| ||||||
| 美 國世紀金融騙案主腦馬多夫被判最高刑罰入獄150年。據報導，法官指馬多夫的所作所為「極度邪惡」，宣判後，旁聽席的受害人起立歡呼，部分人激動至落淚。 判一個71歲的人入獄150年，相信法官是要確保此人在獄中度過餘生；然而，數字上的荒謬以及受害人的復仇心態，流露出非理性暴徒行為。我想起一百年前美 國白人以私刑處死涉嫌犯罪的黑人罪犯，圍觀者那沾沾自喜的表情，令人不寒而慄。或者，馬多夫的客戶出現這種心態不應為奇，因為群眾選擇長時間摒棄理性思 維，才可跟馬多夫攜手炮製這宗大規模「龐氏騙案」。 馬多夫騙案有太多未有答案的「點解」︰點解這騙案可持續這麼長時間（逾二十年），牽涉這麼龐大的金錢（650億美元）？點解這麼多年沒客戶察覺到這是騙案（馬多夫是自首）？點解監管機構一直沒採取行動？ 我 看過不少馬多夫騙案的報導，最發人深省是七月號《Vanity Fair》的文章《Did the Sons Know?》，文章解答了部分「點解」。這篇近萬字長文章開始時描述馬多夫兒子安德魯在街上遇見馬多夫公司一名前僱員，前僱員失去工作和被拖欠花紅，見到 安德魯即怒火中燒，認定他是主謀之一，揮拳襲擊他，並且不停咒罵︰「我份工呢？我的錢呢？」安德魯邊還手邊呼叫︰「我呢？」 馬多夫兩名兒子大學畢業後加入父親的公司工作，直至爆煲。兩名兒子至今堅持自己是清白，認為自己也是受害者，受傷害程度比其他人更甚。 馬多 夫的業務分開正當和不正當，多年來在樓上樓下各自運作，在正當業務工作的員工也知不正當業務的存在，有些員工想問但可能不准問，但身居要位，跟父親關係要 好的兩名兒子竟懵然不知？這一點令許多人難以相信。但讀完這篇文章，讀者得到的感覺，是兩名兒子很可能真的沒參與。法律專家認為美國政府將會起訴馬多夫兩 名兒子，罪名類近控告黑社會大佬身邊的女人——妳有罪因為妳應該知道這是不義之財。相信馬多夫的兒子會以「蠢不是罪」自辯，最後可能脫罪。 我 認為馬多夫兒子跟馬多夫客戶心態如出一轍︰不想知，也不想問。法律上他們可能沒犯法，但情理上他們是幫兇。「龐氏騙局」必定有一條所謂賺錢方程式，雖然這 方程式完全站不住腳。一百年前龐氏先生聲稱可從郵政局發出的優惠券作套戥，不停賺取利潤。馬多夫的賺錢方程式是採用「Split - strike Conversion Strategy」，一種所謂衍生工具套戥交易程式。肯用心了解這方程式的人，立即可斷定他長時間錄得巨額利潤的可能性是「零」。 馬 多夫的兒子從名校畢業，工作勤奮，資質不弱，身邊的人大都對他們有好感。馬多夫客戶全是有錢人，當中不乏商場高手、搵錢專家等，但這些聰明人選擇逃避這顯 而易見的問題︰單憑一招什麼「Split - strike Conversion Strategy」，怎可年復年穩賺十多釐回報？ 「龐氏騙局」受害者當中可能有看穿騙局的人，或許他們選擇相信音樂櫈遊戲的音樂不會停下來，或許他們相信自己可以在爆煲前安全地抽身離去。從任何角度看，馬多夫的兒子和客戶都不可能是一念之差，霎時衝動做出錯事，而是長時間選擇視而不見。 馬多夫當然非泛泛之輩，他設下的騙局不是普通「種金計劃」。我認為最「殺食」一招，是長期以來即使有不少人對他的賺錢方程式提出疑問，但馬多夫容許這些疑問存在，增添神秘感，然後順勢製造假象︰就算我出蠱惑，我也是為你們好，最後是對你們有好處。 馬 多夫的客戶一方面隱隱約約知道有點不對勁，但同時間不停得到好處，他們的選擇一是離開，一是留低。金融海嘯前的這麼多年，馬多夫的客戶確實無風無險賺取穩 定利潤，更加加強他們的信念，既然留低就不要問這麼多問題。選擇留低後的心態，彷彿是已解答了自己心中疑惑，不再去追問，不願去面對。 馬多夫騙局為世人留下很多教訓，其中一個是，當騙局主腦人對你說，我或者越了界，但最終是對你好；你不是受害者，而是得益者。那麼你就要即時掉頭走，因為你不是他的對手。 蔡東豪Tony Tsoi 現任上市公司精電國際行政總裁，他曾任職投資銀行，在《信報》以筆名原復生撰寫財經專欄，對投資及求知有無限渴求，習慣早上四時起床寫作找樂趣。 | ||||||
2009-07-09 NextMagazine
| ||||||
| 香港股市不再下下跟隨市場老大哥的走勢，最近甚至倒過來帶領已迷失方向的美國道瓊斯指數，令人耳目一新。不單如此，港股還把中國股市從發展過急的漩渦中拉出，更是全球最快意識到股市不是一面倒向下的市場，率先重整旗鼓。 跌 市永遠是有限的，因為世界上沒有一個市場會無限地收縮，亦沒有股票或指數可以跌超過百分之百。相反升市則可無窮無盡，在過去三十年，牛市的升幅往往超過一 倍：在八九至九四年，股市由二千點升至一萬二千點，升幅逾五倍；在○三年至○七年，表現亦不遑多讓，恒指由八千點攀升至三萬二千點。 衰退兩年內完結 普 遍人都認為負面經濟因素仍要持續一段時間，惟買家如果等太久才入貨，有可能錯過了低位，所以在跌市時應開始吸納股份。一個有經驗的長線投資者，不會等到股 市跌至最低位才買貨，他亦不會嘗試在牛市最高峰沽貨。相反，只要他們覺得股價吸引便會入市，當發現其他股票有更佳前景時，便會沽貨換馬。 如果投資者能預見某公司可在兩年內增長逾五成，那還等什麼？今年三月，市場上便有很多類似股票；何況每年有兩成增長的投資，表現已相當不俗，一心一意等股市見底才買，博中的機會其實不高。 那些強調經濟衰退未完，認為股市未見底，買貨是愚不可及的經濟學家，我常與他們爭辯。儘管現時衰退未完，但有誰知道何時才見底？而且各國情況不盡相同。我有信心衰退可在兩年內完結，之後全球經濟將更勝現在，所以在低位買了貨的投資者，都作出了明智決定。 目標回報五成 當龐大的壓力把股市推到不合理的水平時，五成的增長目標，由可望而不可及，變成了合理回報，這樣的機會就算不是後無來者，也肯定是人生難得。惟當大市已經升了五成，儘管有潛質的股票仍然存在，但相對機會已較少。 如 果大家留意一些主流股票的股價變動，例如幾隻中資巨企，包括中移動、工行及中石油，在三月一日的股價分別為六十五元、三元及五元，它們的價格波幅一向被認 為較為遲緩，惟現在也升至七十六元、五元三角及八元五角。雖然中移動的升幅仍稍微低於五成的目標，但未來尚有十八個月時間，而我預期它的股價在這期間將會 升逾一百元。當然，工行及中石油的股價亦會繼續維持在高位，否則我的理論便不成立。 不過，若我堅持要買入兩年內有五成回報的股票，刻下已難以落注。我預期中移動在一○年的盈利能達一千四百億元，即每股盈利七元，預測市盈率十五倍，合理股價約一百○五元。現時七十六元的股價是合理水平，惟不是非買不可，工行及中石油的情況亦然。 待我看罷各大公司八月公布的中期業績，我的理據可能會有所改變。但無論如何，三月股市中的平貨，到七月價格升了一半後，吸引力驟降。現階段，我們可以做的除了重新估量經濟學家的論點外，便是耐心等待。 東尼Tony Measor 在證券界有三十五年經驗，八七年股災及八八年股市冒升時，他所管理的香港基金表現都是香港最出眾的。他之前是財經網站Quamnet的總編。在此之前，他在嘉洛證券工作，管理客戶二億五千萬元資金。 | ||||||
| ||||||
| 遇 上一位出版商人Ｃ，睇吓名片，公司名字好熟，好熟。諗咗一輪，就知道好似係傳媒名宿，現樹仁大學新聞系系主任梁天偉嘅老朋友范止安嘅公司。梁總係「壹仔」 總編輯嗰陣，經常與范止安，卜少夫兩位前輩在渣甸坊老正興有飯局，有幾次益埋左丁山，故此自己亦認識呢兩位老人家，對佢哋嘅驚人酒量留下深刻印象。范卜兩 老已歸道山，范先生經營書局、出版社，莫非出版Ｃ就係佢之傳人？以此詢問，出版Ｃ話：「我已接棒二十幾年，范先生正是家父。」哦，原來如此，世界真細小。 想話畀梁總聽，後得知佢已經參加黃軒利大狀領隊之法國美食團，成班老友去咗巴黎嘆世界一番，咁就留番第日至講。 問出版Ｃ：「你哋公司有出版 教科書o架，生意好唔好？」出版Ｃ話：「王小二過年啦。我哋曾出版A Level經濟學教科書，林本利教授執筆，本來好好賣，算係我哋嘅產品之星，但高考有二萬人選讀經濟學，我哋本書賣幾多本？唔夠二千呀，但已係市場佔有率 冠軍！現在網上流行上載下載，筆記周圍飛，加埋二手書搶爛市，你話點做好？我就決定慳番印刷費，唔再出呢本『暢銷書』！」 咁又係頭痛嘅，市 場咁細，何來賺頭？出版Ｃ話佢班行家一致認為香港嘅教科書，綜合水平極高，國際上有聲譽，勝於鄰近地區，譬如新加坡教科書有政府包攬晒，大陸亦然，台灣教 科書有價格管制，每本二百台幣，將貨就價情況甚為普遍，故此台灣與內地嘅書局，充斥每科補充教材、補充練習，賣到成行成市，而呢類書就係冇價格管制嘅，於 是有錢學生就可以買多幾套回家惡補，清貧子弟未免吃虧不少。 香港一本教科書包含課本（學生用）、教師手冊（教師專用）以及 教材（教師用，包括參考資料、輔導讀本、測驗題目及答案，CD等）三大件，三位一體，不可分割，因教師如無教師手冊及教材，會叫苦連天。但現在時興講分 拆，學生只買課本，價錢會便宜啲；其餘兩項誰人購買？冇人知，如冇人買，出版Ｃ話佢哋嘅研發印刷成本收唔番，怎麼辦？據報紙引述一位資助小學校長會主席張 志鴻講：「教師用書對老師很有參考價值，但學校沒能力買……」張校長認為在合理價格下，應由政府以實報實銷形式資助學校購買。至於教育局係唔係咁樣諗，天 曉得。 | ||||||
2009-07-10 AppleDaily
| ||||||
| 小 六升中派位，自然係有人歡喜有人愁，家長求子女入名校，學校求小六生申請入學，各有各焦急。名校學位永遠供不應求，乃普遍真理，可按下不表，其他學校呢？ 幾杰o架，去年小六升中尚有七萬餘人，今年得六萬八千人，少咗三千八百幾人，以每班三十五人計，大約係一百一十幾班學生，香港大約有四百六十間中學，唔計 英中及著名中中（皇帝女唔憂嫁），假設還有三百間中學，平均每校損失零點四班，影響算輕微。但係呢，學生流失多數集中於band 3學校，你話呢類學校唔驚殺校呀？校長與教師都會面青呀？ 近三年參與派位人數逐年下跌。07年有77255，08年有71846，09年有67963，充 份反映出○一至○三年之香港生育率下滑，此趨勢去到○五年似已見底，當年嘅出生人數有57124人，06年有65195，07年有70394。以後四年， 中學收生仲要繼續捱，要到2013年中一學生先至會回復到2008年水平。故此邊緣中學還要奮鬥下去，否則今明兩年殺校，冇仇報！對學生人數發愁嘅，不止 中小學，教科書出版商亦遲早唔掂，每年中一賣少幾千本書，一啲都唔好玩。 近兩年出生率回升，似係可喜現象，但一位產科醫生W話：「全憑內地產婦來港生子 啫，每年本港出世嬰兒數目多咗，但有幾多係內地母親，嬰兒有幾多會留在香港讀書，無從統計，所以唔好以為將來小學生人數一定回升。」又係噃，產科醫生好多 工作唔停得手，日夜忙個不休，私家醫院笑逐顏開，其實係靠內地產婦。醫生W話深水埗寶血醫院轉型後，產婦大量增加，「生意」興旺到極，追上其他私家醫院。 著名嘅更加厲害啦，立法會議員W係大富人家，親自打電話去名院（最著名私家醫院）預訂頭等房為媳婦產孫早作準備，有錢議員又點呀，照樣食檸檬，唔怪得最近 政府話撥出四幅地做醫院，好多人吼到實，預料一旦落實嘅話，就會有人籌組投資集團（investment syndicates）與醫生或醫療公司合作競投。 | ||||||
| ||||||
| 自 從TOM仔第二代掌門人王兟同王雷雷相繼離任後，好耐都無新聞嘅TOM原來係籌備重整旗下業務，事關內地今年正式推出第三代流動電話（3G）服務，喺移動 網絡寬頻化嘅大趨勢下，手機同互聯網關係越嚟越密切，佢哋覺得互聯網站嘅經營模式，亦都會面臨重大改變，所以上個禮拜宣佈，將旗下體育主題網站重新定名為 鯊威體壇，而娛樂新聞頻道就夥拍alive not dead藝人及藝術家網絡社群網站。新任首席執行官楊國猛親自帶記者上北京實地了解，佢話睇準競爭對手嘅弱項嚟攻，主力加強娛樂同體育內容。點解揀娛樂同 體育？佢話因為移動互聯網嘅世界，係一個個人消費娛樂中心，所以先拓展呢兩個網站。 alive現身撐場 佢哋仲搵咗alive四子一齊出席北京活動，alivenotdead.com聯合創始人之一吳彥祖話，TOM擁有好強嘅技術，能有效為網站推廣藝術家嘅創意。答得咁得體，認真識做。至於合作要使幾多錢？楊總無透露，但兩個頻道仍以廣告收入為主。 | ||||||
2009-07-06 AppleDaily
| ||||||
| 超人李嘉誠旗下長實（001）同和黃（013）派發中期同埋全年業績表，好多上市公司會選擇避之則吉，以免同超人正面交鋒，除咗小小超嘅電訊盈科（008）例外，舊年撞正同日宣佈中期業績。 要增持僅剩6日 今 年長和旗艦鐵定喺8月13日星期四公佈中期業績，比平常早咗一至兩個禮拜！近十年，長和每次公佈業績，都係擇日喺3月同埋8月最尾兩個禮拜嘅其中一個星期 四進行，但今次揀咗8月第二個禮拜四，咁早公佈業績，何解？超人集團嗰邊照舊不予置評，究竟係有高人幫唔迷信嘅超人擇定良辰吉日，抑或係公司方面之後要食 大茶飯，定係為咗快快手搞掂業績後弄孫為樂……原因真係估唔到。另一樣股民要留意係，超人閒時會增持長和股票，最近一次已經數到今年2月初增持長實，換言 之，如果超人有意增持，就剩番6日時間，大家『目及』實超人有冇出招嘞！李華華[email protected] | ||||||
| ||||||
| 自黃光裕出事7個月嚟備受壓力嘅國美電器（493）主席兼總裁陳曉（圖），不但為國美引資復牌，亦為自己同埋班前永樂電器舊部與相關利益人士所持有嘅6.97%國美股份做股權重組，由原先「集體持有」，改為「各人自己揸番自己個份」。 為舊部散水鋪路？ 華 華唔知陳生係咪為咗方便舊夥計散水，但就發現佢喺自己個份撥出7000萬股送畀囡囡，華華按國美噚日收市價1.76元計，呢筆饋贈成1.2億銀，而陳生自 分身家後，雖然剩番2.4億股或4億幾，之不過經已厚過好多人，睇怕佢都唔係幾在意。點解華華咁講？因為陳曉近日接受內地傳媒訪問時話，黃光裕出事加上金 融危機對國美造成雙重打擊，佢同班同事力撐咗7個月，如今國美終於度過危機，呢個對佢嚟講反而係「一筆重要嘅人生財富」，做好以上安排後，下一步就要搞番 國美嘅管理層期權激勵計劃，嚟保持團隊穩定，至於佢頭上兩頂帽，佢話應該會喺適當時候培養接任人做總裁，各位國美高層，聽到啦。 | ||||||
| ||||||
| 創維數碼（751）噚日逆市上漲12.9%，除咗有五月份電視機銷售數據撐起股價，兼聽日審議截至今年3月底止全年業績外，不得不提另一「誘因」，就係坐監4年幾嘅集團創辦人兼大股東黃宏生提前出獄。 公司發通告講近況 創 維噚晚特登刊發通告，話從非正式渠道得悉，黃宏生已經喺上個禮拜六返到自己屋企，但係集團唔清楚詳情，亦未得到任何正式通知。另外創維揀正噚日午飯時間披 露五月份數據，電視機總銷量繼續受海外業務拖累，按年跌30%至46.5萬部，內地銷情越賣越好，平面電視銷量激增2.8倍，賣咗31.3萬部，保持倍數 增速，市佔率長居三甲之內，唔知係咪趁勢為黃宏生冲走衰氣呢？路邊社消息話，好多報道謠傳黃宏生幾時放監，為正視聽，決定披露佢嘅近況。出年係創維上市 10周年，適逢中央為振興經濟，推出「家電下鄉」同埋「以舊換新」等政策刺激內需，唔知黃宏生喺獄中有冇靜思良策，帶領創維步向下一個10年呢？李華華 [email protected] | ||||||
2009-07-08 AppleDaily
| ||||||
| 舊 年4月，中國內房大佬高調怱怱赴台視察4日，台灣地產股及樓市曾借此消息炒過一輪，最後冇一家內房公司出手吸納過一個單位。o依家大陸樓市終於好番好多， 佢哋一樣唔會去台灣買樓買地，點解？因為手續煩，係都等人家做先頭部隊開路先啦，而且你睇吓呢排內地不斷出現新地王嘅新聞，有錢都留番喺內地買土儲啦。反 而台灣地產界應考慮吓喺大陸發咗嘅台商，邀請佢地「返攻台灣」好過，前日開發金控就公布，康師傅（322）大股東魏家兄弟斥資8.7億港銀，買下佢哋所持 嘅台灣地標建築台北101金融大廈近20%，成為大股東，創台灣歷年來摩天大樓最大金額股權交易個案，就係一個絕佳例子！ | ||||||