JC安志杰出埠造人
1 :
GS(14)@2016-12-01 08:06:48安志杰（Andy）與Jessica C.昨晚情侶檔現身沙田新城市廣場聖誕活動，在台上盡顯甜蜜，拖手、攬腰又selfie，更即場咀嘴。安志杰受訪時透露近日忙在內地拍戲，少見JC及囡囡Tessa，要靠視頻聯絡。
提到囡囡八個月大，問安志杰想她識叫爸爸定媽媽先，他說：「希望佢叫媽媽先，JC成日湊佢。」他透露一家三口回美國放假一個月過聖誕及新年，在旁的JC笑言會送驚喜，問會否是造人生多個，她笑言：「他是100分老公，都可以再生，生仔女都沒所謂，我自己有妹妹，有妹妹都好，不過可能Andy想有個Andy Junior。」採訪：盧妹攝影：陳俊強
來源:
http://hk.apple.nextmedia.com/entertainment/art/20161201/19850781
熊黛林呻造人辛苦
1 :
GS(14)@2016-12-18 11:04:24■熊黛林昨日出席馬場活動，獲大會贊助超過500萬元鑽飾。
熊黛林（Lynn）、羅霖、林峯、陳爽及馬德鐘等昨日出席沙田馬場「六福珠寶賽馬日」，Lynn獲大會贊助佩戴超過500萬元鑽飾行騷，她透露老公郭可頌都有送首飾，問到會否用首飾去利誘她生BB？Lynn說：「佢冇攞嘢誘惑我，但我哋努力緊，都幾辛苦，我想先生一個。」會否在港補擺婚宴？她說：「唔會搞，我哋兩個都怕煩，兩家人食飯就得。」穿上紅色魚網裙的羅霖真空上陣，她透露上周入院做照腸鏡割瘜肉手術時，因對麻醉藥過敏，以致雙眼腫脹。而在橫店拍古裝劇的林峯，首次為角色剃頭，他直言感覺好正似「魚蛋頭」。採訪：黃曉妍攝影：葉君海
來源:
http://hk.apple.nextmedia.com/entertainment/art/20161218/19868920
李居明預言唔生仔會有小三胡蓓蔚急操fit造人
1 :
GS(14)@2016-12-28 08:12:1957歲嘅「豹哥」單立文同45歲嘅胡蓓蔚08年結婚，婚後過住二人世界，但原來佢哋對生育問題一直存在分岐，有指豹哥其實恨仔恨到發燒，提議過老婆做人工受孕，但胡蓓蔚就好抗拒落晒閘，曾經為咗呢啲事而起爭執，最後豹哥都乖乖就範。但昨日有周刊報道就話，單太太嘅態度180度轉變，話佢好努力咁操Fit身體準備生B之外，仲向多仔公胡諾言求教生仔心得。咁因乜事胡蓓蔚會突然轉軚想做媽媽呢，原來係因為玄學家李居明，事緣早前單立文到李居明主持嘅電台節目做嘉賓，李居明就批年屆57歲嘅單立文明年雞年有望做老竇，仲講明如果佢兩公婆再唔生，2020年男方身邊會出現第三者，咁恨做老竇嘅豹哥當然就有機會同老婆施壓，據報道嘅知情人士講，話豹哥好想做爸爸，但老婆就唔制，仲講到豹哥恨仔恨到講晦仔說話，話唔通自把自為咩，咁O依家李居明咁講，豹哥就借啲意成日話惟有要「小三」唔要「小朋友」，咁胡蓓蔚就寧可信其有咁努力造人，一向有做開健身同跑步嘅佢，除咗加倍努力外，仲請教多仔公胡諾言，仲約埋佢同陳山聰一齊跑步。知情人士仲話，胡仔老婆陳琪剛生完第三胎，所以胡蓓蔚都好積極向陳琪請教生仔秘方，特別係男人食乜好，睇嚟真係好想幫豹哥生個慈姑椗。
來源:
http://hk.apple.nextmedia.com/entertainment/art/20161228/19879243
Lynn雞年努力造人
1 :
GS(14)@2017-01-27 07:40:41熊黛林（Lynn）、樂基兒（Gaile）及廖碧兒日前為模特兒公司影賀年相，Lynn雖已為人妻，仍然不吝惜以紅噹噹deep V紅裙，大騷3吋事業線，更擺出韓式心心手勢影相。Lynn透露第一年派利是，開心用「郭氏」利是封，笑言婚後心態冇變：「同老公仍有熱戀感覺，咁樣先可以保持新鮮感！」問到雞年大計，她意志堅定：「努力生BB！同時希望參與更多電影拍攝。」
■熊黛林去年與郭可頌結婚，開心用「郭氏」利是封。資料圖片
另外，Gaile就身在美國與家人過年，現在就去了科羅拉多滑雪勝地Aspen滑雪，她表示去年拍電影令她產生濃厚興趣，故來年會報讀演技課程進修，期待嘗試不同角色。撰文：唐如
來源:
http://hk.apple.nextmedia.com/entertainment/art/20170127/19909977
謙謙楊怡日日造人
1 :
GS(14)@2017-02-05 10:39:38■羅仲謙和楊怡工作忙也會見面。微博圖片
羅仲謙和楊怡小別勝新婚，昨日有報道指謙謙上月中向劇組請假由台東飛去上海跟太太楊怡「謝罪」，因早前他拍床戲沒上報，楊怡扮嬲有投訴。報道又指楊怡在上海做舞台劇，謙謙人肉速遞去蘭心大戲院睇綵排，之後一齊返酒店過二人世界。第二日楊怡放假，兩口子食小籠包，再去行街掃貨，謙謙全程陪伴，楊怡瘋狂購物之後，大隻謙負責搬運，然後再返酒店休息。有消息指，謙謙是家中獨子，兩人婚後已經計劃造人，不過，工作接踵而來，他們只能爭取時間見面，密密造人希望一擊即中，而謙謙和楊怡婚後第一個農曆新年，都急返香港派利是。撰文：非非
來源:
http://hk.apple.nextmedia.com/entertainment/art/20170203/19916018
李亞男要生B《老表》王祖藍趕工造人
1 :
GS(14)@2017-02-12 15:33:342017-01-26 NM
密返內地掘金的王祖藍，最近回歸大台，為自己有份編劇的無綫新劇《老表，畢業啦！》開工；要兼前顧後，仲要「交功課」俾一直恨生B的李亞男，王祖藍惟有開turbo，兼且推晒所有春晚邀請，安排同老婆農曆年出埠，再度蜜月，甜蜜造人！放假回氣生B
《老表》系列收得，最新一輯《老表，畢業喇！》，王祖藍繼續坐鎮度橋外，更加拉咗不少老友埋位，包括蔡少芬、郭晉安、欣宜同林欣彤等，為新劇加強陣容，省靚自己個招牌。早前王祖藍孖住郭晉安、泰臣等現身上水假日農莊為新劇趕工，雖然是日要搶拍多個場口，但大家都非常專業，大部分一take過，省下不少拍攝時間。空檔休息，祖藍拉住拍檔郭晉安雞啄唔斷，其間，郭晉安頑童上身，搞到祖藍一面泥，演員合作得順，開工輕輕鬆鬆！「祖藍因為要度橋同負責大部分幕後工作，佢習慣事事親力親為，所以自己只係做個戲份極少嘅角色。不過祖藍想過年陪吓老婆，佢一早同導演傾好，喺農曆前先拍晒佢啲戲份。其實李亞男一直都想快啲生BB，所以祖藍都話忙完呢套劇，要休息吓先，儲番啲精力，同老婆造人交差！」一名劇組工作人員說。
捱義氣頂上
王祖藍原本計劃新一輯《老表》由原班人馬演出，但有部分演員度唔到期，要重新編配角色人選。「今次劇本出得比較急，開始埋班搵人嗰陣，祖藍已經呻過話好大壓力，好似張繼聰要陪老婆（謝安琪）生BB，今次只可以客串，而王菀之又因為要開演唱會，冇時間兼顧拍劇，好彩最後都搵到蔡少芬頂咗要做舞台劇嘅萬綺雯，仲有臨急臨忙仗義幫忙嘅欣宜，大家都好支持祖藍。」劇組工作人員說。
撰文、攝影、攝錄：娛樂組
張智霖自爆努力造人
1 :
GS(14)@2017-03-03 00:59:53張智霖（Chilam）、鄭融、陳瀅、雨僑、莊思敏及向華強夫婦等，昨日到尖沙嘴出席蕭定一成立的hmvod開台儀式，Chilam表示與太太袁詠儀正努力造人，問到會否考慮人工受孕，他笑說：「我唔幫佢邊個幫佢，我係唯一可以達成呢件事嘅人，所以我唔應該咁抗拒。」鄭融最近忙於拍攝有線奇妙台開台劇，與棒棒堂的威廉合作，首次拍劇的她說：「要有一齣電視劇代表作喺履歷上先算圓滿。」另外，陳瀅早前替無綫拍攝的新劇《全職沒女》將於下月播放，她說：「喺劇中同張振朗有咀嘴。」採訪、攝影：張俊銘
來源:
http://hk.apple.nextmedia.com/entertainment/art/20170302/19944309
Next Page