【add】紅人主場：談善言機會來了
1 :
GS(14)@2017-03-03 00:59:56Merimekko黃色套裝Claudie Pierlot高踭鞋 Atelier Swarovski水晶耳環
影圈新人談善言（Hedwig)憑處女作《點五步》獲金像獎提名最佳新演員，25歲的她由模特兒變做演員機會不斷，入行時被稱文青女神，最近為慈善電影把頭髮剃掉，skinhead造型令女神幻滅，卻意外地發掘了自己的另一面。統籌：林妙萍 撰文、造型：顏英儀攝影：郭賢興化妝：Kinki Wong of MASH73 LTD談善言早前拍攝慈善電影《告別之前》，因飾演腦癌患者而把頭髮剃掉，為藝術犧牲，這個skinhead形象，意外地令她的形象更加突出，有型有格。
Claudie Pierlot牛仔褲、皮褸agnès b.背心Atelier Swarovski水晶耳環
Claudie Pierlot白色露肩裙、民族腰帶 Chachawax手鐲/Cocktail
冇信心攞獎
上年談善言首次踏足影壇，接拍由新晉導演陳志發執導的低成本勵志電影《點五步》，獲今屆電影金像獎8項提名，而她亦有份角逐最佳新演員，「有份提名已經好開心，坦白講我冇信心可以攞獎，有提名已經係對自己一個肯定，令更多人認識我，我希望胡子彤（點五步男主角）會贏，其他對手好似坤哥（吳業坤）同余香凝都演得好好。」娛樂圈每年新人輩出，等一個機會短則幾年，長則要等上一輩子都未必會遇上，對於一位新人來說，談善言是比較幸運的，機會接踵而來，「講真冇諗過套戲會咁受歡迎，有份參與已經好幸運，呢一行好多人都好畀心機，但未必會俾人見到，我識好多同學都做得好好，但佢哋冇我咁好彩，相對呢方面我比較好彩。」
■談善言原本在後台做dresser，後來被發掘做model拍廣告及拍電影。
燃起演員夢
談善言續說：「我最叻係幸運，之前都唔係做model，我本來係做dresser，係有模特兒公司嘅人問我有冇興趣做幕前接吓job，做model時試鏡又cast中拍港台劇，之後又有朋友問我有冇興趣去電影試鏡，嗰時都唔知《點五步》係一套會喺咁多戲院上嘅電影。屋企人都好放心我去做我想做嘅事，基本上都好少過問，知我可以自己搞掂，不過我知阿媽都有同朋友親戚講阿言拍咗邊套戲，而我阿爺就最開心，會將我雜誌嘅相一本本咁儲起。」今次獲金像獎提名，亦燃起了談善言對電影的一團火，「提名之前我冇乜目標，之前只係想喺呢行默默生存就OK，我相信今次上台嘅機會唔大，之前都冇諗做演員為終身職業，但今次提名後希望有一次真係可以好有信心咁上到台，可以同大家講聲多謝。」
文青變和尚
90後的談善言性格坦白又率性，出道時被稱做文青女神，最近因拍戲而把頭髮剪掉，即變酷爆型女，「我覺得自己擔當唔起文青呢個稱號，因為我個性格比較男仔頭同粗魯，所以我覺得自己唔配。剃完頭之後唔使成日洗頭，慳咗好多時間，呢個look都係新嘗試，不過男友就笑我似和尚，仲幫我影咗輯相留念，一個女仔一生人好少有機會剃頭，今次都係一個新嘗試，可以開拓一個新方向畀自己，改變造型對演員嚟講係好事。」
■談善言樂於在Ig公開與男友的合照。
90後愛情觀
25歲的談善言已有一位穩定男友，不過她就對婚姻沒有憧憬，「兩個人拍拖最緊要舒服，結唔結婚係額外嘅事，我或者唔太適合結婚，結婚要好穩定同一個伴侶一齊係好難嘅事，呢個moment相處到就OK，生命有幾長都唔知，簡單嚟講係不在乎天長地久，只在乎曾經擁有。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170302/19944129
【add】紅人主場：廖子妤余香凝 進擊之新人
1 :
GS(14)@2017-03-23 06:51:20On Jennifer：Maje黑色喱士裙Pedder Red高踭鞋On Fish：Camilla& Marc印花襯衫La Boutique黑色喇叭褲
香港娛圈出現斷層說了多年，今屆的香港電影金像獎提名名單上卻看見不少具潛力的90後新生代演員，26歲的廖子妤（Fish）與24歲的余香凝（Jennifer）憑《骨妹》分別入圍香港金像獎最佳女配角與最佳新演員，一剛一柔在影壇步步進擊！造型及撰文：趙潔恆攝影：郭賢興香港電影金像獎將於下月9日舉行，提名最佳新演員的余香凝早前卻遇上車禍，Jennifer鼻骨骨折兼臉上恐留疤，她說：「之前都好擔心去唔到金像獎，?家應該OK，好番好多，如果化妝cover唔到，睇吓服裝上點處理，最壞打算係結黑色焦我就搽黑色胭脂，我點都會去嘅。」
On Fish：RedValentino彩色knit背心On Jennifer：J. Crew格紋tube top藍色皺邊裙
Sea NY粉紅色單肩衫
Claudie Pierlot紅色西裝外套
爭獎有信心
Jennifer與Fish二人較早前接受訪問提到入圍金像獎，Jennifer都表現出後生可畏的精神，「做人就一定要有信心嘅，好相信吸引力法則，但係入咗圍我都當贏！」由馬來西亞來港發展的Fish在今個月初的大阪電影節也憑《骨妹》奪得傑出才能獎，對她來說很大鼓舞，「因為係我演藝生涯第一個獎項，我一路都以做好演員為目標，至於金像獎都未敢諗太多，怕希望越大失望越大。」二人笑說已想好頒獎禮後要去吃雞煲，「我哋最鍾意食雞煲，如果兩個都有獎，就公司請，如果兩個都冇獎就自己畀番錢啦！」
■廖子妤於大阪電影節奪得傑出才能獎。
■余香凝在去年尾舉行的澳門國際影展奪得最佳新演員。
■二人因《骨妹》而成為好姊妹。
不抗拒裸露
Fish兩年前在《同班同學》有裸露演出，新人來說絕對是大膽去到盡，提到為演戲還會再挑戰底線嗎?「似乎都冇乜嘢比全裸更底線，我唔敢講實將來唔會再咁做，但係如果同《同班同學》題材太似都未必，可能到我下個階段、大個啲，演媽媽嘅有需要都會考慮。」至於第一次拍電影就要學吸煙、學講粗口的Jennifer，對赤裸演出都抱開放態度，「如果劇本係好都唔會介意，睇過阿Fish做過嘅，都唔係色情，最緊要係劇本。」兩個女仔一齊拍戲好易惹爭風是非，不過二人如戲中一樣成為好友，Jennifer話：「我哋識咗五年，不過都係拍完呢套戲先至好friend。」二人本來準備要互爆對方秘密，最後變了互數優點，認真好姊妹，Fish舉手要先講：「Jennifer學嘢好快，工作又準時，人哋一嗌佢就九秒九飛埋去，做乜都會話OK。」Jennifer就形容Fish是個高質素朋友：「佢會好認真分析一件事，成日有好多message同錄音彈出嚟。」
傾感情煩惱
Fish與Jennifer分別同演員周祉君與陳家樂拍拖，兩姊妹更會分享感情煩惱，Fish話：「我哋呢啲青春少艾梗係會講吓啦，都會兩pair出嚟一齊食飯傾偈，大家都係做呢行，會傾電影嘅嘢。」
子華神與嘉玲姐
廖子妤在馬來西亞讀書時已視黃子華為偶像，即席唱出子華神所創的《不灰鞋》，又說：「覺得住喺香港最開心就係可以睇佢嘅舞台劇，我最鍾意就係佢一套內地電視劇叫《非常公民》，覺得佢好有魅力。」余香凝拍《骨妹》時看了很多劉嘉玲的電影學做大家姐，但她最想合作的女演員卻是林嘉欣，「佢係我女神，如果可以喺佢身上學到少少嘢就好喇。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170323/19966656
【add即時．尚】Valentino帶領時尚 眾星演繹最精緻配搭
1 :
GS(14)@2017-03-25 10:34:28【特約報道】女星們的衣著一向是眾人焦點！不論在電影銀幕、國際頒獎典禮的紅地毯、或是機場，她們的穿著打扮也會成為城中熱話。而近日所見，最常曝光的手袋就是Valentino於2016年秋冬首次推出的Rockstud Spike系列。
Rockstud Spike得到眾多女星的喜愛，如范冰冰、劉嘉玲﹑楊冪，甚至韓國女星崔智友也是該品牌的支持者，無論出席任何活動也不難發現「它」的蹤影，一直帶領時尚潮流。
Rockstud Spike手袋延續至今年春夏，繼續成為眾星追捧的配搭潮物。這款手袋融合傳統與創新，一方面突顯意大利的卓越工藝和豐富多樣的人文傳統，另一方面展現突破傳統、推陳出新的創意，成就充滿搖滾及街頭人性化時裝味道的新風格，形象千變萬化，為今個春夏展現時尚態度。
無論出席活動或是到機場，Valentino Garavani Rockstud Spike手袋也是女星的不二之選。
手袋表面以工匠精巧的絎縫技術，鑲飾鉚釘以湊出龐克圖案，經典傳統亦可成為投射個人風格的配搭。
Rockstud Spike手袋以靈巧及多用途取勝，隨時變身。它不僅是個性寫照的時尚配飾，且可塑造鮮明形象，宣示時尚態度和不同韻味。
來源:
http://hk.apple.nextmedia.com/entertainment/art/20170325/19969352
【add時尚】Lottie Moss 19歲光環
1 :
GS(14)@2017-04-04 08:59:31■姬蒂摩絲細妹Lottie Moss上周接受《add時尚》專訪。
這位嬌小金髮女郎，是時尚界近年力捧的新面孔！名字叫Lottie Moss，沒錯，她是超模姬蒂摩絲（Kate Moss）的妹妹。同父異母、19歲的Lottie，在超模家姐的光環下，14歲在姬蒂婚禮做花女驚為天人，已行過巴黎時裝周，上過《Vogue》封面，上一秒在康城着Dior行地毯，下一秒在學校準備A-Level。今年更連環代言超級名牌Chanel、Bulgari。
Lottie日前以Bulgari配飾代言人身份，第一次來港出席珠寶活動並接受《add時尚》專訪。採訪：林妙萍攝影：周樂恒
■Lottie Moss已成為天橋常客，今年2月在倫敦為Topshop Unique行騷。
首次來港、19歲的Lottie Moss以Bulgari代言人身份在半島受訪。事前其經理人公司列明不准問有關姬魔、男友的問題，又不准錄影、不准坐低影相等，非常荷李活星級排場。不過，到正式訪問時，Lottie講到丟失爸爸所送的大批珠寶、女伴向她借手袋的小事，全程喪笑，又重申自己是個乖寶寶，19歲女孩，還是可愛坦率！
A：記者 L：Lottie Moss
A：年紀輕輕就代言超級名牌，感覺如何？
L：某程度是幾「嘩！」的事，我都覺得幾自豪，真的難以置信。
A：最困難的部份？
L：我的家人、朋友都覺得是困難的。唔，我就覺得如交朋友，因為品牌不只是我的客戶，還是我朋友，當我要工作時，只是去見更多的朋友，我好樂意。
A：你的第一件珠寶是甚麼？
L：我記得前幾年，爹哋買了第一件珠寶給我，但你知，我其實都好細個，根本不知有幾貴，所以一直都遺失。最初買的是一條手鏈，之後他送了一條頸鏈，之後又是頸鏈，但我都是遺失，應該遺失了大部份。
■2014年姬蒂（中）帶住當時16歲的Lottie Moss（右）一齊睇騷。
人開心我開心
A：習慣活在大眾的眼睛之下？
L：是呀！我想我已經習慣了，沒那麼緊張。被人認到，我依然可以在倫敦街頭行街，只是有時他們會叫我個名，這就有點難。
A：Ig超過十萬追隨者，會逐一去看留言嗎？
L：會看少少，因為要看別人想甚麼。如果留言是好的，我會知可以post多些同類型；如果不好，我就會不再post。不過，我有時都會貼些有趣好玩的事分享。
A：你覺得自己是個怎樣的女仔？成熟？敏感？
L：我認我樣樣都有一點。有人跟我說，以我的年紀，我算是頗成熟，我想跟我的工作有關。說真的，我頗享受成熟，因為我男友26歲、朋友都是20多歲，我覺得夠成熟，與跟我一齊玩的人會易些相處。我都幾敏感，每個人都有呢個位。
A：你是個頑皮女孩？有沒有想像過30歲？
L：有時啦，不過我想我幾乖。我會盡力做事，我是那類想所有人都開心的人，以及我都頗喜歡現在的工作。30歲的話，任何事都可以發生，我沒諗過呀。
手袋姊妹齊用
A：你有多少個手袋？
L：太多，哈哈哈，太多，多到離譜。女朋友去夜街時，都會說「Lottie，借個手袋！」我就會說「好呀，拿去啦！」我與朋友一齊share手袋用，上次活動，我拿了三個Bulgari手袋給她們，開心到她們大叫：「這不是開玩笑，這個袋我想要很久。」哈哈，好好笑。
A：分享一個小秘密。
L：其實都不算是秘密，就是我很喜歡樹懶。見到牠們很開心，我有時會去一些慈善組織幫牠們。
【Lottie Moss起底】
出生日期：1998年1月9日（19歲）身高：5呎6吋三圍：30.5、24.5、35.5來頭：超模Kate Moss同父異母妹妹感情：與演員男友Alex Mytton熱戀中入行經過：13歲被當年發掘Kate Moss的模特兒公司Storm邀請加盟，火速拍了《Teen Vogue》等時尚雜誌，之後為Calvin Klein拍廣告，2015年行首個時裝騷Sonia Rykiel秋冬季。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170403/19978062
【add Star】Kelly自襯Carven
1 :
GS(14)@2017-04-04 08:59:31陳慧琳（Kelly）前晚在內地開騷，型開的Kelly選穿飾銀色圖案的藍衞衣，下身配薄紗裙，透出紫色襪褲最搶，完全配合身後的紫紅燈光效果。Kelly的歌衫是Carven今個春夏作品，女模行騷時裙子徹底透出內裏的紫色襪褲，Kelly就選擇打底半透視。
Angelababy收身DG Tee
另一位新任型媽楊穎（Angelababy），今年1月中生了「小海綿」榮升Angelamami後，至前日才在IG放了三張相，其中兩張清晰見到全身。相中Baby穿logo tee、前短後長的收身半截裙，騷纖瘦S形身段，產後兩個多月就火速收身。未知Baby是否忙於湊B，沒有太多時間shopping，多次翻穿身上的Dolce& Gabbana logo tee，這件tee上一次曝光是過年兼坐月期間，Baby與親友合照，之前亦被傳媒拍得穿同一件衫去辦年貨，不過logo tee當紅又易襯，多穿幾次都沒問題，還夠環保呢！撰文：安妮
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170403/19978073
【add Color】GA天橋妝
1 :
GS(14)@2017-04-04 08:59:31女人總有幾件化妝品跟身，妝品除了實用之外，外觀夠美觀，像件時尚配飾就更加分。撰文：趙潔恆
Giorgio Armani Beauty全新一季限定彩妝系列，會以2017春夏成衣系列的作品為藍本，將獨特的布料圖案放到彩妝盒上，而盒內的古銅蜜粉、電光彩藍色眼影液與裸色唇釉，亦處處充滿天橋妝容的影子。
薄紗眼影液 $340
The Runway PALETTE彩妝盒 $890
【M.A.C東方聯乘】
M.A.C最近與內地時裝品牌Ms Min的設計師劉晏合作推出聯乘系列，以中國傳統特色注入品牌的標誌性黑色包裝上，如唇膏與唇彩蓋頂加上中式繩結流絮，妝品色調則用上大紅色、牡丹深粉紅，極具東方味。
啞致艷紅唇膏 $190
Pearlmatte FacePowder $360
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170403/19978082
【add Star】楊冪 Balenciaga 好眠
1 :
GS(14)@2017-04-05 23:56:51■哪隻牌子當紅，從楊冪身上均會找到。
明星機場look近年已成焦點，他們均在有意無意間亮出新款服飾手袋鞋履。表表者楊冪日前現身北京機場，以為她披浴袍上機，實質這件粉紅、白色直條浴袍是Balenciaga2017早春出品，索價逾4,200元，毛巾質地軟綿綿，在機艙穿甚舒服，而內襯火紅潮牌Vetements印有Staff字樣的連帽衞衣，match浴袍顏色，襯粉紅mini skirt及Stuart Weitzman粉紅色丁短靴，揹着Moschino老鼠圖案背囊，好明顯花過工夫。至於另一出現北京機場的內地女星高圓圓，她身穿睡衣風格的外套加闊身牛仔褲，casual而展現時尚觸覺，手袋是今個春夏的It bag之一、法國品牌Chloé的全新Nile，一個大圓環的裝飾設計極具標誌性，唐嫣和內地超模劉雯也是用家。撰文：安妮
高圓圓金環Chloé
劉雯教拎Nile
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170405/19980060
【add時尚】梁詠琪曉治積漫Montblanc文字行間
1 :
GS(14)@2017-04-05 23:57:05【紐約直擊】UNICEF香港區大使梁詠琪（GiGi）於香港時間昨早在紐約出席Montblanc與UNICEF推出限量系列的展覽和慈善晚宴，同場還有Montblanc代言人、狼人曉治積曼（Hugh Jackman），GiGi表示見到偶像十分興奮，兩人見面時更大談湊女經。採訪：陳蔚渝 攝影：周樂恒
為慶祝Montblanc與聯合國兒童基金會（UNICEF）合作推出限量系列，UNICEF香港區大使梁詠琪應邀遠赴紐約出席於香港時間昨早舉行的盛會，GiGi與曉治積曼碰面，她表示相當期待與興奮，她說：「我一路都好鍾意佢，鍾意佢嘅作品，形象好正面，感覺到佢係個好正氣嘅演員。」
■Montblanc選址美國紐約公共圖書館舉行晚宴活動。
■書法家即場為與會者在卡上寫上名字。
大談湊女經
活動期間，GiGi和狼人合照並大談湊女經，「曉治話佢有個11歲囡囡，呢個階段真係好擔心、好擔心囡囡。」GiGi又大讚他為人友善，曉治積曼則回敬表示很欣賞是UNICEF大使的GiGi。
GiGi表示最近好忙，剛剛完成電影《西遊記之女兒國》的拍攝，預計明年新年上映，之後就忙演唱會，她說：「二十周年演唱會會繼續做，上次開Part1，今年會繼續開，主要係內地同美加。」問到經常飛會否掛住囡囡，她說：「都掛㗎，不過冇辦法，要攞個平衡，如果你問我梗係想二十四小時黐住就最開心，好彩屋企幫我湊。」
■GiGi在場內的大型黑板寫上「教育就是未來！」記者周樂恒紐約傳真
■如同半個主人家的曉治積曼，與來賓之一戴安古嘉合照。
■紐約第一名媛Olivia Palermo大力支持這個帶慈善意義的活動。
讀書真意義
身為人母的GiGi亦希望能夠與囡囡Sofia分享理念，「要鼓勵佢讀書，話畀佢知點解要讀書，讀書唔一定求分數，係令到人更有自信，可以表達自己，同人溝通去建立關係。」GiGi覺得今次Montblanc與UNICEF的PassItOn計劃非常有意義：「將文字同知識好似禮物代代相傳，我加入咗UNICEF已經十幾年，去過好多地方做慈善探訪，睇到好多小朋友嘅教育機會被剝奪，缺乏教育係令佢哋貧窮嘅主要原因之一，所以文字同知識真係一份好寶貴禮物，係我哋祖先、父母留畀我哋，等我哋可以接受教育追隨夢想，又或者對社會作出貢獻。」
Montblanc除書寫工具，至今發展出一系列腕錶、珠寶首飾以至皮具等精品，更不停做慈善，為了改善貧窮國家兒童的教育情況，早在2004年開始與UNICEF合作，多年更籌集超過1,000萬美元（約7,800萬港元）善款。
Elsa Hosk
摩納哥公主
Charlotte Casiraghi
星光一夜
Montblanc這個晚宴，出席的紅星名人還有也是代言人的摩納哥公主Charlotte Casiraghi、女星戴安古嘉（Diane Kruger）、紐約第一名媛Olivia Palermo、瑞典名模Elsa Hosk、The Sartorialist博客及攝影師Scott Schumann等，星光熠熠。
限量加藍
同場展出了Montblanc與UNICEF合作的限量系列，又有皮革工匠及書法家即場示範品牌的細膩工藝。這系列設計特別用上UNICEF的藍色，Writing is a Gift系列採用最具代表性的書寫工具Meisterstuck，除飾上藍寶石，為表示世界語言的多樣性，筆上集合了六種不同語言，刻了羅馬、中國、阿拉伯、日本、韓國及印度兒童所學習的第一個字，還包括Augmented Paper智能筆記本套裝。兩款腕錶Heritage Spirit Orbis Terrarum，限量500枚，特別採用藍色錶帶，錶面以拉丁字母及漢字呈現24個時區。還有一系列皮具、男裝袖口鈕、女裝手鐲。由現在至明年3月31日，每件售出的系列產品，Montblanc也會捐款予UNICEF，幫助兒童教育。
Heritage Spirit Orbis Terrarum限量腕錶各$46,500
Meisterstuck
Writing is a Gift
Skeleton149 Edition墨水筆$79,100
■男士袖口鈕用上藍色及鑄刻了六種語言。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170405/19980042
【add時尚】周秀娜 半熟女宣言
1 :
GS(14)@2017-04-06 07:41:41Blumarine刺繡紗裙Giuseppe Zanotti粉紅高踭鞋
年齡是女人的秘密，尤其去到三字頭關卡，女人更特別敏感。周秀娜（Chrissie）於去年踏入三十接拍了電影《29+1》，戲裏戲外體會這個年紀的微妙轉變，形容自己算有少少經歷，正值半熟狀態，向來於工作上捱得又拚命的她卻不禁撒起嬌，「我唔明白點解大家覺得30歲就唔需要人錫呀。」所以話無論女人幾多歲，也是樂於被寵的，你懂的。造型、撰文：趙潔恆攝影：郭賢興化妝：Circle Cheung of ndnco.co髮型：Amber Tse of Queens Private i由經典舞台劇改編拍成電影《29+1》，周秀娜飾演主角林若君是個能幹獨立的白領，堅強個性與Chrissie自己幾分相像，但當中有很多釋放情緒的戲份，卻令她面臨崩潰，「有好多發洩位，但我份人係內斂啲，導演要我再畀多啲力出盡力，好似有場要我喊，一roll機我對住離遠棵樹不斷大嗌同喊，連攝影師都話再唔嗌cut佢對手都會斷。」Chrissie拍攝此片亦發現自己一大弱點，「導演捉我嘅咬字，原來我有好多懶音，每次喺片場，我每講三句對白起碼NG二十幾次，係basic。因為第一次涉及咁多獨白，又要對住觀眾講，所以會執好多情緒、表情，不斷NG真係令我好多挫敗。」
Pierre Balmain條紋外套牛仔褲（Rue Madame）
Alice McCall白色背心La Boutique流蘇長褲
■周秀娜在新片《29+1》中演繹大量獨白與情感起伏的戲份，是很具挑戰性的一次演出。
感情學黎明
女人面對30歲，可能有很多外在與內在的愁緒，Chrissie說她的感覺來得遲，慢慢才逐點發現轉變，「有句對白係『其實30歲有乜好驚？』但個語氣係驚同唔驚之間，自己都唔肯定。最大感受係生活上，有朋友已經生咗BB，有啲話題你真係join唔到。」她身邊的同事也越來越年輕，更意識到自己真的升呢了，「突然間身邊的同事有20歲、19歲，佢哋做錯嘢都會原諒，因為佢哋年輕。但係我唔明呀，如果20去到29歲都可以俾人錫，我唔明白點解30歲就唔可以，可能因為大家都覺得你成熟喇。」去到某個年紀，另一個最怕被親友問到的當然是：「你拍拖、結婚未？」Chrissie坦言媽咪都有追問過，「但係學黎明話齋：『感情嘅嘢，同見鬼一樣，都係要講緣份嘅！』我以前都會諗27歲要結婚跟住生BB，咁我40歲就係好後生嘅媽咪。?家發現冇得計劃，未有一個人令我想改變現狀。」單身一人有時都會感到孤獨，「有時難頂都會想喊，想隨時有人分享開心唔開心。但可能一個人又習慣咗，有乜事一個人解決。」女人最需要的安全感，Chrissie也不假外求，「我覺得安全感係可以自給自足，可以控制喺自己手。我諗拍拖同結婚，如果兩個人生活，但我唔工作，我就會依賴嗰個人，我驚我嘅世界就只有佢，可能我嘅生活，我想要嘅嘢，我想去邊度旅行、想買乜嘢、想食乜嘢，都要因為有呢個人我先可以擁有，咁樣畀唔到我安全感。我覺得事業同工作帶畀我嘅除咗快樂、成就感之外，亦令我有安全感。」
買樓靠緣份
最近被拍到睇將軍澳新樓盤，做業主可能最有安全感？Chrissie說：「只係去睇吓樓盤，仲未落實買，其實早年都同家人合資買咗個單位畀父母安居。」香港人視上車為目標，Chrissie對置業都有一套見解，「有時買樓都睇緣份，又冇話有乜嘢心得，睇樓都係我興趣，睇多啲唔同樓盤了解多啲，都係合眼緣量力而為啦。無論買樓唔買樓，衣食住行係基本所需。而買樓就係『齊家』嘅想法，我較看重係一家人開開心心，除咗工作上嘅目標，同屋企人開開心心都係我人生目標之一，呢件事又唔係單單買樓就能夠達成。」
■（右起）周秀娜首次接演古裝劇，與胡定欣和劉心悠鬥演技。資料圖片
難倒古美人
周秀娜過往主力拍電影，今年首次接拍無綫重頭宮廷劇《深宮計》，原來Chrissie是古裝劇迷，煲過不少大熱劇集，「我都睇好多喎，《金枝慾孽》、《武媚娘傳奇》，仲有《甄嬛傳》，要追成七十幾集，我好鍾意孫儷，睇埋佢另外嗰套《羋月傳》。」今次也是她破天荒演古裝角色，「之前有人話我冇古典味，我又拍開時尚感重嘅角色，今次應該冇人想像到會點，都想挑戰吓自己。」近日Chrissie已投入拍攝工作，「劇組對戲服造型、宮廷禮儀都有相當要求，開拍呢段時間都逐漸適應宮廷古裝；宮廷式對白對我嚟講都確實有難度，都花咗好多時間記對白，以免影響進度，呢排跟同事對答都刻意修飾用字，真係變到『敏於事，慎於言』！」更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170406/19980924
Next Page