📖 ZKIZ Archives

上周更新 (19 May - 25 May) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/19-may-25-may.html
組合單位值: 92.16
組合週回報: +0%

上週組合加入信星集團(1170), 加注大快活(52); 沽清置富(778), 聯想(992). 目前現金水平約18% (前週12%).

上星期一指數急升過400點, 其後連跌4日, 已經跌穿月頭起步位. 港股今轉調整主要由日股帶動, 日股單計今年曾經一度升近5成, 累積升幅如此大, 就算高位急跌過千點, 都可能只係短期調整, 不必過份恐慌. 不過日元, 債息同告回升, 早前受惠放水概念而升得甚勁既本地REITS應該會進入回氣期, 暫時不宜沾手.

聯想星期四公佈去年業績, 全年收入33.8億, 季度收入7.8億. Q4乃傳統淡季, 但銷售環比下跌16%, 則比去年差. Q4毛利率擴至12.3% (Q3: 11.77%/Q2: 12.11%), 比想像中理想, 帶動全年核心盈利升23%至5.7億, 比個人預期稍好. 現價$7.38往績P/E 約17.4倍, 個人預期2014年純利約5.9-6.4億左右, 即預期P/E 最低15.5倍, 估值中等.

聯想業績算不錯, 個人電腦市場我從來都認為不用擔心; 不過要市場給予聯想一個偏高估值, 則一定要視乎公司手機業務能否保持強勁增長. 內地智能手機繼續普及相信毫無懸念, 聯想手機銷售增長理想, 但若然要繼續提升市佔率, 面對強勁對手, 難免會有割價壓力; 如果因此主題而給予聯想過高估值其實並不合理. 所以若然純粹搏內地手機概念, 其實倒不如買手機零件製造商會更好.

組合買入信星, 純粹係因為公司客戶之一SKECHERS第一季銷售增長理想, 搏今年要回補庫存, 信星應該可以受惠. 注碼不敢落得大, 因為只知SKECHERS係信星其中一個大客, 但實際佔公司生意額多少則無從稽考; 而且信星零售業務仍處放血階段, 對業績影響甚大. 今次買信星投機味較重, 而且起碼要等到11月公司公佈半年業績先可以知道賽果. 半年流流長可以慢慢買, 第一注就唔駛太搏.

今星期指數雖然下跌, 但熱炒股份為數不少, 反映資金仍然留戀股市, 暫時不用睇得太淡. 相信機會處處, 自己提升現金水平後, 目前已鎖定好目標準備隨時再衝入場. MSCI今個星期五收市前要完成換馬, 預期當日永亨(302)會面對強勁沽壓, 但就算股價是否大跌, 都應該先買第1注; 恆指新貴銀娛近期隨指數回落, 但如果跌得過份, 愈接近換馬日, 值搏率其實又有所提升; 三隻本地餐飲股大家樂, 大快活及稻香上星期已經開始不斷破頂, 求大注搏大贏, 三者乃近期上佳選擇.
PermaLink: https://articles.zkiz.com/?id=56178

上周更新 (2 Jun - 8 Jun) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/2-jun-8-jun.html
組合單位值: 91.94
組合週回報: -2.51%

上週組合加入永亨(302), 網龍(777), 創科實業(669), 銀娛6月$40 CALL OPTION, 加注稻香(573); 沽出部份理紙(2314). 目前現金水平約1% (前週23%).

恆指本星期大跌3.6%, 組合跟隨回落. 指數表現欠佳, 但用心感受, 會發現市場絕非一面倒恐慌. 個人觀察名單中, 市值較大如申洲(2313), 銀娛(27), 創科(669), 港燃(1083), 合生元(1112), 龍源(916), 信義(868), 瑞聲(2018); 或市值較小如網龍(777), 金山(3888), 信利(732), 舜宇(2382), 亞衛(1045), 聯泰(311)等等於今次跌浪中仍算守得不錯. 尤其當指數看似跌得勢兇夾狠之際, 有部份股票低位往往承接力甚強, 更甚至可以組織反攻, 仍然有人夠膽買, 要話今次調整係另一次股災前奏, 我認為證據不足.

前週提升現金比重後, 加上深信仍有大堆股票有可能發圍, 自己今個星期打法變得相當進取. 如早前所講, 投機性買入永亨(302) - 雖然作戰期以三個月為限, 但純靠NAV做買入考量, 愈跌愈低時根本一定唔會捨得沽出, 所以有可能係會步上不歸路, 注碼適可而止. 銀娛調整, 提供左一個幾唔錯既買入點去搏染藍前最後一星期股價會重新發力. 正如早前所講, 今次搏銀娛屬特殊事件, 非常時期用非常手段, 用期權肯定會比正股好. 索性用組合0.5%-1%去放手一搏, 目標起碼對開對半.

網龍今年首季手機網上業務總收入1.45億, 環比上升42%. 收入主要源自手機廣告及手機遊戲兩大類別. 前者季度收入70M, 環比上升18%, 同比上升200%, 締歷史新高; 後者季度收入68M, 環比上升47%. 野村早前發表研究報告, 引述管理層預期相關業務今年可以錄得理想增長, 全年收入達6億至8億人民幣. 假設網絡遊戲業務可以維持Q1表現, 即公司全年收入約14.5-16.5億; 純利率保持, 今年最高賺3.5億RMB, 現價預期市盈率約21倍, 以增長股而言, 估值可以接受; 控制注碼, 作中短線持有.

其餘持股方面, 趁稻香調整, 於$5.6左右加注, 目前已經買齊, 靜侯再次破頂; 本來星期一已經沽出部份港燃套現, 但後來見整個燃氣界別於今次指數調整浪中表現相當硬淨, 決定買回; PMI數據+兩份大行報告將理紙(2314)打穿近期橫行區. 市場明顯睇法有變, 就算幾有信心, 都唔可以太一意孤行. 理紙估值唔算昂貴, 減輕注碼後索性合埋眼, 再坐遠一點.
PermaLink: https://articles.zkiz.com/?id=58240

上周更新 (9 Jun - 15 Jun) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/90.html
組合單位值: 90.77
組合週回報: -1.27%

上週組合加注網龍(777), 買入銀娛6月$39 PUT OPTION; 沽出銀娛6月$40 CALL OPTION, 時代集團(1023). 目前現金水平約3.8% (前週1%).

恆指上週再跌近3%, 反彈無力之餘恐慌情緒更有蔓延跡象. 星期四早市頭半小時可算係今年最恐慌既一個交易時段, 當時基本上不論強股弱股一概被大舉拋售. 當日出現小股災, 領匯低位大舉反彈算係亮點所在. 今次跌浪中領匯等REITS屬第一批大跌股票, 可以暫時扭轉劣勢, 證明當時情況並非太壞, 無需急於跟風斬倉. 而最後下午連其他股票亦開始由低位反彈, 算係暫時脫險.

自己前週觀察, 發現跌市中仍有大量股票仍然高位徘徊, 因此決定提升持倉水平. 今日檢討, 當日所謂撈貨行動其實足足早左接近兩星期. 指數上週繼續跌得如此急如此勁確實出乎自己預期, 而且上星期五個股反彈力度普遍不足, 更加值得提高警覺. 整體投資氣氛繼續轉差, 難保強股遲早都會遭到拋售. 經過上星期後, 股票估值偏貴的話其實已經有減持必要. 自己持倉中網龍(777), 創科(669), 港燃(1083)估值都係算貴, 雖然後者業務上有一定防守力, 但以目前市況而言其實無必要持倉太重; 寧願明早適度減持, 輸少當贏.

銀娛今個月有染藍因素令其股價大幅跑贏其他濠賭股如金沙(1928), 新濠(200)等. 尤其若以金沙作指標, 銀娛更加顯得強得不合理. 恆指新貴表現特佳, 連我都睇到, 相信市場上有更加多投資者有參與玩呢個PARTY. 星期一指數變動正式生效, 我非常懷疑究竟仲有冇人會於如此高位繼續追買銀娛. 股票無買盤推動, 最終只有下跌一途. 自己星期五收市前沽清銀娛CALL OPTION後隨即反手開PUT, 注碼不多, 純粹搏銀娛係另一個聯想翻版, 染藍後股價由高位大幅回落.

信星盈喜通告無甚特別, 股價急升一段後便倒跌收場, 27號公佈業績, 屆時再作分析; 本地餐飲龍頭大家樂會於25號公佈業績, 對重倉成員大快活年度表現有一定啟示作用. 績前就無謂加加減減, 維持倉位.
PermaLink: https://articles.zkiz.com/?id=59311

上周更新 (16 Jun - 22 Jun) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/06/16-jun-22-jun.html
組合單位值: 89.70
組合週回報: -1.18%

上週組合買回時代集團(1023), 加入中海外(688), 恆隆地產(101); 沽出銀娛6月$39 PUT OPTION, 減持港燃(1083), 創科(669), 網龍(777), 稻香(573). 目前現金水平約2% (前週3.8%).

恆指上星期繼續乏力反彈, 進一步下試20,000點. 觀察個股表現, 一份無甚特別既報告竟然將舜宇(2382)打殘; 申洲(2313)趁高抽水, 最終亦失守配股價; 強中強銀娛(27)星期五亦出現大幅度下跌. 強股愈收愈窄, 剩下既被逐隻擊破, 並非好事. 指數星期五低位出現反彈, 但2,3線股票明顯跟唔上, 整體氣氛其實並無改善. 指數一日未能重上21,400, 應該要減低持倉水平, 降低心理負擔.

自己周初已經著手減持股票, 最佳做法都係隻隻沽少少; 最唔想沽都係稻香, 但因為此股盤路太疏, 趁有高位點都要酌量減少少. 雖然已經放棄睇好, 但臨近月尾, 其實可以考慮下搏出現技術性反彈. 當然如果搏反彈就一定用藍籌大股, 跌得最急果隻值得優先考慮. 富時指數調整比重, 中國海外(688)有明顯沽壓; 搭多隻恆隆地產(101), 拎星期五低位做止蝕, 投機性買入.

有幾個SECTOR其實應該仲未死得住, 如手機零件, 科網及燃氣. 瑞聲股價開始轉弱, 且看今星期有否機會趁低吸納; 至於之前提及過既信利(732), 相對上技術優勢不高, 自己預估今年估值起碼都13倍, 唔算特別便宜, 決定放棄.

雖然開始降低長線持倉比重, 但餐飲界別自己仍然有一定信念去堅持. 稻香業績啟示本地餐飲業人工增長放緩, 若然加上食材價格受控, 毛利率改善的話, 整個行業利潤都有機會提升. 今個星期比較關鍵, 且看翠華, 大家樂, 大快活業績如何, 再為組合持倉定去留.
PermaLink: https://articles.zkiz.com/?id=60459

上周更新 (30 Jun - 6 Jul) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/07/30-jun-6-jul.html
組合單位值: 90.22
組合週回報: -0.0%

上週組合加入中石油(857), 維他奶(345), 瑞聲(2018); 減持路訊通(888), 賣出中海宏洋(81). 小注短炒世房(813), 微蝕離場. 將招行(3968), 工行(1398)即月PUT OPTION平掉, 換馬至安徽泥(914), 江西銅(358)即月PUT OPTION; 將中建材(3323)即月PUT OPTION行使價不斷下移, 繼續持有.

上星期恆指先見21,000然後急劇回吐, 最後兩日又可以急升超過700點, 價位波幅之巨, 上落步速之快, 極難捉摸. 用心感受市場, 其實來來去去大家都只敢炒指數股. 所謂強股, 其實早已所剩無幾. 合生元(1112)之死, 除反映於大陸做生意容易受政策風險影響, 中國模式, 國進民退之外; 港股目前相當相當難炒, 亦係一大問題.

恆指"高倨"兩萬點樓上, 但國指早已除除向下, 往2011年低位進發. 就算不計科網股, 其實仍然有甚多股票遠高於2011年低位. 信手拈來, 中國建築(3311), 金沙中國(1928), 中海外(688), 新奧燃氣(2688), 恆安國際(1044), 信義(868), 創科實業(669), 申洲國際(2313), 莎莎(178)...但相反, 亦的確有一堆股票正向當年低位邁進: 建滔(148), 理文(746), 馬鋼(323), 中國龍工(3339), 重慶機電(2722), 至於內地消費型百麗(1880), 達芙妮(210), 利邦(891)等等早已仆直更加不在話下.

唔得既股票會繼續唔得, 有好一堆公司自己睇得相當淡, 延續中國無運行主題, 淡倉三寶水泥兄弟搭江西銅, 應該都算係今個月長沽之選; 但另一方面, 就算得既股票, 亦唔知邊日會隨時變成賤過地底泥. 合生元(1112), 舜宇(2382)便屬最好例子. 自己都開始有D迷惘, 究竟現時仍買進估值貴至完全無出錯空間之維他奶(345); 或者以$40以上價錢買進瑞聲(2018), 是否將組合自行引爆之導火線?

太多UNKNOWN, 又唔係非持有股票不可, 立心迴避風險, 其實最佳做法係儘快將錯誤修正, 覺得有疑問的股票就不如斬左佢就算數. 相對美股仍保牛氣, 香港太多股票正在拉牛上樹, 實在很難說服自己現時在牛市之中. 買正股炒唔起, 做淡倉又隨時俾人挾到嘔電, 自己實在未想到有更好應對方法. 淡倉當然會繼續持有, 但就無謂亂咁加注. 無端端買大左, 輸起上黎心理上比買錯股票更難過.
PermaLink: https://articles.zkiz.com/?id=63843

上周更新 (7 Jul - 13 Jul) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/07/7-jul-13-jul.html
組合單位值: 91.17
組合週回報: +1.05%

現金水平: 4.8%

上週組合加入聯泰(311), 亞衛(1045), 恆地(12), 聯想(992), 中海外(688); 加注信星(1170), 重新加入中石油(857). 賣出維他奶(345), 瑞聲(2018). 小注短炒世房(813)失敗, 中海外(688)失敗; 中石油(857)成功, 潤地(1109)成功, 恆安(1044)成功. 期權方面, 安徵水泥(914)即月PUT平倉; 江西銅即月$12 PUT繼續持有; 趁中建材(3323)反彈開即月$6.75 PUT.

上週比較多短炒, 先做賽後檢討:

1. 星期一低位接中石油(857), 當時股價$8.65, 拎當日低位$8.6止蝕, 上望$8.8左右, 最後成功達標, 而及後再升, 只屬後話;

2. 星期一同一時間分注出擊潤地(1109)與世房(813)兩隻內房, 前者$20.15買, 止蝕放當日低位$19.8, 翌日$20.7沽出; 後者$14.46買, 止蝕同樣放當日低位$14.28, 翌日升幅竟然跟不上兩隻龍頭內房, 及後更加自行倒地. 觸及止蝕位但走唔切, 輸多左幾格. 總結兩隻內房一勝一敗, 來回得個吉.

3. 星期二恆安(1044)無厘頭低開近3%, 無特別新聞, 當然紮衡馬衝入場. 開市後見低位回升, 正路當然立即追買. $78.65買, 止蝕放當日開市$77, 結果$80.25沽出;

4. 星期三指數一下子挾上21,000點, 見如此情況當然追貨. 追買藍籌中最有信念兩隻: 中海外及中石油, 另加農地催化劑恆地(12). 結果當日走勢超級飄忽, 十分鐘內指數由升300變幾乎倒跌, 收市前又升返兩舊. 可惜當日短炒其中兩隻中海外及中石油早已被震走.

總結幾個短線交易, 好多都係一蚊搏一蚊既交易, 問題不大. 當然要考慮埋交易費用, 但以當時市況如此又快又飄, 可以選擇唔賭; 但若然參與, 短炒其實係唯一出路.

不過經過上星期幾日好淡角力後, 星期四指數出現大成交裂口上升, 短期都一定係睇上. 星期五小幅調整, 係一個幾好既上車機會. 趁機減低現金水平, MARK實幾隻大股; 寧願放遠少少止蝕位, 都要一定要買.

雖然追買大股, 但基本概念仍然未變. 中國相關股票如內銀內險證券股, 暫時係點都唔買, 所以變相自己會小左好多選擇. 中石油(857)基本因素扭轉, 2 Jul大成交裂口上升後一直無回補跳空位意慾, 買大股的話係根本無可能走甩呢隻. 自己決定於$9.2左右買回, 寧願預輸6毫子, 都要重新上車;

恆地(12)情況類似, 農地算係少少催化劑, 5 Jul大成交裂口升穿6月大跌後整固橫行區, 本地地產股要PICK一隻寧願揀跟4叔買; 中國海外(688)賣樓數字理想, 市場反應正面, 11 Jul大成交裂口上升, 次日亦未有回補意慾, 立即買回; 聯想(992)個人電腦市佔率稱霸地球, 小注投機性持有.

大股之外, 組合亦加入聯泰(311)及亞衛(1045). 兩者皆會於8月份公佈中期業績, 先行小注進場; 剔出瑞聲(2018)及維他奶(345), 主因係前週買入時明顯太衝動. 兩股估值已升至沒有任何出錯空間, 揸得唔舒服, 倒不如唔買. 星期一微蝕離場, 事後睇係執番身彩.

開始加注信星(1170), 自己有少少信心, 逐個禮拜慢慢買, 主因係交投問題, 不能一次過買太多; 網龍(777)走勢甚有股王風範, 熊市中難得既牛股. 雖然不可能買得大, 但點都繼續持有.

雖然目前大市基本上已經無太多強股或領導股, 但燃氣界別走勢則明顯轉強. 中國燃氣(384)升勢甚勁, 週線圖亦準備突破, 應該多加注意; 另外味千(538)剛公佈同店銷售數字比首季理想, 實地觀察, 本地店午市亦要排隊等位; 早前品牌遭受嚴重破壞, 但銷售網絡仍然強大, 挽回食客信心後有機會扭轉長期弱勢.

期權方面目前只有江西銅(358)及中建材(3323)淡倉, 約佔組合0.7%. 睇淡中國大方向不變, 但短線可能會走走位, 畢竟現時已經係月中, 時間值流失速度可以甚快.
PermaLink: https://articles.zkiz.com/?id=65981

上周更新 (14 Jul - 20 Jul) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/07/14-jul-20-jul.html
組合單位值: 89.00
組合週回報: -2.38% (YTD: -1.47%)

現金水平: 1.9%

組合持股變動:

  • 中線 - 增持 信星集團(1170)
  • 短線 - 加入 味千中國(538)
  • 短線 - 加入 中國軟件(354)
  • 短線 - 加入 華潤燃氣(1193)
  • 中線 - 剔出 網龍(777)
  • 短線 - 減持 聯想集團(992)
  • 短線 - 減持 恆基地產(12)

組合上週短炒:

  • 網龍(777) - 失敗 (組合虧損 -0.16%)

組合期權變動:

  • 買入 - 恆基地產(12, HLD) 07/13 46.00C


自己立定短線看好, 上週減少短炒, 專心坐貨. 重點繼續增持信星(1170); 另外亦加入味千(538), 經營固定成本高, 營業額見底有機會帶來營運槓桿. 當然目前復甦力度並不算強, 估值亦甚貴, 所以操作上只好見步行步: 先入一注, 希望八月份中期業績會再有啟示.

組合週回報-2.4%, 相對指數, 大市而言表現算差. 網龍(777)高位大幅回落影響甚大; 其次短線倉位中海外(688)及亞衛(1045)本週調整亦拖低組合回報. 由於兩者仍未到止蝕位, 目前唯有繼續死坐.

網龍接刀失敗, 最後止蝕離場. 交易過程中, 仍有地方值得記存. 當日早上自己亦有留言:

PARTIPRAL 派得好 said...

網龍將91業務售予百度，意味上市夢落空；原先大家都唔知分拆後值幾多錢，依家賣價確定，公司由無限想像概念，變成毫無前途，早前買入搏實物分派投資者今日止賺離場，算係正路做法。

出售後手頭現金近百億，會派特別息。既然現時市值已貼近現金水平，低位可以接刀。

July 16, 2013 at 11:45 AM

公司由無限概念變到手揸現金不知有何出路, 其實根本不可能贏到估值溢價. 就算以接近每股現金水平買入, 上升空間亦甚有限. 見刀即接, 操作上幾近賭博 - 賭的是公司出售後所得大部份資金會以現金股息形式派送. 可是整個想法最大問題在於特別股息多寡根本難料; 而最終管理層會否用"特別"方法變走大筆現金, 亦是另一風險所在.

除操作理念有破綻之外, 以接近$20買入, 價錢亦明顯偏高. 當時操作思路: 股價見低位$18.6後呈反彈, 以該位作止蝕, 輸極有限. 結果最後求仁得仁, 止蝕離場. 以$20買$18.6止蝕心態出手, 預期成功率俾盡50/50. 上望空間不到$21.4的話, 整套交易便不值博. 贏輸平常事 但今次明顯:

  • 1. 想法出錯 - 明知公司前途盡毀, 單純以現金水平作出發點買入, 水位明顯不足.
  • 2. 心急追買 - 見底回升方始進場並無做錯, 但若然上望空間少於下望空間, 便很容易買貴, 變相止蝕時亦會輸突.

現金貼近市值並非一個理想買入理由, 甚至有機會墮入價值陷阱; 當年中國動向(3818)便是絕佳例子. 下次遇到相若情況要避免再犯相同錯誤. 另外自己解讀新聞能力亦有待改善: 公司公告自己未開市已閱畢, 見出售作價理想, 戇居居以為有機會抽多一棍. 事後回望, 明顯自己解讀力甚有問題, 最終成為市場點心, 實在正常不過.

聯泰(311)本週升近8%, 如早前留言所提及, 公司配件分部收入增長強勁, 而且產自菲律賓, 成本應該較易受控, 此乃即將於八月公佈之中期業績最大催化劑. 潛在盈喜股, 先行小注進場.

PARTIPRAL 派得好 said...

Hi Calvin,

拆開聯泰去年上下半年盤數，可見到配件分部收入增長甚強勁。下半年收入環比上升六成，全年計分部佔集團收入比重亦由不足20%提升至27%；管理層指出此表現可以歸功於一名主要美國客戶鼎力支持，而年中完成收購鞋履業務亦為分部業績帶來貢獻。

正路推想，配件訂單利潤率會比傳統成衣業務為高；而管理層給予指引為此客戶需求會繼續強勁，未來收入增長會持續。此外，配件主要產自菲律賓，當地工資成本較內地為低，收入比重增加後，利潤貢獻亦會同步上升，此乃最大業績催化劑。

至於主要收入來源休閒服裝，去年上/下半年分部利潤率分別為7.5%/8.2%，比前年大幅進步。日本客戶增長蓬勃，而公司完成收購元泰集團全部權益後，日後於中國及菲律賓以外地方擴充產能靈活性會較高，利潤率有力繼續保持水準。


以星期五收市價$2.91計，往績P/E 11.7倍，息率3%，估值比過往三年最高，7.2倍P/E仍高出甚多。相對估值出現如此大偏差，主要因為由以前整個行業看似夕陽前景，到今日可以透過產能轉移 (由大陸為主轉至其他東南亞國家) 去挽救利潤率，故此不可以同日而喻。始終盈利前景尚算明朗，信任市場口味改變，可以稍稍克服高追心魔。

July 15, 2013 at 3:02 PM

組合加入中國軟件(354), 但此股基本因素自己完全看不慬, 純粹短線見破位跟炒; 反而華潤燃氣(1193)自己則覺得相當值搏, 集團董事長宋林被指名攻擊, 變相令私有化方案幾近沒有可能通過. 根據換股比率(100股潤燃換97股潤電), 而星期五收市潤電(836)報$16.86; 潤燃(1193)收報$19.18, 亦反映市場對成功私有化看法甚悲觀.

整個燃氣界別目前表現並不算差, 潤燃(1193)屬行業龍頭, 相對新奧(2688), 港華燃氣(1083), 中國燃氣(384)等公司估值溢價收窄, 私有化屬主要陰霾; 而貪污新聞亦對整系公司有所打擊. 下星期一股東便會投票決議私有化方案, 按目前發展, 通過機會微乎其微; 若深信華潤系不會因為董事長貪污而從此收檔, 整系股價大幅回落, 當有可搏之道.

潤電(836)屬超級風眼, 沽空比率亦甚低, 沒有挾倉誘因, 低位反彈幅度應該有限; 潤地(1109)情況相若, 其次亦跌得不算多, 值搏率一般; 反而潤燃(1193)基於私有化方案所限, 近月股價窄幅波動. 出現如此轟動新聞, 令私有化大有機會落空, 反而對股價追落後有一定助力. 因此環顧整個華潤系, 最值搏當數潤燃(1193); 確認私有化未能通過, 可以加注.

要套回現金買潤燃(1193), 操作上唯有將恆基(12)賣出. 自己短線仍然相當看好此股, 賣出正股後用即月深度價內期權代替. 付上一定交易費用及溢價, 仍算值得.
PermaLink: https://articles.zkiz.com/?id=67669

上周更新 (21 Jul - 27 Jul) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/07/21-jul-27-jul.html
組合單位值: 90.60
組合週回報: +1.80% (YTD: +0.30%)

現金水平: 6.25% (前週: 1.9%)

組合持股變動:

  • 中線 - 增持 信星集團(1170)
  • 中線 - 增持 聯泰控股(311)
  • 中線 - 增持 時代集團(1023)
  • 短線 - 增持 華潤燃氣(1193)
  • 短線 - 增持 亞太衛星(1045)
  • 短線 - 加入 招金礦業(1818)
  • 短線 - 加入 中國燃氣(384)
  • 短線 - 剔出 恆基地產(12)
  • 短線 - 剔出 聯想集團(992)
  • 短線 - 剔出 中國軟件(354)
  • 短線 - 剔出 中國海外(688)
  • 股息 - 聯想集團(992)

組合上週短炒:

  • 無

組合期權變動:

  • 開倉 - 長倉 恆基地產(12, HLD) 07/13 50.00C
  • 開倉 - 長倉 中國海外(688, COL) 07/13 22.00C
  • 開倉 - 長倉 江西銅業(358, JXC) 08/13 14.00C
  • 開倉 - 長倉 利豐(494, LIF) 08/13 12.00C
  • 平倉 - 長倉 恆基地產(12, HLD) 07/13 46.00C

上週二恆指國指雙雙向上突破, 成交增加. 上週三公佈匯豐7月份中國製造業PMI, 初值47.7再創新低, 但中港股市對壞消息反應不大, 利好. 目前恆指已經逼近二萬二, 7月11日裂口大升一棍應該屬於真突破, 未見有轉弱跡象之前, 策略上繼續順勢而行, 專心坐貨; 尤其可以開始慢慢提升二, 三線股票比重, 可望迎頭趕上, 追貼指數股表現.

組合持股方面, 恆地(12)突破, 事後回望當日換馬潤燃(1193)明顯早換一步. 幸好有補回即月價內, 價外期權作後備雙箭頭, 否則眼光光大石揼心口. 即月期權只剩兩個交易日, 價外CALL牌面睇變廢紙機會甚大. 一度贏近倍半但沒有食糊, 當然有些少後悔. 下次應該不管有理無理, 起碼先食一半. 賣出中海外(688), 主要想套回注碼加注二, 三線股票. 要買藍籌股可用期權代替, 早前月中擔心市況牛皮才買正股. 踏入八月份業績高峰期, 按理市況會繼續波動, 如有期權, 就不用犯本.

經濟數據欠佳但股市沒有太大反應, 商品, 商品股價格超殘, 其實值得重點留意搏反底. 上月做淡江西銅(358), 如今反手做好, 早應該知道股市中無永遠敵人. 金價亦似乎在蘊釀一波反彈浪, 宏觀因素不懂, 如果純粹看好短期商品表現, 金礦股亦應該加入考慮. 自己選擇搏招金(1818), 就算現價$5.54買, 止蝕放$5.1~$5.2, 上望$6其實難度不大.

潤燃(1193)合併潤電(836)失敗, 股價反彈力度比想像中弱, 不明原因, 但會繼續持有. 上週五傳出中石油(857)調高液化天然氣(LNG)原料氣價, 加幅或達一倍, 燃氣股股價受壓, 未知是否與此有關? LNG加價, 應會打擊LNG汽車增長速度, 對主力擴展LNG加氣站公司不利. 參考早前經濟日報專題 - LNG高盈利誘惑 燃氣商搶先機 一文, 受影響最大應該是昆能(135)及新奧(2688); 不過向工商用戶銷售燃氣仍然是新奧主力業務, 因此消息傳出後前者大跌超過4%, 後者則平收. 港燃(1083), 潤燃(1193), 中國燃氣(384)等下游城市燃氣供應商所受影響應該更加有限, 週五回調, 應該是吸納機會. 中國燃氣(384)前週已經確認向上突破, 本週調整, 藉此機會加入組合.

對某些公司有信心, 便值得加大注碼投入. 繼續加注信星(1170), 此股本身有大型沽盤長期置於$1.5, 如今終於完全消化, 且看會否重拾升勢. 自己暫時完成建倉, 或者要等多一點証明, 再決定是否加注. 加注時代(1023), 則純粹因為見價錢夠便宜. 扮演價值投資, 小注逆勢而行. 聯泰(311), 亞衛(1045)看法不變, 酌量加注.

沽出聯想(992), 主要為換馬招金(1818); 中國軟件(354)微蝕離場, 純粹嫌等得太久.

臨近業績高峰期, 又可以開始發揮超級想像力. 自己忽發奇想, 雖然早已令投資者絕望, 但昔日股王利豐今個業績期會否有機會來個超級反底? 經營模式早已過氣, 公司理應再無前途; 但當全人類失去期望, 亦自必然不會失望. 無須要求一份完美業績, 但求"唔好太衰", 都已經可以成為股價反彈藉口. 對上兩次業績太過驚嚇, 績後動輒裂口跌一成以上; 淡友可能食髓知味, 近日此股沽空比率有上升跡象. 利豐股價已經區間運行數月, 六月份亦未有再試低位; 縱然沒有充份證據, 自己反而傾向搏今次會開返舖大.

週五利豐大淡友瑞銀發表研究報告, 將公司降至沽售評級. 股價反應不大, 更添信心. 暫時未知何日公佈業績, 估計為八月中前. 工具選擇, 正股完全不用考慮; 價外期權, 要搏黑天鵝出現, 行使價選一成過外乃最起碼; 有輸清光心理準備, 小注參與.

金沙(1928), 友邦(1299)相繼公佈漂亮業績, 但其後股價反而自行倒地. 股價早已過份反映, 佳績反而成為出貨藉口; 和黃(13), 匯豐(5), 騰訊(700)會否成為下一隻友邦(1299)? 天曉得. 價外PUT, 值得考慮. 仍在構思其他狂想曲, 有的話稍後再作補充.
PermaLink: https://articles.zkiz.com/?id=69658

上周更新 (28 Jul - 3 Aug) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/08/28-jul-3-aug.html
組合單位值: 89.19
組合週回報: -1.56% (YTD: -1.26%)

現金水平: 18.8% (前週: 6.3%)

組合持股變動:

  • 中線 - 增持 聯泰控股(311)
  • 短線 - 加入 中銀香港(2388)
  • 短線 - 減持 招金礦業(1818)
  • 短線 - 減持 華潤燃氣(1193)
  • 短線 - 剔出 中國石油(857)

組合上週短炒:

  • 無

組合期權變動:

  • 開倉 - 長倉 和記黃埔(13, HWL) 08/13 82.50P
  • 開倉 - 長倉 匯豐控股 (5, HKB) 08/13 85.00P
  • 開倉 - 長倉 利豐(494, LIF) 08/13 12.50C
  • 平倉 - 長倉 江西銅業(358, JXC) 08/13 14.00C

上周指數繼續向上發展, 二, 三線股亦開始輪流發力. 成交額繼續低迷, 略嫌美中不足. 自己目前比較看好品牌代工類股份, 尤其看好已經或逐步能夠將產能轉移至低成本東南亞國家的公司. 預期今年盈利有力再上一層樓, 因此上周繼續吸納聯泰(311). 中期業績如何大家目前純粹靠估, 視乎有多大信心. 東亞(23)公佈業績後市場反應正面, 自己則比較喜歡中銀香港(2388), 純粹因為比較穩陣而且股息率吸引. 可以搏業績後再向上衝, 而大股之中本地銀行股亦算穩陣之選, 不會發達但亦應該不會PK, 龍頭兩隻其實可長可短.

招金(1818)跌穿止蝕位, 機械式減持大半. 目前只剩小量, 暫時放入籠底置之不理; 燃氣股普遍回落, 潤燃(1193)私有化失敗後股價亦沒有太大反應, 無謂買太大, 亦順手減持一半.

和黃(13)業績遠勝預期, 翌日股價大裂口上升, 成交大增. 技術上理應超級利好, 自己績前搏即月價外PUT, 大有機會變廢紙. 等有回調出現, 應該反手做好; 匯控(5)明日公佈業績, 已經有心理準備又會捱挾多次. 做淡強勢股永遠輸面甚高, 所以注碼一定要適可而止.

保持一定現金水平, 繼續瞄準業績股去打; 尤其出現績後大成交裂口上升, 便值得予以跟進.
PermaLink: https://articles.zkiz.com/?id=73356

上周更新 (18 Aug - 24 Aug) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/08/18-aug-24-aug.html
組合單位值: 89.14
組合週回報: -0.31% (YTD: -1.32%)

現金水平: 1% (前週: 1%)

組合持股變動:

  • 長線 - 增持 稻香控股(573)
  • 長線 - 增持 港華燃氣(1083)
  • 中線 - 增持 味千中國(311)
  • 短線 - 加入 世茂房地產(813)
  • 短線 - 加入 新濠國際發展(200)
  • 短線 - 加入 德林國際(1126)
  • 短線 - 增持 佳兆業集團(1638)
  • 短線 - 增持 申洲國際(2313)

  • 短線 - 減持 精電(710)
  • 短線 - 剔出 中駿置業(1966)
  • 短線 - 剔出 裕元集團(551)
  • 短線 - 剔出 中國電力(2380)
  • 短線 - 剔出 渣打集團(2888)

組合上週短炒:

  • 無

組合期權變動:

  • 開倉 - 長倉 小型恆指期權(MHI) 09/13 20600P

上週指數下跌, 恆指周跌3%; 國指周跌2.8%. 相對指數轉弱, 個股表現其實不算太差. 匯豐內地製造業PMI預覽值重上50.1, 勝市場預期. 內地股市上周表現大幅跑贏其他新興市場如印度, 印尼, 泰國等等. 有中資股支持, 要恆指月內直指兩萬一似乎有點困難; 但短期頂部已見看法則暫時不變.

多隻持股上週公佈中期業績, 包括味千(538), 稻香(573), 港燃(1083). 味千(538)2013年上半年收入16億, 純利1.3億港, 勝市場預期. 營業額持平, 本次純利上升純粹由營運效率改善所推動. 據報告指出, 上半年公司主力關掉利潤率欠佳店舖, 通過嚴格選址確保開店成功率, 並大量開發中小型餐廳, 提升單位面積產出. 豬骨味精湯底事件令味千業務跌入低谷, 目前經營策略上已由以往狂開分店谷盈利, 變成現在先求穩再求攻, 未來一兩年增長力應該不會太特別. 先將營運成本降低, 暗示經營風險比以往低; 味千能否繼續由谷底爬上去, 主要關鍵仍在如何修復品牌價值. 可能需要一至兩年時間, 但若然能夠令消費者重拾信心, 相信味千仍然大有可為. 如果說2010年是味千的山頂, 去年則是山腳; 跌倒後重新再上, 目前最多只及山腰的一半. 個人決定將此股由短線轉為中線持有, 密切監察季度同店銷售數字, 搏公司繼續反彈.

稻香(573)上半年收入21.3億, 同比上升11%; 基礎經營溢利(EBIT)1.61億, 溢利率(EBIT %)7.5%, 同比分別跌2%及0.95%. 表現看似乏善足陳, 但其實稻香上半年內地業務表現相當理想. 上半年內地食肆數目增至27家, 收入6.2億, 同比上升27.5%; 環比亦升6%. 上半年除息稅折攤前利潤(EBITDA)1.3億, 同比上升16.4%; 環比亦升63%; 分部利潤0.41億, 同比跌6%; 環比則大幅飆升85%. 純利貢獻不顯著, 主因擴張期內新店一次性開支甚多. 要注意稻香業務(尤其內地)略帶季節性, 一般而言下半年收入會比上半年多; 因此上半年公司內地利潤(EBITDA)能夠創新高, 已經足已令人驚喜. 行業身受內地緊縮措施所打擊, 稻香穩走中產路線反而能夠殺出一條血路; 無疑業務擴張後經營難道會比以前高, 但管理層於報告內表示預期新食肆於二零一四年起運作成熟後能為本集團帶來合理收益貢獻, 則可給予投資者一定信心. 今期業績反映管理層於逆境時執行力仍然強勁; 而目前股價則似乎仍未PRICE IN公司內地業務利潤未來會隨著開支逐步減少而大增之可能性. 自己績後已經重新買回早前沽出之部位. 稻香靈魂在於品牌價值, 看一個長期趨勢, 搏稻香成為繼維他奶(345)後另一間估值貴到離譜之香港公司, 機會率並不太低,

港燃(1083)半年收入及純利分別升21.5%及49%, 由於估值並不便宜, 如此業績其實無甚特別. 仍然未搞得清為何市場會忽然將燃氣股看得如此差, 但港燃績後股價反而有見底跡象, 小注買回. 上周恆指大跌為最佳照妖鏡, 個別內房股, 澳門股早已收復周一高位重新發力, 便值得多加吸納. 世房(813)業績強勁為最大股價催化劑, 大型內房首選; 自己止蝕中駿(1966)後, 將資金換馬佳兆業(1638), 目前內房部位主打此兩股就可以.

申洲(2313), 聯泰(311), 德林(1126)本周會公佈業績, 但前者買入原因仍是搏MSCI換馬可以擾亂市場秩序. 連我都知道, 其他投資者當然一早知. 但既然香港電訊(6823)一役亦能搞個天翻地覆, 今次搏歷史重演亦算正路. 自己策略星期五會買多一至兩注, 並掛高5-8%準備走人. 德林(1126)上周四大跌一成, 小注投機性買入, 明日公佈業績後會沽出. 信星(1170)上周已開始有非回購盤主動掃入, 但公司又批出大堆認股權, 若然股價因此受壓, 值得繼續吸納.

上周炒過幾轉期權, 擺不上大檯但仍值得一記. 上周二指數大跌前買得到PUT純粹好運, 最後即月兩張一勝一負. 索羅斯下如此大注根本不能不跟, 以防黑天鵝出現, 目前仍然持有一張下月價外20600 PUT. 上周三有嘗試過搏強勢藍籌高位回調, 銀娛, 騰訊兩路興兵最後皆無功而回. 當日出手理據在於若然大市急促向下, 就算有多強勢亦會遲早追跌; 不明白可以查查6月21日銀娛股價. 搏強勢股勝在賠率夠高, 今次出擊失敗純粹因為指數未死. 由於睇得相當短, 兩日為限, 不論勝負皆會離場, 畢竟值搏率較純買指數高, 因此下次有相同機會仍然會出手.
PermaLink: https://articles.zkiz.com/?id=74173
Next Page
ZKIZ Archives @ 2019