魚樂無窮：欣宜擸獎的啟示
1 :
GS(14)@2017-01-05 07:59:392017年第一次同大家見面，祝戰友們要乜有乜、樣樣都得！每年1月1日，我例牌會捧叱吒樂壇頒獎禮嘅場，不是甚麼最具代表性、最催淚嘅因素，而是我每天都會聽903，睇埋全年成績表變得理所當然。今年爆個小冷門，由欣宜成為大贏家，靠一首「女神」，讓她連續奪得「我最喜愛女歌手」及「我最喜愛歌曲」兩個大獎，名副其實白雪公主升呢做女神。睇網上留言，好多人都話佢消費肥姐，誰對誰錯，不是今日的討論範圍。點解女神可以突然彈出？一個字講晒︰timing！我自己十分喜歡方皓玟嘅「你是你本身的傳奇」，曲詞優美兼有深層意義，實屬奪獎大熱，不過呢首歌年初已登場，距離頒獎禮差不多一年，熱爆程度難免減退。相反，女神遲幾個月才派台，在樂迷心目中肯定較新鮮，贏在起跑線。頒獎禮當晚，更有不少行家幫欣宜拉票，成功牽引現場觀眾情緒，王者因此誕生。上述情況是否似層相識？冇錯，只要有催化劑，醜股也可大翻身，市場唔就嘅話，買騰訊（700）都可以輸鑊甘，說穿了，贏錢輸錢都係timing主宰。希望大家今年在股市，都搵到自己嘅女神！唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170103/19884559
秋官誇欣宜叱咤威盡陳柏宇輸畀坤哥 「我唔夠靚仔」
1 :
GS(14)@2017-01-05 08:01:07■陳柏宇大熱倒灶失落我最喜愛的男歌手獎，他直言：「大家會繼續戥我唔抵」。
【叱咤頒獎禮】《2016年度叱咤樂壇流行榜頒獎典禮》前晚假灣仔會議展覽中心舉行，賽前陳柏宇奪我最喜愛的男歌手獎呼聲極高，但最終由吳業坤冧莊贏得，陳柏宇笑着認輸：「我又唔夠高大、又唔夠靚仔。」而鄭欣宜狂擸3個大獎成為焦點，與容祖兒平起平坐，父親鄭少秋也大讚女兒叻！
商台前晚舉行《2016年度叱咤樂壇流行榜頒獎典禮》，全晚共頒發43個獎，由晚上8時15分開始，頒足4個多小時，嚴重超時。一直傳不會參與的陳奕迅（Eason），宣佈歌曲《四季》獲至尊歌曲大獎時忽然現身，令全場起哄尖叫，Eason更直踩慶功宴被集郵。
台下觀眾喝倒采
坤哥除了憑《百姓》奪叱咤十大第五位，還爆冷冧莊得我最喜愛的男歌手獎，台下掌聲夾雜喝倒采聲，他站在台上則不懂反應，他說：「我都冇諗過得獎，根本冇心理準備，望落台下唔知講乜。」而敗給坤哥的陳柏宇事後表示未有失落，還說不攞獎更開心：「咁樣方向諗，唔使驚自己唔值攞呢個獎，同埋大家會繼續戥我唔抵，呢個係『雙贏』，唔會尷尬。」問是否覺得自己未夠資格？陳柏宇謂：「唔係資唔資格問題，我又唔夠高大、又唔夠靚仔。」他謂現在拿男歌手銅獎是恰到好處。採訪：王連連、馬建華、魯吉攝影：陳俊強、仇志德
■坤哥今年只有一首派台歌，卻爆冷奪得我最喜愛的男歌手獎。
■坤哥聽到司儀宣佈他贏獎時，一時反應不來。電視圖片
■游學修（左）成功向Eason及薛凱琪等集郵。互聯網圖片
■Eason（左）於慶功宴上做佈景板，與坤哥等合照。互聯網圖片
來源:
http://hk.apple.nextmedia.com/entertainment/art/20170103/19884400
欣宜貪靚狂補妝
1 :
GS(14)@2017-01-05 08:07:18鄭欣宜於元旦日在叱咤頒獎禮奪三獎，跟天后容祖兒齊齊做大贏家，歌影視三棲的欣宜越忙越起勁，最近就開工拍劇集《老表，畢業喇！》。雖然今輯沒有萬綺雯、王菀之和張繼聰，但加入了欣宜和林欣彤，日前兩女在西灣河拍攝，瘦了的林欣彤站在欣宜身邊，變得更加細碼。當日下午約3時許，林欣彤率先獨自拍攝一場在車內的戲份，拍完即緊張看重播，十分着緊自己的演出。到了晚上，林欣彤就轉場到西灣河開工，孖欣宜拍坐在車內傾偈的戲。貪靚的欣宜還趁空檔不停補妝，由於戲份簡單，兩女只需拍半小時就收工離開。採訪、攝影：梁繼光
來源:
http://hk.apple.nextmedia.com/entertainment/art/20170104/19885360
【爆相爆片】欣宜老麥萬歲細細粒教買細薯條
1 :
GS(14)@2017-01-07 00:29:01■細細粒日前喺九龍灣排隊買咗兩大袋老麥。讀者提供圖片
陳嘉佳（細細粒）同鄭欣宜都係重量級人馬，佢哋最近幫無綫拍《老表，畢業喇！》，所以有機會合體。讀者盧先生日前就透過《蘋果》嘅「爆相爆片」影到細細粒喺九龍灣麗晶花園嘅麥當勞買兩大袋嘢食，而欣宜就企喺門口等候。
■欣宜近日忙於拍攝新劇，更萬歲請劇組食嘢。資料圖片
買兩大袋走
盧先生話：「其實喺電梯嗰陣已經見到佢哋，當時欣宜仲咬住個包，後尾細細粒入麥當勞再買咗兩大袋嘢食走。」事後細細粒接受傳媒訪問，話當日買麥當勞係因為欣宜「萬歲」請劇組食tea，細細粒話：「嗰日拍劇趁有空檔，咪同欣宜去咗附近麥記買薯條同劇組一齊食。買之前，我已經食咗碗麵，欣宜就食咗個雞尾包。」問細細粒平時鍾唔鍾意食麥記，佢笑笑口話：「OK㗎，方便嘛！平時會買兩個包食，我都知佢哋最近加價，最平嗰個包由10蚊加到11蚊！」一講到食，細細粒即刻講唔停，仲即刻分享買麥記嘅心得，教大家買薯條嘅竅門：「因為大薯條價錢同幾包細薯條價錢差唔多，而且好多入定先，會冇咁脆，仲好多時入唔滿，所以記得薯條一定買細size。」
來源:
http://hk.apple.nextmedia.com/entertainment/art/20170106/19887571
直板人冇得比連詩雅：欣宜心口好正
1 :
GS(14)@2017-01-09 08:11:26■連詩雅昨日參加十公里賽，心情緊張。
連詩雅（Shiga）、郭思琳和黃智雯等昨日在觀塘出席街頭馬拉松活動，由政務司司長林鄭月娥和教育局局長吳克儉主持起步禮。Shiga前晚因工作關係，缺席無綫舉辦的《勁歌金曲頒獎典禮》，提到頒獎禮上出現波濤胸湧場面，鄭欣宜和鍾舒漫尤其搶眼，Shiga不諱言看完欣宜之後都不禁「嘩嘩聲」，她笑說：「嘩！不嬲欣宜心口都有啲睇頭，覺得好正，每次見到都忍唔住讚佢。」
懷疑Mark放料
Shiga又被問到和王灝兒（JW）的舊愛Mark Ngai傳撻着，她表示自己也摸不着頭腦，不明白為甚麼會傳出這種緋聞，並指跟Mark認識十多年，但看完報道之後心情也有點激動，她笑謂：「反而Mark話我同佢好襯，我有講笑問佢，係咪佢放料，係咪好想入呢行？」她更斷言跟Mark絕對沒可能發展，因雙方認識太久。
■欣宜和鍾舒漫（右）前晚拋胸出席頒獎禮，令現場波光四射。電視圖片
■連詩雅自言和緋聞男友Mark認識太久，沒可能發展。資料圖片
■黃智雯（右二）昨日呻情緒壓力爆煲。
今次有份參加10公里賽事的Shiga透露已有半年沒有跑馬拉松，所以心情有點緊張，她說：「有諗過攞啲錢喺身搭的士，講笑，我一定要完成，行都要行返終點。之前最多試過跑半馬，跑完成個月行唔到。」郭思琳就因腳掌骨有傷患未能參賽，她坦言有點失落。
黃智雯心情差
至於黃智雯也有份參賽，她坦言最近拍劇睡眠不足，令她情緒壓力爆煲，心情跌至低點，她說：「噚日踩咗十幾個鐘，冇瞓過覺就嚟，陣間又要開工，成日唔夠瞓，加上好多節日都冇得陪家人朋友，有啲唔開心，今日可以喺街頭跑步發洩吓。」採訪、攝影：羅慧敏
來源:
http://hk.apple.nextmedia.com/entertainment/art/20170109/19890593
欣宜《女神》廣州再攞獎
1 :
GS(14)@2017-01-18 22:21:27鄭欣宜和薛凱琪（Fiona）前晚出席在廣州舉行的「粵語歌曲排行榜頒獎禮」，欣宜奪「最佳MV大獎」及「至尊金曲獎」，再憑《女神》奪大獎，欣宜說很開心：「呢首歌帶咗畀我好多嘢，自己好幸運得到一首咁好嘅歌。」而Fiona除了得到歌曲獎，更與許志安齊齊得「最受歡迎男、女歌手」獎，不過因為發燒及不停咳，Fiona即使出席也未能演出。本來已綵排的她說：「之前一晚睇完周杰倫演唱會後回家，突然發燒、咳同嘔，食藥瞓醒好好多，但真係唱唔到歌。」至於安仔雖忙拍劇，但亦有現身，他說今年會歌影兩忙，預計8月會開演唱會。撰文：李察
來源:
http://hk.apple.nextmedia.com/entertainment/art/20170118/19900014
圈中人愛開曲奇店 霆鋒最巴閉 欣宜鋪後路
1 :
GS(14)@2017-01-22 02:17:15「整餅除咗係一門興趣之外，佢仲係一門生意，有唔少圈中朋友都有開餅店做老闆，不過就唔係個個都咁成功喇！
謝霆鋒
霆鋒有生意頭腦大家都知，佢仲將興趣變埋事業，喺中環開曲奇餅店。而霆鋒因為《12道鋒味》系列喺大陸人氣急升，由佢出品嘅「鋒味曲奇」都一樣咁受歡迎，喺淘寶有一籮代購之外，仲有指喺大陸網站仲出現咗山寨版「鋒味曲奇」，而霆鋒仲打算報警o添！
黃婉曼
黃婉曼兩年前同老公馮柏基結婚生B，原本可以做幸福少奶奶嘅佢，喺去年決定做老闆喺鰂魚涌開麵包學校，仲話打算今年開舖賣法國麵包。佢仲話原來佢前年喺東京報讀法國藍帶製作麵包課程，為咗開舖仲要努力做主持賺錢補貼咁話。
Amanda S.
出晒名廚藝了得嘅Amanda S.，曾經喺2011年於中環ifc開餅店，全盛時期仲開埋分店，不過分店開業1年就頂唔住結業，而2014年Amanda S.突然宣佈同老公離婚，翌年仲傳出其餅店結業，而Amanda S.就即刻澄清佢已經賣咗手上餅店嘅股份，所以執笠唔關佢事咁話！
欣宜
鄭欣宜自稱從小就鍾意食軟曲奇，去年仲失驚無神仲喺尖沙嘴開埋pop-up store，成績仲唔錯，之後仲開埋實體舖o添！
來源:
http://hk.apple.nextmedia.com/entertainment/art/20170121/19904430
欣宜跳鋼管舞拉唔上
1 :
GS(14)@2017-01-23 07:45:21鄭欣宜昨日在銅鑼灣賀排舞老師林文輝（阿輝）開設舞蹈學校開幕，同場還有王灝兒（JW）和羅孝勇，欣宜誠意獻上燒豬與大家分享，她表示：「我第一首跳舞歌都係校長（阿輝）幫我排，我隻豬畀咗佢，一定要嚟賀佢，會負責任。」現場有鋼管舞擺設，欣宜作勢做出多個動作，不過她說：「試過學跳鋼管舞，拉唔到上去，唔好以為好簡單，好難㗎。」農曆新年欣宜因為要打理試業中的曲奇餅店，所以沒有假放。去年欣宜在樂壇豐收，她很想帶獎項返加國獻給已故媽媽肥姐，但暫時未能抽空，要再過一段時間才可回加國拜祭亡母。採訪、攝影：卓寶花
來源:
http://hk.apple.nextmedia.com/entertainment/art/20170122/19904700
Next Page