與愛人一起儲蓄,首期三成未必是唯一可行的目標,拿一成首期也是可以的。就以此類言論,嘗試替社會註入一點正面思維,與讀者腦震盪一下,增加大家解決問題的考慮方法。

有趣的是,當文章被節錄出來並貼到imoney facebook page上,至今天有幾十個留言,八成以上的留言內容都是偏向負面的,不少留言更頗不客氣,下面節錄了一部份出來讓大家看看:

『你講儲幾多都得啦,駛鬼你教吖。問題係你嘅人生咪得層樓,同埋宜家嘅樓價係癡嘅,唔抵都要食麫包走去買?一個畸型嘅社會,講到歪理係真理。』

『你唔係唔識計數,不過唔係好識房貸政策,一成首期,你自己都識計要月供過萬,三成首期月供八千,但月入萬五,供款入息比超過五成,一開波就唔過壓測,點上會?而且你無啦啦減低個銀碼又400萬去到300萬,300萬買到咩樓呢又?仲要係iMoney出埋d連基本金融知識都唔識既文,iMoney既水平真系…』

『萬五儲一萬無話唔得,您$1家用唔使俾,帶埋飯返工,絕對可以』

『仲要唔好進修,大學時唔好借 Grand Loan, 唔好諗拍拖,一係拍住拖先但唔好出街……』

『小學雞文章,笑9死人咩,連基本知識都無,真係離地無限遠』

『imoney再出埋依d咁既垃圾文真係趕客……』

『依個雜誌打手!幫啲離地嘅人補飛,寫啲硬著陸嘅嘢!……一編文章都袋幾皮啦!咁你係咪寫一百編就可以一炮過買樓??人哋用400萬月儲3000嚟計,你就用300萬月儲5000嚟計!!』

『係囉,龍門點搬都得架,唔夠數揾十個人同你一齊供呀笨』

『講到唔洗用錢咁喎,作者到底知唔知咩叫做通脹,仲有比家用父母?到底賺幾多月薪先儲到一個月五千蚊?』

『廢人廢 up,好多知音人已吊,我都唔徙時間;想問下:律師費?(什麼愛人一齊儲錢都寫得出,唔爭在認個律師契哥啦)裝修?(睇怕佢又會教你:自己上youtube 學囉)印花稅?(認埋689做契弟囉,佢果四球英磅收得咁過癮,嘔返d出嚟啦)』

『係呀,講得巖,你講個方法ONLY俾到「首期」.... 而買樓,係買左成層樓,假設你 3000X12個月X12年=40萬首期 咁一層400萬既樓,係咪要100年左右...?』

『磁能線,係人都識計啦,問題唔係呢樣囉!唔好話一個月儲哂份糧?』

『梗係叫你死儲爛儲,用曬成世人生同積蓄儲,唔係作為地產商點做大富豪?』

『以前用筆名就型,而家名都唔敢講,其實係咪俾d小學雞投稿?為撐而撐,係埋想大劉請你做顧問就唔駛做?』

『我覺得月儲2萬,政府話唔交稅就唔同』

『無話唔得,只係人生為左供樓,值得咩?而現今樓價高企,又值得買咩?唔好成日覺得年青人唔捱得怨天尤人,this is not a fair game,如果年青人都早二三十年出世,趕上香港起飛既黃金時代,今日成就可能比無數指指點點既中坑好,但年青人唔會咁講,因為過去不可追,而打咀炮亦無用,年青人只係要過正常生活,但財叔你明咩叫正常生活嗎?讀完書儲錢供三十年樓然後退休等死?通向平庸之路是如此煉成的,香港人真幸福』

『只要放棄一切娛樂一切目標,只要想著誠哥快樂就等於你快樂』

『—個月3000元,一年3萬6,10年36萬,30年才98萬,點買』

『要儲存可能一萬都得,但你過緊乜野生活呢呢十幾廿年?人又有幾個十幾廿年?別忘了,這只是首期.......』

『連imoney都離地。本身期期買,睇黎都係唔買好過』

『儲一成要12年,咁供九成』

『好有智慧既一本財經雜誌,好有智慧既一個專欄,的確,月儲三千,根據專欄既計法真係買到樓,但係係起12年後買到今日既樓,請問專欄作家寫呢篇文之時,有無將樓價升值既數計埋入去?定係作者有信心12年後會有人發明左時光機,可以回到呢個時代買樓?』

『好多經紀出口術。』

『呢位仁兄比小劉生更離地』

『未計裝修呀傻佬』

『搵萬五蚊原來買到樓咁利害嫁!當你真係咁叻仔儲到首期!月供一萬零幾!水電煤唔洗交?又當你咁叻仔交到唔洗食嗎?又當你每餐都有人請你!供完樓交埋水電煤仲夠錢搭車返工咩?』

『廢文一篇』

『還想補充,作者話儲3000可以買樓唔算離地,儲5000才更離地,好明顯你連人地話佢離地既意思都攪唔清楚。你建議兩口子每月儲5000……可買樓這方法明顯比儲3000搭實,人們話佢離地唔係話儲3000難,而係儲3000想買樓在香港係無可能,連兇宅你都唔使諗……其實月入萬五,一年去一次旅行,行街睇戲食飯樣樣做齊,都一樣每月儲到3000。其實作者都講得好啱,兩個人儲一萬係有機會買到樓,不過你咁講不是等同於否定了劉鳴煒儲3000元可以買樓一說嗎?你其實表面上係幫劉鳴煒講說話,本質上又唔應同佢講法,還想教訓人家對劉的批評!真的希望本文作者可以睇到我的回應』

『唔好話壓力測試,律師,經紀,厘印,裝修費全部都未計。imoney 炒左呢個咁冇水準的作家,炒埋通過呢編垃圾的 editor啦。我覺得要買樓首先唔好浪費寶貴的時間在imoney。』

『咁我話你知,只要有人斷六親,訓街,行路返工,摷垃圾食,借體育館沖涼,唔上網唔用iphone,睇戲去日本呢d高消費免提啦。慳埋家用衣食住行咁你應該月儲12000以上,三年唔使就上陰宅添啦,仲首期?』


有趣嗎?看到這些留言,大概可以知道留言者的思維,有些留言批評財叔不懂買樓計算之類,更在留言中展示自己的計算證明如何不可行,我想他們連財叔是誰都不太清楚吧。有如此高手「袋錢入你袋」也收不到,看到這種情況,真感悲哀。



昨天,我把這個page分享到《取之有道》facebook page,至今天都有十多個留言,我發現所有留言都是正面的,就算有點不認同,也是較理性的提出質疑與討論,我又把留言節錄了出來:

『社會就係要有呢班無腦嘅人,先可以有人墊底,多謝嗰班廢人。』

『大家都只專註在「樓價貴」「儲蓄等於無娛樂及要節衣縮食」,都忽略了儲蓄的意義和學習理財的重要性。』

『謝分享明顯地成功嘅人只會用時間諗下點樣做到!失敗嘅人只會花時間批評別人!』

『金句:目標很難達到便斷然放棄,其實只會離目標愈來愈遠;當然這可以是你的選擇,但就不要怨天尤人了!』

『當批判現時年輕人既時候應該諗下係邊個造成佢地有咁既諗法,係唔係就係一班所謂成功人士呢?以前我第一次食自助餐同坐飛機旅行係大學part time搵到錢先去到,但依家呢?好多幾歲已經去歐洲玩,要咩有咩,唔駛自己爭取又點會珍惜?』

『我把每期你和財叔的文章都影低番看再番看的,越看越有味道』

『從年輕人的反應可知, 叫他們放棄享樂儲蓄是很離地的。』

『首先我強調買樓真係要衡量自己能力, 唔好夾硬買, 我同意財叔所講儲蓄至少達到月供的額度先好考慮買樓。但我諗離地論呢點應該係財叔誤會左網民意思, 網民唔係話月儲三千係不可能任務誇張到離曬地咁解, 而係月儲三千同儲五百都係無可能買到樓。而劉生就叫人月儲三千去買樓所以先比人話離曬地食米唔知米貴』

『每月三千蚊其實個複利息威力好龐大,以十年為期,求其篤隻ETF最終回報都唔只首期,我曾經向人解釋,但明白嘅少之又少』

『儲錢買股唔買樓都係一個選擇,用好股增值首期買樓。』

『思考焦點錯曬,財叔袋錢入你袋都唔識執! 與其諗個game有幾難玩,不如將焦點放響點玩好個game啦』

『心態註定成敗』

『其實每個人都有選擇的自由。人地做到,點解唔諗下點解自己做唔到?其實有很多八十後已靠自己能力,無父幹買樓。點解人地有五萬人工,自己得萬五?那些留言,只能看到性格思維改變命運,真的不要怨天尤人!』

『人工會加上去,樓價吾會永遠向上,無準備,就算去到一百萬都買吾起』


分享最重要是遇見知音,在這個平臺上,遇知音及同路人,我一向都沒有難度,因為沒有相近理念思維的blog友都早已被「悶」走了。這個小天地,論人流不會是最多,但論質素,我敢說是數一數二的,不是指文章質素,而是所凝聚的blog友質素。我不知道imoney的編者們會否看到這情況,其實他們不時都有來看看文章的,不知道他們會有何感覺呢?
讀者 質素 筆者 上心 止凡
PermaLink: https://articles.zkiz.com/?id=152185

好不主席:「上頭」「上心」

1 : GS(14)@2012-07-13 00:44:04

http://hk.apple.nextmedia.com/financeestate/art/20120711/16503045
好不 主席 上頭 上心
PermaLink: https://articles.zkiz.com/?id=280227

工作太上心 難放鬆休息 九成上班族 疲勞礙生活

1 : GS(14)@2015-07-07 08:33:11

【本報訊】上班族因身心疲累、周身痛兼失眠等種種不適,每日恍如「喪屍」般返工的情況原來很普遍,一項調查發現逾九成受訪者常受疲勞問題困擾,影響日常生活,並不健康。有醫生指,港人普遍對工作「太上心」,以致憂心工作難放鬆,要踢走疲勞,應培養良好生活習慣,放工後要懂得把公事與壓力放低,好好休息。記者:李詠希、梁麗兒一個市場機構今年6月訪問508名30至59歲市民,當中94%表示間中或經常感到疲勞,逾八成人過去一年出現肩頸、腰背痛等肌肉痛問題。63%有失眠等睡眠問題困擾,29%感到有精神壓力,壓力元凶主要是長時間工作、承受沉重工作壓力,其次為睡眠不足及睡眠質素差,也有人表示因照顧家庭感疲勞。



假日補眠越睡越累

調查發現受疲勞影響,74%人放工後或假日無心情外出,超過80%分別覺得疲勞影響體力、工作表現,並令人面容憔悴,甚至容易生病。整體中有一半人認為睡眠為解決疲勞最有效方法,但有71%人認為放假「瞓耐啲」無法消除疲勞。家庭醫學專科醫生朱偉星表示,當身心也受影響,新陳代謝會下降,令細胞能量不足,致身體缺乏能量及出現疲勞,例如有怠倦感、肌肉痠痛等。若感到嚴重疲勞超過6個月,或是患上「慢性疲勞綜合症」,即使休息都不能改善疲倦,常見症狀包括頭部及周身痛,如喉嚨、淋巴腺、肌肉及關節疼痛。礙於睡眠不能改善新陳代謝問題,故假日補眠未必有用,朱指,休息過多隨時會「越瞓越攰」,良好睡眠質素才是關鍵,「因為瞓覺係畀大腦深層放鬆,停止日間運動,只要做到深層睡眠3次,每次30至45分鐘,瞓5至6個鐘已夠打全日仗」。部份人只是在床上滾來滾去,即使睡10多小時也不足夠,翌日會更累。減壓也能對抗疲勞,例如勤運動、保持心境開朗等,另要避免做全天候的工作狂,放工後要放低公事,避免影響休息及與家人相處時間,「做嘢頂多做10幾個鐘頭,但係憂心係24小時嘅事」。朱認為,本港大多僱主目光短視,誤解工時長,就可提高生產力,但忽視僱員過度疲勞也可影響工作效率,建議要讓員工有多節休息時間,增加工作空間,讓員工有舒適工作環境。港人經常外出飲食也影響營養吸收,朱指,蔬果、穀類食物蘊含豐富維他命,有助對抗疲勞,建議市民不妨多吃,或多在家中烹調健康餐進食,增加相關營養吸收。



6招紓緩疲勞

1多做運動2少飲含咖啡因、酒精飲品3避免吸煙4維持均衡飲食,多吃蔬果及穀類食物5保持良好睡眠規律,補眠未必有用6適當減壓資料來源:家庭醫學專科醫生朱偉星





來源: http://hk.apple.nextmedia.com/news/art/20150707/19211348
工作 上心 放鬆 休息 九成 上班族 上班 疲勞 生活
PermaLink: https://articles.zkiz.com/?id=291290

二五中環 萬南 富豪榜排名 有錢佬好上心

1 : GS(14)@2017-09-25 04:25:13

http://www.metrodaily.hk/metro_c ... %E4%B8%8A%E5%BF%83/

每年中外傳媒都會公布富豪榜,不過好多上榜富豪,對外普遍都話唔關心自己排名高低。少年,如果你相信的話,便太天真了,事實上佢哋不知幾咁緊張。就以最近騰訊(700)主席馬化騰爆料為例,話說有日信和(083)第三代太子爺Daryl黃永光主動約小馬哥食飯,查實二人唔多熟,主要係請教佢,問吓有乜科技好投資。
小馬哥問黃永光點解忽然咁恨投資科技,原來facebook有位聯合創辦人Saverin移民新加坡,聞說身家已追貼身為新加坡首富信和黃氏家族。Daryl坦言家族喺新加坡打拼60幾年,身家唔可以畀一個連名都講唔出嘅人趕過,所以要喺科技領域急趕直追。而Daryl老豆黃志祥更一馬當先,飛去科技出晒名嘅以色列搵投資機會。
其實除咗黃志祥家族咁緊張富豪排名外,每逢有大型機構公布最新富豪榜,好多老闆都會第一時間叫同事計數,睇睇有冇計少自己身家。萬南知道有年某位超級富豪第二代,因為有雜誌僅以上市公司市值計算身家,而佢以私人公司持有好多海外物業,基於遊戲規則未被計算,結果呢位富二代唔多高興,搵旗下年薪過千萬嘅高層做說客,多番要求雜誌考慮更改計算資產辦法。
最後雜誌當然冇理佢,事關順得哥情失嫂意,一百個富豪有一百種對自己有利嘅計算資產辦法,改得一次就好大鑊,隨時被人奪命追魂Call,要求更改富豪榜排名。
另一方面,近年多咗好多強國富豪入榜,聽聞佢哋仲過癮,將自己上榜嘅消息大事宣傳,驚死人唔知佢哋幾有錢咁款。有朋友借勢恭喜佢嘅話,佢就誇口話計少好多自己身家,甚至「考慮」告雜誌社,最終梗係吹水唔抹嘴啦。
二五 中環 萬南 富豪 排名 有錢 佬好 上心
PermaLink: https://articles.zkiz.com/?id=341460

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019