http://manincentral.blogspot.com/2012/01/blog-post_26.html
恭喜發財！
像我這種低水平既寫手，註定係唔能夠單靠寫作養家。如果你問我，龍年有咩願望嘛…
寫野係興趣，今日我可以接受微薄既稿費繼續寫字，係因為我有份正職，幫我賺錢養妻活兒。生意係正職，寫稿係副業。咁如果，正職同副業既位置可以對調，查實就真係過癮啦。當然，現實歸現實，呢個願望能夠實現既機會，我相信近乎零。
*****
細個讀書既時候，我中文作文既分數，其實蠻低既。我既文章別字多，語句又不通，最大鑊係成日寫埋d九唔搭八既野。最記得小學某次作文題目係「尋寶記」，老 師叫我地寫一個尋寶既短篇故事出黎。我就偏偏貪過癮，寫左個「尋唔到寶」既故仔出黎，仲要安排文章裡面果幾個「主角」，搵左一大餐原來係俾自己個老師整 蠱，老點佢地去尋寶芸芸。
老師見到一個五年班既死0靚仔寫埋d咁「大逆不道」既文章，梗係俾個「肥佬」我篇文啦，再加貓麵一大碗，話我作文離晒題，兼諗埋晒d「唔應該諗」既野，仲要罰我重新寫過一篇。
我問老師：「點解『尋寶記』既結局一定係要尋到寶呢？」
後來我明白到，響學校作文要高分，其實係有formula既。內容同主線，最緊要夠行貨，唔好諗住寫d乜野突出既題材同概念，切忌疑似政治不正確。每篇文 加入適當「份量」既成語同排比句。寫文之前，要記得查定辭典，搵出一個半個深到老師都要查字典先識既詞語，響文章裡面求其搵個位塞入去，主要用黎拋窒個老 師，然後盡量減少錯別字，你篇文，貼硬堂。
中四果年，作文科既第一名，我就係靠呢條方程式攞返黎。
可悲嗎？
*****
有日老婆望住屋企書架上面果四本《人在中環》，問我：「老公，查實你寫黎寫去都係寫d辦公室故事，你唔悶咩？」
「悶呀…」我答：「但係唔寫呢d，我可以寫d乜？」
老婆同我講呢番說話既前一日，我地正正去左戲院睇戲。
「emmm…例如小說丫。」老婆話：「哈哈，你估你寫唔寫到一本好似《那些年》既書出黎？」
根據電影裡面所講，九把刀既年紀應該同我唔差太遠，我查實都係活響果個年代。寫一d唔同既野，我查實一直都想，不過一路都係得個想字。每當公司同事call黎話有乜大鑊野，乜野「理想」既想法都即刻擺埋一邊。
「難些少囉老婆…」我答：「雖然話每個男孩子心裡面都有個沈佳宜，但係我個沈佳宜已經響我身邊，心裡面冇乜遺憾，呢d故仔，好難寫得出喎。」
呢個當然係籍口，唔夠決心先至係真。
*****
農曆新年，Kelly帶住仲係手抱既BB到我屋企拜年。
「有個問題想問你。」Kelly說。
「問丫。」我答。
「早排呢，我上網睇到有關唐英年感情缺失果單野，點知link下link下，link到去有個中環老闆既blog度，講話乜野四個朋友之中就有一個有婚外情喎。」
「咁呢？」我若無其事地說。
「咁我又繼續睇左佢其他有關office故事既post…仲有佢d舊既專欄囉…」Kelly鬼馬地笑了笑。
「哦。」我敷衍地應了一聲。
「老闆，果d故仔呢，唔好寫得咁白啦。當事人睇到，一睇就認得出架啦。」
「都唔知你講乜…」
「不過老闆…」Kelly拍了一拍我膊頭：「多謝晒。」
我響度諗，呢個報紙專欄寫左近六年，去到最近先有舊同事發現，其實係咪算係好彩？
抑或應該算係失敗？
祝大家龍年事事順利，平安健康。
http://manincentral.blogspot.com/2012/01/blog-post_31.html
我認識一個「暴發戶」朋友，咀臉好討厭。
響未「暴發」之前，呢位朋友其實為人OK既，只不過，響落難既日子裡面，被比他有財有勢既人欺壓得好厲害，不斷被人看扁，心中有氣。後來朋友籍住一次偶然既機會發左達，佢既人生從此就改變。
「暴發」係blessing，亦係咀咒。「暴發」之後，朋友要同過去既自己劃清界線，由生活習慣去到日常跟其他人相處，都變得恃勢凌人。一副「我大把錢俾」既模樣。稍有不合自己意思既事，就大吵大鬧，惡形惡相。從前我所認識既那位謙厚忍讓既朋友，消失得無影無蹤。
我呢位朋友，來自國內。
人會變，至於變既程度，可以大到你唔相信。然而經歷這種「暴發」過程既國內人，我相信其實為數不少。呢一堆「暴發戶」，有幾多係屬於會響廣東道橫行既呢？
*****
我成日有個諗法：人之所以會惡形惡相，好大程度上係因為欠缺自信心。你認為人地唔俾面你，心裡面總係覺得人地睇你唔起，於是你就會死命裝出一副惡形惡相既 面孔，去「主動」話俾人聽，你係一個「需要被尊重」，與及「不應被睇小」既角色。呢個pattern，唔係淨係apply響國內遊客身上。事實上，同樣既 事情，響好多本地既辦公室，甚至親朋戚友既圈子裡面亦時有發生。
問題係，惡形惡相通常換唔到真正既尊重。你若但求即時拿點著數，人家礙於你響大庭廣眾既地方發爛渣，為左唔好阻住做生意，給你一點著數多少屬無可奈何。然 而真正既尊重，你卻永遠得唔到手。有錢固然唔係大晒，但好多「暴發」左既人，仲係唔明白，點解自己咁有錢，都硬係一次又一次地得唔到自己認為「應得」既尊 重？佢地以為，可能只係人地「唔清楚」佢原來有幾多錢，於是不斷做更多既事，希望讓人知道自己係真係好x有錢，點知，越做，就越樣衰。
當自己心底裡面，其實仲有少少睇唔起自己既時候，查實外人又點會尊重你呢。要贏得尊重，通常越惡，越輸。要大聲夾惡先能換來尊重，係因為你仲未夠班囉。
*****
我其實好唔鐘意，話香港要依賴大陸去support才可以生存既呢個講法。香港係一個幾百萬人口既城市，而大陸係一個有十幾億人口既國家。大家根本就唔係同一個層面既東西。正如你會唔會話，紐約要依賴美國先能夠生存，又或者倫敦好依賴英國去support？
然而每個城市都有佢既獨特性，而呢d獨特既地方，造就左佢地響國家/地區、以至世界裡面不同既角色。冇話邊個support邊個既。我亦討厭果d懶係識時 務既人成日話，阿爺係大我地係細，所以咩野都要與以遷就既講法。傻啦，宜家唔係咸豐年，唔係仲有皇上同奴材之分既年代。一個城市既獨特性，係有實質既利用 價值既，大家互惠互利遮。然而我最頂唔順，有部份人主張要處處改變自己迎合大陸。please，有朝一日你改變到自己同是但一個國內城市一模一樣，一d獨 特性都冇果陣，你就真係一文不值啦。
*****
有關狗…
我響度諗，如果有日行街，響你腳邊出現左隻狂吠既傻惡犬，你有冇需要為呢條狗動氣？
一生人要動氣既事情好多，但下下都要動真氣，自己辛苦得黎又傷身。至於選擇「邊d氣先要動」既準則，我就傾向先睇一睇，激怒你既到底係個咩水平既人囉。如果，激嬲你果條友(…又或者係果條「狗」)根本係個水平甚低既生物，唉，就勞氣都慳返啦。
雖然，有d惡狗真係樣衰到「欠揍」既。
http://manincentral.blogspot.com/2012/02/blog-post.html
Joseph同Marie兩公婆，係朋友圈裡面出名既「小男人+惡妻」組合。
佢地兩個既相處模式，原則上係「Marie永遠是對的」。Marie話A，Joseph唔敢話B。Marie既要求幾無理都好，Joseph永遠想辦法滿足。
人家話，聰明既女孩子，總懂得在人前人後俾番幾分薄面自己個老公。假設呢個邏輯係正確既話，Marie肯定係一個愚蠢到頂點既女仔。事關Marie對 Joseph，唔單止唔會俾面，Joseph偶有失神，盡管響大庭廣眾面前，Marie亦會對Joseph不留情面地高聲喝罵，而且說話句句有骨。試過有 次，大班朋友食飯，Joseph夾左件Marie唔鍾意食既雞胸俾佢，Marie即時當住大班朋友面前發爛狂鬧Joseph。朋友們個個嚇到目定口呆，難 委Joseph卻毫無反抗，任由Marie鬧至幾乎失聲。
Joseph同Marie係我大學既同學，佢地兩個以前，唔係咁架。
N年之前，反而係Joseph比較大男人，而Marie反而像個小島依人。大學畢業之後冇耐，佢地就結左婚。朋友圈裡面，佢地算係屬於比較早結婚既一對。 婚後Joseph既事業發展得唔錯，職位升得越黎越高。事業得意既男人，開始得到越黎越多「老婆以外」既女性垂青，不久之後，Joseph出了軌，搞了個 婚外情。至於那個婚外既情婦嘛…係佢地兩個結婚時，Marie姊妹團裡面既其中一員。
Joseph既呢段婚外情搞左兩年，後來Joseph回頭是岸，返番去Marie既身邊。至於果兩年「搞搞震」既日子，Joseph同Marie就雙雙絕 跡於我地一班朋友圈既聚會。到佢地再次十指緊扣出現返響我地面前既時候，佢地兩個既相處「地位」，就逆轉到依家呢個模樣。
朋友們大概都估到佢地兩個「失蹤」果兩年，婚姻應該係出左問題，只係大家都係成年人，冇人問，亦冇人會玩篤爆。只係每次當Joseph被鬧既時候，佢都會向我呢個「知情人仕」報以一個無奈既眼神。
「咁係我當日對佢唔住，依家只能當係贖罪囉。裂痕，補唔番架啦。」這是事後Joseph曾經同我講過既說話。
我有時諗，男人步入中年，有點錢也有點事業，要搵出軌既機會，比起年青既時候其實仲要容易得多。只係出軌既故事聽得太多，但當中有好美好結局既，卻好似從 未encounter過。風水師朋友同我批左個流年，話我今年桃花會好旺，叫我小心好自為之。然而像Joseph般既故事，發生在自己身邊，係個百份百既 反面教材。桃花？no thank you啦。
至於Marie嘛…我反而覺得，冇錯Joseph係曾經做錯，兼且錯得厲害。然而觀乎今日Marie對Joseph既態度，到底係一種報復，抑或係自我既 情緒失控？Joseph今日既然浪子回頭，而Marie又決定接受Joseph既回來（至少表面上如是…），縱使人到中年，但未來日子還是流流長，反正決 定左繼續同呢個人一齊，何不放下過去，好好用心經營呢段失而復得既婚姻？
繼續如此下去，大概誰都沒有好處。
http://manincentral.blogspot.com/2012/02/d.html
睇左上一篇既留言，讓我諗起響公司裡面發生既一d事。
我從來覺得男上司加女下屬，係一個比男上司加男下屬、又或者女上司加女下屬更好既組合。畢竟男人對女孩子總係會多點包容，磨擦機會亦都比較少。然而如此異性組合既壞處，就係有時會引起誤會，甚至曖昧。
我大部份既下屬都係女孩子，當中亦有外表吸引而且青春少艾。每天工作日對夜對，培養出一點感情，我認為其實並唔出奇，至於把唔把持得住，就好睇你自己既心 態同理智程度。我係一個生意人，特點係算死草，一段假如發生響自己公司既婚外情，風險同代價都太大啦掛。一個唔好彩，家庭出事之餘仲影響工作，頭腦稍為清 醒既人，都絕對唔會俾呢類事情發生。
但係老闆/上司睇中自己下屬既個案，卻又總係層出不窮。面對呢d「個案」，我心裡總係響度諗：「阿邊個你有錢又有面，搵食查實可以行遠d丫，點解硬係要響度食又要響度痾呢…」
http://manincentral.blogspot.com/2012/03/blog-post.html
我對中環的Sevva有點偏見，每次在這裡跟人談公事，總是有點不歡而散收場的情況出現。也許是我迷信，但有些地方，你就是覺得唔多利自己，唔多「老黎」。
*****
「Let's be frank…」Roger用這句開場白，我就有點唔多好既預感：「Behind我地公司既基金，對你地好有興趣，想at least take a stake。如果你地唔介意既話，我地可以簽個NDA，an then你地send us your financial statement，let's see我地有冇機會合作。」
Roger係行家，一個比我早近十年入行既行家。佢既創業故事，同我其實有點相似。然而Roger既公司比我成功，規模比我間蚊型企業大好多。經過十幾年 既日子，佢地既公司，響亞洲區算係行內規模最大既三間之一。我入行既時候，佢地既規模同現在既我地差唔多，不過冇幾耐，佢地就極速咁擴張，直到現在變成行 業巨人。
聞說當年，佢地俾基金睇中，得到巨額資金既幫助，然後打後果七、八年，佢地由一個基金，賣左去俾另一個基金，又再賣過俾又另一個基金，縱使我尚算緊貼行家新聞，但我都已經搞唔清，佢地到底轉左幾多次手。
「Hey Roger…」我吸了口大氣：「Let me be frank as well，我地唔需要新既shareholders，我地現在背後既股東有足夠實力提供funding俾我地，多謝你睇得起我，不過我睇唔到有呢個需要。」
這句對白，根本就係劇本既一部份。姑勿論我希唔希望得到private equity入股都好，有人問，我必定係會咁答既。莫非我會話：「好呀，你快d黎投資我啦，please…」？商業社會討厭既地方，就係大家都唔知點解係要跟住呢類「劇本」去做，又假，又浪費時間。
「CK，行業唔同左啦。」Roger低頭想了想：「以前我地呢行，係好實在既生意。今時今日，全行都唔同晒，特別係香港。同我地同級既competitors，唔係上市既就係有基金背景，我知道你地背後既shareholders有實力，不過同唔到基金鬥架。」
Which is true。這個我當然明白。如果唔係，當Roger約我出黎傾既時候，我就連果少少時間都費事浪費啦。事實上，呢幾年，成行都變晒。大家都係行家，條數其 實大家都知點計。當有人願意不斷用「賣一件蝕一件」既方式黎經營既時候，你就清楚知道，背後必定係有d野。有能力「賣一件蝕一件」既人，變得越黎越多，市 場上既demand冇增加，但supply卻非理性地瘋狂增加，不斷做，不斷蝕，到底為乜？
「"Market share"對騙子黎講，is a perfect tool。」Roger苦笑。
「So you are talking about yourself？」我老實不客氣。
「Think about it CK，你地其實好危險。」Roger拍了一拍我膊頭：「我知道你地呢兩年不斷try to走出香港，香港既market經已爛晒，有排都返唔到轉頭。但係你到既地方，好快都會同香港一樣，你一樣走唔甩。」
我心裡面忽然記起一句話：「如果你鬥唔過佢地，就只好加入佢地。」
唉。
Roger既公司，經過N手Private Equity持股之後，據我所知，有極大量既借貸。我有時好懷疑，如此既借貸比例，市場上萬一有d乜風吹草動，到底應唔應付得到。每個人都以為自己有過人 既經營能力，係「企業神醫」化身。當接手一間公司既時候，發現盤數唔靚，經營出現結構性問題，會一廂情願咁認為，係上一手果個冇自己既能力同智慧，先至會 搞成咁。內裡有暗病既企業落在自己手上，係會有得救，而且前景一片光明。但係日子一耐，就發現大家原來殊途同歸，重病既企業，還是繼續病重，於是只能執靚 個樣，幫佢化個靚妝，然後幫佢搵主好人家賣俾下一手，一齊玩音樂椅既遊戲。音樂未停，呢d公司表面上仍然風光無限，直至音樂停既一刻，就要睇睇火棒到底 「花落誰家」。
Roger響過去十年既持股，又最初100%，去到今天less than 10%。
我估，佢既目標，其實係0%。
我響度諗，響金融業主導既商業社會裡面，到底仲有幾多空間，讓規模較小既企業，可以正正經經，實實在在咁做生意？
*****
有些餐廳，對我黎講依然係「唔太老黎」。
經濟觀察報 朱沖/文 剛剛率領北京男籃問鼎中國籃球職業聯賽（CBA）總冠軍的馬布里，雖然因為中國籃協的 「歧視」政策——MVP（最有價值球員）只能頒給中國球員，失去了眾望所歸的機會，但據說他仍將獲得的個人榮譽，除高額獎金外，還包括「北京市榮譽市 民」，甚至為他解決「北京戶口」，只是不知道他是否需要。
斯蒂芬·馬布里，1977年出生於美國紐約市布魯克林區的一個貧民窟內。熟悉布魯克林的人都知道，這是紐約黑人文化的中心，是嘻哈音樂、塗鴉及 Hiphop Dance的發源地，但這裡也是美國犯罪率最高的地區，被一些人視為混亂、骯髒、罪惡的原住地，充斥著槍支、毒品和種族歧視，甚至白人等外人都不得單獨靠 近，隨時有可能被搶劫、槍擊。
馬布里在這樣的環境中由姐姐撫養長大，小時候，他沒有玩具，只有後院的一個籃筐，他一個人玩。很快，馬布里在籃球方面的天賦就得到展現，據美國媒體 報導，馬布里在小學時代就可以在比賽中與成年人對抗。到了高中，馬布里在街球界更已難逢敵手。要知道，街頭籃球也是布魯克林的產物。馬布里成為了紐約街球 宗師，享有極高的地位。他還不忘本，即使後來在NBA名聲大噪，成為億萬富翁，他也一直沒有忘記街球，每年夏天都會回到布魯克林。
或許，馬布里日後在NBA的自負、桀驁不馴在很大程度上來自於在紐約街頭收穫的自信。他外號「獨狼」，很少傳球給隊友，這是街頭文化的核心，「憑什 麼相信別人」。他選擇3號球衣，這是街頭籃球的標誌性號碼，艾弗森、弗朗西斯等出身街頭、被認為「獨」的人，無一不喜歡這個數字。
馬布里於1996年NBA選秀第4順位被密爾沃基雄鹿隊選中，之後因明尼蘇達森林狼隊頭號球星加內特的建議，森林狼從雄鹿手中換得馬布里。兩人組合 一度被譽為未來將統治聯盟，他們也曾連續兩年打進季後賽，但好景不長，馬布里因為合同續約與加內特及球隊鬧出矛盾，他不想成為加內特身後的第二人。
他在網隊短暫待過兩年，個人數據創下最佳，球隊卻一直無緣季後賽。隨後，他和菲尼克斯太陽隊後位賈森·基德互換。很多中國球迷可能記得馬布里的交叉 步運球，晃倒姚明，太陽隊替補席笑得前仰後合的畫面，但球隊還是未能更進一步。這期間，馬布里又因酒後駕車被捕，太陽隊由此加速了把他送往紐約的步伐。
2004年，馬布里來到紐約。回到家鄉，一直是馬布里從小的夢想。他甚至為此稍稍改變了自己「獨狼」的球風，球隊成績也因此獲得提升，第一年就打入 季後賽。他因此被稱讚為「紐約之子」。但2005-06賽季，在新教練拉里·布朗執教下，球隊成績一落千丈，未能進入季後賽。賽季結束時，尼克斯隊的糟糕 表現以及馬布里和教練的公開爭吵使得他的社會名譽急劇下降，《紐約時報》稱他是「紐約最受人責罵的運動員」。馬布里和布朗長達一個賽季的不和，最終在 2005-06賽季結束後拉里·布朗被球隊解職。「微笑刺客」伊塞亞·托馬斯成為了球隊新任主教練。
巨變從此發生。那是一場關係到季後賽席位的關鍵之戰，紐約尼克斯隊在馬布里的率領下剛剛取得勝利，從麥迪遜廣場花園球館的場地上走出來的馬布里，神 情驕傲，滿是笑意，正聆聽著球迷們的吶喊。可還沒走進更衣室，一名球隊工作人員向他衝了過來，告訴他：「你的父親在看台上心臟病發作，上半場就被送到醫院 了，快去醫院看看！」剛剛30歲的馬布里瞪大了眼睛，一把抓起了這個小夥子的衣襟：「上半場！為什麼現在才告訴我？」小夥子被他嚇著了，瑟縮著慌忙答道： 「是伊賽亞不讓告訴你的，他說我們需要贏下今晚的比賽。」馬布里像扔一件垃圾一樣，把他扔了出去，飛奔向醫院。可一切都已經晚了，醫生告訴他，他的父親已 經停止了呼吸。馬布里的眼淚像泉水一樣淌下，然後化成怒火。他和托馬斯都是紐約人，都是紐約之子。但此時，已經不共戴天。
馬布里開始了和托馬斯的公開對抗，卻均以失敗而告終。那一年，馬布里拿著全NBA最高的2084萬美元薪水，是球隊的頭號球星，但托馬斯依舊把他打 入冷宮。托馬斯組織了眾多的紐約媒體——紐約是美國媒體的中心，瘋狂攻擊馬布里，把他徹底塑造成了一個魔鬼。說他是獨狼、自大狂、惡棍……2009年，美 國《體育畫報》公佈了「誰是你最不希望與之成為隊友的球員」的票選排名，參加投票的190名NBA球員中，有22%選擇了馬布里，位居之首。儘管他也曾在 卡特裡娜颶風時捐出100萬美元巨款，但少年的輕狂掩蓋了他善良的一面；儘管他曾送給他的隊友一輛奔馳，但「獨狼」的球風及公開和教練、隊友矛盾的做法無 法讓人願意和他接近。
他從一個被朝拜的巨星，變成了人人唾罵的對象。他難以承受這樣的變化，彷彿失去了心智。他開始自暴自棄，他在網上直播自己的生活，他吃凡士林……他讓人們相信，這的確是一個瘋子。馬布里被紐約裁員，凱爾特人也把他當做邊緣人，他已不再是NBA巨星。
馬布里的命運被一封來自東方的郵件改變。那是2009年的夏天，一支來自中國的球隊，山西，希望邀請他來打球。他猶豫和徬徨，他從未去過遠東，他不瞭解那裡的一切，他已經許久沒摸過球了。但他還是決定試一試。
山西太原，武宿機場。馬布里和接他的朋友推著行李走出來，突然間，他聽到了陣陣吶喊。他看見了黑壓壓的數百名球迷，被成群的武警們隔開，向著這邊跳 躍，揮舞著手臂。他聽見了三個音節的喊聲，但他不知道那是什麼。同行的朋友告訴他，「那是你的名字，他們是來迎接你的球迷」。據熟悉他的記者楊毅介紹，在 那一瞬間，馬布里晦暗的雙眼閃出了亮澤，「我？他們來接我？」他呆在了原地。他不知道世界上還有這樣一個地方，知道他，期待他，需要他。他難道不是紐約的 那個魔鬼了嗎？他難道會被擁抱嗎？山西隊的官員，想一路護送著他突破球迷的重圍，沖上中巴，他卻只想站在原地，閉上雙眼，傾聽著久違了的呼喊。當那輛中巴 啟動，他趴在車後端的大窗上，他看見了球迷們在車後面追趕，繼續對他揮手。他雙手扒著車窗，對這些陌生的中國人揮手。這是他在中國的第一夜，他說他永生難 忘。
隨後的故事發生在北京，馬布里被稱為「馬政委」。他不僅能清晰地發出這三個字的中文讀音，還表示清楚這三個字的含義。在北京隊主教練閔鹿蕾眼中，是 馬布里盤活了球隊，「北京隊可以沒有我，但不能沒有馬布里。」在隊友眼中，他從不缺席訓練，帶傷堅持比賽；在總經理眼中，他和球隊一起坐經濟艙，吃自助 餐；在球迷眼中，他不僅是奪冠功臣，還有求必應，不管等在他面前簽名的本子有多少。
他還和小區的老大媽聊天，給記者泡功夫茶，學用筷子，學習中文，擠地鐵去訓練，看國安比賽，2011年返美三週後，他又悄悄返回中國，只為參加他翻 譯的婚禮，這令他的翻譯都感到意外，而馬布里卻說：「在我的人生低谷時，是我的翻譯幫助了我，他對我很重要。」當JR·史密斯和浙江隊鬧出矛盾時，他還充 當調和人；一位小球迷身患白血病，馬布里得知後立即趕往醫院看望……
馬布里說：「我不在意自己的技術統計，那不重要，贏球才重要。」他說，「來到中國之後，改變了我人生的方向。我在這裡得到了很多以前得不到的東西，對我來說來到中國是一件幸事。」
不知道究竟哪個才是真正的馬布里。也許就如他右胸口的紋身所言，「Two Souls，One Body（兩個靈魂，一個軀體）。」
睇的財經書, 話 pe 都係靠借債, 高 leverage 黎骨水同套現去收佣同 trading, 好似你話齋, 咁樣玩落去,同個的 cds mbs 咁玩落去, 遲早爆煲, 如你諗住中途落車, 當然係另一回事勒, 但最后必有死傷. 而一盤生意能無限燒錢, 一係就佢死, 一係你地遲早死 @@