📖 ZKIZ Archives

【拜年送乜好】籐織懷舊福籃　有得食又有得玩

1 : GS(14)@2017-01-22 02:18:03

新年到，總唔可以兩手空空去拜年，點都要買啲禮物見人。想得體有心思，但又唔想年年買曲奇、朱古力咁悶？今年你有新選擇！



長沙灣美樂士多重現7、80年代士多模樣，加上各式懷舊小食同玩具，喺網上開始多人留意。老闆趁新年推出賀年福籃，有得食又有得玩，要大家過個充滿童年回憶嘅肥年。福籃用籐編織，外面貼上用牛皮紙印製嘅士多宣傳招紙，籃蓋上更有一張「福到」揮春，外形真係有啲似細個阿媽個買餸籃啊！記者一打開福籃，在場同事見到裏面嘅糖果都表現非常興奮。糖果共九款：史密夫蜜瓜味軟糖、史密夫鳥結糖、白兔糖、蜜蜂糖、瑞士糖、甄誠記椰子糖、本地手工水果糖、金幣朱古力，以及紅瓜子。其中蜜瓜味軟糖最令記者驚喜：「竟然食得返，仍然係清甜好咬口！」如果大家怕麻煩，可以考慮買個福籃就填滿一個全盒。不過假如你唔鍾意甜食，呢個福籃只得一包紅瓜子，可能未必夠過口癮喇。福籃附送老闆設計嘅「美樂賀年棋」，大家拜年之餘仲可以玩餐飽。賀年棋嘅棋子同骰仔都係木製，摸上手幾有質感，真係有小時候康樂棋嘅味道。話明係為新年而設，棋盤設計就以粉紅色配粉紫色為主，裏內不乏賀年圖畫，例如煙花、炮竹、小朋友舞獅同家人團圓嘅畫面，而且畫風一樣充滿懷舊味道。玩過康樂棋都知道，行到某幾格就會有懲罰，呢副棋都一樣有！不過新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。老闆Patrick講笑話，「希望大家拜年時，有個新嘅小玩意，但又不失傳統風味。」新年送禮定自用，抑或想同家人、朋友歡聚，今年就多一個既傳統又新穎嘅選擇。福籃$98一套（附送「美樂賀年棋」），詳情可到美樂士多facebook查詢。記者：黃凱婷攝影：黃子偉2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily


士多重現7、80年代士多模樣，仲有各式懷舊小食同玩具。

福籃用籐編織，外面貼上用牛皮紙印製嘅宣傳招紙，真係有啲似細個阿媽個買餸籃啊！

各款賀年食品，記者最驚喜嘅，係竟然食得返史密夫蜜瓜味軟糖，仍然係清甜好咬口！


「美樂賀年棋」，新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。



來源: http://hk.apple.nextmedia.com/su ... t/20170121/19903826

---

【空姐以外】航空界神秘工種　有得飛又有飛機餐放題？

1 : GS(14)@2017-02-12 13:55:36

有飛機餐試食員之稱的Geoffrey，每兩個星期便要到空中廚房食「飛機餐放題」。



航空業令人嚮往，而且總是勾起無限幻想，然而大家的聯想力往往止於空姐和機師。其實上至你擺入口的飛機餐，下至機組人員在外站下榻的酒店都要有人悉心籌備，這次找來航空界有得飛有得食的神秘工種，雞年想轉工請打醒十二分精神了。



名字：Geoffrey Chiu職位：香港航空航膳食策劃及設計助理主任職責：設計及策劃機上膳食出差頻率：每年3-5次入職條件：最緊要肯嘗試、不偏吃、如果對食物營養及安全有認識更佳。畢業生亦無任歡迎。



Geoffrey入行一年，食飛機餐多過麥當勞，每隔兩星期到空中廚房試餐，因為航空公司每兩星期換一次餐單，每三個月為一個循環，每年要設計不下五六十個菜單。除了因應目的地、航班起飛時間、飛行長度去設計菜單，間中還要做神秘顧客出巡，尋找適合的本地小食，例如之前到米芝蓮推介的奇趣餅家傾合作，定期又到外地挑選空中廚房供應商。短短一年，食了近千個飛機餐，又到過沖繩、東京、溫哥華試餐，他說份工最大的挑戰，源於在安全準則和重重限制下，設計出令乘客覺得有水準的飛機餐，畢竟所有食物都要預先在地上煮好，經過四小時冷凍，上到三萬呎雲霄再加熱，味道早已流失了大半。有得食又有得飛，聽落似是筍工一份，其實文書工作還是佔了大部分，萬一有客人對飛機餐有意見，或者進食後身體不適，他還要負起重任，從多方位收集證據，調查事件成因。



Julia自稱是航空公司的開荒牛，每次有新航線便要率先踩線打點一切。

名字：Julia Suen職位：香港航空航空服務部合約及項目經理職責：負責航空公司所有對外合同，包括外站酒店、飛機日常運作及維修、地勤及行李服務出差頻率：每年10+次入職條件：需要有一定機場或地勤服務經驗；能獨立解決問題，決斷力強



Julia形容自己是航空公司的開荒牛，因為公司一旦拓展新航線，便需要她作先頭部隊到外地考察，飛機着陸後的一齊需要，維修、清潔、行李到排泄物的處理，統統要找適合的服務供應商，機組人員下塌的酒店、乘客登機的地勤服務如是。入行約5年，至今到訪過18個國家、44個城市，雖然每次都要由朝做到晚，但至少可以試到各地美食。「這工作最困難的地方，是在控制成本和質素之間取得平衡，出差時要在短時間內獨立做決定，要承受一定壓力。」刻服到困難，但還是染上了職業病，工作需要令她對酒店的要求大大提高，「以前去旅行，酒店有張床就得，如今就算去東京購物，也會揀一間好一點的酒店，因為現在會着重睡覺也要睡得好。」至於大家最關心的薪酬和福利，航空公司指前者與市場指標掛釣，但不肯具體透露入職薪金；不過福利相當吸引，除了有生日假，還有令人葡萄的一折機票，更適用於直屬和姻親最多八位親友，員工額外獲享每年五套免費機票。記者：陶思敏攝影：許先煜2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170212/19925426

---

【動畫】日本「三角廁紙」講禮儀隨時有尿又有屎

1 : GS(14)@2017-06-10 12:55:35

到日本旅遊時，不難發現不少洗手間的廁紙最後一格折成三角形，以為代表清潔工人剛打掃過？原來未必，實情隨時是上手使用者的「貼心舉動」。日本有醫院特別貼出告示，警告這種貼心舉動反而是傳染病的「幕後黑手」，建議民眾不要再這樣做。有日本網民在社交網Twitter上傳照片，聲稱一張於醫院拍攝到的通告，呼籲民眾切勿自行把廁紙折成三角。原因若然是人們如廁後，還未洗手便摺廁紙，隨時讓糞便和尿液沾在那還未用廁紙，增加傳播病菌的風險。把廁紙折成三角，原本是清潔工人的習慣，代表已把廁所打掃乾淨，但在講究禮儀及細節的日本，卻漸漸成為很多當地人的如廁習慣，他們如廁後為免給下一位使用者添麻煩，會自行將最後一格摺成三角形。不過，當局作出有關健康宣傳後，民眾亦開始意識這種做法並不妥當。馬來西亞光華網




來源: http://hk.apple.nextmedia.com/international/art/20170607/20047597

---

落選又有咩好怕喎！人妻Kimi認整過容

1 : GS(14)@2017-06-16 01:47:47

趙詠瑤Kimi Chiu呢個名，大家喺邊度認識佢呢？可能有部份會係佢參加過ViuTV嘅《美選D.n.A.》，但如果講到最近的話，一定會係喺社交網絡瘋傳嘅《收嗲啦！八婆》系列喇。
Kimi雖然喺《美選D.n.A.》入面，十二強嘅時候已經被淘汰，但都有引起過大眾嘅關注，因為佢大方承認整過容，而喺複試3日後（27日）已榮升做人妻，當時喺ViuTV嘅介紹入面，仲叫做「重塑型D cup已婚人妻」。不過喺4月嘅時候，佢就喺facebook同youtube好活躍，佢同埋專門講AV嘅網絡人「骨精強」，合作拍咗《收嗲啦！八婆》系列，喺片入面，Kimi就演一個港女到不得了嘅女朋友，對男朋友無理取鬧，演男朋友嘅「骨精強」就大鬧佢：「收嗲啦！八婆。」可能係因為同香港情侶好有共鳴，所以短短兩個月，呢個系列嘅片已經去到百幾萬點擊。




來源: http://hk.apple.nextmedia.com/entertainment/art/20170614/20055775

---

電騙又有新招扮入境處1868呃資料

1 : GS(14)@2017-07-09 02:45:54

電話騙案又有新招。繼假冒政府部門電話後，入境處首次發現，有騙徒竟冒充協助在外香港居民小組熱線「1868」，致電市民索取個人資料。入境處強調，處方熱線不會將電話轉駁至境外機關，也不會要求接聽人提供銀行戶口及密碼等資料，並提醒市民，騙徒能通過「更改來電顯示」刻意偽造來電號碼，不要單憑來電顯示去辨別來電人士的身份。入境處發言人表示，近日收到多宗涉及訛稱入境處人員的電話騙案，並首次發現有來電假扮「1868」，即入境處在外香港居民小組熱線，有關來電均以預錄語音形式發出，表示接聽人尚未領取由入境處發出的郵件，要求接聽人按指示輸入資料。處方也收到市民通知，有訛稱入境處人員來電，指其個人資料已被盜用，要求市民提供更多資料作核實之用。入境處「1868」熱線今年首半年收到75,323宗查詢，以及1665求助，主要涉及遺失證件；去年則有近16萬宗查詢及2,808宗求助。入境處表示，十分關注有關的電話騙案，並與警方保持聯繫，並提醒市民，若接獲可疑來電，需保持警惕，查證來電者的身分，切勿隨意向他人透露其個人資料。如有疑問，可致電入境處查詢熱線：28246111，與處方人員聯絡。




來源: http://hk.apple.nextmedia.com/news/art/20170708/20083002

---

【Tesla又有彩蛋】Model 3隱藏選單　導航上火星

1 : GS(14)@2017-08-04 06:35:53

影片：http://bit.ly/2w8BYbp


導航上火星，好難知道是否準確？

剛剛早幾日Model3才在美國California推出，已經有車迷發現有彩蛋。其實Tesla車款有彩蛋也不是第一次，早前也試過輕觸顯示屏變畫板，再早更有彩虹賽道。今次則有導航系統帶你到火星，雖然火星上面沒有道路，但當駕駛者駕著Model3時，真的會在顯示屏上看到六個轆的太空用Tesla在火星表面行駛。



這位Tesla迷發現只要按入「About Your Tesla」選單，等數秒之後就會有第二個選單彈出，這時候只要用手指觸碰屏幕，就會看到有閃亮星星痕跡。再按下那個星球，就會彈出在火星上的導航畫面，畫面上有一部六個轆的車子登陸月球！另外，看到影片最後亦都有畫板可以畫公仔、寫字。影片來源：jurvetson@Youtube文：Joestar2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170804/20110809

---

首置盤後又有新招傳林鄭推十層貨櫃屋

1 : GS(14)@2017-10-09 02:59:08

有傳特首林鄭月娥即將在10月的施政報告公佈「首置上車盤」，但被批漠視基層住屋需求，不過根據《香港01》報道指，運房局連同社會服務聯會，今日會成立社會房屋中介平台，除了承租閒置單位再租給社企之外，政府更重新研究用舊貨櫃建過渡性房屋，並會在施政報告中提出。報道指，運房局和發展局今個月初，與房屋協會及部份社企洽商，研究在市區起貨屋可行性，又會在下月的施政報告中提出。據了解，貨櫃屋會是中、短期的房屋供應措施，當中亦包括了「共住」的過渡性房屋。政府會參考外國例子，包括社企如何利用貨櫃屋等等，消息指，選址已有初步腹稿，年期會至少五至十年，對像為有暫住需要的家庭，但不可長期居住，消息指貨櫃屋可能高達十層。




來源: http://hk.apple.nextmedia.com/financeestate/art/20170920/20158656

---