📖 ZKIZ Archives

對面台inv168 hw特約:財演專教壞人

1 : GS(14)@2013-10-30 22:36:46

http://www.inv168.com/phpBB3/viewtopic.php?f=48&t=72252
From today's Apple Daily

豐盛資產管理董事黃國英今年5月搞Talk Show，寸盡行家胡孟青同「大師」，有沈大師之稱嘅股評人沈振盈似乎不甘示弱，將於本週六同另一位股評人羅尚沛合作，喺九展搞番場「串到盡」財經Talk Show，唔知佢又準備寸邊位或者點寸法呢?
沈大師透露，呢個Talk Show唔係講股，題目可能圍繞坊間好多人所講嘅投資理念，舉例，其實好似移動平均線、黃金交差等等已經不合時宜，但係坊間仲有好多人用緊來講股。

廢話, 咩叫做唔合時宜???

每種分析方法都有佢既 weakness, 首先, 投資係無 winning formula, 唔同時間用唔同既方法 or a combination of 方法s, 但係真正投資高手係會清楚每個方法背後既原因再配合自己既性格, 時機同注碼. 廢話啲講, "睇啲錢點走".

個市升時, 人人就 "fundamen圖", 睇住幅圖黎炒; 圖既野, 越簡單既underlying product 越多錢參與就越準. 大市睇"黃金交差" 其實好少大錯, 只不過呢啲差幾年唔逢一潤, 班財演唔夠野講咁囉.

如果隻野無成交, 幅圖靚過李嘉欣都買唔得多, 散水更加難. 一隻十九幾年無成交既突然炒起, 頭段通常有得小贏, 到成交大得唔合理既時候就多數係時候收手. 再到財演叫你僕入去買既話, 你多數會買左佢手貨.

真正既 fundamental 小弟愚見應為其實係用睇 downside, 計下如果信錯左輸唔輸得起. 但係計起黎唔可以手鬆, 叫得係 downside, 到時就有好多野會變 0.  不過無基本因素既唔代表唔買得, 只係玩細注啲囉.

另外啲人明明諗住炒兩日, 但係就去諗公司兩年後會點. 未諗完都沽左就, 諗咁多做乜. 但係又有好多人明明做哂功課諗住鬥長命, 但係偏偏又比人一震20%大走左. 呢啲咪 classic "股民人格分裂症候群" 囉.  

經濟數據有無用? 炒敦倫金咩? 家陣資訊咁發達, 歷史數據既作用大不如前, 其本上單靠數據個 window 已經變得好細. 睇大陸數據不如去深圳行一轉好過.

---

汽車股值得追貨嗎？ 畢氏財演

1 : GS(14)@2014-08-16 16:48:04

https://hk.finance.yahoo.com/blo ... C%9F-100643075.html

汽車股一向係投資者的寵兒，事關中國汽車滲透率仍然偏低，使汽車市場可享有年均超過10%的增長率，而外資企業一般又具有品牌及技術優勢，使他們可享有較其他市場高的利潤率。經歷過一輪調整後，合資車企在第二季都表現唔錯：東風(0489)升約24%；華晨(1114)升約16%；廣汽(2238)升約7%。但國產雙雄吉利(0175)及長城(2333)表現就認真麻麻，分別持平及跌約16%。

其實睇返幾間車企的銷售數據便可以清楚了解股價走勢的原因。下圖為各大車企於2014年每月按年的銷售增長，中國整體乘用車市場在踏入2014年後每月都以約10%左右的速度增長，而幾間合資企業東風、華晨及廣汽的增長都大致跑贏市場增長，他們在中國的市佔率正在提升。相反，兩間本土品牌的銷售增長認真強差人意，長城的銷售已連跌5個月，吉利仲慘，銷售在踏入2014年後更一直維持負增長。所以，幾間車企的股價表現其實只不過係直接反映出他們銷售增長的表現。

回顧完畢，那車企還值不值得買入呢？始終不少投資者都對車企情有獨鍾，而且各股的估值都由高位回落不少，到底搏唔搏得過呢？咁要睇另外一個因素。下圖有今年中國汽車企業總庫存的增長，由3月開始增長速度逐步攀升，由約20%升至40%的水平，而同期的汽車銷售增長只是在10%的水平，明顯部份車企誤判形勢，以致庫存增加。庫存增加將對車企的資金流構成壓力，車企最後或迫於無奈割價促銷降低庫存，不利盈利表現。

另一方面，發改委對汽車市場實行反壟斷調查，目的在於監管車企的壟斷行為。現時大部份合資企業在中國享有較海外市場更高的盈利率，反壟斷調查勢必壓低他們的毛利率，而有可能出現的罰款更會直接打擊車企的盈利，不利車企的表現。

簡單而言，我相信車企在下半年將面臨不少挑戰，無貨喺手可考慮之後才趁低吸納。

---

財經八一八: 資深財演逢睇廠必做SPA

1 : GS(14)@2015-10-13 02:28:40

https://hk.finance.yahoo.com/new ... 9%9B-220000919.html


如果有留意一些新上市公司的業績報表，就知道上市費用少至幾百萬元，多至以千萬元計，有視乎集資規模，當然亦有視乎找那家投資銀行任保薦人。

不過，其實這些上市費也包括了一些宣傳、推廣費用在內，當中宴請一班「財經演員」參觀公司的費用就佔了好一部分。

老戴最近同公關老友飯聚，聽他們提到這些財經演員的好些習慣，如一位較早期的財演，他曾任職券商高層，之後除牌成為獨立股評人，免招「魚缸糾察」的煩擾。據悉，他每次隨隊參觀上市公司廠房或路演之類，必定要求主辦商安排他做SPA（水療）。

話說某次到訪一個內地的偏遠地區，當地的酒店其實並無提供水療服務，他這位資深財演竟也可能享有得有關服務，事後該家上市公司老闆簽賬時，就發現一筆數千元賬目，並向代安排的公關笑言，想不到我們這不毛之地，竟然也有水療服務，真是大開眼界。

---

北上吸金冧大媽 財演苦練 普通話

1 : GS(14)@2016-02-03 14:03:42

2016-02-02 EW

內地有錢人多，大媽炒股更加勢凶夾狼，吸引不少本港財經名嘴北上掘金。由於幾年前股評人曹仁超接受內地訪問時，其普通話發音令人「百看都笑」，前車可鑑，一眾新晉財演為了冧內地大媽，近月齊齊苦練普通話。

永豐金融集團研究部主管涂國彬，最近為公司拍攝普通話版本的財經資訊短片，加上平日要與內地客溝通，為此狂操普通話。他說，公司兩年前已為員工提供普通話課程，平日會用普通話跟員工溝通，最愛看著名經濟學家張五常的youtube視頻偷師，「我要行多一步，學得更地道，希望有日可以講到有京腔味道。」本港愈來愈多普通話財經頻道，自稱普通話很「普通」的新鴻基金融財富管理策略師溫傑，不惜花錢找私人老師惡補，「自從光大收購後，更加需要進修，跟老闆開會，以及為內地同事提供培訓課程，都會用到普通話。」至於最近極速上位的富昌金融研究部總監譚朗蔚，剛去完上海同濟大學授課，三月又會到重慶出席富昌金融的研討會，他笑稱：「我懶上堂，但手機打字用普通話拼音，所以好熟悉讀音！我講普通話條脷捲到上鼻，屬於北京周口店猿人口音，保證你不會笑！」

撰文：李淑賢

---

財金冒險號：財演都要跟黨姓

1 : GS(14)@2016-05-08 01:42:23

《華爾街日報》報道，有公開唱淡中國經濟、政策的大陸經濟學家、分析員，收到政府或任職機構警告，不要與官方樂觀言論唱反調。美國佬真壞，於中國經濟乍暖還寒、內銀債轉股即將推行、A股候選入摩之際，指使財經大報作此報道，肯定別有用心，配合索羅斯惡意唱空中國，不想中國強大。但大陸若真的要財演統一口徑，又實在愚不可及。習近平上個月話，「對來自知識分子的意見和批評，對的就要積極採納，不正確也要包容」，又話對網上建設性意見要吸納。話口未完，大陸地產商任志強就被中共處分「留黨察看一年」，罪名係多次在微博等發表違背黨路線的錯誤言論。財演都算係半個知識分子，未見「採納、包容意見」，先來警告。既然統一口徑已蔓延至大陸財演界，遲早有人因「惡意唱空」被處分。當然，羅織的罪名可以千變萬化，例如最近中國證券業協會對6名證券分析師採取了自律懲戒措施，因為其證券研究報告用語不客觀、不審慎、過度娛樂化、低俗化等。根據大陸邏輯，任何違背黨的路線之言論，當然係「不客觀、不審慎」。「黨給我智慧給我膽」，給我立場無得揀。本來任何政策，股市熔斷又好，債轉股又好，有人贊同，有人反對，自然不過。當政府強制只可唱好，確係再聽唔到反對言論，最弊係連真心唱好嘅，都唔會再有人信，只被當做官方傳聲器。笑笑生
mailto:[email protected]本欄逢周五刊出





來源: http://hk.apple.nextmedia.com/financeestate/art/20160506/19599448

---

高C9手記：財演恍如風水師

1 : GS(14)@2016-05-25 04:47:01

正所謂五窮六絕，加上權威人士提到L型經濟前景，近月都是無謂睇市，而我最喜歡走去看電影減壓。新近看了《華爾街綁架直擊》，故事簡單，有位羊生錯信電視台財經名嘴，全副身家買入一隻股票，該股忽然食瀉藥，羊生輸掉身家，又槍又炸彈，跑去電視台找名嘴問個究竟。這齣電影勾起我內心一個存在已久的疑問，就是世上究竟有多少人會因為財經演員或投資專欄作家的建議，而走去買股票呢？一位資深投資者在我初出茅廬的時候，已經語重心長地提醒我，千萬不要跟財演或投資專欄買股，他們公開叫人買，背後一定有agenda，因此，我已經將此當作常識。雖然我沒有理會他們的買賣建議，但我確信他們在金融市場具有重要位置及作用，某程度上，我覺得他們好像風水師一樣，先此聲明，本人十分八卦風水命理，這講法完全沒有負面意思。



風水師基本上有兩大作用，第一是指點迷津，第二是輔導。香港市場大大話話有超過1,700隻股票，當你忽然有錢想買股，又不知道買哪類行業，哪幾隻股，聽財演分析，讀投資專欄，讓他們指點一下，大概知道行情，自己再勤力做功課揀股，可能會有收穫。避開他們提到的股票也是一種收穫。輔導作用就更易理解，普通人順風順水時，未必會花錢找風水師，多數是失戀、失業、運滯、迷茫時，才會找風水師幫忙，想給自己一個希望，期望風水師告訴自己希望在明天，真命天子或筍工快將出現眼前。許多人打電話上電台或電視台查詢股票前景及策略，十居其九也是做了蟹民，問專家點算好，實際上只是希望專家給他一粒定心丸，財演或專欄作家在此時化身輔導員，安慰散戶的弱小心靈。高淑嫻
https://www.facebook.com/koc9nine





來源: http://hk.apple.nextmedia.com/financeestate/art/20160524/19624972

---

細奀時代：財演形象越來越廢

1 : GS(14)@2017-01-05 07:59:38

2016年投資難，股評更難，2017年難度，看來只會進一步提升，因現時股市已經不是好與唔好，抵抑或唔抵的時代，而是信定唔信，like定dislike的時代，用傳統方法去判斷走勢，太過容易錯到七彩。


市場情緒主導大勢

英國脫歐，市場認為全球日本化，低息環境永續，於是債券升、美股升，到特朗普當選，預期經濟復蘇、通脹重臨，債券暴跌但美股又升。債息升、美元升，對大批美國跨國企業其實相當不利，借貸成本回升而海外利潤受壓，如果美股整體是下跌的話，同樣是大條道理，屆時市場評論員的面口肯定和現時大大不同。升抑或跌，不在於基本因素，而是繫於大勢，大勢則由市場情緒所主導。資產價格市價的高低，是由一個很低百分比的部份之買賣來作決定，香港樓市是最好例子，點計都係貴，但由於供應少，只要有少數人接受市價肯去追，已經足夠托住在高位。港股情況同樣差不多，20幾萬億元市值，每日平均成交額不外乎600幾億元。市值攀升但轉手率跌，因經歷過去七年環球量寬，股市兩極化，財富大轉移之後，一批醒目投資者已經上岸，對於手持剩餘的資產一兩成的波動，未必太過在意，只是長期持有，至於不幸買錯衰股，斬倉就太遲，惟有死心痴痴地等。那小量的成交，則由一批職業操盤人所主宰，營造出所謂市場氣氛。他們近期的行徑偏離以往準則，有幾個理由，第一是行家之間競爭越來越激烈，寸步不能讓之下，一定要更加急功近利；第二是平日波動細，大家用槓桿短兵相接，令衍生工具影響力提升，一旦出現突破，便容易激化短期趨勢；第三是社交媒體崛起，接收資訊主要渠道有變，like者越like，人就比以前容易變得偏激，跟紅頂白。由於行動會影響市場走勢，往往自我實現，形成漩渦效應。這種大環境之中，做股評之難，是因為讀者大部份都是業餘投資者，本身有份正職，所以需求和以前一樣，想有隻好股長揸，又或者簡簡單單短炒一下。可是判斷like還是dislike，市場信甚麼不信甚麼，已經並非上一代做一個估值模型那麼簡單，正確的做法是管理好風險之後，trial and error，摸着石頭過河且戰且走，嘗試去摸索市場的口味，但讀者卻未必會明白股市權威已死，一片混沌之下，立場經常要變才是真理的無奈，何況就算明，也不會跟得到，於是股評人形象只會越來越廢。阿飛本欄逢周二刊出




來源: http://hk.apple.nextmedia.com/financeestate/art/20170103/19884514

---

摸魚手札：欺壓後起的落難財演

1 : GS(14)@2017-01-29 10:30:37

新年流流講股票很無觀看價值，倒不如提前過赤口，搬弄一下是非，派派花生，講一些圈中八卦，好讓大家在拜年被親戚盤問人工、婚姻狀況之餘，多少少寄託。英雄出少年，兩星期前陸東炒殼搞到個個搶住講，實情係陸東賣了盤，上了神枱只做代言人和顧問工作，那個所謂基金的全權委託戶口是由我的好兄弟一手操盤，就是這麼簡單的一回事。後起之秀不只這位朋友，我另一位朋友也嶄露頭角，初初認識佢，已經覺得佢氣度不凡，認識佢那時我人也很自負，但佢散發那道氣同整體個人能力係的確令我要佩服，我不敢睇小佢。那時我已估計到佢的工作崗位一定留佢唔住，結果不出所料，半年後佢已經自立門戶，靠着一些極強人脈和幾件「架生」搵食。佢年紀跟我差不多，唔知佢野心有幾大，只怕不出五年就要叫佢做老闆，可能仲有一隻殼㖭。由於佢的能力和架生的關係，很多線上第一級的財演都找佢合作，不過一線財演都自負，佢哋覺得自己老練，係「幫緊」我位朋友，所以態度、口氣都係一般般。我知道此人非池中物，財演之外，應該要有更多元的合作對象，所以無條件介紹了一位作風正派的新殼主畀佢認識，佢哋有一些小合作，我無叨光，也無甚麼額外要求，反正都係賣一個小小人情而已，大家少年出道，惺惺相惜。其中有一位落難財演同佢的合作，令佢悶悶不樂了一陣子。落難財演未落難前都叫多粉絲、多人識，旁人都必恭必敬，不過人也算囂張，頭腦簡單，這是我見過一、兩次的結論，後來聞說因人事問題，也是因為得罪老闆的關係，所以落難，前途未知如何。嘿嘿，落難財演不愁沒有地方落腳，尤其是現在內地金融機構太多，個個搶住要代言人，所以他就「R撈」找上了一間內地證券行。朝廷不養廢人，做代言人之餘，仲希望佢接手負責一個項目，落難財演一口答應，仲答應會叫一堆人才幫手負責。所謂的一堆人才就是我那位朋友了。朋友悶悶不樂說：「其實我都想同佢合作，因為都想幫吓佢，但開過一次會，佢不停吹噓自己；會後又把我當成下屬看待，呼呼喝喝，但明明我哋只有合作關係，也冇收過佢錢。這個項目佢自己唔會參與落手落腳做，亦唔識做。最重要係，間行負責人我本身就識，佢只係約遲我見面咁解。」我很快就看出這件事的端倪，落難財演在「騎劫」我那位朋友的能力和才幹，不過佢哋都睇唔到個重點，重點在於那間金融機構的背景。我的朋友不算太熟證券線，我把那間行的一些簡單人脈講了出來，也講了幕後金主是誰，那位幕後金主也算「落難」，不過佢的落難，係遠遠高級過財演那隻「落難」幾百倍，台底下跟線上第一級的殼王殼后有緊密合作，所以我刻意提醒那位朋友機不可失，因為以落難財演的能力和深度，佢唔會知這個老闆有幾猛，可能只想藉機敲一筆項目費和人工就算。既然我朋友本身就識間行的負責人，那就應該打蛇隨棍上，反落難財演為主，一切靠自己，總好過給落難財演叨了光。年輕人出來跑山，總會遇上人渣，被人騎劫，被人老屈不計其數，因為金融世界的跑刁艇仔都係比較速食，人家見你好，佢不會想同你長期合作，反而想過橋抽板，一口氣把你的功勞搶來，順道把你幹掉，又成日哄你「後生蝕底少少唔怕啦」這類觀念。我以前也會有「後生蝕底少少唔怕啦」這類觀念，長遠人家就會當成奉旨。蝕底畀老闆我唔會計，不過有時係蝕底畀老闆的下線，再被人叨了光，搶credit，那就真係蝕得冤枉了。都係那句，少年人惺惺相惜，落難財演已經落難，無資格騎住我朋友上位，自古上位法則向來係有能者居之，這是我對朋友的告誡。拜年閒來無事，不妨估估落難財演主人翁是誰。祝大家有一個愉快的周末，身體健康。渾水
http://www.facebook.com/muddydirtywater




來源: http://hk.apple.nextmedia.com/financeestate/art/20170129/19911849

---