甩繩獅子通街走竟然係7歲男童嘅禮物
1 :
GS(14)@2016-09-11 05:46:43俄羅斯烏法（Ufa）的街頭日前出現不速之客，一隻5個月大的小獅子四處遊蕩，不少途人毫不懼怕，更忍不住上前與牠自拍。原來這隻獅子是一位男童的寵物，在外出時走失。小獅子名叫謝利（Shere Khan），其中一名圍觀途人用繩綁著牠，等待當局派人到場接收。牠是一個來自富有家庭的7歲男童的生日禮物，男童父親帶獅子到獸醫診所注射疫苗，未料用貨車運返家途中，小獅子卻走失了；一家人後來報警求助。謝利在主人的家不愁寂寞，除了有0.4平方公里的廣大地方讓牠奔馳，主人另養有馬、兔仔甚至孔雀。英國《每日鏡報》
來源:
http://hk.apple.nextmedia.com/international/art/20160911/19767437
【馮仁昭四圍超】阿Sam個唱延續獅子山精神
1 :
GS(14)@2016-10-28 06:24:27現年68歲「歌神」許冠傑（阿Sam）一連3場嘅演唱會，噚晚喺紅館開鑼。頭場吸引食物及衞生局局長高永文、趙雅芝夫婦、戴夢夢同陳奕迅等捧場。阿Sam嘅四面台設計好特別，有棚架同廣告牌，舞台上有街道水龍頭同郵筒等道具，充滿香港懷舊街道特色。8點半準時開騷嘅阿Sam，穿上以獅子山剪影嘅紅白藍長褸、捧着結他自彈自唱，由升降台升上嚟，台邊都圍住經典紅白藍帆布，阿Sam第一首唱出《鐵塔凌雲》，然後係《獅子山下》同《加價熱潮》。
■歌神阿Sam自彈自唱《鐵塔凌雲》，為演唱會揭開序幕。
■阿Sam雖係天主教教徒，但噚晚都有上香同化寶，祈求演出順利。
拜神遲45分鐘
另外，阿Sam都依傳統開騷前喺後台進行拜神，儀式原定6點開始，但就遲咗45分鐘，阿Sam由林建名、糖妹、譚詠麟（阿倫）同何傲兒陪同下出嚟，現場圍觀嘅粉絲好熱情，大叫阿Sam。身為天主教教徒嘅阿Sam都隨俗有上香，之後佢拎住點燃咗嘅衣紙準備化寶，但又分心行去同粉絲握手，工作人員即醒目幫佢拎走衣紙，阿Sam同粉絲握完手後，切埋燒豬，前後十分鐘就返入後台。撰文：馮仁昭
來源:
http://hk.apple.nextmedia.com/entertainment/art/20161028/19814234
二五中環 萬南 滙豐獅子 二變四？
1 :
GS(14)@2016-11-21 03:51:40http://www.metrodaily.hk/metro_c ... %e5%9b%9b%ef%bc%9f/
滙控(005)外號獅子錢莊，相信好多人都知，就連發行嘅鈔票都印有獅子嘜頭。但大家又識唔識分中環總行門口嘅兩隻銅製獅子(圖)呢？擘大口嗰隻叫史提芬，合埋口就係施迪，兩者守護總行超過80年，絕對係飽歷風霜嘅老獅子，曾經喺係二次大戰時中流彈，身上依然留有彈痕。
rn現時滙控共有三對一模一樣嘅銅獅，分別擺喺集團總部倫敦，以及香港及上海呢兩個發迹地。不過，據聞情況好快有變，事關萬南聽聞香港較早前再將一對銅獅倒模複製，令香港變成有4隻銅獅。唔知係咪凸顯香港乃滙控最多盈利嘅地區，可惜滙控決定唔遷冊，否則香港肯定贏硬。
rn據聞滙豐有意短期之內，一次過將4隻銅獅「晒冷」擺晒出嚟，屆時地下大堂前後門都會有銅獅坐鎮，莫非因為呢個緣故，5號仔近排股價特別凌厲？不過亦有人講，新一對銅獅是用作長遠替代舊有的一對，令老獅可以入廠維修保養。
馬戲團獅子發狂馴獸師遭咬頸慘死
1 :
GS(14)@2016-12-03 04:42:39埃及亞歷山大一個馬戲團表演時，一隻獅子突然發狂，咬死一名馴獸師。事發時，35歲的沙欣（Islam Shaheen）在兩隻站着不動的獅子面前，持着長棒又揮動又敲地，之後在牠們面前來回踱步，似要命令牠們表演某些動作。其間，一隻獅子突然迎面撲向沙欣，他走避不及，被以後站起的獅子擒住並噬咬。馬戲團其他成員連忙衝前制止獅子咬人，並把倒地的沙欣救出。現場播放着的音樂驟然停止，唯一聽到的是籠外兒童觀眾的尖叫聲。沙欣稍後被送院搶救，他頭骨破裂，胸骨折斷，面、頸、胸都受傷，最終傷重不治。沙欣的兄弟表示，沙欣在馬戲班工作10年。施襲的獅子來自南非，剛加入馬戲團。牠將接受獸醫檢查，暫不會參加任何表演。英國《每日郵報》
來源:
http://hk.apple.nextmedia.com/international/art/20161203/19853841
投資學堂：獅子行小休後再上
1 :
GS(14)@2016-12-10 03:44:02上月本欄談到內地資金透過港股通，由早前大手掃入，改為減持滙控（005），逐步減持至持股量不足3%。但奇怪的是，北水減持滙控，非但沒有令大笨象下跌，反而越沽越升，當時筆者便指出有另一批大戶承接了中資的沽盤，所以滙控升勢仍有後勁！直至近日，多間大行齊齊大合奏唱好滙控，筆者察覺這些大戶掌握買貨的timing，真是登峰造極，唔遲唔早，剛剛買齊貨，大行便一同吹雞建議吸納滙控，又會咁巧合！過往滙控的股價走勢，與美國三大銀行Wells Fargo、JP Morgan及花旗等大致相若，雖然近日大笨象已開始跳舞，但仍跑輸給美國同業，例如過去一個月美國三大銀行的平均升幅達22%，而同期滙控只10%左右升幅，筆者估計在聖誕鐘響起「前」，滙控仍有一定升幅，但在大行的合奏後可能要小休，才能再展升浪，情況正如早前大行合奏唱好內險股一樣。近期美股屢創新高，市場可謂對特朗普選舉承諾作120%超額憧憬所致，包括一、取消嚴厲的Dodd-Frank銀行法例；二、動用5,000億美元作基建刺激經濟；三、對美國的藥品價格較寬鬆。若特朗普明年就任，於三大承諾中遺留任何一條，美股分分鐘會玩過山車，故近期不少歐美大戶大手吸納美國恐慌指數VIX的期權及期貨，以作保險。譚紹興財經評論員
mailto:
[email protected]本欄逢周五刊出
來源:
http://hk.apple.nextmedia.com/financeestate/art/20161209/19859291
殺過獅子老虎獸醫獵人打雀反跌死
1 :
GS(14)@2016-12-18 11:04:14意大利一名經常在社交網站炫耀狩獵猛獸戰績的獸醫，想不到因為打雀而跌死。55歲的龐薩度(Luciano Ponzetto，圖)在都靈(Turin)執業，他上周與友人到都靈市外打雀，但不慎跌落100呎深的溝壑。警方說他似是滑倒，當場死亡。龐薩度喜愛狩獵，去年因上載一張獵殺獅子的照片到網上，惹起公憤。他在社交網上還有很多狩獵戰績的照片，包括美洲豹、疣豬和公羊，每次他都會在喪命其手下的獵物旁咧嘴而笑。他曾受到死亡恐嚇，愛護動物人士又在其診所外示威，不少人把他與獵殺辛巴威獅子王「西賽爾」（Cecil）的美國牙醫帕爾默(Walter Palmer)相提並論。美國《紐約每日新聞》
來源:
http://hk.apple.nextmedia.com/international/art/20161218/19869337
投資學堂：獅子行開始行好運
1 :
GS(14)@2016-12-24 10:41:22上月中本欄以《滙控無懼大媽沽貨》為題的一文，指出：「不要忘記：聖誕鐘、沽滙控！」隨後收到不少傳媒朋友的詢問，同時筆者察覺有些年輕投資者混淆了「聖誕鐘、沽滙控」與「聖誕節、沽滙控」。仍記得十多年前，筆者曾與曹仁超先生談到「聖誕鐘、買滙控」的問題，當年亦在本欄指出在12月初開始在商場或媒體中，聽到聖誕節的歌曲，所以聖誕鐘買滙控（005）是指在12月初買滙控，同樣道理聖誕鐘、沽滙控，便是指在12月初沽滙控！筆者建議「聖誕鐘、沽滙控」，主要是估計滙控回購的彈藥大約在12月中玩完，屆時可能令股價短暫偏軟，所以短炒的朋友宜在12月初趁高獲利。若錯過高位獲利的朋友亦不用煩惱，因筆者長線看好滙控！筆者認為滙控開始轉運，首先美國開始進入加息周期，利率上升的初期有利滙控的息差擴闊；其次滙控可謂是特朗普受惠股，因為特朗普選舉承諾將會放寬金融業的監管，減低滙控再有巨額罰款的機會，同時他亦較寬容企業的收購合併，有利滙控以更好價格出售資產。根據過往數據，在加息周期時，公用股及高息的房地產基金（Reits）皆跑輸大型銀行股。同時吸納滙控不要單看股價，應留意股息率，若股價下跌，令股息率再次升破7厘，筆者便會再度入貨！譚紹興財經評論員
mailto:
[email protected]本欄逢周五刊出
來源:
http://hk.apple.nextmedia.com/financeestate/art/20161223/19873877
獅子斷尾成地血動物園賴手術後忘記包紥？
1 :
GS(14)@2017-01-09 08:11:16福建漳州一野生動物園內一隻「萬獸之王」獅子，被網民發現尾巴斷了一截，沒有任何包紥，狠批動物園涉嫌虐待動物。消息即時引起關注。揭發事件的網友「_LUKA_」(下稱：小露)表示，上周五一行15人前往福建翡翠灣海濱度假區遊玩，景區內有一野生動物園。小露指，園內四處都是地盤，其間獅子、老虎等動物多被關在狹窄的籠內，不少動物身上還帶有傷。其中一隻獅子尾巴更斷了一截，沒有任何包紮，地上更有血迹；此外，老虎也受傷，見蒼蠅在傷口上爬。小露當時曾與園內職員了解，對方解釋動物非景區所有，而是由一個馬戲團寄存。事件曝光後，漳浦翡翠灣度假景區負責人承認存在管理疏忽。對於動物受傷未得到妥善處理，負責人表示該動物園雖屬於景區，實際是外判予其他公司，並非馬戲團，獅子尾巴患有腫瘤，做了切除手術，也塗了消炎藥物，負責人坦言，獅子本應在內舍休息，由於工作疏忽，被放到展覽區，最終被遊客看見。封面新聞
來源:
http://hk.apple.nextmedia.com/international/art/20170109/19891227
【有骨氣靠自己】癱而不廢包山王照爬獅子山毋忘初衷
1 :
GS(14)@2017-01-14 07:54:34志偉嘅囝囝十足爸爸一樣咁活躍！
「呢一樣嘢可能好多daddy都做到，但係呢一樣嘢，到我個仔依家4歲幾喇，我都仲未做到。我係好想第一個動作就做到呢一樣野，抱住個仔企起身，轉幾個圈。」黎志偉，曾經係一名全職運動員；2008年更以10秒極速爬上長洲太平清醮嘅包山頂，成為「包山王」。自認係運動都啱嘅志偉，亦係首位奪得亞洲極限運動錦標賽冠軍嘅香港人。不過好不幸，一場交通意外，令佢從此連企都企唔到：「5年前喺屯門公路遇上咗一個交通意外，導致到我嗰個脊椎第11節第12節嘅神經線撕裂晒，斷開晒，完全一個半身癱瘓人士。」
爬獅子山當日，正正就係意外的5周年(受訪者提供圖片)
訪問當日，志偉即場示範只靠雙手去攀石
點解個天要咁玩我？發生不幸事，我哋最鍾意問個天；但係志偉冇諗過呢個問題，佢只係諗到當時懷住8個月新孕嘅太太同埋即將出世嘅小生命：「我有好頹，當其時真係好似一個廢人一樣。以前我成日爬得好高，睇嘅嘢基本上都係喺人地頭頂嘅，依家係坐住喺輪椅，甚至乎講嘢都抬高個頭同人哋講。正正當其時就係我太太都有左8個月嘅新孕，當其時唯一一個生存動力就係好想見到個仔。」一個小生命嘅來臨，令志偉決定唔再頹！佢開始做番運動，Boxing﹑劍撃﹑攀石……甚至只靠一雙手去爬上獅子山山頂。
志偉憑住堅持同鬥志，終於成功登上獅子山山頂！(受訪者提供圖片)
雖然下半身癱瘓，但志偉冇放棄運動，連boxing都玩埋(受訪者提供圖片)
「我爬獅子山就正正係交通意外5周年，成個過程係難處理o架，亦都有諗過不停問自己嘩咁辛苦做咩呢搞呢壇嘢？但又諗到起碼都有30幾40人去撐我，支持呢件事，咁就真係認認真真去做靚啲件事。」呢次壯舉，終於感動到外國廠商，願意出售機械腳，但經費最少要2﹑3百萬港幣。唔少熱心網民都好想幫助志偉企番起身，發起眾籌。不過志偉決定要繼續靠自己：「捐款或者眾籌，我都唔係第一個考慮。雖然係半身癱瘓啫..但係其實都仲有少少能力嘅，咁我就唔想就咁樣接受人哋啲捐款，幫我完成企番起身一個個人嘅心願。」靠自己講talk同出書，鼓勵到人又幫自己，或者呢種鬥志就係香港人。獅子山精神係咩？黎志偉話：「點解我要爬獅子山呢？想提提大家，乜嘢叫做獅子山精神。新獅子山精神係代表無論外在環境因素點樣影響都好，其實你都要毋忘初衷，排除萬難，做番自己做人嘅嘢，或者係活出你人生嘅態度。」採訪：植詠珊(Cathy)攝影：Kaman﹑Meng剪接：Roy編審：Kaman
來源:
http://hk.apple.nextmedia.com/entertainment/art/20170113/19894818
Next Page