【馮仁昭四圍超】翠如講團拜失控：阿Bob最盡興
1 :
GS(14)@2017-02-11 18:37:56■Bob年初四去張繼聰屋企團拜，點知又被指醉酒鬧事。互聯網圖片
林盛斌（Bob）酒後多次出事，試過啜爆梁烈唯同搗亂錢國偉婚禮。噚日有周刊爆大鑊，指Bob今年大年初四同黃宗澤、蕭正楠、黃翠如等去張繼聰屋企團拜，幾杯落肚後又失控。當晚Bob狂自隊，酒後口齒不清又爆粗，張家家規講明唔可以喺室內食煙，點知Bob邊行邊食，仲周圍強吻人，連周柏豪都中招，有人抗拒被吻，推撞之間連傢俬都推跌。團拜尾聲，Bob唔肯走，張繼聰叫佢都唔理，仲爆粗回敬，友人勸Bob離開仲被箍頸，搞到大肚婆謝安琪扯火，張繼聰差啲被開年。
Bob噚日回覆傳媒時話：「其實當晚大家玩得好開心，絕對唔係佢哋寫到咁，已經約緊出年再聚。」屋主張繼總亦話：「冇咁嘅事，嗰晚大家玩得好開心。」
■黃翠如話Bob團拜當晚被人夾實坐埋一邊。
夾實坐一邊
有份去張繼聰屋企嘅黃翠如噚日喺屯門出席活動，問到團拜當晚發生嘅事，佢笑笑口話：「阿Bob最盡興，我噚晚撞到佢，佢問我當晚發生乜事。」仲話Bob當晚被人夾實坐埋一邊，食咗三碗公仔麵又嘈喧巴閉，問Bob有冇爆粗同推跌傢俬？翠如即刻扮無知，只係話佢留到最後，張繼聰不停同佢講人生道理。撰文：馮仁昭
來源:
http://hk.apple.nextmedia.com/entertainment/art/20170210/19923372
《我瞞》結局玩複製翠如網民轟爛到核爆
1 :
GS(14)@2017-04-04 08:56:01期望越大，失望越大！無綫劇集，成日俾人話膠話爛，最近有套劇，睇觀眾留言，幾乎由頭讚到落尾二嗰集，結果，喺第20集大結局，膠爛程度，比起無綫以往BBQ、打邊爐場面有過之而無不及，臨尾香，難怪有網民鬧爆嗌回水。講緊嘅，就係前晚播出大結局嘅《我瞞結婚了》。前晚《我瞞》大結局，講到有才華專一靚仔有錢嘅黃浩然，患咗絕症，黃翠如就覺得要留喺佢身邊照顧佢，所以決絕同洪永城分手。查實黃浩然角色咁討好，就算翠如BB同佢一齊都不為過，不過無綫出名要大團圓結局嘛，男主角洪永城點可以唔o氹番翠如BB先，不過黃浩然又咁好，冇理由要佢患絕症兼孤獨終老o架，為咗解決呢個三角關係，於是乎，無綫一班天才編劇，竟然諗到複製多個翠如BB──來自四川講普通話嘅小霞出嚟。而病到死死吓嘅黃浩然，就對呢個滿面雀斑、笠住紅色假髮做護士嘅翠如BB一見鍾情、就係咁，造就咗3年後一場池邊婚禮出嚟。仲要莊思敏無啦啦騷胸扮美人魚跳落水！真係爭在班演員未唱句「齊歡唱，同慶賀……」部份網民留言如下：--其實是但搵個女嘅話一見鍾情咪得囉，搞咁多做咩，老竇睇到爆粗。--雖然係搞笑片，都搞笑得過份咗…完全hea做大結局。--老土到核爆！李小霞，仲要係四川嚟嘅！--簡直垃圾劇，結局好爛，爛到核爆！--唔係個樣似就會中意囉，確實牽強。--睇咗，想鬧人，爛得不能再爛！差差差！
來源:
http://hk.apple.nextmedia.com/entertainment/art/20170404/19979677
螢幕情侶一家親翠如代洪永城陪詩詠慶生日
1 :
GS(14)@2017-05-06 11:38:39■洪永城忙於拍劇，未能抽空陪女友唐詩詠。資料圖片
【中環】黃翠如與洪永城不時合作拍劇及旅遊節目，被無綫塑造成「情侶檔」，但現實中，二人分別有另一半，翠如和蕭正楠拍拖，而洪永城亦有女友唐詩詠。原來翠如和詩詠亦非常好姊妹，趁洪永城忙於拍張衞健回巢的劇集《大帥哥》，作為洪永城「好兄弟」的翠如日前就約了詩詠去中環歎茶。
【危險影相】■唐詩詠為了幫黃翠如影靚相，居然企出馬路。
【嘆茶密斟】■黃翠如公開唐詩詠的扁嘴相，祝對方生日快樂。互聯網圖片
【齋睇冇買】■唐詩詠（右）和黃翠如結伴睇衫，可惜未有收穫。
做埋司機
當日大概下午5時，翠如先駕駛其Mini Cooper座駕現身荷李活道，而詩詠亦於5分鐘後駕車到達，二人泊好座駕後，便行到太平山街的一間咖啡店嘆茶。逗留近一個小時，她們埋單走，在附近行街，當中有入時裝店睇衫，不過未見有收穫。之後翠如和詩詠停在街邊影相，二人好有默契，輪流為對方用手機互拍。大約晚上7時，二人徒步去取車，不過詩詠未有取回自己的座駕，反而跟翠如一齊坐她的座駕，更負責做柴可夫司機。
「不懂撒嬌」
翠如回覆傳媒時說：「好casual friend約出嚟食飯兼同佢慶祝生日之嘛！禮物都冇準備。」據知，詩詠與洪永城拍拖之後，與翠如成為朋友，兩對情侶更不時一齊出來飯敍。此外，大前日是詩詠的36歲生日，翠如在Instagram貼了一幅二人面對面相，唐詩詠更嘴扁扁，翠如留言：「這位不懂撒嬌的女人，懂不懂撒嬌不重要，懂自己才最重要，生日快樂，愛你。」採訪、攝影：孔志豪、畢紹基
來源:
http://hk.apple.nextmedia.com/entertainment/art/20170506/20012036
每個男人心裏面都有一個......黃翠如定係唐詩詠？
1 :
GS(14)@2017-05-06 11:38:39前年因為一張拖手相，唔少港男對洪永城又羨慕又?忌，只因佢左手拖住「好兄弟」翠如BB，右手拖實正印女友唐詩詠，左右逢源。加上潮文《每個男人心裏面都有1個黃翠如》同潮語「有一種女朋友叫唐詩詠」帶動下，令翠如BB同詩詠BB被逼要嚟個正面較量。入行17年嘅唐詩詠，外形清純，宜古直今，可惜唔係演人哋細妹就係人哋閨蜜，未有機會成為當家花旦。視愛情大於一切嘅唐詩詠，早年同雜食男友崔建邦陷入膠著狀態，面對對方多次不忠，唐詩詠選擇大方原諒，直至15年遇上同樣口花嘅洪永城，唐詩詠終於捨得放棄前度，投入新戀情。如此全情投入、義無反顧付出嘅性格，難怪被網民封為最佳女友。相對唐詩詠，今年35歲嘅黃翠如，事業運可謂搖搖領先，12年由有線轉投無綫後，喺處女作《心路GPS》已經擔正做女二，儘管坊間批評演技幼嫩，但到13年《師父·明白了》中更擔正做女一，自此成為被捧花旦之一，往後嘅《愛我請留言》、《舌劍上的公堂》都同樣揹重飛做女一，更喺年尾頒奬禮角逐提名最佳女主角。感情方面，黃翠如同洪永城一直份屬多年好友，到12年二人合作主持《走過浮華大地》系列，緋聞進一步升溫，坊間認定二人情侶關係，點知喺14年，翠如BB拍攝《師奶MADAM》時，同蕭正楠撻着，令佢同洪永城嘅「戀情」瞬間冷卻。
來源:
http://hk.apple.nextmedia.com/entertainment/art/20170506/20012412
Webb列50港股黑名單指無意創造利益「翠如BB股」上榜
1 :
GS(14)@2017-05-18 02:05:39■David Webb昨列50隻有交叉持股股份，並稱多次投訴相關股份披露不足。 資料圖片
【本報訊】「股壇長毛」點名50隻絕不能沾手的股份！投資隆成（1225）大損手的獨立股評人David Webb昨列出50隻有交叉持股且關係複雜股份，直指相關公司無意為股東創造利益，當中包括隆成。記者：林靜 余倩敏
翻查中央結算系統（CCASS）資料，50隻股份的持倉均聚集在數間證券行，專家則指交叉持股與「啤殼」有關，籲監管機構修例以加強股權披露。獨立股評人David Webb在其網站發表〈迷之網絡：50隻不能沾手港股〉文章，以附圖形式列出50隻港股交叉持股情況，指當中有被證監警告股權過度集中的泡沫股，但仍有股東因自身利益而刻意持有，自己過去一年已多次投訴相關股份披露不足。
■由黃翠如父親黃永華（右）擔任執董的聯旺去年上市。
專家：老闆交叉持股齊齊炒
上榜股中，最大市值為「翠如BB股」聯旺（8217），市值237億元，其次為雨傘股集成（1027）及工程股泰錦（8321），市值均逾百億元，50隻股份總市值1,064億元。按本報粗略統計50隻股份的CCASS持倉資料，8大證券行多次出現在相關股份的大持倉名單中，包括上榜股份康宏環球（1019）、君陽金融（397）及國農金融（8120）旗下證券行，分別持有22隻、16隻及13隻上榜股至少2%，尤以康證有14隻上榜股份至少10%持倉最誇張，包括同時為康宏環球股東的君陽金融及智易控股（8100）。另外，康宏證券亦持15隻上榜股至少2%，包括隆成持倉有12.65%。至於在康證或康宏證券有大持倉的上榜股，合共有33隻或66%，其餘大手持倉相關50隻股份的證券行，還有阿仕特朗、貝格隆、鼎成及福財。事實上，被列「黑名單」的上榜股股價表現普遍乏善可陳，多達33隻或66%累計今年逆市報跌，最慘情為中綠（904）及互娛（8081）齊齊大瀉超過70%，時間由你（1327）亦大挫逾五成。投資者學會主席譚紹興認為，本港三、四線上市公司交叉持股普遍，或與「啤殼」活動有關，「殼股本身要搵人撐，好多上市公司老闆會齊齊炒股，呢隻殼買得過，不如一人揸啲」。他指雖然這不等於其必然是大玩財技的老千股，但卻反映公司或不務正業，只靠炒股搵錢，如「賺錢就唔益公司，蝕錢就擺落公司」。譚直言，現時交叉持股未必再單純是一間上市公司直接持有另一間上市公司，而是透過購買另一間公司的可換股債券，變相達到交叉持股的目的，散戶實難以提防，建議證監會改例以加強股權披露。
來源:
http://hk.apple.nextmedia.com/financeestate/art/20170516/20022843
翠如做磨心送祝福洪永城仍愛詩詠 願承擔罪名
1 :
GS(14)@2017-05-21 13:16:14■黃翠如昨出席活動時，指感情事是世界上最難的學問，不欲評論好友洪永城和唐詩詠分手一事。
唐詩詠和洪永城日前宣佈分手，結束兩年多戀情，唐詩詠否認秘撻周焯華（洗米華）愛將盧啟邦，更聲淚俱下否認是貪錢的女人，而洪永城也否認搭上蔡思貝。兩人再見亦是朋友，對於洪永城在社交網貼出關心留言，唐詩詠前日出席活動時強顏歡笑，而洪永城接受周刊訪問時，大爆仍然愛前度。
■洪永城強調分手是因為與唐詩詠之間有問題解決不了。資料圖片
■唐詩詠雖被傳與盧啟邦拍拖一個多月，但她極力否認。資料圖片
拍拖有壓力
洪永城在訪問表示在感情中，男方必要承受多點責任，他指兩人分手，如有任何負面新聞，他都願意一力承擔。他又希望外間不要再寫結婚不果或有第三者，這會令唐詩詠承受更大壓力。對於願背負所有罪名保護女方，主要因為他仍愛唐詩詠，這份愛是朋友之愛。對於唐詩詠被稱為「不能錯過的女友」，洪永城直認是他的福氣，但這光環也為他帶來壓力，兩人交往時，無論發生甚麼事，外間總認為是他的錯，即使他沒為女友拎手袋或埋單，都會被指沒風度，唯一可做就是加倍體貼，同時希望做好事業，令人認為他是值得信任。洪永城透露今年初分手，主要是彼此間累積了多時未解決問題，變成相處間的負能量，兩人深思熟慮下協議和平分手。
■洪永城（右）否認偷嗒蔡思貝。資料圖片
■吳浩康04年曾傳力追唐詩詠，他前日現身銅鑼灣時，對舊愛近日爆分手竟一頭霧水。
吳浩康力撐
曾跟洪永城傳緋聞的黃翠如，昨在灣仔會展出席玩具節，問到洪永城分手後心情？黃翠如說：「佢OK，佢好積極樂觀。」洪永城是否仍深愛唐詩詠？她說：「呢個要問佢，我唔敢答。」對於好友分手，黃翠如說：「作為朋友，唔應該同冇資格畀太多意見。」她坦言有與唐詩詠聯絡：「我哋有傾偈，感情事係其中一樣。」黃翠如認為感情事是世界上最難的學問，只能給予他們支持和祝福。可擔心洪永城回復單身跟她再傳緋聞，黃翠如指大家已經聽到悶。此外，吳浩康04年爆出曾力追唐詩詠，他前日與同事在銅鑼灣下午茶，問到舊愛近日失戀，他疑惑反問：「佢有問題咩？冇聽過。」記者轉告來龍去脈，他再說：「希望佢快樂開心，件事快啲過去。」採訪、攝影：黃曉妍、徐錦池
來源:
http://hk.apple.nextmedia.com/entertainment/art/20170521/20027822
發尋人啟事急搵女友黃翠如蕭正楠：重酬
1 :
GS(14)@2017-06-10 13:09:29使唔使咁閃先？正當唐詩詠同洪永城分手已成定局，以往經常同尼pair連埋一齊講嘅蕭正楠同黃翠如，感情依然甜蜜如軟糖，早排詩詠失戀，明明係洪永城老死嘅翠如BB，就忙住陪失戀嘅唐詩詠。至於係翠如BB另一半嘅蕭正楠，早排就飛咗去橫店拍《宮心計2》，唔知蕭公子係咪見住同劇嘅馬國明同黃心穎，喺橫店一雙一對觸景傷情，搞到單思病發作，昨日佢就喺Ig貼咗女友翠如BB張相，留言話：「橫店第十一日！尋人啟事，好重酬！」眼睛已盲！咁身在橫店嘅蕭公子昨早11點幾，就喺社交網絡出重酬，尋找身在香港嘅女朋友黃翠如，事隔5個多小時，事主黃翠如終於浮面，喺Instagram度報告行蹤，留言話：「太認真玩所以消失了一陣，報到了，我老大。」咁好多網民見到翠如BB現身，就留言大讚佢哋好鬼sweet之餘，當然仲有網民問蕭公子攞酬勞啦！呢對情侶真係閃到爆，大家真係要戴太陽眼鏡先頂得住呀！
來源:
http://hk.apple.nextmedia.com/entertainment/art/20170608/20048767
翠如怕婚姻束縛
1 :
GS(14)@2017-07-29 03:40:52■黃翠如與蕭正楠拍拖3年，未有打算步入教堂。資料圖片
蕭正楠和黃翠如拍拖3年，感情穩定，昨日有周刊指二人下月到外地註冊，出年補擺酒，由曹永廉及唐詩詠擔任伴郎伴娘，報道又指他們喜歡小朋友，計劃生BB，還希望一齊環遊世界。翠如昨以短訊回應傳媒：「我都係睇雜誌先知我們有咁多計劃，我想我們都是很隨意的人，太多的計劃不太適合我們，多謝比我們更緊張的人。」據翠如身邊人透露，翠如與蕭正楠拍拖至今，二人都劇接劇未停過，加上翠如是一個率性的人，亦不想預設一個人生計劃來規限自己，現在二人相處舒服，雖然是各有各忙，但是會非常珍惜大家相處的每一刻。採訪：非非
來源:
http://hk.apple.nextmedia.com/entertainment/art/20170728/20103821
婚訊停不了黃翠如蕭正楠英國睇景
1 :
GS(14)@2017-08-18 07:55:11■黃翠如與蕭正楠被傳外遊秘婚，二人日前被本報讀者影到在英國拍拖行街。讀者提供圖片
【爆相爆片】蕭正楠與黃翠如拍拖3年來越愛越高調，亦頻頻傳出婚訊，早前二人被爆本月請假外遊玩秘婚，雖然男女雙方皆否認，不過本報讀者羅小姐日前在英國街頭，撞正這對甜蜜戀人拍拖行街，翠如BB亦有在Instagram貼相，而且很多相片皆是草地及海邊，非常適合舉行婚禮。
蕭正楠於3年前與黃翠如拍無綫劇《師奶Madam》撻着，其後他不甘翠如BB被屈「小三」，介入他與前女友何傲芝戀情，第一時間上節目公開戀情護女友，大讚翠如BB工作認真兼夠純，做個有膊頭的男人。兩人拍拖3年來甜蜜爆燈，不時傳出婚訊，早前他們被爆向公司請假飛往外地秘婚，明年則會再補擺喜酒，不過二人都例牌否認，翠如BB更笑指看雜誌才知自己有這麼多計劃。
■蕭正楠搭着女友黃翠如膊頭，表現恩愛。讀者提供圖片
■雖然與男友蜜遊英國，不過黃翠如亦忍不住在Ig貼相分享。
■黃翠如與蕭正楠拍拖3年，愛得大方，經常孖住出席活動。資料圖片
搭膊頭行Prada
雖然兩人口口聲聲否認結婚，但本報讀者羅小姐透過「爆相爆片」分享在英國巧遇蕭正楠和翠如BB甜蜜遊倫敦的照片，羅小姐在電話中表示：「嗰日大約香港時間6點，喺倫敦outlet見到佢哋，呢個outlet好多遊客，佢哋搭住膊頭行Prada。」從羅小姐提供的相片所見，蕭正楠和翠如BB當日都戴上cap帽及黑超，搭扶手電梯時，蕭正楠更溫柔地用手搭着女友膊頭，事後翠如BB亦有在Instagram貼旅遊相，見她遊覽草地及海邊，莫非尋覓婚禮場地？被問是否在英國結婚？蕭正楠昨在電話中表示：「多謝關心！放假去吓旅行，沒其他回應！」翠如BB則表示：「只是普通旅遊，謝謝關心！」
■黃翠如熱愛大自然，蕭正楠當然要投其所好陪女友瞓草地。互聯網圖片
■黃翠如在Ig貼上多張風景相，又感性留言「珍惜美好風光」。
■黃翠如昨在Ig貼上一張嘆啡相，非常享受。
翠如變富千金
蕭正楠及翠如BB由地下情到認愛，現已毫不避忌，經常公開放閃，其實二人事業路有幾分相似，都是先苦後甜。02年蕭正楠入行做歌手，可惜未能彈起，之後返內地發展，再回流返港轉戰公仔箱，今時今日終於擔正做小生。至於翠如BB最初在有線電視做主播，過塘無綫後拍劇及拍節目，即升格成為宅男女神，去年更變身成19億富千金，其父黃永華旗下的土木工程公司聯旺集團（8217），去年4月於創業版上市後，即被喻為「翠如BB股」，聯旺去年成全球升幅最高的新股。持聯旺約4.68億股的翠如爸爸，身家最高達121億元，不過今年6月底出現「細價股大股災」，「翠如BB股」出現狂瀉，包括黃永華在內的聯旺股東，先後在四個交易日減持近18％股權，套現逾1.47億元，翠如爸爸持股量由37.5％降至約28.6％，但這次套現個人獨得7,350萬元。採訪：皓騫
來源:
http://hk.apple.nextmedia.com/entertainment/art/20170818/20124499
Next Page