【add】紅人主場：新生許志安
1 :
GS(14)@2017-01-06 02:07:58入行30年，踏入50歲。許志安近兩年走出安全地帶，2016年兩度上內地歌唱節目真人騷、拍電影，2017年再出碟，新歌由悲情歌王，轉了悠然講生死、有禪味，甚至可能去拍電視劇，「我以一個新人嘅心態去push自己；行一步，見一步」。自評外表冷漠，歌聲溫暖的許志安，也難得開放自己去講講老婆Sammi，「結咗婚都幾好，幾有新鮮感」。撰文：林妙萍攝影：周樂恒造型：陳蔚渝攝錄：郭賢興化妝：Maggie Lee髮型：Seiko Sin@Hair Culture為影專訪，許志安將平日下午二時跑步操體能的時間，調到早上，先操肌再開工（其實無露肌照），認真心態和新人一樣。
Salvatore Ferragamo圖案外套、藍色長褲Etro灰針織Louis Vuitton麂皮鞋
Louis Vuitton麂皮拼針織外套、灰色恤衫
18安士的生死
「一兩年前開始，我好想做一啲想像以外嘅事。求新，求變，求一個新鮮感。」許志安入行30年，近兩年想跳出安全地帶，試新鮮事物，之後走到內地參加真人騷《蒙面歌王》、《中國之星》，開眼界，再拍大尺度電影《兇手還未睡》等。2017年新專輯《18安士》、一月演唱會，找來新合作單位如Dear Jane等，集合不同力量創作，一切只為求新求變，「成日提醒自己，要free hand，任何規限都唔要，唔要縛住，專輯、演唱會，成件事我冇任何參與，只係諗隻歌要用咩唔同、新鮮嘅聲音去唱。」例如，用唱情歌方式唱Hard core的《非安全地帶》，悠然溫暖的歌聲唱講述死亡的《靈魂道》，「死亡其實係一個歷煉，同食甜嘢一樣，但唔同味道。」
■許志安和鄭秀文2013年結婚。
《蒙面歌王》做鐵皮人
每晚和Sammi祈禱
許志安坦言近幾年心態較開放，比以前open肯講，包括訪問最初表示話「慣咗唔講」的老婆鄭秀文。相識25年以上、結婚4年，老夫老妻？「唔好咁樣講，我覺得幾好，好有新鮮感，因為你第一日就會知道係咁樣嘅生活。」新鮮感來自懂得欣賞對方無聊的幽默，許志安帶點靦腆，「即係，餵貓嘅時候，我着到鬼五馬六，着對皮鞋，又着條瞓覺褲，咁凍又着件羽絨，個頭又亂，我又戴頂啱啱開完騷嘅帽，佢見到，咪笑：『嘩！你睇你個造型咁！』」許志安和Sammi每晚一同祈禱，婚姻生活就是日常，「大家都知道係好實在的，生活就係貼地㗎啦，將佢下下浪漫化，都唔係我哋。」
《兇手還未睡》
《靈魂道》
不儲衫更不網購
「我有一段時間真係咁，望到自己個衣櫃，都覺得有啲悶，因為全部都係黑色。自從嗰次見到，一見到黑色就抗拒，咪開始試其他顏色」許志安自命不是時裝人，極少網購，更不會儲起歌衫、時裝，「衣櫃好細，因為我想keep住佢新鮮；我鍾意着棉質，唔會online shopping，行街係一種樂趣。」
每一個十年
「唔係我揀咗唱歌，係唱歌揀咗我，所以一定有啲嘢個天想我去做。」入行30年，第一個十年、1997年是這首《我的天我的歌》，「嗰時好似一個球員，傷咗好耐，出嚟打嘅第一場波，因為嗰時轉新公司，俾舊公司雪藏咗一年。」第二個十年、2007年《前程錦繡》，「嗰時心態係，又唔係咁多火，覺得要唱啲所謂自以為多啲貢獻嘅歌。」今年，第三個十年的《非安全地帶》，講出許志安心聲，坦言以往一定要感覺安全、有把握才做，如今不想。「唔使諗返做過乜，啲人話見一步，行一步，呢樣係比較悲觀嘅，但行一步，見一步就正面喇。」更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170105/19886638
【add‧Beauty】Fiona愛飲茶展示Fresh凍齡清新靚樣
1 :
GS(14)@2017-01-08 19:02:50入行超過10年的薛凱琪Fiona，已踏中女之齡，依然keep到高顏值及窈窕身型，難怪會吸引到護膚品牌Fresh找來阿Fi合作，分享她的凍齡秘密。阿Fi前日就到灣仔出席「FRESH都市茶園」發佈會，會上更播出由鄧永鏗愛女鄧愛嘉操刀的廣告短片，當中紀錄了阿Fi排練、護膚、運動等日常生活及工作，為配合新作「紅茶緊緻塑顏面霜」，今次短片亦以「茶」為主題，與喜歡喝茶及崇尚天然護膚原則的阿Fi不謀而合！
世上沒有醜女人，只有懶女人。勤力護膚以外，做運動與健康生活都好重要。
「我係工作狂，日日做嘢要化妝，所以要落得乾淨，但有好多洗面產品好乾，我會用落妝油，再洗兩次面，所以會揀mild但又乾淨嘅洗面產品。」阿Fi又表示特別注重面霜，「我會揀有firming嘅面霜，因為我好懶又好忙，可能半年先做一次facial，所以一定要揀啲好滋潤嘅cream去抵觸番唔做facial，另外我又會厚敷，抵觸番冇時候敷mask。」飲食同樣重要，阿Fi會飲有機果汁去保持靚皮膚，「每日飲一杯果汁，無論對身體同皮膚都好好，盡量食有機嘢，cream會被皮膚吸收，所以護膚我都會用natural嘅嘢，好似fresh會用水果、磨砂係用糖，又或者用杞子、黑荼，所以我內至外都希望用natural嘅嘢。」「FRESH都市茶園」會在今個周末（1月7日至8日）開放予公眾參加，提供多款美肌紅茶、以紅茶及杞子果實入饌的精緻茶點，及茶道、書法等工作坊，參加者更可免費獲贈紅茶護膚體驗套裝及限定tote bag。
阿Fi出席「FRESH都市茶園」發佈會兼分享護膚tips
轉眼之間，阿Fi三十有五，但依然一臉童顏，難怪獲Fresh選中拍廣告。
紅茶緊緻塑顏面霜$820/50ml
期間限定「FRESH都市茶園」日期：1月7至8日地點：灣仔永豐街8號地下D1號舖時間：10：30 am-8pm更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20170108/19890193
【add】紅人主場：Mark嫂梁家玉 完美煮婦
1 :
GS(14)@2017-01-12 08:08:37Dolce& Gabbana透視波點衫Tu es mon TRÉSOR牛仔褲(Lane Crawford)Giuseppe Zanotti手鈪、白色高踭鞋
這年頭觀眾愛看飲食節目，煮得一手好餸的圈內人不少都紛紛擔任主持顯身手。雷頌德(Mark)太座梁家玉(Jade)醉心煮西餐做甜品，年前都主持過大台飲食節目。曾做模特兒的Mark嫂真正做到入得廚房，出得廳堂，靠的是對煮食一顆奄尖的心，「我係好奄尖，乜都要煮得好、做得靚，老實講我係完美主義者。」統籌：林妙萍造型及撰文：趙潔恆攝影：周樂恒化妝：Krisie Wong髮型：Kavi@fifth廚藝了得的梁家玉，不時在youtube放上教學短片，上月更終於推出首本心血結晶、名為《Gorgeous》的烹飪書，「啲食譜都係原創，都儲咗大大話話七年。今次都出唔晒，希望可以出第二本啦。」
Camilia& Marc印花裙
Esteban Cortatar黑色背心黑色長褲(Joyce)
■與阿Mark今年慶祝結婚十周年。
為囝囝學廚
Jade入廚多年，當初學煮飯單純是為了做個稱職人妻與媽媽，與前夫育有一子、共三子之母的Jade說：「因為老公同囝囝都好鍾意食西餐，但係成日出街食又唔係咁健康，咁喺屋企阿仔成日都話想食，咁佢哋想食我就去學煮喇。」芸芸這麼多道菜與甜點，阿Jade一學都是手到拿來，但惟獨有一味難倒她。「其他菜式基本上我一試就成功，但馬卡龍頭兩次係唔得嘅，對我嚟講印象係深刻，因為真係難做，任何一個步驟做唔好就做唔成，要做到完美嘅樣已經難，仲要兼顧埋好唔好味。兩次做唔到，我係一定要做到為止，到第三次換一個方法就做到，我啲仔最鍾意食。」
■上月推出食譜，封面靚相由老公拍攝。
煮得有要求
不難想像Jade在煮食上有幾固執堅持，她亦直認自己好奄尖，「所有廚具、所有食材，我都想用到最啱，唔係貴就係好，有啲係貴嘅好，有啲唔一定，總之係啱自己，做到你想做嘅就係好，呢個係我標準。對自己有要求先會進步，係件好事。」早幾年阿Jade為了增值都有去上課學廚，「想professional啲所以學，嗰時又幫老公公司手，又要湊小朋友，夜晚去返學真係好辛苦，不過其實證明咗你好想做一件事，你就會令自己fit到去做，有心去做就會做到。」學海無涯，Jade已計劃今年再去外國進修，有沒有打算開餐廳?「開餐廳一個人未必會兼顧到，可能會試吓做bakery。」
老公都愛宅
阿Jade同雷頌德今年結婚十周年，人前人後恩愛到爆。今次Jade出烹飪書，封面靚相就是由阿Mark操刀拍攝，早前Jade在Instagram放上新裝修的廚房照片，原來亦是阿Mark負責室內設計，夫婦倆相當合拍，「我同佢好相似，要搵一個都鍾意揸電單車就已經好難啦，仲要搵到個係揸烈火戰車，嗰時一拍拖佢知道好似執到寶咁啦。?家都係吼啲小朋友瞓咗先會出去揸電單車，我哋兩個都係好homey，我同佢又唔飲酒，所有嘢都係perfect match。」
■Jade對煮食好有要求，樣樣都要做到完美。
■愛上儲廚具，不時在Ig晒心頭好。
儲煲上晒癮
Jade是時裝迷，家中珍藏過百對靚鞋，不過近年儲鞋癮已變成儲煲癮。「近幾年去旅行唔係買衫褲鞋襪，而係買廚具。有啲煲喺香港買唔到，我都會捧返嚟，係物有所值，因為我會成日用到。我鍾意Le Creuset，會儲齊佢，越儲越多，我好明啲collectors，真係會上癮。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170112/19893680
【add】紅人主場：李幸倪再起飛
1 :
GS(14)@2017-01-19 08:08:09Alice McCall灰色針織白色短褲
在2011年出道的李幸倪（Gin Lee），經歷過低谷起跌後，去年加入新唱片公司再次回歸香港樂壇，推出大碟《beGin》寓意重新出發，在這個市道艱難的環境之下，亦成功奪得金唱片，證明只要用心唱，始終會有懂得欣賞的人，「可以重新出發係好難得嘅一件事，之前可以話得一個低谷，所以今次有種this is it嘅諗法，得就得，唔得就要返屋企喇！」統籌：林妙萍造型、撰文：陳蔚渝攝影：郭賢興化妝：Andy of Ndnco髮型：Eve Chiu of Queen's Private i Salon回歸這一年對 Gin Lee來說絕對是大豐收，除了奪得金唱片，又在各大頒獎禮上勇奪不少獎項，除了感到開心和鼓舞，更重要是對付出努力的肯定。
Iris& Ink露肩裙 Anton Heunis頸鏈（Lane Crawford）
House of Holland格紋上衣
一年當三年用
工作太充實，Gin Lee笑言只是短短一年，卻彷彿像過了三年，「2016係非常精采同充實嘅一年，發生咗好多美好嘅事，亦有好多挑戰，再睇番過得好快，但又好耐，感覺好矛盾，發生咗咁多事原來都只係一年，我去咗好多唔同嘅地方開騷，出咗一隻碟，攞咗金唱片。工作方面，除咗音樂亦有唔少新嘗試，例如電影配音、客串電影、拍微電影。」去年給予自己不少壓力，因此Gin Lee選擇今年走得隨心一點，「我對新碟都有好多期望，但係今次想用一個唔同嘅心態去面對挑戰。」她坦然新碟挑戰更大，參與度更高，「由零開始都係由我去計劃個概念，搵自己嘅班底，參與好多幕後，例如作曲，最大期望係希望可以製作到一隻有深度、可以感動到人，有共鳴、自己又滿意嘅碟。」她亦透露新碟概念，源自這些年的人生經歷，「上兩年經歷咗我自己前所未有嘅困難，呢段時間我睇好多書吸收養份，覺得自己成功過亦都失敗過，所以好想分享。」
■Gin Lee在各大頒獎禮上都奪得獎項，可以說是豐收一年。
第一首廣告歌
翻唱歌曲經常都會被比較，Gin Lee最近因為一個廣告而翻唱了張學友的《天變地變情不變》，不過她細膩動人的演繹，令作曲的盧冠廷和作詞的唐書琛都大讚唱得好，「好開心，呢首係我喺香港嘅第一首廣告歌，可以喺電視聽到自己把聲，感覺好得意，忍唔住同身邊嘅人講係我呀、係我呀。」今次Gin Lee亦特別透過MV傳遞出親情，「我同MV導演講，不如拍啲感人嘅嘢，呢個世界需要好多愛，呢首歌比我感覺好純粹，?家嘅流行曲好難搵到直接純粹嘅感覺，因為太多故事想講，好多情緒，唱完一首歌要好似睇完一套戲，呢首歌就好簡單，同埋我覺得除咗愛情，仲有親情係唔會變，屋企人永遠喺身邊，所以今次想用親情去表達。」
期待演歌舞劇
Gin Lee過往曾以素人身份參加內地節目《中國好聲音》，並加入了周杰倫隊，令大家留下深刻印象，問她可會再以歌手身份參加歌唱比賽節目，「暫時我覺得要專心做好音樂，參加呢類比賽係一個好好嘅宣傳渠道，但都要有自己嘅作品先，所以現階段要做好自己先。」除了唱歌之外，Gin Lee亦希望可以有機會嘗試演戲，「不過演戲比較深層，如果我做到呢樣嘢，對我嘅音樂都會豐富啲，我幾享受，好新鮮，所以如果有機會做舞台劇，我會好想做，因為係two in one，又可以演又可以唱，又有好即時嘅反應，所以我好期待。」
■Gin Lee家有兩隻可愛貓貓，不時一起合照。
可愛貓貓好減壓
面對壓力，Gin Lee選擇做運動發洩，「呢排經常跑步，做完嘢好攰又熄唔到機，就會去跑步或者做瑜伽，另外又會睇書。」隻身來港發展，把這裏當成第二個家，雖然一個人住，不過就不愁寂寞，因為除了有一班講心講義氣的好朋友之外，還有兩位重要人物陪伴左右，「我屋企有兩隻好得意嘅貓貓，佢哋可以令我即時減壓，同埋即時好開心嘅兩個人物，係貓物至啱，佢哋係好重要嘅角色。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170119/19901161
【add】紅金掛帥：過年
1 :
GS(14)@2017-01-21 03:36:52農曆新年將至，除了衫要夠紅，都要買個新手袋襯衫，專為雞年推出特別版的品牌有Gucci和Loewe等，《add》更搜羅了紅、金、閃石應節手袋，型住過雞年。撰文：林妙萍、顏英儀攝影：郭賢興示範：Lily of Model Genesis化妝、髮型：Kathy Lam of Ciao Bella服裝提供：Shanghai Tang
Ballin銀色clutch$11,800
Ralph Lauren流蘇手袋$6,900
爆紅的Gucci雞年入鄉隨俗，把經典Dionysus手袋換上應節的大紅色，並以壓紋及壓層工序印上金色Ramage花卉圖案點綴，又紅又金卻一點都不娘。
Loewe水仙花圖案clutch$9,450
Delvaux Brilliant手袋 $50,200（全球限量240個）
Loewe的雞年別注系列，將大熱T Pouch皮clutch，印上中國特色水仙花圖案，寓意初春萬物更新，以色彩奪目吸引眼球。近年由fashionista捧紅、有比利時Hermès之稱的Delvaux，農曆新年的限量版有以長青系列Brilliant換上紅色handle和buckle，大玩紅黑對比。
Louis Vuitton紅色手袋$23,800
Mark Cross金色手袋$14,600（net-a-porter）
一雞親
至於雞形特別版，MCM雙雞眼鏡的肥雞鏡框可以拆下來；雄糾糾的公雞、卡通造型的小雞亦大受歡迎，Dior等更推出矜貴的雞毛腕錶。
MCM小雞袋飾$1,900
Dior
VIII Grand Bal Plume羽毛腕錶（限量88枚）未定價
MCM雞形框太陽眼鏡$2,550
Longchamp小雞袋$1,550
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170120/19902610
【add．Beauty】豹嫂大手筆豪派Chanel給胡說八道會姐妹
1 :
GS(14)@2017-01-26 18:08:31單立文和太太、「豹嫂」胡蓓蔚出名恩愛，豹嫂更有一班「胡說八道會」的好姐妹，包括：胡杏兒、胡定欣、姚子羚等，經常一齊行山、跳舞，分享扮靚心得，去年豹嫂45歲生日，更全班姐妹一齊慶祝生日。
豹嫂大手筆，豪派Chanel新品給胡說八道會姐妹。
胡說八道會姐妹好好感情。
黃智雯「Laser姐塊臉要keep住靚靚」
這幾位姐妹，近日頻頻在ig多謝胡蓓蔚，原來豹嫂大手筆，一次過送了多支Chanel新出的Blue Serum肌抵液給姐妹們。豹嫂前幾日率先post了「Happy Skin, Good Life!#唔搽靚野點會咁靚#blueserum」，姐妹淘收到美容禮物後，大呼窩心，更一人一句玩hashtag多謝，姚子羚寫「#阿欣阿kate不用睡皮膚都ok」，胡定欣「#我有帶埋去做gym架 #bff」。
胡定欣拎住Blue Serum貼圖多謝豹嫂。
姚子羚
這支Chanel新作Blue Serum肌抵液，以全球長壽聞名的Blue Zone藍色樂活區為靈感，用上藍色樂活區特有的原生植物，如：哥斯達黎加的綠咖啡豆、薩丁尼亞島橄欖和希臘乳香黃連木，主打抗老化及關注肌膚的本質健康。
Chanel Blue Serum肌抵液$860/30ml
新作採用哥斯達黎加綠咖啡豆。
更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20170125/19907588
【add】紅人主場：周汶錡 燦爛孕記
1 :
GS(14)@2017-01-26 18:22:27Shiatzy Chen繡外套、吊帶裙
42歲的周汶錡（Kathy)可說是幸福女人人辦，名模之路無風無浪，遇上高富帥法籍老公，38歲結婚、40歲誕下混血兒子Jacques。去年如願懷上第二胎，輕輕鬆鬆、靚住陀B下月又生，「我對懷孕感覺係幾OK，生仔過程好快，湊仔仲緊要，好多嘢要學。」人生最燦爛的一章還在繼續。採訪：林妙萍造型：顏英儀攝影：郭賢興髮型：Debby Kwan of HAIR化妝：Meegan Seak周汶錡連續三年新年前夕到《蘋果》影相做訪問，變成紅人主場一個傳統。2015年她肚大如籮，2016年升格索媽，今次陀住七個多月身孕。
Gucci針織外套米白色絲質連身裙Jimmy Choo高踭鞋
Fendi絲質連身裙Tory Burch耳環
陀BB算舒服
「係喎，咁快又一年！?家重咗15磅左右，同上一胎差不多，round one，round two都一樣，哈哈。」Kathy去年11月在Instagram宣佈成功懷上第二胎，貼了可愛兒子Jacques摸她肚皮的照片：「跟大家一起分享我們的喜悅，Jacques快要做哥哥了！」
Kathy續說，「同生大仔一樣，過程算係舒服嘅，冇特別嘔、唔想食嘢、心情起起伏伏咁，我對懷孕感覺係幾輕鬆嘅。」擇好日子入院開刀，老公陪入產房，至於剪臍帶重任？「繼續留畀專業人士啦，佢陪住我就得。」
■周汶錡在網上宣佈成功陀上第二胎。
最怕大仔呷醋
仔女沒所謂，「仔的話，可以同哥哥一齊長大；女的話，一仔一女當然好。」反而法國老爺最想要孫女，皆因家中四個孫，全是小男生，「?家係四條King，哈哈！」陀B沒難度，湊仔更多學問，新一課是教導小哥哥迎接弟妹，怕不怕大仔呷醋？「驚！好驚！其實佢都會妒忌，好似我哋抱第二個BB，佢會呷醋囉，會叫：媽咪媽咪，好似好慘咁。問咗好多家長，朋友畀咗少少貼士，叫我準備啲禮物，話係將來BB送畀佢，佢會覺得BB都咁錫佢，感情上係好啲。」事先引導好重要，「其實佢唔係好明，我話你就嚟做哥哥，佢平時叫哥哥，哥哥係大人喎？咁我會同佢講，媽咪有baby喺肚，佢就好奇怪，我咪係baby？就會走去摸吓你個肚，始終佢太細，得一歲幾，未必知道。」
安胎留港過年
今胎肚皮較大，加上怕陀第二胎易早產，Kathy婚後首次一家三口留港過新年。「往年都飛法國，執個行李，買張機票就走得，?家要準備好多嘢，糕點啦、全盒啦、麻雀啦、幫佢買少少新衫咁，好忙！」
Jacques去年收了不少利是，Kathy會做教育基金還是為他儲定首期？「冇呀，我幫佢捐晒出去，佢啲新年利是、生日利是，都捐晒畀助學啲學生，等佢幫助啲有需要嘅小朋友。」
■網紅BB Jacques的聖誕甫士，吸了9千多個likes。
■Jacques去年7月慶祝一歲生日。
網紅Baby勁PR
周汶錡18個月大混血囝囝Jacques變了網紅嬰兒，一個Ig post，隨便也吸8千、近萬likes，一條學講法文、學打鼓短片，6、7萬瀏覽，絕對有本事收錢做網紅，Kathy說：「唔會啦，覺得好玩，想同大家分享。?家佢係幾得意，好多嘢講，好天真，口齒都幾伶俐，法文、英文、廣東話，乜都講。我個囝囝似PR咁乜人都黐，好搞笑。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170126/19908629
【add】新年新妝：兩片酒紅
1 :
GS(14)@2017-01-27 07:40:47女士除了添置新年應節新裝之外，也可換上新妝提升當旺氣場。近期大熱的酒紅色唇妝席捲歐美，港女卻怕畫酒紅色唇妝難處理，徐子淇御用化妝師Gary Chung，就以簡易步驟示範漸變與啞致兩種紅唇妝效，化出有型風格。造型及撰文：趙潔恆攝影：周樂恒示範：Shi Yi Lin@ Style化妝：Gary Chung髮型：Harry Lau
漸變
1.先淡化唇邊色澤，用少量濕粉沿唇邊印一印做到淡色一些，再於唇邊印上少許碎粉，令唇邊更乾淨。
2.利用氣墊唇釉塗一層酒紅色打底，以氣墊拖畫出透薄而平均的效果。
3.塗第二層的色調要濃烈一些，可以擠多一點份量唇釉，集中塗在唇中央，卻不要塗近唇邊。
Make up For Ever Acrylip#401$180
Gary貼士：妝容點配搭？
酒紅唇色是妝容焦點，Gary就指眼影與胭脂不要再用太多紅色，「胭脂可用光影粉取代」，以修容為本令輪廓分明便可。「眼影可利用自然的啡調營造貓眼效果，令整體妝效更型格。」
啞致
HourglassGirl Lip Stylo#Warrior$300
1.利用筆狀唇膏畫唇山，線條清晰且可以畫得圓渾一些。
2.之後微微張開嘴巴畫唇角。
3.畫唇底時要微笑，下唇紋就會拉平，有助勾畫好整個唇形。
4.將面紙撕開最薄一層鋪在唇上，輕輕一按，然後掃上碎粉，碎粉會透過面紙薄薄落在唇上做到絲絨般的啞致效果。
年輕的華麗
不少女士以為酒紅色令人看起來成熟，但其實歐美的年輕一代女星都紛紛以酒紅美唇示人，出爐金球影后愛瑪史東（Emma Stone）近來不少紅毯造型都是酒紅唇look，令形象向來甜美的她增添一份華麗格調，香港代表就有鄭秀文。
愛瑪史東
鄭秀文
選擇貼士
DiorRouge Gradient#975$280
ESTÉE LAUDERPure Color Envy Liu Wen#Vengeful Red$280
YSLBEAUTE Vinyl Cream#N409$295
GIORGIO ARMANILip Magnet#403$310
NARSMysterious Red Velvet$230
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170127/19909910
【add】紅人主場：苟芸慧索爆回歸
1 :
GS(14)@2017-02-03 03:10:36Michael Kors條子上衣、外套及波點褲
苟芸慧三年前因不堪壓力，令甲狀腺失調，導致體重不受控地暴脹，近日減肥成功，索爆回歸娛樂圈，瘦了兩個碼的她重拾自信，經歷過人生最低潮後，苟姑娘才發現原來自己好幸福，放下以往的執着，重新再出發。統籌：林妙萍撰文、造型：顏英儀攝影：郭賢興 化妝：Emma髮型：Sue Cheng of Hair Corner K11於台灣出生，加拿大長大的苟芸慧，09年當選國際中華小姐冠軍入行，出道時有翻版林熙蕾的稱號，是不少男人心目中的女神。可是入行後負面新聞多多，緋聞不絕，同郭富城拍廣告就被傳介入郭富城和熊黛林的戀情，有感委屈，令身體不堪負荷終於在13年爆煲，消失於幕前養病。
Maje紅色裙、耳環
Philosophy荷葉邊tube dress/rue Madame
靠做戲發洩
「之前我好努力工作，但個結果就唔係我想嗰回事，?家知道有好多因素影響呢份工作，經已睇化咗，只要做好自己就得，有情緒可以透過做戲發洩出嚟，終於學識咗唔好將事情放大，好多事要經過先知道，原來自己好幸福。」若工作上再遇城城會否接？「唔係真嘅，所以唔使驚，大家都係朋友，同佢拍過一次廣告，佢仲教我邊啲位會拍得靚啲，教我好多嘢，個人又nice，係一個好好嘅前輩。」
■苟姑娘和錫礦大王之子陸漢洋傳拍拖。
■近年處女黨成員陸續出嫁，苟芸慧並不心急趕嫁。
■苟姑娘自言不抗拒和郭富城再合作。資料圖片
性感無底線
回勇後的苟姑娘早前為男性雜誌拍攝了一輯噴血寫真，相片出街後，她IG的follower更爆升一倍到15萬人，「今次真係好surprise，冇諗過咁大feedback，自己學識咗要調節心態，唔好諗得太多，今次有出乎意料嘅結果。」放下從前的執着才會懂得活在當下，苟姑娘除了進修珠寶設計和演員課程之外，也計劃出文字相集，事先張揚是性感無底線。工作mode再次啟動，感情似乎也有着落，早前苟姑娘被影到與馬來西亞錫礦大王陸佑後人陸漢洋（前名陸恭和）一起睇演唱會，又為男方慶祝生日，感情生活甜到漏，「我嘅感情生活同生活一樣都係好收埋嘅，當然生活中有人錫你，有需要時有個倚靠係開心嘅事，其實我嘅愛情觀好簡單，拍拖開始時要有刺激嘅感覺，但到最後係希望可以平平淡淡，另一半可以好似朋友咁，坦誠相對就得。」
唔鍾意靚仔
女神的擇偶條件原來好簡單，不用高富帥也能成為裙下之臣，「我自己都賺到錢，所以唔需要對方識得賺錢，而男仔太過靚仔我會有少少驚，我忍受唔到男仔一日24小時不停咁照鏡，如果對方成日出去玩，都會令我冇安全感，而有才華嘅男仔最吸引我，最重要錫我同屋企人，心靈上要溝通到，性格最好要開心、幽默啲。」苟姑娘同好友李亞男、鍾嘉欣、王君馨、岑麗香組成的「處女黨」，黨員紛紛退黨嫁人，現只剩下她一人，問到33歲的苟姑娘是否心急嫁人？「爹哋媽咪都關心嘅，我覺得唔使太心急，因為婚姻係一生一世，要好小心選擇，搵錯人點算呀！」
減肥要調節心態
苟芸慧在患上甲狀腺病時，有傳體重失控暴脹至170磅，病癒後她成功收身，除了行山和做運動減磅，也要改變自己心態，她說：「減肥都要調節心態，始終心態會影響身體，盡量令自己思想要正面開心啲，約朋友一齊出去食嘢，傾心事減壓，再調理吓身體，加上運動，同埋少食多餐，每一餐都盡量少油，例如食烚菜，我覺得塊面最難減，永遠都係圓圓哋，都唔知可以有乜方法可以令塊面再瘦啲？」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170202/19914955
【add】紅人主場：梁詠琪 一起成長
1 :
GS(14)@2017-02-09 23:44:24Valentino上衣及短裙
育有近兩歲囡囡的梁詠琪(GiGi)絕不是虎媽，但求女兒有快樂童年，比起狂操學業成績，更注重身教，「教佢要多啲講對唔住，我都會成日同佢講。」早前因工作而離家幾日，忽略女兒，GiGi也會報以一聲對不起。的確，在職媽咪不易做，對工作不定時的藝人而言更難，不過多得家庭作強大後盾，才讓GiGi無後顧之憂，盡情拍攝產後首部電影、大膽談同性情誼的《骨妹》。撰文：林嘉慈造型：趙潔恆、林嘉慈攝影：郭賢興化妝：Andy Leung of ndnco髮型：Nick Lam of Pi4.com.hk
TSA換湯不換藥重臨，求學就是求分數的本地教育生態，衍生一言堂訓導性家庭教育。相比起來，梁詠琪與女兒Sofia的相處模式較為平起平坐，「當我要求佢做呢件事嘅時候，我自己都必定要做到呢件事。」小至飯後收拾碗碟、在家遠離手機的習慣，GiGi都一邊教女，一邊反省自己的不足，「我哋唔希望佢睇手機，變咗我返到屋企都唔可以成日望住部手機。」她續說：「要點樣做到身教，呢樣有時自己都會疏忽咗。」
Simone Rocha透視裙
Christian Louboutin高踭鞋
■GiGi盡力抽空陪囡囡成長，兩母女感情要好。
對唔住囡囡
認錯，不一定是子女單方面做，「我哋成日教佢要多啲講對唔住，有啲乜疏忽咗，就即刻同人講對唔住，變咗有時我對住佢都會。」大半年前GiGi向女兒說的一句「對不起」，令她留下深刻印象，「做完嘢過咗幾日先返屋企，幾日冇見佢，返到去佢已經瞓咗覺，佢半夜突然間扎醒咗，我見佢擘大眼，我好掛住佢，咁我就乘機抱起佢，點知佢唔要我抱，要爸爸抱。雖然嗰一刻係佢令到我好傷心，我忍唔住鼻酸，但諗深一層係我要同佢講對唔住，問佢：『離開咗幾日，係咪唔認得我？』講完之後佢又俾番我抱。好得意，有時有結果出咗嚟，會令我諗自己係咪做得唔夠好。」
GiGi落力在工作及家庭中取平衡，去內地、台灣工作寧願辛苦自己速去速回，試過要遠赴歐洲工作，她就順道與西班牙老公計劃一趟家庭旅行，盡可能不想錯過陪女兒成長的時光。
家人撐拍戲
早前去澳門拍攝產後復出的首部電影《骨妹》，是離家較長時間的一次，幸得家人支持，她才勇於挑戰被同性情結所困的角色，「我個角色詩詩嘅痛苦係一路好深愛靈靈呢個女仔，但冇靈靈咁清楚佢哋之間嘅愛意去到乜嘢程度。詩詩同先生去咗台灣生活，佢有種莫名嘅空虛同痛苦一直喺度，佢酗酒，冇辦法投入婚姻。」角色至最後才恍然大悟，知道女性密友視自己為伴侶，惜對方早已離世。為全情投入拍攝爆喊戲，GiGi有幾日逼不得已「自閉」起來，「呢套戲比較沉重啲，好多時就算我唔使拍，都自己喺房度休息、沉澱吓，又唔想將呢啲情緒帶返屋企。好投入嗰時，可能連電話都唔傾，費事佢影響到我，我又影響到佢哋。」
■飾年輕版自己的廖子妤(左)，和余香凝(右)，梁詠琪現都看好能奪金像獎。
■GiGi在新片《骨妹》中飾演情緒低落的酗酒婦人詩詩。
情人節開工
由全職湊女的媽咪，霎時轉換至苦情片演員mode，GiGi覺得有好有壞，「有時有樣嘢你成日做，會磨滑咗，?家新一個自己，生活上去咗另一個層次，再去接一個咁好嘅角色，體會又唔同咗。」最辛苦是一場向老公交代內心鬱結並道別的戲，耗盡體力，「嗰場戲好傷心，睇住一個咁愛你嘅男人，而你冇辦法接受佢，然後委屈咗咁多年，你同佢開口講道別，嗰吓好心痛，諗起如果有一日要同好心愛嘅人道別，因為內心某一啲原因而冇辦法一齊，好慘。」產後復出的GiGi戲接戲，下星期的情人節，也在片場度過，「暫時知道會身在無錫拍電影，可能冇時間慶祝情人節。不過冇關係，今年唔慶祝就留番下年慶祝。」
睇好同片後輩拎金像獎
金像獎前日公佈提名名單，在《骨妹》飾演年輕版梁詠琪的廖子妤入圍最佳女配角，飾靈靈的余香凝則角逐最佳新演員，對於兩位後輩雙雙入圍，GiGi說：「好戥佢哋高興！佢哋喺戲入面嘅演出真係很好很自然，兩個得獎嘅機會好高。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170209/19922118
Next Page