太古廣場：仲去日本掃平藥妝？直接送到屋企仲好啦！
1 :
GS(14)@2017-01-21 03:35:02想趁yen再上之前平買藥妝？唔使搶平機票去日本入貨嘅傻豬，呢個世界有Amazon㗎嘛，仲有直送香港㖭！價錢分分鐘仲平過喺日本藥妝店呀、驚安之殿堂買㖭呀，跟家姐嚟網上爆買啦！最近毒霧咁嚴重，梗係要大手入口罩啦。有隻日本好出名嘅口罩，一嚟佢產品名叫「超立體」，戴咗真係唔會頂住口鼻；二嚟佢勾住耳仔條繩係紗布料，又舒服又貼面，家姐我次次都俾人託買勁多，搞到要爆買。呢款口罩七片裝喺藥妝店賣380yen已經覺得好平，Amazon竟然仲只係賣268yen，即係每個口罩都係兩個幾港紙咋！可以大手入貨抗毒霧啦！
另外港女最鍾意托返嚟嘅平面膜都有，阿信屋旗下Kawaiiland都有賣嘅日本Pure Smile面膜，香港一塊賣幾蚊，日本藥妝店有8片裝，Amazon只係賣436yen，除返開每塊都係3個幾港紙咋陰功！一大盒有42塊嘅Lululun Mask都有得賣，仲要同藥妝店免稅個價錢一樣，只係1,500yen！同價之餘最重要係唔使托，42片裝喎，買多幾盒都拎唔到返酒店啦！喺屋企就買到日本藥妝係好high，咁但係運費呢？自從日本Amazon上年開始直送香港之後，運費真係平到笑。當我買三磚Lululun面膜（真係成嚿磚咁）、三包口罩，同埋頭先講嘅Pure Smile面膜，仲有啲洗面乳補充裝咁，埋單運費都只係80幾蚊港紙，就有速遞送到門口。會唔會好耐先？我唔直接答你，我用例子答你：家姐我喺日本Amazon買過兩次嘢，星期三落單，星期六就收到速遞電話到咗門口！仲快過喺日本買完去郵政局寄返香港呀！（除非你寄超貴EMS啦吓）
■咁大盒mask都係同日本同價，仲要唔使自己托返嚟。
■有圖有真相，8片裝都係賣400幾yen咋。
■運費100蚊都唔使，仲計埋個rate畀你睇，唔滿意Amazon個rate仲可以揀返用yen找數。
會唔會驚上網賣嘅係假嘢？放心，Amazon唔係強國嘅產物，你會見到產品賣家其實就係官方，例如喺Amazon賣雪肌精嘅會係Kose，由官方供返貨畀Amazon，分分鐘仲信得過你喺啲不知名又好平嘅藥妝店買呀。唔止女人嘢，日本Amazon買DVD甚至blu-ray都係平到笑，兩者仲要多數同價。之前諗住買返隻《Interstellar》嚟儲，隻blu-ray都只係1,080yen，即係70幾蚊港紙咋！當然係無中文字幕嘅，但都仲有英文同日文揀，英文唔好可以考慮番喺香港用幾百蚊買。
最後，都有啲嘢係Amazon買唔到嘅，因為暫時可以寄嚟香港嘅貨好有限，嚟緊會唔會增加就唔知喇。首先大部份藥品類都唔寄得，龍角散呀、咳丸傷風丸一律NO；另外有啲大牌子例如雪肌精同埋Sofina都係唔賣海外的，梗係啦平咁多，你叫香港門巿仲使做嘅？所以要買呢啲，就要飛一轉日本喇。
【家姐教路】係，日本Amazon係用日文嘅，但其實買嘢都係睇嗰幾樣：產品名、價錢、數量㗎啫。喺Google搵返件產品嘅日文名，再copy& paste落Amazon search bar就可以搵到。最最最緊要係search完要搵左手邊一個叫「絞り込み」嘅物體，其實即係narrow search，㩒呢個再揀海外配送（Amazon Global），就會show晒邊啲貨送香港。唔識咪搵個識日文嘅朋友幫手囉，仲易過搵人幫你托貨返香港啦。
提供上面講過嘅產品日本名畀大家search：超立體口罩：ユニ・チャーム超立体マスク
Pure Smile面膜：ピュアスマイルエッセンスマスク
Lululun面膜：フェイスマスクルルルン
關家姐
http://fb.com/kwangajei本欄逢周五刊出
來源:
http://hk.apple.nextmedia.com/financeestate/art/20170120/19902446
太古廣場：環球金融，地方真係咁有智慧？
1 :
GS(14)@2017-01-26 07:42:52臨近新年個個都唱錢封利是，本來一片喜氣洋洋；但係地方智慧、近年係咁賣外國零售銀行業務嘅滙豐，就好似有啲烏龍咁嘞。先講最近滙豐出咗個電子派利是功能，客戶可以用電話派利是、即係轉賬畀親友。聽落好似好方便咁，不過就畀網民插，話無晒傳統，又話派利是係意頭，唔係齋講錢云云。家姐我反而諗起大陸都好興喺手機派錢，好似微信紅包咁。咁啱近年港大學生會選舉，又有位會長候選人係內地生，佢喺選舉投票之前用微信大派紅包，畀人話有賄選之嫌。不過滙豐出電子利是，可能都係想分薄返員工嘅負擔。皆因全民攞銀紙封利是，作為發鈔銀行之一嘅滙豐就甩晒轆。家姐有個朋友係滙豐客仔，仲要係收到客戶經理電話，主動問佢要唔要新鈔封利是嗰隻。本來以為可以預約，又唔使排一大餐，好似好正咁啦，點知原來係惡夢嘅開始。一朝早家姐見放假得閒，就去陪呢位下個月就放產假嘅朋友去分行攞新鈔啦。朋友係個潮人，手袋仔又細，滙豐就咁用個紅噹噹嘅紙袋，入住幾萬蚊嘅銀紙，畀朋友用手拎走，出咗門口真係提心吊膽佢會畀人搶錢。咁都未算最驚，最驚係同朋友食完飯，送埋佢過海返工，佢竟然收到今朝攞新鈔間分行電話，話teller頭先入slip個銀碼寫少咗二千蚊，叫朋友喺分行收工前要過海去返分行，再簽過張slip，如果唔係個teller就會俾人炒。
Teller做錯嘢，竟然指定一個大肚婆過海去cover個分行經理同teller嘅失誤。而且家姐我有理由相信，如果掉返轉，係朋友攞少咗二千蚊，滙豐CS最多喺電話話「銀紙出門，恕不負責」，完。（最後朋友抱住惻隱之心，真係返咗去分行簽名，唉）順帶一提，滙豐今年又加咗服務收費；與此同時，普通客戶可以用嘅理財中心又越嚟越少。家姐我有個日本朋友喺位於中環同金鐘交界嘅和記大廈一間律師樓返工，以前都可以喺樓下間滙豐交吓錢咁，?家間分行「upgrade」咗，唔做佢生意喇。身為外國人想交個錢，唔該行遠啲去統一中心或者去總行啦。近年大企業成日畀人聲討，好似「大企業就是罪」咁，相信員工同管理層唔多唔少都有啲委屈。其實大企業喺收費越嚟越貴嘅同時，同大眾客戶嘅距離好似越嚟越遠，服務質素有時又唔達標嘅情況出現。客戶同巿民有怨氣，怪得邊個？【家姐教路】最近好多老人家去銀行攞完銀紙畀人搶錢嘅新聞，作為孝順仔女最好陪老人家去攞錢。至於電子利是，先撇開傳統唔講，係就係環保，但係即刻上e-banking就check到派咗幾多利是，好尷尬啫……關家姐
http://fb.com/kwangajei
來源:
http://hk.apple.nextmedia.com/financeestate/art/20170124/19906647
唐焱﹕人民幣版廣場協議 不虞出現
1 :
GS(14)@2017-01-26 07:48:36【明報專訊】美國總統特朗普就職演說時，再次强調每一個關於貿易、稅收、移民和外事的決定都將會為了美國工人，和美國家庭的受益而做出，即他所謂的「美國為先」；加上他前期對人民幣匯率的指摘，一場針對人民幣匯率的戰爭似乎即將開啓。另一方面，2017年以來人民幣一反前期對美元快速貶值的態勢，迅速反彈。不論在岸人民幣，還是離岸市場，均有明顯升幅。與此同時，市場觀點亦出現改變，部分投資者預測在特朗普的逼迫下，2017 年人民幣會對美元反而有升值的可能。當然，依舊有投資者堅定地認為今年人民幣將會出現比2016年更大的貶值。
人民幣下一步到底怎麽走？雖然從基本面來看，經濟增速和資產配置壓力，均顯示人民幣仍有貶值壓力，但會不會在特朗普的逼迫下，被迫對美元升值？有人甚至擔心，特朗普會不會重走當年列根時代的老路，像通過「廣場協議」逼迫日圓對美元升值那樣，而逼迫人民幣對美元升值呢？
中日處境有別 美國難複製歷史
上世紀八十年代的廣場協議中，美國訴求不止在於匯率，還在於促使日本金融自由化。廣場協議前美國經濟已經基本走出滯脹，但面臨貿易和財政雙赤字的困境。日本對美國順差快速上升，且集中於少數行業，與此同時，日本對美國國債的淨購買很低。在廣場協議中，美國的訴求不是簡單的解決貿易逆差，而且要試圖促使日本金融自由化和日圓一次過升值，從而一籃子解決貿易逆差、打開日本金融市場。但是匯率市場有其自身運行規律，由於市場形成日圓升值預期，日本擔心匯兌損失，結果並非完全如美國所願。
日本當年接受貨幣升值，一方面固然想避免對金融自由化做出過多承諾，另一方面也有政治與經濟原因。由於日美的特殊關係以及日本的政治大國訴求，加上對美國市場的高度依賴，日本在博弈中處於弱勢。從經濟基本面來看，日圓也客觀上存在一定的升值壓力。日本最終選擇接受貨幣升值，避免對金融自由化做出具體的承諾。
我們上海研究所張博士認為人民幣版的「廣場協議」難以出現；投資者不應低估特朗普所代表的利益訴求，以及其個人的政治野心，但歷史不會簡單重複。首先，中美今日的政治經濟力量對比，都優於廣場協定之前日美的力量對比；其次，中美今日所處金融周期的階段不同，人民幣有內在的貶值壓力；第三，中國對於出口的依賴高於日本，中國將更傾向於接受局部貿易戰而不是匯率升值這種全面的讓步；最後，廣場協議中的經驗教訓，也對人民幣版「廣場協議」的提出形成一定制約。
雙方共同訴求：人幣免大幅貶值
總體來看，人民幣不會大幅貶值應該是雙方訴求的共同點。從廣場協議後的歷史經驗來看，如果特朗普政府想避免美元太過强勢、或中國想避免人民幣大幅貶值，比較可能的做法或是以預期引導為主，輔以必要市場干預措施，但用緊貨幣來支撑匯率意義不大。為穩匯率而貿然提升法定利率，最終有可能加劇滯脹的問題而導致經濟出現較大的波動，最終也難以起到穩匯率的效果。
中國光大證券（國際）研究部主管
[唐焱 中資股攻略]
來源:
http://www.mpfinance.com/fin/dai ... 5303&issue=20170126
太古廣場：利是錢做乜好？識揀一定唔會儲！
1 :
GS(14)@2017-01-27 07:40:05加番句家長指引先，家姐唔係教人亂fing錢，只係點樣用得有意義啲啫。老老實實，得嗰千幾至幾千蚊，如果想用嚟滾幾百蚊收益，就參考番《蘋果》財經版啦吓！利是錢，三個字，豐儉由人。如果大家唔係被電子派利是的話，通常到初十五拆都走唔甩千幾銀，返幾層office嘅可以去「洗樓」?利是嘅更加唔使講啦。呢個range儲又唔係多，一次過食晒佢又好似太浪費？醒啲另類投資過你啦。今年農曆年都算近新曆年頭，大家新一年有無話要做多啲運動呀，個人健康啲咁呢？如果你係放工跑兩步就攰嗰種人，有啲嘢醒你：用利是錢畀自己上一年PE堂！話說上年呢啲月費做運動App喺OL界相當之hit，因為實在係好抵！家姐我join咗個K字頭嘅，仲要係500蚊年代就join咗（家陣新會員要700蚊啦，但仍然抵喎，睇埋就知），每個月畀錢，唔使簽約，可以喺個App度揀十樣運動做，計落每一堂都係幾十蚊咋陰功。其實道理就好似運動版Uber咁，都係共享經濟嘅一種。將啲細規模嘅瑜伽、健身、打泰拳嘅中心放晒上去，畀你慢慢揀，每樣嘢一個鐘，好似以前上PE堂咁，今日可以去打一個鐘泰拳，聽日可以做瑜伽，喺手機book完，個人準時show up就得，地方揀番近自己office，放工做完返屋企食飯都得。不過以前個App仲有好多可以蒸吓身、蒸吓腳呢啲嘢玩，家陣都無晒喇，變咗要額外畀錢。個App另外好就係可以望下有咩活動先課金，砌到成個月時間表的話，咪健康吓囉。呢個係其一，如果唔想由做運動着手，想食得健康啲嘅，都有計！仲可以食埋英鎊平條水㖭呀！英國有個blogger，姑且叫佢KOL啦，介紹健康零食介紹到出晒名，家陣自己每個月揀啲健康嘅零食，塞落一個surprise box度，訂購咗嘅用戶可以每個月都收到一盒有零食有飲品嘅sourced box。如果日日坐office都係食熱浪、麥提莎嘅，咁不如試下啲天然海鹽焦糖bar、天然拖肥波波，或者西蘭花脆片啦，咁食法都無咁有罪惡感！不過呢個投資就可能要請教網購達人喇，因為係要先寄去英國，再代運嚟香港嘅。買足一年嘅驚喜健康零食，計番家陣英鎊都係千幾二千蚊咋，呢個價錢每日食熱浪飲檸茶都係食到八十幾日，仲會生痘痘㖭。【家姐教路】無論係用利是錢嚟買乜嘢都好，最抵一定係入晒落銀行，再用信用卡嚟買，用利是錢找信用卡條數。做運動App一定要用信用卡畀啦，呢個無計；至於英國零食，如果可以自己搵到代運服務，就可以碌英鎊自己買，賺到miles又唔使畀代購賺。不過小心代運收費呀，家姐中過伏，買咗三盒零食運番嚟要500蚊！三盒零食都係300幾蚊咋陰功。用代購之前，一定要先用佢個計算機預測吓運費係幾多呀！資料補充：做運動App係Kfit，英國零食係Sourcedbox，本人並無持有以上股票關家姐
http://fb.com/kwangajei本欄逢周五刊出
來源:
http://hk.apple.nextmedia.com/financeestate/art/20170127/19910076
【財經八一八】 廣場舞月消費千億
1 :
GS(14)@2017-01-31 17:58:25https://hk.finance.yahoo.com/new ... 0%83-040045800.html
講起具中國特色的舞蹈，老戴立即想起近十年風靡中國的「廣場大媽舞」。雖然不少人批評廣場舞毫無美感，加上音樂嘈吵，但大媽們無懼落雨、霧霾、打風都要跳的廣場舞，原來甚具經濟效益。
《央視》報道，中國跳廣場舞的人數，原來已超過一億人，更形成極大的消費力。大媽們要買跳廣場舞用的靚衫靚鞋，加上音響設備，又要有小道具如摺扇等，每人每月可以花費約三百至五百人幣。方正證券首席分析師更估，全中國花在廣場舞的消費，每個月應該在五百億至一千億人幣。
截至去年底，中國就至少有十多間與廣場舞相關的創業公司，主要分布在北京、杭州、蘇州等地，至少有超過六間廣場舞公司獲得融資，總金額達到數億美元。例如糖豆廣場舞，其出品的手機應用程式，安裝量已經超過二千萬，每日活躍用戶超過三百萬，去年的Ｂ輪融資已經達二千萬美元。大媽撐起中國經濟，又一成功示範。
考慮重開公民廣場
1 :
GS(14)@2017-03-04 00:23:43■公民廣場現時不對外開放。
【本報訊】政府總部「門常關」一直為人詬病，林鄭昨被問及一旦當選會否重開政府公民廣場時透露，辭任政務司司長前，曾反覆考慮希望重開政總對出範圍，但基於保安理由，決定暫時採用封閉形式，表明：「如果我成為行政長官，我係好願意重新同我保安同事去研究，係咪仲有咁重大保安理由，要將呢個建築物本來係開放式，變成現時較封閉式。」梁振英任內不時向傳媒發律師信，被指打壓傳媒，林鄭被問到會否如此做時，稱不會與梁做比較。
現時中策組「幾黑箱」
對於政改和《基本法》23條立法問題，林鄭指，難以表明任內能否重啟政改，「你今日問我幾時有呢個條件同環境，恐怕就唔係我單方面可以主導」，並稱不能表明任內一定不為23條立法，但強調立法前一定要有比較有利的環境和條件。談及下屆組班方式時，林鄭表明班子要與自己理念一致，舉例指要認同福利應只幫助有需要的人，「如果有人話唔係呀，福利應該派，係每人都生而有的權利，咁你就唔好加入我班子嘞，因為盞得個拗字」。林鄭政綱一大賣點，包括對擁有推薦政府諮詢架構人選及批出政策研究經費權力的中央政策組大開刀，林鄭強調徹底改革中策組是「對事不對人」，會由現時「幾黑箱，唔知佢做乜」，變成更透明的機構，並會聘請20至30名年輕人在政策制訂時提意見。現時中策組由梁粉邵善波任首席顧問。■記者林俊謙
來源:
http://hk.apple.nextmedia.com/news/art/20170303/19946110
「紮鐵老行尊」斥2.3億 購沙田新都廣場兩層
1 :
GS(14)@2017-04-04 08:46:58【明報專訊】除住宅市場外，商廈市場走勢亦看俏。「紮鐵老行尊」香港建築紮鐵商會榮譽會長莫想深及曾燈發，分別透過沛豪有限公司、軒昌有限公司名義向大昌地產（0088）購入沙田石門活化工廈新都廣場21及23樓兩層，涉資約2.3億元。
呎租21元 料作長線投資
土地註冊處顯示，新都廣場21樓獲沛豪有限公司購入，作價約1.12億元；23樓則由軒昌有限公司以約1.14億元購入，每層樓面19,965方呎，折合呎價約5675元。兩家公司董事均為莫想深及曾燈發，兩人同是香港建築紮鐵商會榮譽會長。
市場消息透露，莫想深一向熱中於商業物業投資，過去曾購入工廈收租，是次聯同曾燈發購入新都廣場，料同樣作長線投資。消息又稱，目前該兩層單位均以月租約40萬元放租，呎租叫價約21元。
寶勒巷舖8800萬易手
此外，市場消息稱，尖沙嘴寶勒巷22至24號雲龍商業大廈地下A舖，面積約1329方呎，剛以8800萬元連租約易手，呎價66,215元。目前該舖為天興餐廳小廚承租，月租19.5萬元，租約期至2019年11月，租金回報約2.7厘。原業主為投資者麥志剛，他於2011年以6000萬購入商舖，持貨6年轉手賺2800萬或46.7%。
另外，灣仔告士打道宇宙商業大廈13樓全層剛以呎價1.3萬元轉手，以全層面積1328方呎計算，成交價約1726.4萬元。原業主於2013年3月以1500萬元購入，轉手獲利226.4萬元。
來源:
http://www.mpfinance.com/fin/dai ... 2791&issue=20170404
城中資訊：山頂廣場有香港特色復活蛋
1 :
GS(14)@2017-04-14 10:34:204月23日前山頂廣場會展出30件由著名朱古力品牌The Art of Chocolate全人手打造的巨型朱古力復活蛋，展現香港的特色，包括山頂纜車、維港夜景、粵式點心等，參觀完還可以出價競投相關展品，底價$600，競投所得收益全數撥捐奧比斯支持兒童救盲項目。消費並集齊8個復活蛋印章可換朱古力復活蛋。
■荷里活廣場
往荷里活廣場品嚐台南美食
鑽石山荷里活廣場於4月17日前有台南街頭小食節，可品嚐八大台南人氣美食店的早餐及宵夜古早風味，包括糯夫米糕、手工蛋餅、一點刈包、所長茶葉蛋、碗開富粿美食館碗粿、等天光三明治酥炸思慕魚柳、虱目魚菲力、王家庄狀元粿。即場捐款$20予港澳台灣慈善基金會換領美食一份，籌得捐款將用作支持台南災後重建工作。
■悅來坊
荃灣悅來坊設巨型扭蛋機
4月份荃灣悅來坊會有本地創作卡通CAPSUBEANS打造的復活節扭蛋美食工房，場內設置趣怪化學實驗室場景和吸睛巨型扭蛋機，消費$500可扭出不同獎賞。還有蝶古巴特舊餐巾環保復活蛋工房及分子料理工作坊，現場報名參加。4月23日有復活節樂遊遊巡禮，歡樂小丑將會於商場內表演即興扭氣球，以各式造型氣球作為小朋友的復活節禮物。
■馬鞍山廣場
置富Malls打造夢幻樂園
4月30日前紅磡置富都會及馬鞍山廣場有B. Duck聯同Mentos打造的繽紛夢幻樂園，場內設有巨型糖果屋，多隻印有Mentos組合圖案的立體B. Duck是拍照打卡熱點。另外，指定日子在指定商場將舉行至Fun嘉年華，帶來大型旅行車造型吹氣彈床、小型賽車競賽、遊戲攤位及DIY工作坊等活動，4月14日至15日於馬鞍山廣場舉行，4月16日至17日是觀塘麗港城商場及將軍澳都會噔，4月29日至30日為沙田置富第一城及北角和富薈。
■淘大商場
淘大商場展出迷你四驅車
4月16日前九龍灣淘大商場有至型樂活森林主題活動，以日本模型製造商TAMIYA的越野四驅車及原始森林為主題，大家可以在1比3經典系列LunchBox越野四驅車前拍照，亦可參觀場內展出的多款絕版及經典迷你四驅車、手製模型、獲獎模型作品等。4月16日舉行全港學界迷你四驅車大賽2017前哨戰，場內設有全長逾百米的大型迷你四驅車軌道，供各車手於比賽中展示個人砌車技術及愛驅的速度。
■康怡廣場
康怡廣場變朱古力世界
鰂魚涌康怡廣場4月24日前有奇幻朱古力嘉年華主題活動，商場被佈置成吉百利朱古力世界，有朱古力花園、大型朱古力噴泉、真人比例般大的朱古力蛋。4月15日有奇幻朱古力Live Show，由甜品師即場示範朱古力藝術，以創新烹調方法將吉百利朱古力演繹在超過三米長的畫布上，4月16日有復活兔大派吉百利朱古力。消費$200換限量版復活節嘉年華文件夾，滿$800換復活節朱古力火鍋套裝。
來源:
http://hk.apple.nextmedia.com/financeestate/art/20170414/19989505
內地客68萬掟荃灣地皇廣場舖 勁蝕八成
1 :
GS(14)@2017-04-22 10:19:47不少近年新晉劏場都成投資者英雄塚，荃灣大河道地皇廣場，剛有一個3樓蚊型舖以低價68萬元沽出，投資者死守四年半，要勁蝕八成離場。由一名內地人士持有的地皇廣場3樓366號舖，建築面積80方呎，實用率只有一半、即40方呎，剛以68萬元沽出，實用呎價17,000元，較同區新盤柏傲灣大部份住宅單位還要低。同時，亦為商場入伙以來，首宗成交價低過100萬元的舖位。舖位在2012年底一手購入，作價高達341.1萬元，當年呎價要85,275元。內地客持貨四年半，勁蝕273.1萬元，大幅貶值80%，蝕幅亦冠絕整個商場。地皇廣場的交投非常淡靜，根據土地註冊處資料，商場近兩成只有3宗成交，全數蝕讓。之前兩宗在2015及16年錄得，分別成交價250萬及152.7萬元，要蝕153.5萬及280.5萬元，跌幅38%及64.8%。雖然地皇廣場舖位勁蝕八成，不過全港蝕幅之王依然是經典劏場—尖沙嘴首都廣場莫屬。商場3樓T205號舖，實用面積只有40方呎，成交價70萬元，呎價17,500元，大幅損手298萬元，較一手價368萬元蝕81%。
來源:
http://hk.apple.nextmedia.com/financeestate/art/20170420/19995062
Next Page