圈中星級契媽舒淇有半打契仔女 王菲契趙薇乖女
1 :
GS(14)@2017-01-12 08:08:29上契呢回事，真係好講緣份，唔係話識得嘅就有得契，都要人哋阿媽想契畀你，或者阿「契媽」想契個細路至得。而喺圈中，有唔少藝人都係契媽級，而做得佢哋啲契仔女嘅，當然都有番咁上下。王菲平日寡言嘅天后王菲，私底下其實有好多知心友，好似演而優則導嘅趙薇咁，同王菲勁好姊妹，而趙薇所生嘅囡囡黃新（小四月），更順利成為王菲契女，據知，王菲仲不時會送禮o氹契女開心。劉嘉玲影后劉嘉玲交遊廣闊，同大陸男星胡軍更係老友鬼鬼，胡軍育有一子皓康，嘉玲睇住康康大，加上佢覺得康康好有親切感，於是喺前年設宴正式同康康上契。嘉玲向傳媒表示，自己向來唔係好受小朋友歡迎，但康康就鍾意黐佢同嗲佢，加上佢覺得同康康有種前世今生嘅感覺，於是就上契。舒淇影后舒淇舊年嫁畀馮德倫升呢人妻，但佢仲做女嗰陣已經係契媽級，據佢所講，佢至少有契仔契女各3個，其中包括劉燁同法籍妻子Anais Martane所誕嘅混血BB劉諾一。唔知係咪契仔契女太多，所以好姊妹林熙蕾同林心如生B，佢都冇再上契。
Twins（鍾欣潼、蔡卓妍）娛圈萌B之一、鄭希怡（Yumiko）個女梁子柔（梁浸浸）極得網民及班uncles aunties寵愛，當中最正嘅係佢有Twins做佢契媽，鍾欣潼（阿嬌）同蔡卓妍（Sa）錫到梁浸浸燶，送禮之外，見到契女又抱又錫，恨死好多人㗎！何超蓮、G.E.M.何超蓮同鄧紫棋（G.E.M.）呢對好姊妹，雖然尚未出嫁，但佢哋就已經係另一好姊妹李蘊個寶貝女紫晞嘅契媽，呢兩個契媽仲不時去探小紫晞，母愛氾濫。而李蘊亦曾帶過小紫晞去探身在廣州開工嘅G.E.M.契媽班，當時G.E.M.仲留言話「看到她（小紫晞）就覺得世界很美好」，係咪sweet到爆先？
來源:
http://hk.apple.nextmedia.com/entertainment/art/20170112/19894272
王菲童童神級合唱邱淑貞同大女似姊妹
1 :
GS(14)@2017-01-18 22:21:23上山詩鈉日前同囡囡Hilary、囡囡男友三個人一齊喺中環嘉年華玩，雖然過咗聖誕，但最近凍番，氣氛返晒嚟，所以一家三口玩得好開心。其實上山同Hilary呢對母女玩得好埋，甚至話佢哋係姊妹都有人信，不過感情好嘅母女，就唔只佢兩個嘅：王菲、竇靖童王菲同前夫竇唯嘅愛女竇靖童，遺傳咗天后級嘅音樂造詣，童童15年入行做埋歌手，梗係同媽咪特別好傾。上個月底王菲千呼萬喚終於喺上海開騷，童童都有份做和音，兩母女同台合唱。毛舜筠、區令山、區亦山毛姐上年同兩位靚靚千金喺圓方行街，邊行邊傾講得好鬼開心，仲買埋雪邊行邊食勁溫馨。咁啱嘅係，12年毛姐都試過被影到同愛女們一齊行商場食雪糕，睇嚟食嘢係佢哋一家增進感情嘅方法。邱淑貞、沈月邱淑貞同沈嘉偉有三位囡囡，每個都似足媽咪咁靚女，而大女沈月更加有個稱號叫「小邱淑貞」，就知佢兩個有幾似樣，沈月已經15歲，不時都會同媽咪一齊出街。寇鴻萍、唐貝詩、唐貝欣寇鴻萍同兩位囡囡唐貝詩、唐貝欣都好好感情，不時都係三位一體咁出席活動。上個月底，唐氏姊妹都冒住北京嚴重霧霾嘅威脅，北上搵媽咪寇鴻萍，就知冇嘢難到三母女。馬詩慧、王曼喜、王麗嘉馬詩慧呢三母女都係經常結伴出活動，佢哋不時亦會約埋出街，包括被見過約埋睇化妝品同嘆咖啡。至於佢哋嘅Instagram，都有好多母女合照，話俾人知任何時候都喺埋一齊囉。
來源:
http://hk.apple.nextmedia.com/entertainment/art/20170118/19900176
笑王菲走音龔琳娜新年神曲嚇死人
1 :
GS(14)@2017-02-02 02:34:02香港人未必認識中國民族音樂女歌唱家龔琳娜，但她在2016年除夕曾批評樂壇天后王菲在上海演唱會「走音」，是因為「這些年沒有好好的練習，王菲唱歌的氣息也沒有控制好。」她的丈夫德國音樂家「老鑼」也大吐內心想法：「王菲不再是個好歌手」。龔琳娜農曆年就推出新曲《雞鳴東方》，表演一下歌唱家的功架。有網民這首神曲據說以0.5倍速度和1.5倍速度欣賞，效果更佳；另有網民直言：「2倍速我選擇死亡！」網民講乜：入室盜妾：在某A的排行榜裏面，龔老師可是神婆級別的存在！
Xu-Darling：聽的我審美爆炸尷尬症都犯了。蛤：2倍速我選擇死亡。英語青年愛哲學：就算王菲沒發揮好，我也覺得是一種美的享受，像龔琳娜這種MV，這種尷尬神曲，還是別再傳播了，讓人過個好年。
love章章章魚小丸子：這個一女一夫的女人，還真的音準好、有氣息、夠努力啊。噶嘍包肉肉：真惡心。籟忒勾：丟臉到國外龔老師是第一人。新浪微博
來源:
http://hk.apple.nextmedia.com/international/art/20170201/19914579
王菲囡囡「女承母業」做歌手彭羚遭老公「嚴禁」復出
1 :
GS(14)@2017-03-25 10:34:25今年50歲林憶蓮(Sandy)係實力派女歌手，85年入行，代表作有《愛上一個不回家的人》、《至少還有你》、《當愛已成往事》、《放縱》等等都係一等一嘅名曲。其實當時香港樂壇非常之咁鼎盛，除咗憶蓮之外，仲有唔少天后級人馬。王菲喺89年以王靖雯之名出道，短短幾年間走紅，仲被視為「天后級」女歌手之一，佢嘅名作有《約定》、《暗湧》、《郵差》、《開到荼蘼》、《守望麥田》等等，佢喺2005年仲宣佈無限期休息。去年，佢喺上海舉行「幻樂一場」演唱會，門票仲被炒到上天票。而佢囡囡竇靖童仲「女承母業」成為歌手。葉倩文55歲嘅葉倩文80年喺台灣出道，83年到香港發展，仲因為錄製《重逢》一曲認識林子祥，代表作有《零時十分》、《瀟灑走一回》、《愛到分離仍是愛》。96年佢仲同林子祥結婚，去到2006年以後葉倩文減少喺幕前演出。彭羚今年48歲嘅彭羚喺90年出道，代表作有《小玩意》、《讓我跟你走》、《如夢初醒》等。佢喺98年同林海峰結婚，2002年過後淡出幕前。2012年為好朋友黃偉文演唱會破例出山，令大家都希望佢可以復出，不過老公林海峰講明老婆係佢同囡囡嘅「經理人」，所以「嚴禁」復出。
來源:
http://hk.apple.nextmedia.com/entertainment/art/20170325/19969647
Cova走幾轉拎嘢食王菲開餐 李嫣吱吱喳
1 :
GS(14)@2017-08-02 06:15:05■王菲上周五現身銅鑼灣，快踏入48歲的她喼得很弗。讀者提供圖片
【爆相爆片】久未在港露面的天后王菲，日前帶了跟前夫李亞鵬所生的細女李嫣秘密來港，兩母女約了友人們到銅鑼灣嘆茶，被讀者Kim透過本報「爆相爆片」分享，但卻不見她男友謝霆鋒的蹤影。下周二踏入48歲的王菲，樣子和身形都喼得很弗，被同場食客一眼認出。
■Cool爆的王菲背着食客坐，更拒絕合照要求。讀者提供圖片
■早前王菲帶囡囡李嫣去掃童裝被捕獲。資料圖片
食量都幾大
讀者Kim接受本報電話訪問時表示，上周五下午約2時，於銅鑼灣的Cova見到王菲跟囡囡李嫣，同行還有助手、一位女友人及小女孩：「嗰日女友人嚟攞枱先，跟住王菲同李嫣到餐廳，王菲好低調，入到嚟專登揀個背住人嘅位置坐。見佢食量都幾大，因為主菜以外，沙律同pizza都係自助形式，佢行出行入幾次攞嘢食，唔係都幾難見到佢個樣。」台上cool爆的王菲，原來台下都一樣，除了食不言之外，更拒絕食客合照。Kim說：「王菲全程顧住食，都好少同人傾偈，反而囡囡就活潑好動，與同枱嘅小女孩玩手機，有講有笑。見到有食客要求王菲影合照，助手即阻止，王菲亦好決絕咁話：『我唔影相！』埋單之後仲戴番黑超先走人。」據知王菲母女只是短暫留港兩日，日前先被網民影到一齊去童裝部入貨。遺傳了父母演藝天份的李嫣，上月初到巴黎擔任春夏童裝騷的小模特兒，行騷時表現淡定，更霸氣表示：「雖然媽媽的衣服多，但我從來沒偷穿過媽媽的衣服和高跟鞋，我的衣服就很好看了。」
■張栢芝教大仔Lucas游水，懶理引起其他泳客注意。互聯網圖片
■昨日栢芝帶Lucas（左）和Quintus買開學用品。
栢芝教游水
至於霆鋒的前妻張栢芝亦湊仔為樂，前晚在社交網貼教大仔Lucas的游水相，被泳池內的其他男泳客圍?。昨日栢芝又貼出帶兩子去濕平的相，不知是刻意還是巧合，栢芝上載與男女途人合照的短片，大讚：「呢度啲途人好熱情，其實佢哋好可愛。」跟王菲的cool爆拒合照表現不同。採訪：嵐山
來源:
http://hk.apple.nextmedia.com/entertainment/art/20170801/20107625
王菲演唱會零講嘢剩唱有二千萬人睇
1 :
GS(14)@2017-08-02 06:15:05一個演唱會，點樣先叫做優質呢？華麗舞台、靚衫、靚效果加好多講嘢位？錯！話明係演唱會，就當然係聽歌啦，一個有實力嘅歌手，只需要一隊樂隊加一支咪，都夠做一個神級嘅演唱會。一個除咗唱歌之後，就冇任何效果嘅演唱會，近年就只係得王菲可以做到，話說喺上年嘅12月30號，王菲喺上海舉行《Faye Wong幻樂一場》演唱會，當時成個演唱會有近一萬人去到現場睇，而透過直播睇嘅人數，最高峰超越二千萬人。王菲成個演唱會，一句嘢都冇講過，就連Hello同ByeBye都冇講，專心唱好每一首歌，王菲當時嘅動作都唔多，最多都係點點頭、揮揮手咁。所以話一個真正唱得之人，又使乜搞咁多嘢呢。
來源:
http://hk.apple.nextmedia.com/entertainment/art/20170801/20108078
Lucas十歲生日霆鋒、王菲日本拍拖
1 :
GS(14)@2017-08-04 06:11:40■霆鋒和阿菲日前現身東京機場，被網民拍照放上網。互聯網圖片
謝霆鋒、張栢芝離婚五年，一對兒子謝振軒（Lucas）、謝振南（Quintus）一直隨栢芝生活，至14年霆鋒被發現跟王菲世紀復合，三人一舉一動都引來傳媒關注。昨日是Lucas十歲生日，不過，相信霆鋒未有陪囝囝過生日，而且有網民影到他前日跟王菲現身東京機場。
■收到生日禮物，Lucas開心到瞓在地下。互聯網圖片
■Lucas昨天十歲生日，栢芝日前送電腦給他做禮物。互聯網圖片
零交流護航
日前有網民表示在香港及東京機場遇見霆鋒及王菲，戴黑超的王菲，在日本現身時身穿黑衫黑褲，再加一件長袖短身外套，而霆鋒則戴了cap帽及黑超，襯了一件長袖迷彩外套及牛仔褲，背着大背囊的他，還在袋上掛了一個啤啤熊公仔，霆鋒和王菲由排隊檢查手提行李到出境，雖然全程零交流沒對白，但霆鋒一直有默契地站在女友後方，做其背後的男人。雖然相中未見細女李嫣，但有指王菲今次是趁愛女放暑假，帶她到外地旅行。
開心到瞓地
本月8日是王菲48歲生日，目前她不會再把工作排得密麻麻，惟霆鋒工作依然忙碌，加上又有投資生意，經常都要四圍飛，故二人能抽空享受東京之旅，十分難得，未知此行是否霆鋒刻意安排，提早為女友慶祝生日。而栢芝日前已送生日禮物予Lucas，還將Lucas收禮物一刻拍片放上網，片中見Lucas收到媽咪送的電腦時十分開心，由床上走落床瞓在地上，之後還反眼扮觸電，表情十足，相當鬼馬。據知，前日霆鋒和王菲離開東京後未有返港，二人目前正身在內地。撰文：李察
來源:
http://hk.apple.nextmedia.com/entertainment/art/20170803/20109766
Next Page