【爆相爆片】林嘉欣走開五分鐘兩女公園爬上爬落
1 :
GS(14)@2016-11-16 05:10:13■林嘉欣提醒囡囡不可弄到其他小朋友，非常有家教。讀者提供圖片
現年38歲的金馬獎影后林嘉欣，6年前下嫁導演袁劍偉，婚後生了兩名囡囡，分別是6歲的Kayla和3歲的Sofie，一家四口樂也融融，靚媽咪林嘉欣婚後以家庭為重，不時親力親為照顧女兒。有讀者陳小姐透過《蘋果》的「爆相爆片」，分享了林嘉欣日前黃昏帶同女兒到淺水灣公園玩樂情況。當日傍晚6時左右，陳小姐發現林嘉欣帶着兩名女兒出動，三母女去公園享親子樂，未見老公袁劍偉或家傭同行。兩姊妹都穿上姊妹裝，相信是媽咪刻意打扮，反而媽咪林嘉欣就素顏便服look。
■林嘉欣一度離開兩女，她臨行前不忘提長女照顧妹妹。讀者提供圖片
■嘉欣囡囡好活潑，站在離地幾呎高的設施上都不怕。讀者提供圖片
叫大女照顧妹妹
陳小姐前晚在電話中說：「兩姊妹當時好活躍，佢哋喺公園設施上面爬上爬落，又跳嚟跳去，但嘉欣就一啲都唔緊張，只係用英文叫兩個囡囡小心啲，唔好整到其他小朋友。兩個囡囡玩玩吓，嘉欣就同大女講咗幾句，應該係叫家姐睇實妹妹，佢就離開咗兩個小朋友約5分鐘，之後先再番嚟。」陳小姐指當時天色偏暗，畢竟兩個小朋友年紀太細，當林嘉欣行開後，兩姊妹都各有各玩，所以有一定危險性，幸好最後兩姊妹都平安沒事。
■近月擔任藝術展策劃人的林嘉欣，一有時間就到場助陣。互聯網圖片
林嘉欣跟兩女關係親近，她有空必貼身照顧，甚少假手於人，前年就孖老公袁劍偉帶着大女Kayla去到金鐘「雨傘運動」現場，她拖着囡囡行政總樓梯，然後給囡囡講解市民貼在牆上的字條，希望囡囡將來長大後，可以有獨立思想。採訪：王梓嫚
來源:
http://hk.apple.nextmedia.com/entertainment/art/20161114/19832626
【爆相爆片】五日四夜遊日玩到謝林峯千語冇偈傾
1 :
GS(14)@2016-11-23 07:53:22■林峯同千語BB喺大阪機場等上機前，先去lounge醫肚。讀者提供圖片
林峯同女友吳千語拍拖三年，除咗成日俾人見到去名店買名牌之外，其次就係去旅行嘆世界，再排喺後面應該係食飯、放狗等。今次都唔例外，林峯趁住最近唔使開工，即刻孖住女友千語BB去旅遊，仲揀咗香港人至愛嘅日本，可以順便shopping，真係一舉兩得。本報讀者Gary日前透過「爆相爆片」，分享喺日本大阪機場捕獲林峯同千語BB。
■拍拖三年嘅林峯同吳千語，
千語頭髮蓬鬆
大前日嘅朝早，讀者Gary喺大阪機場嘅lounge見到林峯同千語BB，因為班機要延遲45分鐘，所以坐商務艙嘅佢哋，就上咗lounge等候。Gary仲話同佢哋好有緣，16號去程都係同一班機，而兩程都見到佢哋唔多傾偈。讀者Gary話：「吳千語個樣仲好攰咁，冇精神。」從相中可見千語BB頭髮蓬鬆，可能係早機未瞓醒，林峯就戴住cap帽，兩個着住黑色情侶裝，去到lounge就各自各去拎早餐醫肚。而大阪5日之旅雖然係短啲，但應該都好盡興，千語BB都keep住貼靚相上Instagram。撰文：馮仁昭
來源:
http://hk.apple.nextmedia.com/entertainment/art/20161123/19842361
【爆相爆片】黎姿湊三女影燈飾
1 :
GS(14)@2016-12-01 08:06:42■細女（左二）要黎姿氹才埋位與兩位家姐合照。讀者提供圖片
黎姿08年嫁商人馬廷強，婚後育有三女，孖女馬家蔚（Pricia）與馬家鎂（Gianna）已經6歲，今年就讀小學一年級，4歲細女Pegella剛上幼稚園。聖誕節快到，黎姿趁着各大商場擺放了不同的聖誕燈飾擺設，上周六讀者冼小姐透過本報「爆相爆片」，分享見到黎姿帶着三位千金在尖沙嘴海港城看聖誕燈飾的相片。當日薄施脂粉的黎姿，像普通家庭的母親一樣帶着女兒行街，冼小姐表示黎姿三位千金穿上同款黑色皮褸加legging，扮相統一，既有型又可愛。黎姿拿着手提電話，叫孖女Pricia和Gianna在聖誕燈飾前影相，孖女乖乖坐定擺甫士，但細女就要媽咪氹才願意埋位，其間不少遊人認得黎姿並要求合照，而她並無架子一口答應。撰文：非非
■黎姿上周六在海港城用手提電話為女兒影相。讀者提供圖片
■黎姿三個女兒均穿上同款黑色皮褸，擺甫影相，十分可愛。讀者提供圖片
來源:
http://hk.apple.nextmedia.com/entertainment/art/20161201/19850785
【爆相爆片】馮盈盈港大畢業禮搶鏡翁靜晶賀何彪 領法學碩士
1 :
GS(14)@2016-12-04 17:34:16■翁靜晶男友何彪修讀法學碩士，以優異成績畢業。
近日香港大學各學院都先後舉行畢業典禮，現年50歲的何東爵士曾孫何彪大前日獲頒法學碩士（仲裁及排解爭端法）的優異成績，而22歲的應屆港姐冠軍馮盈盈所讀的食物及營養學系，則以二等二級榮譽成績畢業。畢業禮當天，翁靜晶亦有到場支持男友何彪，二人好sweet十指緊扣在校園內留影。而翁靜晶本身已有三個學位，問男友是否要急起直追？她昨日在電話中說：「我諗佢會叻過我，佢諗緊可能去劍橋讀博士。」問男友幾時求婚？她笑說：「要求『婚』就係學業嘅『分』，等佢讀埋個博士學位先。」翁靜晶亦計劃到外地修讀英文公開演說課程。
■馮盈盈（左）日前在港大行畢業禮，獲安排站在搶眼位。讀者提供圖片
馮盈盈引起注目
而昨日讀者林先生透過本報「爆相爆片」報料，指馮盈盈引起注目，他說：「佢被安排企校長後面，即正中間影團體照，佢着咗高踭鞋，都幾eye catching。佢都幾nice周圍同人影相，估計係佢父母都有嚟，但就唔見男友。」馮盈盈亦有在Instagram貼畢業相，還拍片示範怎樣穿畢業袍最有型。採訪：嵐山
來源:
http://hk.apple.nextmedia.com/entertainment/art/20161204/19854146
【爆相爆片】陪林建名遊西班牙夢夢揀免費篋 同Ricky蜜斟
1 :
GS(14)@2016-12-04 17:34:20■戴夢夢表示有篋贊助，否認與男友Ricky拍拖去旅行。讀者提供圖片
戴夢夢去年被爆戀上有婦之夫的太極樂隊鼓手朱翰博（Ricky），雖然當時有指Ricky將會與結婚27年的太太Anne辦理離婚手續，不過Anne多次向外爆料聲稱未和Ricky離婚，淪為「小三」的夢夢，沒理會名聲問題，繼續和Ricky發展，直到今年Ricky終於與Anne分居。戀愛大過天的夢夢，日前讀者May透過本報「爆相爆片」分享她在在尖沙嘴目睹夢夢跟Ricky拍拖買行李篋，好大機會出埠旅行慶生，事關本月12日是夢夢32歲生日。讀者May直擊夢夢和Ricky日前現身尖沙嘴拍拖的情況，並提供了二人選購行李篋的相片，讀者May接受電話訪問表示：「嗰晚7點，我啱啱經過尖沙嘴漆咸道南一間賣行李篋嘅舖頭，我見到夢夢同佢男友喺度揀篋，兩個人有商有量，互相畀意見，好好傾咁樣！
■早前夢夢和老闆林建名遊西班牙，參觀當地酒莊。
■夢夢在西班牙品嚐火腿，張達明亦有同行。
■戴夢夢與男友Ricky拍拖兩年，感情穩定。資料圖片
酒莊嘆紅酒
不過夢夢日前接受本報訪問，否認買篋拍拖去旅行：「之前同老闆（林建名）去咗西班牙，我哋去咗酒莊玩，呢排好忙，咁啱有篋贊助，當日就順便去拎篋返屋企。」夢夢強調會低調處理私人感情。夢夢晒出和老闆林建名遊西班牙的照片，同行還有張達明，眾人齊在酒莊嘆紅酒，夢夢說：「林生玩得好開心，今次主要去酒莊，有個廣州隱世廚神同我哋一齊去拍嘢，達明做主持，林生行街時，仲畀人認錯以為佢係一星大廚。酒莊莊主安排咗鬥牛師傅嚟，仲做咗件鬥牛勇士衫畀林生，佢換咗好鍾意，仲一齊跳鬥牛舞。」採訪：李森
來源:
http://hk.apple.nextmedia.com/entertainment/art/20161204/19854275
【爆相爆片】毛記腦細情路大不同陳強離婚
1 :
GS(14)@2016-12-06 03:56:07■毛記創辦人之一陳強和老婆Shirley驚爆離婚，兩人婚姻不足三年玩完。資料圖片
近年深得廢青吹捧的網絡傳媒毛記電視和《100毛》三位80後創辦人，腦細林日曦、陳強和姚家豪（阿Bu）的私生活都很低調，林日曦跟一人樂隊The Pancakes成員蔡明麗結婚十年，兩夫婦從沒公開露面，日前兩人拍拖遊福岡，林日曦更被拍到頻頻在機場放蚊，首張合照終被曝光；至於拍拖半年即興閃婚的陳強，原來已打回寡佬身份，婚姻不足三年玩完！
毛記三位創辦人林日曦、陳強和阿Bu都是商台DJ出身，三年前聯手創辦廢青周刊《100毛》成功起家，之後再成立毛記電視打響名號，旗下主播盤菜瑩子、黃慘盈、專家Dickson、東方昇等頗受歡迎，今年中毛記負責製作、由黎明、林日曦及劉江拍攝的白咖啡廣告，因手法新穎和內容搞笑轟動全城，省靚了毛記招牌，令三位揸弗人的感情生活同被起底，林日曦與老婆蔡明麗婚後十年從沒一起公開亮相，而阿Bu和主播利君牙陷熱戀，最低調的陳強被爆竟然已離婚一年多。
■陳強和Shirley一見鍾情，於2012年拍拖半年即閃婚。
■陳強和Shirley曾合作撰寫《結婚不結婚》，最後卻離婚收場。
■毛記成功捧出一班主播，腦細林日曦是三個創辦人中最高調亮相。互聯網圖片
性格不合常嗌交
現年33歲的陳強原名陸家俊，他跟Shirley於2012年的3月認識，4月火速墮愛河，5月去到談婚論嫁階段，7月已經成功求婚，同年11月17日閃婚註冊，婚後兩人還合力撰寫《結婚不結婚》一書，各自抒發結婚的苦與樂，分享求婚、提親及婚後相處之道等，認為婚後的相處之道是「不要太恨對方」，陳強曾在訪問中讚老婆是世上另一個自己，最欣賞她會挑戰自己的觀點，不似其他女人會以和為貴。可惜，兩人的閃婚未能走到白頭，據知，他們婚後相處久了日見磨擦，經常吵吵鬧鬧，結果Shirley以性格不合為由提出離婚，閃婚不足三年便玩完。本報發現陳強亦在facebook的感情狀況一欄中，列明2015年7月離婚，大前日本報向陳強了解，他透過短訊回覆：「私人事不回應了，謝！」採訪：皓騫、王梓嫚
來源:
http://hk.apple.nextmedia.com/entertainment/art/20161205/19855308
【爆相爆片】一家三口倫敦過節君如同囡囡鬥快落機
1 :
GS(14)@2016-12-24 10:55:34■君如非常疼錫女兒陳是知，一家三口經常外遊。資料圖片
明日是聖誕節，日前吳君如和陳可辛帶10歲囡囡陳是知飛倫敦過節，被讀者張小姐「爆相爆片」分享一家三口現身香港機場的溫馨畫面。不過，他們舉家出遊卻分開坐，君如孖囡囡坐頭等機艙，陳可辛則獨自坐商務客位，未知是否頭等機位不足夠，還是為慳錢自己坐商務。
■陳可辛和君如日前帶囡囡出發倫敦過聖誕。讀者提供圖片
■君如與陳可辛抵倫敦後，分開過關。
陳可辛獨自過關
張小姐表示上周六於香港機場乘坐凌晨1點機去倫敦，她發現君如和陳可辛分開坐，但更奇怪是陳可辛落機後，亦沒有與兩母女一齊過海關，張小姐說：「我同佢哋一齊排fast track過關，佢哋3個喺我前面，君如同囡囡一齊過關，明明個London staff話一家人可以一齊過，但陳可辛用英文講分開行更好，君如同囡囡都有回頭叫陳可辛一齊過海關，可能佢知有香港人，所以唔一齊啩。」相中見君如和陳可辛均穿着長褸，陳可辛負責推行李，囡囡則孭住一個大背囊，張小姐表示見到君如對囡囡好好：「佢哋喺機場玩追逐，因為有一段路仔，係有平路同斜路for行李車，囡囡跟咗陳可辛行斜個邊，君如就同囡囡玩鬥快，我都覺得君如係好媽媽呀！」採訪：皓騫
來源:
http://hk.apple.nextmedia.com/entertainment/art/20161224/19875155
【爆相爆片】梁烈唯跑得慢被抄牌
1 :
GS(14)@2016-12-24 10:55:35■梁烈唯雖跑回座駕，但仍難逃被警察抄牌。讀者提供圖片
被封「負皮王」的梁烈唯最近宣佈太太懷孕，現在專心賺奶粉錢，日前讀者黃小姐透過本報「爆相爆片」，在深水埗直擊梁烈唯被人抄牌過程。黃小姐稱唯唯一個人泊兩架車，她說：「我認得架Mini Cooper係梁烈唯，佢將先將架福士泊入去，轉頭又將自己架Mini Cooper double parking喺隔籬。」黃小姐指唯唯落車後會合友人，但不足五分鐘已有警察抄牌，她說：「警察等咗數分鐘都唔見人，所以都落咗筆抄，佢趕到嚟叫阿Sir手下留情，但已經太遲。」採訪：唐琛悠
來源:
http://hk.apple.nextmedia.com/entertainment/art/20161224/19875142
Next Page