【爆相爆片】欣宜老麥萬歲細細粒教買細薯條
1 :
GS(14)@2017-01-07 00:29:01■細細粒日前喺九龍灣排隊買咗兩大袋老麥。讀者提供圖片
陳嘉佳（細細粒）同鄭欣宜都係重量級人馬，佢哋最近幫無綫拍《老表，畢業喇！》，所以有機會合體。讀者盧先生日前就透過《蘋果》嘅「爆相爆片」影到細細粒喺九龍灣麗晶花園嘅麥當勞買兩大袋嘢食，而欣宜就企喺門口等候。
■欣宜近日忙於拍攝新劇，更萬歲請劇組食嘢。資料圖片
買兩大袋走
盧先生話：「其實喺電梯嗰陣已經見到佢哋，當時欣宜仲咬住個包，後尾細細粒入麥當勞再買咗兩大袋嘢食走。」事後細細粒接受傳媒訪問，話當日買麥當勞係因為欣宜「萬歲」請劇組食tea，細細粒話：「嗰日拍劇趁有空檔，咪同欣宜去咗附近麥記買薯條同劇組一齊食。買之前，我已經食咗碗麵，欣宜就食咗個雞尾包。」問細細粒平時鍾唔鍾意食麥記，佢笑笑口話：「OK㗎，方便嘛！平時會買兩個包食，我都知佢哋最近加價，最平嗰個包由10蚊加到11蚊！」一講到食，細細粒即刻講唔停，仲即刻分享買麥記嘅心得，教大家買薯條嘅竅門：「因為大薯條價錢同幾包細薯條價錢差唔多，而且好多入定先，會冇咁脆，仲好多時入唔滿，所以記得薯條一定買細size。」
來源:
http://hk.apple.nextmedia.com/entertainment/art/20170106/19887571
【爆相爆片】黐實胸貼臂搭港鐵藍莓新歡冇家底：打工仔
1 :
GS(14)@2017-01-14 12:25:38■「藍莓」劉俐擁34C逼爆上圍，從不介意性感示人。資料圖片
現年27歲的劉俐擁有34C驕人身材，多年來一直用「味之天使」藍莓身份跟錢國偉搵食，不過緋聞一直比工作量多，而且身邊出現的男士，大多都非富則貴，之前更被影到與太陽娛樂公司老闆「洗米華」周焯華夜會，又與家族身家過億、前港姐王愛倫囝囝林建億及林?等人去夜蒲。
挨落男友膊頭
劉俐去年離開無綫後，忽然銷聲匿迹，不過本報讀者許小姐日前透過本報「爆相爆片」分享她某日晚上約11時，遇見穿火辣超短紅裙的劉俐，與一位西裝男齊齊坐港鐵的相片。
【胸壓手臂】■藍莓暱稱男友為「米奇老鼠」，指對方生於普通家庭。讀者提供圖片
【有講有笑】■藍莓日前被目擊在港鐵黐實男友，耳筒兩份分。讀者提供圖片
許小姐指二人由香港站坐去九龍站，其間態度親暱，投入看着同一部手提電話，劉俐則不時胸壓男方手臂，許小姐說：「唔知係咪藍莓男友，但見佢哋都好親密，除咗一齊睇一部手機，又聽埋同一個耳筒，後來佢哋落車，見到着高踭boots嘅藍莓高過男仔半個頭，但佢都遷就個男仔，挨個頭落去對方膊頭。」
■以往喜愛夜蒲的藍莓（左三），曾跟王愛倫兒子林建億傳緋聞。
暱稱米奇老鼠
本報日前致電劉俐問她是否拍拖，她直認對方是男友，表示二人拍拖一年多。笑問其男友是否富二代？她即說：「係打工仔，普通家庭。」劉俐為保護圈外男友，不肯透露男友姓甚名誰，只笑指男友暱稱是「米奇老鼠」。至於男友身高是否不及她？劉俐澄清說：「我唔着高踭鞋，佢應該高我少少。」是否收起性感？她說：「佢梗係唔想啦，?家都唔會無端端性感，除非工作需要，唔係唔會亂嚟。」她更表示現在已戒夜蒲，除非男友在身邊。採訪：嵐山
來源:
http://hk.apple.nextmedia.com/entertainment/art/20170114/19896099
【爆相爆片】戴情侶黑超 藐藐嘴男友即投降苟姑娘孖陸漢洋揀禮物見家長
1 :
GS(14)@2017-02-05 10:48:26【拍拖買餅】■苟芸慧日前與男友陸漢洋戴着黑超現身太古城百貨公司買曲奇餅，為見家長做好準備。讀者提供圖片
苟芸慧去年8月被傳跟錫礦大王陸佑後人陸漢洋撻着，惟她一直拒認戀情。不過日前本報讀者發現戴情侶黑超的苟姑娘與陸漢洋到太古城的百貨公司買曲奇，男方揚言買來送給苟姑娘家人，但苟姑娘不肯揀，更藐嘴撒嬌令男友即時投降。苟姑娘父母早前由加拿大返港，估計陸漢洋買曲奇向女友父母拜年兼見家長，二人看來好事近。
現年33歲的苟芸慧，近日不但成功減磅重奪「索苟」之名，離開無綫向外闖的她，早前更憑一輯惹火床照而人氣再升，加上跟馬來西亞錫礦大王陸佑後人兼賽車手陸漢洋（前名陸恭和）蜜運，苟姑娘絕對是人逢喜事精神爽。儘管苟姑娘去年8月被爆新戀情後，多次被本報撞破二人拍拖，但兩人一直未肯承認戀情。日前，陸漢洋又被發現孖住苟姑娘到百貨公司買賀年禮物拜會女友父母，二人關係似乎又邁進一大步。
【戀情曝光】■去年9月苟姑娘與陸漢洋被本報發現到西九睇騷，其間陸漢洋還熱情錫錫女友。
【有米車手】■陸漢洋是富三代及賽車手，因為賽車而跟苟姑娘撻着。資料圖片
掃日本曲奇
讀者梁小姐透過本報「爆相爆片」報料，指日前中午12時許在太古城Apita百貨公司見到苟姑娘與陸漢洋現身，苟姑娘打扮樸素，跟穿上迷彩衫的陸漢洋齊齊戴着黑超逛百貨公司，讀者梁小姐說：「我睇緊啲日本糖果，突然見到個女仔好靚，望真啲原來係苟姑娘，隔籬嗰位應該係佢男朋友。聽見個男仔話買嘢送畀屋企人，係咁話：『買啦、買啦！』但苟姑娘就唔肯揀，藐咗個男仔一眼，之後個男仔就話：『算喇，我揀！』」梁小姐透露二人最後買了兩盒日本年輪曲奇，每盒售價330元，由陸漢洋付款。由於苟姑娘父母近日由加拿大返港，估計陸漢洋今次準備買賀年禮物到苟姑娘家拜年，並趁機拜會未來岳父岳母。記者昨日致電苟姑娘求證，問陸漢洋是否買曲奇向她父母拜年時，她說：「嗰日我哋一班朋友團拜，因為William（陸漢洋）同一班朋友搞緊紅十字會捐骨髓個campaign，佢早少少搵我商量仲搵乜朋友幫手，希望大家新年做一件好事。佢咪順便陪我去買嘢，因為我鬼妹仔唔知買乜去朋友度。」
■苟姑娘隻身來港發展，偶爾在社交網貼母女舊照。微博圖片
■苟姑娘09年當選國際中華小姐冠軍而入行。資料圖片
公開護女友
苟姑娘去年被傳做小三介入陸漢洋與無綫前主播張頌恩戀情，其後陸漢洋維護苟姑娘，指早年已跟張頌恩分手，自己從未試過一腳踏兩船。苟姑娘與陸漢洋去年9月和10月亦兩度被本報發現甜蜜拍拖，二人繼到西九睇騷時錫錫外，去年10月陸漢洋43歲生日，苟姑娘更以勝利者姿態為男友慶生。採訪：嵐山
來源:
http://hk.apple.nextmedia.com/entertainment/art/20170204/19917158
《爆相爆片》一月第四輪揭曉
1 :
GS(14)@2017-02-06 07:24:18《爆相爆片》得獎名單公布一月第四輪每周之星如下︰第一位《【車Cam曝光】私家車直撼貨車尾司機命喪新田公路》，總點擊1,010,145次；
http://hk.apple.nextmedia.com/news/art/20170123/19905948第二位《藍田煙花Show賀雞年街坊︰幾精彩》，總點擊733,650次。
http://hk.apple.nextmedia.com/realtime/breaking/20170128/56233237第三位《深水埗青山道巴士撞冧簷篷多人受傷》，總點擊501,651次；
http://hk.apple.nextmedia.com/realtime/breaking/20170123/56213182第四位《薄扶林道地盤驚現500磅戰時炸彈港大宿舍居民急疏散》，總點擊386,580次；
http://hk.apple.nextmedia.com/realtime/breaking/20170123/56210296第五位《黃大仙廟火警濃煙沖半空》，總點擊291,235次；
http://hk.apple.nextmedia.com/realtime/breaking/20170126/56227661得獎者將有專人通知領賞。參加細則：1.爆相爆片必須由參加者拍攝。2.若本報發現任何造假情況，將取消其參賽資格。3.壹傳媒集團員工及親屬不可參加。4.本報會保留採用爆相爆片與否和獎項分配的一切權利，如有任何爭議，以本報決定為準。《爆相爆片》獎勵1.基本獎賞︰爆相港幣$500、爆片港幣$1,000。2.每周之星︰每星期最高單日總點擊頭5名，即成為每周之星，可獲額外獎賞港幣$10,000。3.每月盟主︰由該月15號至翌月14號期間獲得全月最高單日總點擊者，即成為每月盟主，可獲額外獎賞港幣$100,000。4.密密爆密密獎︰由該月15號至翌月14號期間爆相爆片超過一次，而又同時獲本報獨家採用，額外獎賞港幣$10,000。*爆相爆片必須經本報獨家採用《蘋果》24小時爆相爆片熱線：63836568
來源:
http://hk.apple.nextmedia.com/news/art/20170206/19919143
【爆相爆片】華仔4歲囡囡嗲暈媽咪朱麗倩抱女出沒街市
1 :
GS(14)@2017-03-23 06:51:12【母女買餸】■朱麗倩早前被本報讀者發現抱住囡囡劉向蕙於深水埗街市買餸。讀者提供圖片
劉德華自出院後一直在家卧床休養，至今仍未能落地向前邁出第一步，50歲老婆朱麗倩不離不棄照顧，陪老公打這場仗同度難關，還要分心湊4歲獨生女劉向蕙。早前朱麗倩被本報讀者「爆相爆片」分享她抱囡囡現身深水埗，由保鑣陪同下親自揀新鮮餸菜，想不到天王嫂不光顧高檔超級市場，反而到平民街市買餸，十分貼地，劉德華果然娶得好老婆！
現年55歲的劉德華今年1月在泰國拍廣告不慎墮馬，導致脊椎骨裂硂盆骨多處骨折、肌肉與筋腱拉傷，要由醫療專機急送返港醫治，在跑馬地養和醫院留醫50多日，直至本月10日，才獲醫生批准出院返家休養，至今仍要卧床休息，未能落床行路，出入都要坐輪椅。跟華仔結婚9年的朱麗倩，自老公受傷入院後憂心忡忡，每日頻撲醫院和屋企，分身乏術照顧老公和囡囡劉向蕙，十分辛苦。早前，朱麗倩親自湊囡囡到深水埗街市買餸，身邊有保鑣和工人陪同，被讀者李小姐透過本報「爆相爆片」分享，李小姐接受電話訪問表示：「嗰日下晝兩點幾，見佢一路抱住個女，去完豆腐舖，再去隔籬個菜檔，畀錢先放低個女一陣，跟住又抱番起佢。」問有否街坊認出天王嫂？李小姐說：「又唔覺，（賣菜）阿姐有特別稱呼佢，但見保鑣個樣都幾惡，會成日周圍望，兩個工人姐姐就一直企喺隔籬，買完幫手攞嘢。」
【等候媽咪】■朱麗倩揀蔬果時，囡囡乖巧的在旁邊等候。
【全冇架子】■抱着女兒的朱麗倩與菜販有傾有講，十分親民。
【扁嘴撒嬌】■4歲的劉向蕙嘴扁扁向媽咪撒嬌。
寵物袋當手袋
由李小姐提供的「爆相爆片」所見，零化妝的朱麗倩外表親民，雖然有保鑣和傭人在側伺候，但朱麗倩都不肯假手於人，堅持親手抱4歲囡囡，可見她對女兒非常愛錫，打扮樸素的朱麗倩着鬆身直間連身裙襯平底鞋，最特別是她用法牌Goyard寵物袋做tote bag，這個袋旁邊有拉鏈給寵物唞氣，價錢約20,250元，估計是華仔家裏有養寵物，想不到華嫂會將這個袋一物二用，果然夠慳家。
■朱麗倩於11年回大馬祭亡父，返港時與華仔拖手現身。資料圖片
■華仔拍廣告受傷，要休養多月，廣告於日前出街。資料圖片
同菜販有傾講
雖然身為天王嫂地位不同凡響，但朱麗倩卻貼地親到街市買餸，平日出入會戴口罩遮樣的她，去平民街市就以真面目示人，又與菜販有傾有講，完全沒有架子；而4歲的劉向蕙眼仔睩睩，皮膚白皙好靚女，紮住兩條孖辮仔十分可愛，被媽咪抱在懷中表現乖巧，全程用小手緊緊攬實媽咪好嬌嗲，不時嘟起嘴仔。朱麗倩快手快腳買完餸後，抱着囡囡準備離開，劉向蕙即成個頭挨落媽咪膊頭，身體語言表達了母女情深的畫面，兩母女由保鑣和傭人的陪伴下，一行五人走到停泊在附近的七人車離開。目前停工在家休養的華仔，日前在官網以「硬朗」為題撰文，他留言：「每一天、坐久一點點，每一天、站久一點點，會有一天，向前邁出第一步！我、硬朗！」相信在老婆細心照顧下，華仔一定早日康復。採訪：嵐山
來源:
http://hk.apple.nextmedia.com/entertainment/art/20170323/19966840
《爆相爆片》三月第四輪揭曉
1 :
GS(14)@2017-04-04 08:57:28《爆相爆片》得獎名單公布三月第四輪每周之星如下︰第一位《旺角朗豪坊「通天梯」急停至少16人跌傷》，總點擊1,555,176次；
http://hk.apple.nextmedia.com/realtime/breaking/20170325/56478168第二位《西環海面驚現無頭女裸屍》，總點擊1,049,490次；
http://hk.apple.nextmedia.com/realtime/breaking/20170321/56459431第三位《【車cam直擊】的士司機疑拒載急轉彎篩女乘客落車》，總點擊897,445次；
http://hk.apple.nextmedia.com/realtime/breaking/20170325/56476556第四位《【獨家】47歲素顏靚太李綺虹搭港鐵八達通出事擾攘黃埔站》，總點擊829,346次；
http://hk.apple.nextmedia.com/enews/realtime/20170325/56475952第五位《【獨家】劉德華留家養傷愛妻朱麗倩抱萌爆囡囡街市買菜》，總點擊737,744次；
http://hk.apple.nextmedia.com/enews/realtime/20170322/56459837得獎者將有專人通知領賞。參加細則：1.爆相爆片必須由參加者拍攝。2.若本報發現任何造假情況，將取消其參賽資格。3.壹傳媒集團員工及親屬不可參加。4.本報會保留採用爆相爆片與否和獎項分配的一切權利，如有任何爭議，以本報決定為準。《爆相爆片》獎勵1.基本獎賞︰爆相港幣$500、爆片港幣$1,000。2.每周之星︰每星期最高單日總點擊頭5名，即成為每周之星，可獲額外獎賞港幣$10,000。3.每月盟主︰由該月15號至翌月14號期間獲得全月最高單日總點擊者，即成為每月盟主，可獲額外獎賞港幣$100,000。4.密密爆密密獎︰由該月15號至翌月14號期間爆相爆片超過一次，而又同時獲本報獨家採用，額外獎賞港幣$10,000。*爆相爆片必須經本報獨家採用《蘋果》24小時爆相爆片熱線：63836568
來源:
http://hk.apple.nextmedia.com/news/art/20170403/19978479
Next Page