巨胸翠如被吊淋水：勁過俾人強姦
1 :
GS(14)@2017-01-23 07:45:14【麻繩綁口】■「巨胸翠如」鄧月平近日孭飛拍網絡電影《掃黃》，在戲中被人綁起虐待。
現年18歲的「巨胸翠如」鄧月平（Larine）落敗ViuTV的《美選D.n.A》，塞翁失馬，焉知非福，她憑天賦澎湃F Cup上圍身材，加上青春無敵，工作接踵而來，除拍了賀歲片《小男人週記3之吾家有喜》，最近又孭飛接拍了網絡電影《掃黃》，Larine為了演出不惜搏命豁出去。
Larine在《掃黃》中遭人綁起虐待，相中所見Larine被人用麻繩綁口，還要給吊臂吊起，幾個黑衣大漢圍着她輪流淋火水，雖估計只是清水，可是天寒地凍，衣衫單薄，吊足半日的Larine淋到全身濕透，面露痛苦表情，還嗌到聲嘶力竭，她的F奶濕身後隱約透出。
【兜頭淋水】■遭幾名黑衣大漢輪流淋水的Larine，面露痛苦表情。
■Larine直指戲中的尺度勁過被強姦，笑言差點在片場身亡。
「俾人逼去接客」
對於這次的尺度，Larine日前接受訪問時直認被嚇倒：「我喺戲中俾人無限虐待，仲要俾人逼去接客，尺度勁過俾人強姦，差啲喺片場身亡。有場戲要喺我身上綁爆竹，然後會引爆。本身劇本冇呢場戲，我都有問公司有冇幫我買定保險。」此外，Larine在賀歲片《小男人3》演鄭丹瑞囡囡，螢幕父女日前接受鄭裕玲（嘟姐）的商台節目《口水多過浪花》訪問，其實嘟姐曾演過電影《小男人》系列，但她怕辛苦婉拒邀請。
【慘變凹額】■嘟姐（中）在Ig貼與Larine（右）等人的合照，疑因改圖過度令Larine的右額變凹，其後嘟姐刪走並貼回原相（小圖）。
【原相】
遭嘟姐變凹額
嘟姐訪問後把合照貼Ig，最初貼出的相片，嘟姐皮光肉滑冇走樣，可是在身邊的Larine卻走樣，她的右額如被中拳打凹，同時又歪嘴哨牙，Larine的變臉是因嘟姐改圖過度所致，經網民提醒後，嘟姐馬上把相刪走，貼回原相，Larine得以還原靚樣，事後網民大讚嘟姐肯實事求是。採訪：王梓嫚
來源:
http://hk.apple.nextmedia.com/entertainment/art/20170122/19904736
Do姐為執靚樣P到巨胸翠如變ET
1 :
GS(14)@2017-01-23 07:45:14今時今日喺相機行先嘅世代，好多人影完相都第一時間擺上網，同朋友開心share，而時下又有唔少美圖Apps，美白瘦面磨皮修身功能要乜有乜，藝人話晒靠樣搵食，執靚個樣都無可厚非，可惜由於唔係個個都係P圖高手，所以時不時都會出現P到過晒火嘅情況。
DoDo鄭裕玲日前喺商台節目《口水多過浪花》，訪問呢排宣傳緊新戲《小男人週記3之吾家有喜》嘅阿旦鄭丹瑞同巨胸翠如鄧月平(Larine)。通常做完節目，DoDo都慣性會將自己同拍檔余迪偉、麻利再加受訪者嘅合照，放上Ig。不過平時做大騷，執生了得嘅DoDo姐，執相技術就似乎麻麻地。睇番DoDo出事張相，DoDo姐皮光肉滑冇乜走樣，不過企佢隔籬嘅鄧月平，右邊額好似俾人打咗一拳咁──凹咗，仲要嘴歪加哨牙，真係同平時巨胸翠如個樣差十萬八千里……經好心網民提醒，DoDo用咗唔夠10分鐘，就刪咗出事嗰張相，貼返原相出嚟，而巨胸翠如就好似食咗還原靚靚拳咁，話咁快變番個靚樣！事後有網民讚DoDo實事求事，話改就改，做事絕唔會拖泥帶水咁話。
來源:
http://hk.apple.nextmedia.com/entertainment/art/20170122/19905308
【《蘋果》專訪】「娜姐巨胸翠如身材都咁好」阿旦享受60歲禮物
1 :
GS(14)@2017-01-26 07:44:04由鄭丹瑞（阿旦）監製、導演兼擔正的賀歲片《小男人週記3之吾家有喜》，賣點是找來身材逼爆的周秀娜與「巨胸翠如」鄧月平（Larine）做女角，戲中娜姐內衣上陣勁騷魔鬼身材，大戰阿旦女兒Larine的半裸嬉水。早前三人接受本報專訪，談到兩位女神，阿旦說：「身材係一個賣點，小男人一定有當代女神，咁娜姐真係當仁不讓，Larine就係up coming嘅。」被阿旦讚女神，娜姐說：「其實我都驚㗎，《小男人週記》係好經典，睇過一同二好多女神，真係好正，搵我去做旦哥嘅情人，嘩，可以將自己同自己好鍾意嘅鍾楚紅、李美鳳做類似嘅位置，梗係即刻去做。」
「逼娜姐收少啲」
今次阿旦選擇拍第三集，原來是要送給自己的生日禮物，他說：「呢個係我送畀自己嘅60歲生日禮物，我覺得應該做一樣嘢畀自己，曾經有人叫我拍電視劇，但我想拍戲，想享受拍港產片嘅感覺，時間好少、好趕，但係一條心嘅精神，初初係想自己投資，逼娜姐收少啲，了一個心願，誰不知遇到蕭定一，佢話畀佢搞，我唯一條件係要港產片，我好享受。」
■鄭丹瑞拍小男人第三集，最想享受拍港產片的感覺。
■周秀娜在片中飾鄭丹瑞女友，二人有不少親熱戲份。劇照
片中主線是父女情，阿旦說：「經歷過兩個女出世，離開我去讀書，牽腸掛肚，初期返嚟嗰種陌生感覺，從呢啲感覺攞到靈感，13年冇見嘅女，點去handle，仲要身材咁好，個情人又身材咁好，咁點呀？」可有想過找回第一、二集的女神演出？阿旦說：「曾經有過遐想，當然第一個想搵紅姑，李美鳳都有打過招呼，但係佢哋個個幸福快樂嘅時候，都無謂打搞佢哋，永遠存喺我哋記憶入面。」採訪：羅慧敏
來源:
http://hk.apple.nextmedia.com/entertainment/art/20170124/19906425
智取大市：TVB準備翠如化
1 :
GS(14)@2017-01-26 18:06:46當大家講緊翠如BB股聯旺（8217）市值成309億元，差唔多買得起三間TVB（511）嘅時候，呢個現象反映兩個訊息。第一，?家啲殼股有幾貴得幾貴，因為A股一隻殼閒閒哋幾百億元市值，300億元翠如股so what？第二，反映TVB股價有幾殘，講緊壟斷香港免費電視市場，以前收市價26.6元計，市值竟然得116.5億元。
TVB同翠如股嘅分別，就係翠如股上市時街貨等如零，?家不見得多人揸手，鍾意點舞都得；至於TVB係傳統企業，仲要做過吓藍籌，於是吸引一味貪平、耐性十足嘅基金股東坐貨，一於等到佢升為止，偏偏TVB大股東包括殼王陳國強，最擅長搵街外人錢，殼王嘅利益，同班基金股東某程度形成對立關係。
TVB回購股份一嚟想用偏平而有溢價嘅價錢作妥協，希望基金股東有少少甜頭就願意畀貨TVB，換來一隻貨源歸邊嘅股，實行將TVB「翠如化」。劇本顯而易見，同TVB嘅師奶劇簡直係相映成趣，事實有冇咁簡單？你先睇睇佢哋嘅神劇吧，天台齊齊BBQ嘅大團圓結局之前，總有19集要演落去，中間梗係加插啲懶緊張嘅佈局。買唔買得過？如果佢裂口高開到30.5元左右或樓下，仲玩得過。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170125/19907477
巨胸翠如自製36F大心口裙跌波邊
1 :
GS(14)@2017-01-26 18:22:15■36F「巨胸翠如」着大deep V裙現身首映，正面（圖）和側面都波光四射搶盡風頭。
鄭丹瑞執導賀歲電影《小男人週記3之吾家有喜》前晚假九龍塘舉行首映，「巨胸翠如」鄧月萍（Larine）超deep V拋胸登場，由心口開到腰部兼大露背，36F波邊巨到跌出衫，搶盡封胸上陣的女主角周秀娜風頭，站在商場樓上的途人睇到嘩嘩聲，不停用手機喪影。巨胸翠如風騷說：「條裙係自己整嘅，一直都好鍾意整衫，仲想讀番書學fashion design，希望創立自己嘅品牌，所以今日先膽粗粗整件衫，出席首映都好緊張。」問到是否做性感女神？她說：「娜姐係性感在骨子裏，佢先係性感女神，自己接棒做武打女神，因為選美時都有打，但自己胸部好似唔係好符合。」
■36F「巨胸翠如」正面和側面（圖）都波光四射搶盡風頭。
■封胸娜姐留前鬥後，連阿旦都被她的玉背吸引。
周秀娜唔肯做女神
娜姐坦言第一次睇《小男人週記》才4歲：「呢部戲好貼近生活，旦哥本來話搵我做女神，我梗係唔肯，不過今次角色同以往唔同，所以先做。」問到是否要性感？阿旦笑說：「淨係畀underwear佢着。」娜姐就爆有場戲要壓在阿旦身上攞利是，問阿旦是否刻意安排？他笑言：「唔止一場，娜姐知道我唔係博佢懵，港產片係咁啦。」前晚捧場有佘詩曼、岑日珈、阿旦兩個囡囡鄭瑤及鄭珉等，岑日珈跟經理人公司老闆王弼燮傳緋聞，吳若希（Jinny）被爆為59歲股壇狙擊手王弼燮（Jason）慶生，問最近有否跟老闆飯敍？岑日珈坦言：「聖誕節party有一齊慶祝。」新年會唔會見面？她說：「都會，喺公司團拜，好多人一齊。」
■阿旦執導的新戲前晚舉行首映，兩個女兒都現身撐老竇。
■岑日珈表示要跟老闆王弼燮避嫌，擔心影響自己和公司的形象。
岑日珈指老闆單身
對於吳若希和Jason合照曝光，岑日珈說：「見到相都有啲愕然，因為呢兩年老闆生日都係同我哋同事一齊慶祝，Jinny冇出現過。」問有否去Jason屋企切蛋糕？她說：「冇，因為自己近呢兩年先識Jason，每次活動都係和同事一齊，冇去過佢屋企，相信呢張相係過去式。」會否相信兩人拍拖？她說：「唔知，你哋問番Jinny同Jason，不過Jason係單身，佢哋應該都係朋友，自己都會避忌，因為佢係公司其中一個老闆，同佢傳緋聞對自己形象唔係咁好。」採訪：張俊銘攝影：陳慧安
來源:
http://hk.apple.nextmedia.com/entertainment/art/20170126/19908685
沙灘談情好地方蕭正楠拖翠如BB睇日落
1 :
GS(14)@2017-02-09 23:44:13麥明詩前日就約咗新仔Emil Cheung，去到淺水灣約會，過往不少圈中情侶都愛選擇到沙灘拍拖談心。
Mandy Lieu洗米華(周焯華)去年，洗米華被爆同Mandy帶同囡囡周願，喺泰國過情人節，佢哋兩個仲同BB女一齊去咗沙灘玩，當時Mandy仲幫洗米華懷緊第二胎，真係一家四口都可以好浪漫。黃翠如蕭正楠2014年，蕭正楠同何傲芝分手後，就被《蘋果》影到佢同黃翠如高調咁去淺水灣拍拖，兩人浪漫睇日落、踏浪、踩腳、片石，情到濃時蕭正楠仲想親吻翠如BB。尹蓁晞(Yumi)陳偉成(Avis)
Avis同周秀娜分手後，就同o靚模Yumi撻着咗，14年仲被《蘋果》影到佢哋去大浪灣同陽光玩遊戲，Avis仲幫Yumi搽太陽油由個背脊掃到落大髀，場面好鬼火辣，但最後Yumi同Avis都係分手收場，未能開花結果。
來源:
http://hk.apple.nextmedia.com/entertainment/art/20170209/19922093
Next Page