【爆相爆片】鍾鎮濤三女面試爭演出
1 :
GS(14)@2016-09-03 23:28:49■范姜日前帶着三個囡囡參加節目面試。
鍾鎮濤（B哥哥）和范姜所生的囡囡鍾懿及鍾幗，盡得父親遺傳，對音樂方面相當有興趣，現年12歲的鍾懿已有豐富演出經驗，更訂立目標要在16歲舉行個人音樂會，妹妹鍾幗亦受感染立志做歌手。日前讀者劉小姐透過本報「爆相爆片」，分享在尖沙嘴朗廷酒店遇見范姜帶着繼女鍾嘉晴、鍾懿及鍾幗參加一個由Premiere舉辦的試鏡，如果成功過關，她們可以參與Disney Channel節目演出。劉小姐說：「等候期間佢哋好安靜，成個過程大約兩個幾鐘，有劇本畀佢哋即場試戲，之後B哥哥嚟接佢哋一齊離開。」劉小姐續謂：「呢個面試報咗名就一定有得interview，有啲人會被即時foul，有啲人會收到一個folder，裏面有指示畀大家上網查核有冇複試。」採訪：唐琛悠
■面試後，鍾鎮濤現身接家人離開。讀者提供圖片
來源:
http://hk.apple.nextmedia.com/entertainment/art/20160903/19758175
曾參與劇集演出33歲韓星涉毒被拘留起訴
1 :
GS(14)@2016-11-10 07:39:49韓國警方於早前掃毒行動中，一次過拘捕90人，當中涉及黑道組織成員、一名空姐及一名33歲男藝人A先生，警方指佢哋透過網上購買甲基安非他命(methamphetamine)同大麻，並於吸毒時當場被追到，經調查後昨日警方拘留起訴其中6人，當中包括該名男藝人，其餘84人獲不拘留起訴。警方表示A先生於網上睇到相當訊息後聯絡賣方，於今年3月至10期間購買甲基安非他命同大麻後服用，而調查過程中A先生稱因為好奇先試，承認吸毒。警方未有公開A先生嘅身份，只表示A先生曾於演出《老千》(2008)、《On-Air》(2008)、《拜託機長》(2012)等劇集，其後就有網民推測該男藝人係周星民。
來源:
http://hk.apple.nextmedia.com/entertainment/art/20161109/19827442
洛杉磯演出辣㷫穆斯林CL道歉 誤用《MTBD》可蘭經版
1 :
GS(14)@2016-11-10 07:40:01韓國女團2NE1隊長CL近年專注於美國發展，上月29日起在北美洲各城市舉行「Hello Bi+ches」巡演，吸引不少粉絲撐場。不過她於上周五在洛杉磯演出時，因為歌曲《MTBD》中引用了《可蘭經》句子而引起網民及穆斯林不滿，指摘CL褻瀆伊斯蘭教，留言要求她公開道歉。
■不少穆斯林湧入CL的Ig留言，要求她停止使用《可蘭經》。
CL於2014年推出《MTBD》時，因歌曲伴奏有摘自《可蘭經》的句子曾引發爭議，當時CL所屬的YG事務所已立即修改歌曲，而奇怪是CL於早前的紐約及三藩市演出，均使用沒有《可蘭經》句子伴奏的新版《MTBD》作伴奏，惟獨洛杉磯這場突然使用舊版，遭網民質疑其用意。不少穆斯林於Instagram貼上「stop」字句的圖片，又於CL的Ig留言「停止使用《可蘭經》」，要求CL上電視正式道歉。CL方面一直至昨日凌晨時分，才透過twitter發文公開道歉：「因為我的失誤讓大家難過，非常抱歉，我的音響師傳來舊版《MTBD》，並用在了這次的巡演中，而我沒有及時發現。」CL已經要求音響師刪除舊版，並承認自己也有責任，而前晚的達拉斯演出已用回新版本。不過仍有網民不接受道歉，認為CL一錯再錯，不是真心知錯，當然亦有粉絲力撐偶像，相信她不會第三次犯錯。
■T.O.P日前去日本舉行粉絲見面會時，姪仔專程去撐場。
T.O.P狂晒姪仔
另外，CL的同門師兄團BIGBANG日前於日本舉行粉絲見面會，盛傳明年初入伍的成員T.O.P，早前完成義務員警選拔考試後亦有現身見日本粉絲，T.O.P的姪仔亦特地飛去日本捧場，令T.O.P興奮得於Ig狂晒與姪仔的合照。撰文：文康妮
來源:
http://hk.apple.nextmedia.com/entertainment/art/20161109/19827056
高濃度孔雀石綠造型谷新歌G.E.M.上海演出誤當張靚穎
1 :
GS(14)@2016-12-07 07:41:15G.E.M.（鄧紫棋）不時被指發生「時裝車禍」，大部分嘅「車禍」都係由佢御用嘅時裝設計師Emma Wallace手筆。而最新嘅一單「車禍」就發生喺日前佢推出新歌嘅單曲封面（原曲信樂團《死了都要愛》，改編後名為《死了都要•愛》），佢一身嘅青綠色疑似係珠片高叉旗袍，真係睇到人唔識點講！而高登瓊姐就選擇將呢個「青BB」嘅造型形容為「被食環署檢出含有高濃度孔雀石綠的高叉旗袍」，仲話係「淘寶味濃」O添！話晒都係新歌，G.E.M.本月3號喺上海出席第十屆「咪咕音樂盛典」，G.E.M.橫掃四大獎項之餘，仲表演新歌。而佢出場時仲出現笑料，話說司儀阿雅宣佈G.E.M.出場表演時，發生咗烏龍事件，將宇宙級嘅G.E.M.誤報成「有請張靚穎」，場面梗係尷尬啦！不過G.E.M.處變不驚，上台繼續表演新歌。而擺烏龍嘅司儀阿雅事後喺微博公開道歉：「從來沒有這樣過，處女座的我此刻被自責淹沒」。講返呢首新歌，改編歌詞唱仲講到佢嘅「皮褲」：「批發買了皮褲，看我愛的投入……繼續穿我的皮褲，邁我的腳步，走我的道路！」而佢呢晚嘅衣着完全融合「
高濃度孔雀石綠高叉旗袍」同「皮褲」，青綠色珠片上衣襯超高皮靴，而幫佢伴奏嘅大提琴手，嗰身青綠色珠片泳衣look都真係世界級「車禍」。
來源:
http://hk.apple.nextmedia.com/entertainment/art/20161206/19856723
蕭敬騰全身癱軟急送院無緣校慶演出
1 :
GS(14)@2016-12-11 14:12:49台灣金曲歌王蕭敬騰（老蕭）昨晚本來為台灣一間中學進行校慶演出，不過前晚突然取消採訪活動，令唔少人都覺得好驚訝，同時仲傳老蕭全身癱軟發冷，連企都無力，搞到唔少fans為佢擔心。據台灣《蘋果》向老蕭經紀人Summer了解，佢話可能因為大前日老蕭拍咗場淋雨戲，加上近日工作太攰，抵抗力又唔好，搞到身體唔舒服，所以事後即刻送老蕭去醫院，經過醫生診治後，證實佢係患上「A型流感」，0依家老蕭除咗要食藥之外，仲要多喝水、休息，最少要兩個禮拜先完全康復。
Summer仲話老蕭為咗呢件事都好唔開心，佢仲唔想令fans失望，堅持中午按照原定計劃去綵排，但係佢哋覺得要睇吓佢到時情況先決定，為咗唔傳媒朋友到時白跑一趟，所以決定取消安排。經過一段時間觀察，原本一直希望繼續演出嘅老蕭，因為目前仍在發燒，所以經理人發聲明宣佈取消演出，仲話為今次造成不便深感抱歉，感謝各方嘅體諒同包涵！
來源:
http://hk.apple.nextmedia.com/entertainment/art/20161211/19861926
打頭陣演出梅姐慈善騷海俊傑明年3月 澳洲娶化妝師
1 :
GS(14)@2016-12-25 13:18:56■海俊傑近年北上發展，前晚專程返港出席在九展舉行的梅姐慈善音樂會。
久未在港露面的海俊傑、文佩玲、莫鎮賢、可嵐、張崇基及張崇德等前晚在九展演出「梅艷芳──致敬我們香港女兒慈善音樂會」，海俊傑打頭陣唱出梅姐的《心債》和《感激》，新秀出身的他，慨嘆沒有和梅姐同台合唱的福份，不過他仍開心表示：「今次返到嚟可以講廣東話，見番啲前輩朋友，都有十年冇演出過。」
■海俊傑將於明年3月1日在墨爾本跟女友Effie舉行婚禮。互聯網圖片
■文佩玲坦言有興趣再踏舞台開演唱會。
文佩玲技癢想開騷
現年44歲的海俊傑在內地發展多年，外表依然保養得宜，他透露快將成為人夫，與化妝師女友Effie共諧連理，他說：「我好快就結婚啦！3月1號喺墨爾本舉行婚禮，返嚟會補擺喜酒。」至於86年參加第五屆新秀、現年52歲的文佩玲，當年擊敗許志安及黎明贏得冠軍，她退出樂壇多年，上年曾現身大台《靚聲王》節目。前晚她身穿黑色透視裙現身活動，接受訪問時坦言有興趣再踏舞台，她說：「我都想開演唱會，不過冇人聯絡我，已經好少同呢行嘅人聯絡，最近莫鎮賢話有呢個騷，叫我幫手唱，講真我係有啲技癢，鍾意唱歌，尤其鍾意唱live band，所以二話不說就答應，我同梅姐冇合作過，大家喺華星屬唔同年代。」以壓軸嘉賓身份出場的莫鎮賢，一身黑色長褸打扮造型，在台上與舞蹈員勁歌熱舞，他唱了梅姐三首經歌曲，並特意佩戴早前在梅姐遺物拍賣投得的兩個襟針吊墜，認為會特別有力量，而現場以他的輩份最大，演出有壓力。採訪：王連連攝影：陳慧安
來源:
http://hk.apple.nextmedia.com/entertainment/art/20161225/19876166
萬綺雯獲夫撐頭場演出
1 :
GS(14)@2016-12-27 12:32:09萬綺雯、楊怡和黎燕珊昨日啟程到上海，準備演出20場舞台劇《我和春天有個約會》，要到下月23日才返港，萬綺雯指老公送她出門：「老公會去睇頭場，我姨甥女啱啱英國放假返港，佢跟埋我去照顧我，做我助手。」楊怡表示老公羅仲謙離港拍戲，反而是楊媽媽不捨得她離開，她希望謙謙可以看到尾場，之後再返港準備大家首個農曆新年，她說：「準備咗印咗『羅』字嘅利是封，雖然覺得有啲老套，但都會應節派吓。」珊姐則透露子女會到上海陪她過除夕兼捧場。提到上海受霧霾影響，她們表示已準備好口罩，會盡量小心免得影響聲線。採訪：馬建華攝影：沈健程
來源:
http://hk.apple.nextmedia.com/entertainment/art/20161227/19877618
Next Page