📖 ZKIZ Archives

這是我的投資哲學之一。很抱歉，在投資時我傾向把人的感情放在一邊。沒有一個國家，包括俄羅斯和中國，希望自己捲入不必要的衝突。因為在這個年代，經濟和金融的代價太高了，而且一個國家元首因小小原因而發動戰爭，必令政府變得不受歡迎，這是另一個無法量化的成本。

俄羅斯入侵烏克蘭當天，俄羅斯股市下跌10%，盧布跌2% ，普京的人氣就從1%跌至-50%。伊朗和北韓假裝強硬，其實只是虛張聲勢，它們的經濟體早已毀壞殆盡。伊朗和許多中東國家一樣，正站在一個革命的邊緣，直到最近提倡不會發展核武；至於北韓，只有天知道什麼人在推動它。

俄羅斯虛張聲勢

俄羅斯可以虛張聲勢到一個程度，但其貨幣及經濟上正觸礁，而俄國人正在逃向亞洲、英國和其他安全的國家。這正好提醒所有不受歡迎的領導人，不要低估民眾力量，他們可以推倒一個國家，更可以推倒一個人。國際社會對俄羅斯實施貿易制裁，可以令它們收入大減，經濟可能崩潰。俄羅斯是否真的需要這樣？有一半俄羅斯人不想。 中國的內亂已夠多，加上經濟疲弱。它的國防開支甚大，除了因為它有能力支付外，確切的原因是模糊的。然而，中國對日本和台灣的爭論，一切都是空談，沒有行動，中國人對於發動戰爭太聰明。事實上，中國可能是在一個獨特的位置，去促成俄羅斯和烏克蘭之間的交易，但這將是愚蠢的。

趁跌市入市

所以，如果你特別喜歡的股票，因為戰爭威脅而大跌，即管買入吧。不要害怕，宣戰或真正行動是不可能永遠持續下去的。良好的公司不會因此而跌，我以前在2003年和1990年，也試過入市，他們的回報都不錯。我覺得中國集中發展內需及服務的故事，有一點行兩步，退一步的感覺。要改變過去的過度資產投資，這進度太慢，但中國最終必須改變，而且會發現自己的情況比日本更糟。地產市場長期疲弱，肯定會打擊消費者開支，尤其是奢侈品。值得一提的是，內地的許多有錢人，正將他們的資金調離中國。即使「第一倉」部分持股持續疲弱，我仍忠於我的組合。祝君好運！艾 薩[email protected]

艾薩Isaac Sofaer

Tony Measor的好友及舊同事，本身是特許會計師，有逾三十年投資實戰經驗，現於力寶證券負責管理私人客戶的投資戶口，並在Quamnet撰寫艾薩日誌。其管理的環球投資組合，在91-00年間增長達十四倍。讀者對港股有任何疑問，歡迎致電郵本刊，中英亦可。[email protected]

科技股龍頭騰訊（700）本週四就正式將股份一拆五，到時每手（100股）騰訊嘅入場費，由五萬減到變成一萬，唔少散戶都心鬱鬱。只是升得急亦跌得快，過去兩個月，騰訊由$646高位掉頭，直插至$473，股價如坐過山車。最近，唔少投資者憧憬拆細後有助騰訊再炒上。不過，騰訊股東名冊上持股最多的散戶、有「赤柱股神」之稱嘅張程光，就唔多睇好：「拆細只係方便基金散貨，對散戶冇乜著數。」

由$246蚊開始買騰訊嘅張程光，持股量一度超過六十萬股，市值近四億元。佢透露，喺今年三月股價最高位時，沽咗二十萬股，平均入貨價約$400，持貨唔夠半年就賺咗超過四千五百萬！佢風騷咁話：「真係好彩，我年初定下嘅目標價係$650，見升到$640左右就諗住沽貨，點知真係比我撲中最高位$646。」張程光一貫嘅持倉策略係，一半長揸，一半短炒。佢警告散戶唔使趕住係拆細後入市：「啲大戶同基金都想散貨，以前五六萬銀一手，唔係個個都買到，而家一萬蚊，好多市民都買得起，咪易啲沽貨囉。騰訊個價咁高，都係靠基金頂住，所以短期內好難大升。而且阿里巴巴準備上市，都會影響騰訊嘅資金流走。」唔使驚住，長遠來講，張程光仍睇好騰訊：「間公司唔受國家調控政策影響，嚟緊又搞網上銀行，識得不斷開財路。」對於想長揸嘅散戶，佢指最好等到$450先入貨。佢自己最近就玩短炒為主，策略係：「每次入貨都以一百萬元為起點，每跌十蚊，就入一次貨，升到十至廿蚊就沽。有時一日上落都會有十蚊，係得騰訊可以咁樣炒波幅。」

報憂更重要

很多人覺得匯報或做報告很麻煩，做得好，上司未必讚，做得不好，又被上司質疑辦事能力。其實，寫報告是表現自己的機會。在什麼情況、時間及如何向上司匯報，有下列提議：1. 當發覺項目開始出現問題而你不能控制。2. 當察覺上司開始對你負責的項目感焦慮及不耐煩，並預備向你提問時，要主動匯報。3. 許多時你的上司也要向他的上司匯報，所以你最低限度要在48小時之前向你的上司匯報，令他有時間看清楚報告內容，作出應對。上司最怕下屬報喜不報憂，下屬有問題即報告，上司比較有經驗，就能夠掌握情況，想出對策，把損失減到最低。反之，若隱瞞情況，任由傷害擴大，最終只會令公司虧損。我做事達三十多年，從來未見過拖延問題，問題就會消失，問題就像繩索打結一樣，愈早拆愈容易。上司交工作給下屬，會希望下屬能夠定時作出簡報，我看過一個例子，有上司同時叫兩名下屬做程式設計，A做得較快而bug較少，但上司傾向發給B更多工作，原因是B下屬會定時向上司報告進度，上司能夠掌握他的進度，確保沒問題，因而放心。但A接了工作，到交貨期間，則音信全無。其實B寫的中途報告非常簡單，只有廿多個字：「系統的部分已經寫好了，目前工作大致已完成了四成。」上司是非常忙的，作為下屬，報告最好能符合以下幾點：1. Executive summary擺在前，上司能夠用一兩分鐘把握到來龍去脈。2. 實話實說，不要加個人意見，最好數字化，例如不要說項目會超支或超時，要說大約超支多少，超時多長及原因。3. 提出建議，最好有兩三個選擇，只提出問題而不提出解決方案，你本身就是一個問題。

港大建築系畢業，由一個小小的項目經理，扶搖直上，升任至富豪國際（78）、百利保（617）及世紀城市（355）的董事。他每期分享不同的職場經驗及秘笈；要上位，無往不利。

呂志和：普選唔關我事！

濠賭股上星期爆發股災，靠銀娛（27）跑出成為亞洲第二大富豪嘅呂志和，身家唔見一截。單係上週四，就蒸發咗一百億，年初到依家，更無咗成六百億。不過都無影響呂志和睇歌劇的興致，仲好輕鬆咁話：「都係數字遊戲！我仲睇好澳門賭業嘅發展。」經濟好，濠賭股先有運行，所以呂志和呢頭話唔緊張，嗰頭就話反對「佔中」，怕搞衰香港經濟咁話。「佔中」目標係想爭取普選特首，但呂志和就明顯緊張經濟多啲，講到明：「普選唔關我事，我淨係想搞好經濟，想大家都幫香港做多啲事。」咁點幫香港做事呢？呂志和即大講金句，要大家「講真話」。至於點先為之講真話？就冇再補充啦。弦外之音，莫非講緊近年香港政壇最流行嘅「語言偽術」？最善此道者，正是特首689。小宗突然想起，早前首富李嘉誠都爆咗金句：「有能力嘅人唔出聲，冇能力嘅人又爭住去做！」異曲同工，各位自己參透嚇啦。

許大官人幫納稅人慳荷包

許大官人涉嫌貪污案開庭，控辯雙方律師團隊多達三十四人；星光熠熠，皆以資深大狀、御用大狀列陣不在話下，仲以全包宴形式聘用，以免佢哋同時接幾單案而分心。呢單案預期審七十日，條數睇怕一般計數機未必計得掂。令人奇怪者，係破咗產嘅許大官人。佢幫納稅人慳荷包，冇申請法援，但一樣有蔡維邦大狀幫佢（蔡大狀幫過龔家同哨牙通揮過）。世風日下，人心不古，莫非喺笑貧不笑娼、唯錢是視嘅香港仲興俠義呢味嘢？考起。

金牙大狀講嘢

一百萬銀係幾多錢？鬍鬚曾喺網誌轟拉布，話如果五月中都過唔到預算案，醫管局大有可能要提取存款應急，佢哋會因而損失一百萬元利息收入咁講。如果鬍鬚曾班文膽扭盡六壬至搵到個咁嘅案例，咁唔該佢哋早抖啦。攞政府成盤數嚟講，一百萬銀究竟係幾多錢啫？呢個財政年度，政府之總開支為4,112億元，相當於四十一萬一千兩百個一百萬元。一年三百六十五日，即係政府每日使緊一千一百二十七個一百萬元。一日有二十四個鐘，亦即係每小時使緊四十七個一百萬元，或者每分鐘零點八個一百萬元。要幫納稅人慳番一百萬元又何難之有哉？政府停止運作分零鐘已喺曬度矣。政府使錢已經到咗令人麻木嘅地步，高鐵冇七、八百億元肯定埋唔到單；港珠澳大橋又講緊六、七百億元。使公帑直情好似倒水咁，完全冇人理；咁嘅環境，你鬍鬚曾竟然攞一百萬銀嚟做文章，唔係吖嘛？

中環人語迷你版