[跪求]高登巴打絲打
1 :
GS(14)@2012-07-19 22:12:29幫幫手在高登發個貼反對405交易啦，見link 即磅100GJ
2 :
idsdown(1658)@2012-07-19 22:14:25俾埋內容啦, copy & paste就搞掂
3 :
GS(14)@2012-07-19 22:26:28[realblog]http://realblog.zkiz.com/greatsoup/34988[/realblog]
內容
4 :
idsdown(1658)@2012-07-19 22:34:06高登係咪冧左?!
5 :
GS(14)@2012-07-19 22:39:02唔知
6 :
wilsonchui(9055)@2012-07-20 09:52:45叫 Intel (Louis)貼 lor 佢咁鐘意貼文
7 :
david395(4434)@2012-07-20 10:00:36http://forum8.hkgolden.com/view.aspx?type=FN&message=3848478
成功人士
8 :
GS(14)@2012-07-21 13:02:54http://forum8.hkgolden.com/view.aspx?type=FN&message=3848370'
我覆番呢個問題
呢個在3.5X已開始諗. 但無法.無買始終無買到. 同埋佢前後彈1X%那下吸盤係邊派真係耐人尋味. [sosad]
根據各項我所得的資料，其實好多是透過是散戶行買，所以大家齊心即可反對
高登仔網上號召集會被捕
1 :
GS(14)@2014-10-20 07:39:31
■立法會資訊科技界議員莫乃光
【白色恐怖】「高登仔」在網上鼓吹他人到旺角參與非法集會、衝擊警方及癱瘓鐵路，前晚被警方以涉嫌「有犯罪或不誠實意圖而取用電腦」罪名拘捕。立法會資訊科技界議員莫乃光指有關罪行是「萬能key」，不論偷拍裙底或非法集會都可引用，憂慮當局因容易舉證而濫用。
涉嫌不誠實取用電腦
香港大學法律學院首席講師張達明表示，由於法律字眼闊，應用範圍已超越最初以為的層面。警方前晚在天水圍拘捕一名23歲姓譚男子，涉嫌「有犯罪或不誠實意圖而取用電腦」和「非法集會」，現已獲准保釋候查，須於11月中旬向警方報到。警方指他日前於網上討論區鼓吹他人到旺角參與非法集會、衝擊警方及癱瘓鐵路。另涉嫌於10月17日在旺角參與非法集會。警察公共關係科總警司許鎭德批評有人在網上鼓吹癱瘓西九龍交通，「唔明白有咩居心」。莫乃光認為，「有犯罪或不誠實意圖而取用電腦」是現成的網絡廿三條、「萬能key」，不論使用電腦、手機甚至數碼相機，都可以引用此罪行，如偷拍裙底、鴨寮街賣解碼器、非法集會等。他指過去兩年多次要求政府提供引用有關罪行的個案資料，以研究當局有否濫用，但政府僅提供數字卻未能提供詳細資料。他質疑此法例容易入罪，當局有機會濫用以威嚇市民勿以身試法，是白色恐怖。他認為應檢討法例，取消或訂得更清晰，以免適用範圍太闊，「在法律原則上唔應該咁樣處理，你認為為佢係煽動，不如你搵條煽動罪告」。張達明表示，由於控罪字眼寫法闊，只要字眼可涵蓋，法庭亦是依照判決，故應用上已超越大家原先所以為的範圍。他記得梁愛詩當年討論有關法案時，曾以偷入屋比喻偷入他人電腦，藉此說明有需要立法。市民會否因傳參加集會訊息被指犯罪，大律師林俊傑指要視乎訊息字眼，例如去旺角還是去旺角集會，而且旺角集會沒主辦單位，如何取得不反對通知書？他相信純粹分享去集會訊息問題不大，但如說明衝擊警察和癱瘓鐵路或有較大問題。《蘋果》記者
來源:
http://hk.apple.nextmedia.com/news/art/20141020/18905939
32E高登女神殺到明禎教操馬甲線
1 :
GS(14)@2015-11-01 23:12:54來自馬來西亞、現年25歲的林明禎，由素人變成網絡紅人，最後簽約台灣唱片公司成為歌手，紅爆網絡的她不但被台灣網民形容為「最完美女人」，高登巴打亦稱她做「腹肌靚女」，昨日明禎首次為工作訪港，落機後更第一時間接受《蘋果》訪問，開心share她平時操練馬甲線及保持體態的運動。擁32E上圍、22吋纖腰的明禎，健美身形絕對是不少女士夢寐以求，不過，她提醒女士們健美一定要有恒心，不要輕易放棄。明禎說：「其實只要勤力鍛煉，我覺得每個女孩子都可以的，好像我現在工作比之前忙很多，但仍然堅持每天抽時間做運動，不可以給自己藉口。」
【主練腹及腿】左右各做12次■明禎親自示範修腹、腿及馬甲線的主要動作。
【馬甲線必操】左右各做8次
【最緊要提腿】左右各做15次
「有線條才好看」
明禎昨日示範的幾個動作主要幫助修腹、修腿及hip位，她表示：「女孩子身形需要有線條才好看，如果只是瘦，沒有線條穿衣服也不好看。」對於被台灣網民稱為最完美的女人，明禎笑說是大家誇張了，又爆現在其實正努力增磅：「現在只有43kg，感覺身體有些部份還是太瘦了。」採訪：小米攝影：陳俊強場地提供：FFG FIGHT FACTORY GYM LTD化妝：Jenny Tziong of MOD Makeup Academy髮型：Jacky Leung of ILCOLPO服裝：adidas
來源:
http://hk.apple.nextmedia.com/entertainment/art/20151101/19355460
【一代燈師】沈大師：誓要去 入高登
1 :
GS(14)@2016-03-06 02:24:33就算係一個演員，要成功突圍而出，做到無人不識兼入屋已經唔易，更何況係一個財經演員？不過可以肯定嘅係，沈大師，佢做得到。提起沈大師，你可能會諗起幾句網上名句，「有大師冇窮人」、「參透實戰理論全家就不會窮」，又或者，諗起網上大量改圖！咁樣睇，叫大師做「網絡最紅財演」一定當之無愧。憑咩？憑佢燈嘅形像。「講真我又唔驚高登仔插我，插咗咁多年，化左啦，仲嬲咩呀。」大師表示，自2006年起，就開始被網民封神，仲要係燈神，甚至有人為印證佢燈力驚人，以數據分析佢預測後市的「準繩度」（邊方面準繩度？你憧的）。對於此，大師提起時，仍Feel到佢有少許火滾，「香港唔用腦嘅人真係好多，一睇呢啲數據就當係真，你要做一個用腦嘅人，唔係做豬吖。」認為數據分析有欠全面，硬砌佢唔準。正所謂，有立場先有市場，對於點解成為高登仔目標，沈大師睇得通透，「如果你記得我07年講，直通車唔會行到架，但全個市得我一個人咁講。人人都話直通車行，得你話唔行，你話點解我成為眾矢之的，就係呢個原因。人地搵梗錢時，你阻人發達，呢啲係我死罪。」自言宏觀分析有一向有八至九成準嘅大師，雖然一直被視為「燈」，不過大師仍然有堅持，有態度，拒絕模稜兩可的投資分析，不怯於表達明確方向，「講真，你驚人地搞你，你咪縮，縮你就冇咗個立場，咁你就同其他財演一樣冇分別。」網絡抽水方式層出不窮，大師可以一笑置之，不過今時今日，連大師都認為，係時候要變啦！佢指出，自從與蘋果炒鑊勁後，佢亦有反思過自己係咪同網絡脫節，於是自9月開始日日睇Youtube，司徒夾帶啦、玩爆你個腎等，連劉馬車都睇，「嘩！劉馬車喺度講乜野，但你唔好理，好多人Like架！於是我就諗，會唔會真係人老左啦，有代溝。」於是，一眾YouTuber，就令呢位成為財演20年嘅沈大師，發現新大陸，決定走入網絡，融入高登，考慮成為YouTuber。大師指出，現時後生一輩炒股太即食，欠缺長遠目光及忽略不少基本因素，因此希望利用網絡，灌輸傳統嘅投資思維俾後生他，將佢嘅投資技巧流傳開去，「所以我會逐步融入高登，跟住再反洗返佢地腦，所以高登仔唔使key我相啦，我自己影俾你。」記者：倪敏慧 攝影：陳家文
來源:
http://hk.apple.nextmedia.com/financeestate/art/20160305/19517105
【毒boy報告】煩膠自Hi 論《東京喰種》港版的高登用語
1 :
GS(14)@2016-03-11 00:52:04最近追看的漫畫之中，個人對《東京喰種》最有愛。「喰種」是外表為人形但又同時以人為食糧的生物，主角金木研則是被移植了喰種內贜，半人半種的混合體。題材有點像另一經典《寄生獸》，但作者石田翠對人物個性和伏線都處理有序，有驚喜之餘亦見舖排。說多了，其實今次要談的是翻譯。《喰》的港版翻譯加少了不少本土特色，例如「PK」、「hea」、「自Hi」，乃至粗口諧音演變的網絡用語如「煩膠」、「和平拎」等都有。廣東話口語翻譯有不少成功例子，例如早些年的《爆粗band友》，一堆啜核翻譯：公然猥褻cut、衝上含X、跌咗落地X返個Y，可能比原文瘋狂，但人人大讚。又例如《去吧！稻中兵團》入面有一個角色，日文原文是田原年彥，外型仿似日本男星田原俊彥，港版稱他為蘇永康，至今仍深入民心，在Google打「稻中」已出「蘇永康」。以稻中為例，如果追求忠實，譯做田原俊彥再加備註，效果一定不如蘇永康好。以漫畫這類通俗作品來說，能讓讀者直觀地把握原作神緒，似乎比原文直譯更能讓大眾受落。但同樣口語，《喰》的港版翻譯卻顯突兀。看首文介紹，也知道此作品主題嚴肅，是偶有輕鬆場面，但卻導致口語、書面語夾雜，讀上去割裂不順。再說，口語寫得好可能比書面語更難，《喰》用的詞彙似乎想貼近網絡文化，但就算是網民，在現實生活中也甚少說高登用語。例如一句「我沒法跟和平拎一起住」，又口語又書面不倫不類，「和平拎」讀起來也好像叫陳豪做「教主」般夾硬，讓人背上打顫。華語翻譯界常說翻譯三大要求為「信、達、雅」，簡言之是忠實、通順和優美。有時「信」和「達」或有矛盾，破格的譯者會修改文字原意，目的是更有效表達原作的精神內涵，合格的譯者選擇依書直譯，兩者各有情由、各有所長，但如果語不明意不達，再加上用字不當失雅，就只能說是不合格了。記者：司徒港燊
蘇永康其實不太像蘇永康，不過人人看到他的樣子加蘇永康這個名字也會忍俊不禁。
看《爆粗Band友》港版，可看到譯者除了瘋狂，還對作品很有愛，粗俗用語很地道，但音樂用語卻會加備註，不是得個粗字。
來源:
http://hk.apple.nextmedia.com/su ... t/20160310/19522859
【iPhoneSE開賣】高登仔：「梗係換啦！呢部SE超抵呀！」
1 :
GS(14)@2016-04-01 15:47:40蘋果iPhone SE昨天正式開賣，與以往一樣，大眾在開賣首天均會聚焦於新機的炒賣情況、回收價等。唔喜歡炒賣？得！我們轉個角度，睇下高登仔又點睇SE啦！4吋芒iPhone又係咪真係仲有市場呢？
iPhone SE性價比高，平價是其賣點之一。唯一會讓人「嫌棄」的相信是它的4吋芒！當大家都說其屏幕太細之時，原來都仲有用家鍾情細芒機，表明對SE充滿期待。網民【我這個法西斯】：「感謝炒家高抬貴手今次3點搭正入官網成功買到部SE灰64始終都係鍾意4inch機就快有新機用最新狀態：已出貨」網民【el888】：「梗係換啦呢部SE超抵呀」網民【人窮丁短】：「用緊5s真係好十五十六換唔換SE好本身想等埋7出，但SE又真係幾吸引(in terms of價錢)利申：個人覺得4吋Mon夠曬用，但唔甘心換機換部一樣外形既」網民【admin按能狗】：「換啦，當年我5s轉6仔好後悔，mon又大，鏡頭又突，依家好期待部se」資料來源：高登討論區記者：陳詠兒
網民【admin按能狗】表示好期待SE。
網民【MnM's】稱：「用緊s24.2"，好鍾意個size」
來源:
http://hk.apple.nextmedia.com/su ... t/20160401/19552822
【唔係鐵係聖衣】星矢30年MV 高登二創聖鬥士：我是打不死的小宇宙
1 :
GS(14)@2016-08-09 07:33:0404年，地下樂隊Libido將星矢日文主題曲前半首，二次創作成為好熱血嘅廣東話版。
有一種Language，叫做星矢。一句「無敵嘅聖衣」，邊個高登仔唔識唱先？撞正動漫《聖鬥士星矢》30周年，今日起銅鑼灣有一比一真人原大嘅聖衣展覽。呢個時候，小編發揮咗小宇宙，搵來兩批對星矢極有影響力嘅人物，世紀合作搞番首MV。有今生，冇來世。04年，香港地下樂隊Libido，將星矢日文主題曲，二次創作成為「無敵嘅聖衣」，更曾登上高登十大膠歌之一。08年，廣州網絡歌手常愚蠢（真名:黃春暉），將後半段再三次創作成為終極版，並且重新演唱，成為網絡間紅透百幾萬hit rate嘅星矢迷必然朝聖之經典歌。但其實，今日出街嘅呢首世紀MV，本來就不會存在……***一個月前，小編知道一比一聖衣會嚟香港展覽，已經萌起撮合呢首世紀合唱嘅念頭，但係人生嘅挫敗同星矢趴低嘅次數一樣咁多，種種原因底下，令呢首歌胎死腹中。直至10日前，件事先有突破性發展，小編終於聯絡得上Libido，我哋用咗10日時間，經歷咗錄歌、8號波、去band房、去荒山野嶺。終於，聖衣如期到港，Times Square答允提供場地拍攝，連身在廣州嘅常愚蠢，亦被大家嘅小宇宙感動咗，自拍片段畀《蘋果》剪輯。呢件事證明，世上係有小宇宙嘅。然後，《蘋果》獨家2016年版《聖鬥士星矢》港中大合唱MV，先至可以面世。呢種叫做乜嘢精神？呢種就係星矢式打不死永不放棄嘅精神，係星矢教曉我哋嘅。10日前，小編諗過放棄，但好在冇。有嘢想做，就要坐言起行；唔郁，就輸一世。***有一種Language，叫做星矢。常愚蠢兄係廣州人，佢喺訪問中同小編講出最激動人心嘅一句︰「粵語係世上最霸氣嘅語言，冇之一。」小編聽到喊咗出嚟。亦因為呢個原因，佢嘅三次創作，堅持用廣東話去作詞，而唔係普通話。對，仲有乜嘢完美得過，一首用廣東話演唱嘅《聖鬥士星矢》？場地︰Times Square鳴謝︰常愚蠢‧射手座；Libido‧處女座攝影︰峰‧雙魚座；Neo‧雙魚座文‧採‧編‧導‧剪︰Roy‧天馬座
認住佢，佢叫阿Ky，就係佢發明咗「無敵嘅聖衣」呢句萬能key，之後先至會出現「無敵嘅結衣」。
08年，輪到佢，廣州網絡歌手常愚蠢，將星矢主題曲尾段再三次創作，網上較為流傳嘅版本，亦係由佢主唱。
燃燒吧！時代廣場星矢30周年展！
靚仔一輝，似女人嘅阿瞬係佢弟弟。呢句歌詞終於有畫面喇！
冰河真係好cool，佢一直企喺度，冇出過聲
各位星矢迷放心，紫龍隻眼醫返好喇！
成日last minute先出現嘅一輝，今次提早出現喇！
今次全賴有樂隊keyboard手Maggie，如果唔係佢及時回覆小編嘅pm，就撮合唔到今次世紀大合唱。更要感謝Maggie幫手混音。
來源:
http://hk.apple.nextmedia.com/entertainment/art/20160809/19729218
【水着樂園】鄭綽芹成高登寵兒
1 :
GS(14)@2016-08-13 14:50:25連詩雅（Shiga）的小師妹鄭綽芹（Emma）於盧森堡出生，10歲後隨家人回流返港，靠做模特兒攻讀大學，畢業後決意當全職模特兒，有樣貌有身材，難怪成為高登網民寵兒，但Emma卻不希望大家只注意她的身材，她說：「其實我細個好核突，箍咗五年牙，之後連媽咪都唔認得我，畢業後做過廣告，但係太辛苦，覺得趁後生應該做自己想做嘅事，身材係媽咪畀我嘅禮物，但唔想用呢樣嘢做賣點。」
Emma精通英、普、廣東話及法文多國語言，是真正的ABC，提到之前師姐Shiga被嘲ABC tone港女，她說：「我唔知港女定義係乜嘢，唔好針對佢，好多人講嘢都夾雜住英文，佢讀國際學校，中文係差啲。」採訪：羅慧敏場地及泳裝提供：ROXY
來源:
http://hk.apple.nextmedia.com/entertainment/art/20160812/19732533
網民新招抵制王晶+TVB高登怒爆《使徒行者》結局
1 :
GS(14)@2016-08-16 06:11:23如題，本文有劇透。但唔會現在就開……睇多幾行字，知道埋件事嘅前文後理先。邊個係第6個臥底？基本上電影版《使徒行者》成部戲嘅大橋。可能性得兩個，一個係古天樂，一個係張家輝。兩個都係黑幫，你覺得係邊個？之前大台劇集《使徒行者》鋪咗32集，搵5個臥底(其實加埋覃歡喜，應該係6個)，大台為求谷自家投資嘅電影版票房，即急急再次重播全劇，希望喚起集體回憶增加入場意欲，無奈電影版只係得尋人大橋一樣，但冇咗爆seed哥，冇咗Kobe，換來的是「TVB電影御用卡士」：吳鎮宇X古天樂，即使保留咗釘姐同歡喜哥，味道已經變質。釘姐喺電影版嘅作用，只係穿針引線，帶出兩位型男；而吳鎮宇嘅角色，其實又有啲似三哥苗橋偉(卓Sir)嘅變奏。尷尬位嚟喇：觀眾一方面覺得換湯不換藥(大橋、吳鎮宇、古天樂)，一方面又覺得變咗。電影上映之前已經陸續有負皮，例如：「又係張家輝又係古天樂又係毒品，差咁個劉青雲就可以叫《掃毒2》」「都唔係用原本班底，次次電影就飛起原本個啲，搵埋啲影帝嚟做。」「TVB難得一套劇成功好睇，搞一搞電影版又唔係原班人馬拍，成套戲《掃毒2》咁。」「其實《使徒行者》冇咗林峯就已經唔係《使徒行者》」「你哋換晒原作班底，不如改名叫《爆醬瀨尿蝦牛丸》啦笨！」《使徒行者》開畫日票房收$1,086,505，前日收$1,037,086。留意番，《使徒行者》導演係文偉鴻，監製係王晶，無綫投資，兼夾係合拍片，會喺大陸上映。高登仔同王晶/TVB關係咁「好」，所以部戲上映兩日，已經有巴打開PO，條題就係劇透，想知就拉落去：↓↓↓↓↓↓↓↓↓↓↓↓↓「張家輝係臥底古仔係扮臥底震乳死左。」高登呢個po，正評224，負皮20。巴絲打對於有人劇透反應竟然咁正面，原因，不難明。有巴打留言補充：「點解Black Jack（第6個臥底)為咗古仔而死得咁慘」「有冇完整劇透想貼去ua個fanspage」「套嘢好似掃毒」「支持打擊爛片」「扮高科技場面令人失笑，用直白對話交代劇情，又有傻的嗎假死情節，燈光、攝影、剪接都係電視級數。」唔止咁，仲有網民發動「廣傳」運動，請大家響應高登一齊share結局出去，理由係「TVB同王晶合作搞嘅《使徒行者》太垃圾喇，呢個兩個單位合作嘅電影太令人眼前一亮喇，所以垃圾一定要劇透！」、「愛香港支持本土嘅你一定要參與下！一齊劇透劇透劇透劇透劇透！睇佢點玩局中局！垃圾反間計！」大家點睇？
來源:
http://hk.apple.nextmedia.com/entertainment/art/20160815/19736756
【叮噹暗黑版】高登仔改編叮噹70萬like 藍橘子：現實奇幻冇人理
1 :
GS(14)@2016-12-18 11:12:56藍橘子改編叮噹漫畫作《我是技安，今天我出席了大雄的葬禮》。
叮噹漫畫改編故事《我是技安，今天我出席了大雄的葬禮》，一連七集在facebook連載完了，內容奇幻離地，但寓意真實，上月底上載第一集後即風靡中港台，連日本都有網站轉載故事，兩星期吸like逾70萬，更有網民自行繙譯成日文，相當巴閉。作者藍橘子是個香港人，自稱怪人，這次專訪讓大家了解一下他有多怪。八十後的「藍橘子」今年剛滿30歲，有一份非常普通的船務文員正職工作，不經不覺投身社會已十年，小時候只會打機及看漫畫，最愛《全職獵人》及《JoJo奇妙冒險》，也是一個非常普通的年輕人會做的事。後來，因覺得漫畫《通靈王》故事爛尾，不如自己重畫結尾，開始嘗試改編，但立即有感天資不在畫畫，於是轉為自己動筆寫文。2011年開始在高登講故台以奇幻為題材寫文，後來還有出版社為他出書，包括《時黑漩渦》、《就算愛很苦》、《漂黑》等等。他最喜歡的《漂黑》，卻銷情慘淡，藍橘子苦笑說：「出書後到書局找不到自己的書，於是膽粗粗問店員，但他卻回覆指這些書新出都不會入貨。」
他把現實塞入永遠都停留在十歲的叮噹故事裏，用現實崩壞大家的童年。
技安改變不了結局，仍決定將叮噹送給大雄，希望他每日生活都存有希望。
有讀者不滿他的奇幻現實破壞原著，但他更奇怪讀者面對奇幻現實卻沒有反感，反而慢慢接受。
現實就是如此殘酷，為迎合市場他轉寫愛情潮文《千祈唔好帶女朋友……》系列，輕鬆搞笑內容儲了一班支持者，於是，他放膽重寫自己最愛的奇幻文，把現實塞入永遠天真、永遠都停留在十歲的叮噹故事裏，用現實崩壞大家的童年。大雄被車撞死，70後到00後都嚇到了。這情節正是銅鑼灣有的士鏟上行人路撞倒途人後，司機下車先查看車身一幕。很多讀者說討厭他用現實破壞童年幻想，但他更奇怪讀者面對奇幻現實卻沒有反感，反而慢慢接受。「我本身是想寫香港的境況，就是想寫給香港人看，但我發覺香港不太多人看。政治事件也是，第一次很轟動，但同一件事發生四五次就開始無人理，現在社會就是這樣。」藍橘子無奈。藍橘子最鍾意技安，覺得他的性格本質才最真實，大長篇故事中，每次有外來敵人，他都會挺身而出，絕不會出賣朋友。他認為人的本質是好，只是現實太殘酷，「即使你渾渾噩噩或真的有夢想，你不理會現實，現實都會逼過來。」就像結尾技安改變不了結局一樣，最後仍決定將叮噹送給兒時大雄，就是希望他每日生活都存有希望，也是藍橘子對生活的看法。藍橘子facebook：@BlueGodZi場地提供：小時光Scoool記者：鍾溥敏攝影：陳健邦周旭文
來源:
http://hk.apple.nextmedia.com/su ... t/20161218/19868810
Next Page