與DJ男友15個月情玩完Taylor遭狠飛
1 :
GS(14)@2016-06-06 02:54:53■Taylor與Calvin今年3月才恩愛地慶祝拍拖1周年。
美國樂壇小天后Taylor Swift與蘇格蘭DJ男友Calvin Harris，拍拖以來一直表現恩愛，更傳兩人好事近。不過昨日據《People》雜誌報道，原來這對戀人已在上周分手，結束15個月戀情。一眾粉絲比Taylor更傷心，以為情路崎嶇的她終於找到真愛。現年26歲的Taylor與32歲的Calvin，今年3月一起度假慶祝拍拖1周年，更於Instagram大晒在沙灘上咀嘴的照片。Taylor今年4月更做跟得女友，陪男友去Coachella音樂節開騷，兩人似乎打風都打唔甩。不過《People》雜誌報道，兩人上個星期和平分手，沒有任何一方出軌。
似朋友多過戀人
至於分手原因，據美國《E!News》報道，在這段關係中Taylor比Calvin更投入，Calvin雖然好鍾意Taylor，不過他在過去幾個月認為兩人火花不再，對Taylor失去興趣。加上兩人在不少層面亦不太合得來，亦因時常各自去巡迴表演聚少離多，令他們似朋友多過戀人，所以Calvin就決定跟女友分手。據悉Calvin向Taylor講分手時表達方法成熟，所以Taylor雖然傷心，但未有感到太難受。分手後Taylor與Calvin目前仍有聯絡，而Calvin最近撞車後，Taylor都有去探望。Calvin前日在洛杉磯現身時，可見到他的耳朵有瘀傷。
Taylor一直以來在感情路上都十分崎嶇，經常遭另一半飛起，其傷心的愛情經歷成為她寫歌靈感。在眾多前男友當中，Calvin是與Taylor拍拖最耐的男友，不少Taylor的粉絲都戥偶像感到傷心，想二人復合。撰文：泰米
■早前遇車禍的Calvin前日現身時，耳仔有瘀傷（右圖）。
來源:
http://hk.apple.nextmedia.com/entertainment/art/20160603/19638546
【馮仁昭四圍超】半年情玩完王宗堯被蔡潔狠飛
1 :
GS(14)@2017-01-18 22:21:23■王宗堯同蔡潔舊年被本報影到拍拖玩航拍。資料圖片
王宗堯上年被模特兒女友黎紀君（Christy）狠飛，點知新一年再次被分手，大前晚開始王宗堯在網上尋人「其實消失係咩玩法呢？」、「First day back！三個月，一些些改變了，有些東西已經返唔到轉頭」，言語之間，疑似同女友蔡潔嘅半年情出現咗問題。
■蔡潔話因為做嘢關係，同宗堯溝通嘅時間都少咗。資料圖片
■王宗堯噚日話蔡潔唔見咗人，唔清楚佢去咗邊。
「想當面傾吓」
馮仁昭噚日訪問王宗堯時，提到Instagram留言問「其實消失係咩玩法」，佢話：「總之有啲人唔見咗，唔係好清楚佢去咗邊，冇乜答覆、冇乜回應，暫時唔知乜嘢事，所以睇定啲先！」咁?家同蔡潔係乜嘢關係，佢竟然爆咗一句：「唔係好特別清楚，所以首先要搞清楚件事先。」宗堯仲用劉青雲、郭藹明夫婦打咗個比喻：「我成日覺得如果你可以好似青雲咁就話，有一個人可以係太空總署，你架飛船飛走咗，做完戲，咁大家有個共識係好嘅，唔知！咁未必一定係得嘅，其實都想當面傾吓，搞清楚件事先嘅。」?;家唔知蔡潔身在何方，但宗堯好想得到一個答覆：「係乜嘢一回事，自己都係想有個知字。」怕唔怕無疾而終？佢皺一皺眉話：「唔知㗎！唔敢諗太多，暫時好多嘢都係未知數，唔敢做太多假設。」這邊廂宗堯希望當面講清楚，那邊廂嘅蔡潔接受本報訪問自認分手：「因為工作關係，大家相處同溝通嘅時間都少咗，所以經過呢段時間，我覺得都係專心喺工作方面先。」撰文：馮仁昭
來源:
http://hk.apple.nextmedia.com/entertainment/art/20170118/19900092
師生戀遭副教授狠飛 台女生勒索10個LV
1 :
GS(14)@2017-02-08 22:31:21台灣成功大學驚爆師生戀，一名潘姓副教授（圖）欲與張姓女學生分手，不料女學生威脅要以十個名牌手袋作為掩口費，否則向校方及傳媒爆料。副教授憤而告上法庭，台南地方法院以恐嚇取財未遂罪判女學生5個月有期徒刑，並向副教授賠償3萬元新台幣（下同．約7,500港元），全案仍可上訴。據知，副教授2006年與女學生相戀，後打算分手，惹女學生不滿，多次以短訊恐嚇及致電其辦公室騷擾，又寄出電郵「言行暴力、不尊重女性、傷害被告身心、假學道罔為人師」破壞其名譽。副教授不勝其煩，傳短訊表示願送上名牌手袋作補償，不料女學生開出十個LV、Fendi或Chloe手袋為交易條件，遭副教授拒絕後，女生再次勒索30萬元（約7.5萬港元）。副教授因此對女學生提告，女學生否認恐嚇取財，自言訴諸傳媒是合法手段，案件經審後，女學生被判罪成，囚5個月，可選擇繳交15萬元（約3.75萬港元）罰款代替刑期。法官認為女學生行為讓副教授心生畏懼，侵害到他免於恐懼的自由權，需賠償副教授3萬元。台灣《蘋果日報》
來源:
http://hk.apple.nextmedia.com/international/art/20170208/19921376
Next Page