Coffee耍花槍男友跪低
1 :
GS(14)@2017-02-08 22:31:38■Coffee重提男友忽然跪底，當時嚇了一跳。資料圖片
林芊妤（Coffee）離開無綫後，事業愛情兩得意，去年與澳洲籍爆肌男友Weng Chak拍拖，一直甜蜜蜜。不過，日前有周刊影到她男友在中環街頭跪地，指他激嬲Coffee求饒。
■Coffee指男友當晚飲醉，自己睇到報道都笑。資料圖片
對於男友下跪，《蘋果》昨日致電Coffee了解，她說：「食嘢嗰時唔記得咗佢講咗啲乜，我就走咗去，跟住佢追出嚟就無啦啦跪低，我嗰時都嚇一嚇嘅，我都唔知佢做乜，不過佢飲醉咗啫！」
Coffee又說：「耍吓花槍啫，今日睇到新聞都有打畀佢，男友都唔係好記得，佢自己睇到都笑。不過咁都擺咗上新聞，因為我係公眾人物啫，我哋真係冇嘢，嗰晚即刻冇事喇！」採訪：小米
來源:
http://hk.apple.nextmedia.com/entertainment/art/20170208/19920876
戲院內女上男下互餵爆谷Coffee坐男友大髀：等去廁所
1 :
GS(14)@2017-05-18 02:08:22■Coffee以女上男下方式和男友一齊坐，毫不介意戲院開晒燈。讀者提供圖片
【爆相爆片】林芊妤（Coffee）大前年離開無綫，工作量不跌反升，拍電影之餘，又替其他電視台做節目，還有教瑜伽，收入比以前在無綫更穩定，最重要是愛情同樣發展順利，經歷「廁格」事件後找到真愛，目前與任職銀行的爆肌男Weng Chak打得火熱，愛情事業兩得意。
■男友餵爆谷，Coffee合作地張開口。讀者提供圖片
「唔係雙連座位」
日前讀者邵小姐透過《蘋果》「爆相爆片」指日前晚上10時許，遇見Coffee和男友拍拖睇戲。邵小姐表示當晚二人去銅鑼灣總統戲院看周秀娜及鄭欣宜等主演的電影《29+1》。邵小姐形容當時情形：「當時戲院仲開晒燈，行入去見Coffee同男友『女上男下』一齊坐，雖然冇咀嘴，但就攬到實，仲互餵爆谷。」邵小姐續謂：「嗰度唔係雙連位，所以都幾奇怪，後來啲人陸續入場，Coffee都唔好意思再坐喺男友大髀，最後坐番自己個位睇戲，關燈之後做乜，我就真係唔知喇，我個位睇唔到，只係散場時見到佢哋拖住手走。」
■Coffee解釋在戲院內坐男友大髀，因為多人排隊等去洗手間。資料圖片
■Coffee與任職銀行的爆肌男Weng Chak打得火熱。資料圖片
「費事再爬出嚟」
Coffee昨日接受《蘋果》電話訪問，問她坐男友大髀一事？她說：「其實冇乜特別，因為戲院個洗手間係喺戲院入面，好多人排晒長龍，我坐住喺佢大髀度等去洗手間之嘛，我費事之後再爬番出嚟，但之後都仲係好多人排隊，所以我散場先去。」採訪：嵐山
來源:
http://hk.apple.nextmedia.com/entertainment/art/20170516/20022348
驚現孖生菲律賓Coffee林芊妤：佢更新fb仲勤力過我
1 :
GS(14)@2017-06-25 10:11:20人有相似，物有相同，昨日喺Coffee(林芊妤)就喺菲律賓搵到佢嘅孖生姊妹喇！是咁的，早兩日Coffee有一位朋友，講笑咁同佢話喺網上發現到一個同佢生得好似嘅女仔，但係呢個人係菲律賓人，開頭佢都冇在意，覺得人有相似其實啲都唔奇，但今日朋友又再提醒佢，話擔心佢會捲入麻煩，所以佢都唔敢怠慢，馬上去look look咩事。
Coffee cap咗呢個自稱菲籍女子嘅fb，留言稱：「我朋友話我知，我喺菲律賓有位孖生姐妹add佢Facebook。其實驚奇嘅係佢可以無聊到合成我張相同人哋張相扮玩完web cam。我唔明點解要花咁多心機用假相去玩facebook？究竟係咩心態？不過講真?睇完佢嘅facebook，我覺得佢仲勤力過我本人，最後講番正題...都係唔想有人俾佢呃咗或者我捲入任何騙案，可以report fb嗎？」咁有網民見到，當然即刻叫Coffee要向fb舉報呢件事啦，而《蘋果》昨日都向Coffee了解呢件事，Coffee話：「前兩日有朋友，講笑話我有孖生姊妹喺菲律賓，開頭冇乜點為意，有個唔知男定女扮我，又cap我圖扮同人用webcam傾偈，入咗去睇，佢都好用心去打理個fb。你問我係咪俾人用相係咪好嬲，咁又唔係，但我就擔心，因為o依家網上咁多騙案，佢又做到咁真，驚佢用嚟呃人，朋友叫我公開呢件事，費事一陣捲入啲咩騙案。」講真騙徒嘅手法真係層出不窮㗎，大家都係小心為上。呢個偷Coffee相嘅facebook acc，已經喺夜晚悄悄咁刪除咗，咁Coffee唔使擔心啦！
來源:
http://hk.apple.nextmedia.com/entertainment/art/20170623/20066238
Coffee擬千萬開瑜伽學校
1 :
GS(14)@2017-06-25 11:27:04林芊妤（Coffee）前晚在尖沙嘴出席J&B Entertainment開幕，Coffee想開瑜伽學校：「想買而唔係租，因為我係完美主義者，一定大裝修，又想就啲學生，學校喺港島區，希望唔過一千萬啦！近排努力接job搵錢，一日教11、12堂瑜伽，真係人都癲！」同場的陳蕊蕊最近學了新式泳術，準備引入香港：「其實美人魚學校教嘅係一種游水方式，喺外國興咗好耐，香港就得一個教美人魚嘅老師，好多人唔明係乜，所以想推廣呢個運動。」雪子則表示以美人魚身份在書展推出旅遊書。採訪、攝影：張俊銘
來源:
http://hk.apple.nextmedia.com/entertainment/art/20170625/20067704
Coffee谷胸拖男友現身陳瀅捧四太新樓盤
1 :
GS(14)@2017-07-05 03:49:38■讀者L先生提供了一張裁剪過的相片，相中陳瀅背景確是灣仔壹嘉的樓盤。讀者提供圖片
【爆相爆片】賭王四房大仔何猷亨與大台姐仔陳瀅前年9月拍拖，不過未夠半年即分手，有傳猷亨主動提分手，因女方太黐身兼逼婚。二人分手後就似乎未有再聯絡，猷亨就寄情工作，近日忙於阿媽私人投資的尚嘉控股開售的灣仔樓盤壹嘉項目。
「沒簽文件」
前日，有讀者L先生向本報爆料指陳瀅大前日現身灣仔壹嘉樓盤，當時5時許，身穿牛仔恤衫的她更被地產從業員在樓盤門外邀合照，L先生表示猷亨已在樓盤大堂等她，之後二人上了去睇樓，就未見二人離開，估計他們從後門閃，讀者更稱陳瀅持有1號籌。不過，本報昨日在樓盤守候，就未見陳瀅再有出現辦理簽文件手續。本報亦聯絡過兩位當事人，陳瀅表示：「我係喺灣仔銅鑼灣嗰邊出現過，但係冇簽過任何文件，同去過任何樓盤。」而猷亨就表示：「你哋引述嘅嘢係冇發生過。」
■猷亨與陳瀅（右一）去年中分手，陳瀅在拍拖期間曾融入何家，與四太（右二）結伴睇演唱會。資料圖片
■Coffee昨日下午與圈外男友睇壹嘉樓盤。
■Coffee身穿緊身白tee及熱褲，身材激凸。
Coffee話好奇
本報昨日在壹嘉守候，不見陳瀅，反而見到林芊妤（Coffee）與圈外男友Weng排隊等睇樓，由於Coffee一身緊身白tee襯熱褲，引來排隊睇樓人士及地產從業員注目，更有地產從業員上前向二人傾談。三人傾了近5分鐘，Coffee之後與男友跟大隊上樓，大概逗留了十分鐘就離開。問Coffee對樓盤是否有興趣？她笑言：「其實冇，因為呢度都幾方便，我諗住過來睇一睇，好奇㗎咋，真係冇錢買㗎！」她補充好鍾意睇樓，但買的機會可能只是百分之一。採訪：唐琛悠、唐如、陳東陽攝影：畢紹基
來源:
http://hk.apple.nextmedia.com/entertainment/art/20170703/20076740
【朝聖藍瓶】Blue Bottle Coffee不設WiFi 文青專心歎咖啡打卡
1 :
GS(14)@2018-01-15 03:30:07Blue Bottle Coffee由揀選咖啡豆到沖調都有堅持。
不少遊客到東京，都會專誠到以藍瓶作為標誌的人氣精品咖啡店「Blue Bottle Coffee」打卡、影相兼飲咖啡。由2015年初東京清澄白河一號店開業後，至今在東京已有七間分店，新宿、青山以至六本木都有它蹤影。究其實，這被譽為「咖啡店中蘋果」的Blue Bottle Coffee並非源自日本，「真正」發源地是在美國加州Bay Area（灣區）。
Blue Bottle Coffee在2000年代初在Oakland成立，最初只是一個Old Oakland Farmers Market的小攤檔，及後因受歡迎才開設實體店，繼後在美國多個城市開設分店，而現時位於當初攤檔附近的總店要到2017年才遷入。由開店初期，這咖啡店已有幾項堅持，如使用單一產地咖啡豆、由烘焙開始到沖泡上枱要在48小時內完成，而且每間分店設計都各有特色，與當地建築及文化融合。
記者試飲Cafe Latte，主觀覺得味道較一般咖啡連鎖店細緻。
東京清澄白河分店，是Blue Bottle Coffee在美國境外開設的首間分店。
記者拜訪過東京清澄白河分店及美國Bay Meadows分店，兩店雖同樣以簡約和明亮設計為主調，但感覺不同。清澄白河分店前身是下町的舊倉庫，樓底很高，現時咖啡店就活用空間，在內設烘焙工場，大家可以直接看見工作人員在內工作；剛開業不久的Bay Meadows分店就座落於San Mateo的新建社區，店子不大，巧妙地用上摺枱節省空間，店外還設露天座位，可以邊曬太陽邊歎咖啡。
Blue Bottle Coffee名稱取自歐洲首間咖啡店。
新開設的Bay Meadows分店，開設於San Mateo新社區之中。
Blue Bottle Coffee咖啡的味道跟一般咖啡連鎖店有多大分別？記者試過在兩間分店都點Cafe Latte，味道同樣細緻。味道其實好主觀，但Blue Bottle Coffee跟其他咖啡連鎖店最大的不同是沒有安裝Wi-Fi，用意是讓客人更專心欣賞店子裝修及歎咖啡。大家要去朝聖的話，或者不用飛到日本或美國這麼遠，有傳Blue Bottle Coffee會在2018年底會在台北開設分店，若然屬實的話，以後去「歎好啡」都更方便。
每間分店設計都各有個性，如Bay Meadows分店用上摺枱設計，慳位之餘又有型。
Blue Bottle Coffee總店設於Oakland，就在最初咖啡攤檔附近。（網上相片）
-Blue Bottle Coffee總店地址：4809th Street, Oakland, CA, USA-東京清澄白河分店地址：東京都江東區平野1-4-8-Bay Meadows分店地址：3081 Delaware Street, San Mateo, CA, USA記者、攝影：布偉倫全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180109/20268592
Next Page