經濟客艙：億萬零售富豪點煉成
1 :
GS(14)@2017-11-05 15:23:56如果可以同10年前嘅自己交低一句話，佢話最想講嘅係「唔駛成日諗下一步點走，或者將來應該點，把握當下就可以了。」10年前，美國沃爾瑪電子商務主席兼行政總裁Marc Lore也估唔到，今日嘅自己最離不開嘅智能手機App係Uber，時不時玩玩Twitter。美國零售消費行業面臨重大轉型，網購變主流，衝擊百貨超市業。顧客並非不願洗錢，反而多咗網絡同智能手機去購物。窮途非末路，Marc利用科技結合大數據，跟亞馬遜及同業競爭。唔在乎個客駛幾多，最緊要幫到個客買到甚麼。Marc認為超市購物附設VR虛擬實景有得諗，足不出戶也可以享受到購買體驗。他喺訪問大膽預測，未來10年VR超市好快做到，戴住副智能眼鏡去揀貨，產品出產地都可以感受得到。
Marc押注聲控設備，亦是未來零售業重要顧客數據收集來源，無論喺家居或汽車嘅聲控設備，可以掌握同理解顧客嘅需要。Marc知道不變決不能應萬變，用新習慣取代舊習慣。美國零售業並非由亞馬遜獨霸，貝索斯終於坐到全球首富寶座，Marc Lore亦做到美國打工皇帝之首，上年年薪23億美金，相比蘋果公司總裁庫克上年年薪15億美金，超出近8億美金。
FB：
https://www.facebook.com/seeforcaptain/
來源:
https://hk.finance.appledaily.co ... e/20171030/20198480
經濟客艙：炒燶iPhone X的啟示
1 :
GS(14)@2017-11-13 03:31:18買唔到iPhone X，又抽唔到閱文（772），原來有錢唔係一定得。iPhone X開賣首日，轉手並非賺兩個開。香港嘅果粉確實忠誠，「in iPhone we trust」，堅信i炒Phone係有得賺。呢種憧憬未必需要數據支持，人人話買啦買啦，只用數分鐘瘋狂按F5都唔試咩。港人鍾意炒炒賣賣嘅熱忱從來未降溫，炒iPhone、炒樓、炒股都得。不過，炒iPhone又未必好似炒樓咁，越炒越貴，官網定價冇因為炒風加價，最多都係每年推新機而賣貴一、兩成。買家又可以趁新機推出，以更抵嘅價錢買返舊款機。炒iPhone又未必好似炒股咁，因為落錯注而蝕到渣到冇，因為限定每人最多買兩部，輸極有譜。就算預訂當日碌卡慘被Cut單，都有飛行哩數補返。點解今次有齊「限量」再跟10周年紀念版兩大元素都炒唔起，甚至炒燶咗。或者果迷仍然相信有內地用家幫我哋接貨，實情係內地人有錢都未必選擇iPhone，有Oppo同華為嘅其他品牌嘅Android機可以揀。香港同內地仲有千幾蚊差價，但內地官網撳極仲有貨，又可以做分期月供，搵唔到咩理由來香港掃iPhone。由炒iPhone4首日轉手賺過萬，到iPhone X今日轉手僅賺數百，相信好多果粉唔係首次抽iPhone。經常話往績唔代表亦唔保證將來表現，但果粉總帶着過往轉手大賺經驗來決定，加上「限量」出貨，引發無限憧憬。抽唔到iPhone X，最多憧憬落空，有部新手機自用。總好過借孖展抽閱文一手都唔中，手續費連息都蝕埋，抽新股最痛算這種。
來源:
https://hk.finance.appledaily.co ... e/20171106/20205430
經濟客艙：食盡大升浪點玩法
1 :
GS(14)@2017-12-04 04:45:13美股九年牛市氣勢持續，港股由今年初兩萬二點水平衝破三萬點大關，人生確實有幾多個十年遇正大升市，又可以賺盡大升浪。大升市由藍籌股領軍，今年穩坐科網龍頭股，升幅緊貼大市。想食盡升浪，退潮後仍有褲着，自己會守住呢3大原則。上星期講過炒出炒入不如鍛鍊好坐功，尤其大升市嘅時候，對住隻股票只想跟「大升同步」甚至期望「跑贏大市」。大家未必有種能耐，睇住隻股票放紙鳶。與其話扑暈自己，不如說服自己股價跟經濟周期同樣可升可跌，現在敢輸一、兩格，5年或10年之後贏更大。揀股嘅時候，未必越大越好。蘋果公司市值夠龐大，接近7萬港元市值；去季收入計亦稱霸科網界，金額為「股王」騰訊（700）季內收入超過5倍。不過，留意蘋果公司收入增長幅度，跟其他科網藍籌褪色，股價上升動力有限。最後，都係相信自己直覺。投資係一場信心拉力賽，自己倉位自己睇，最怕就係落錯車。太早沽貨，未必食盡升浪；反應慢太遲走，已經水浸眼眉，儲落成籮蟹貨。炒股唔止要交學費，其實仲搵到啱自己性格方法，不過人人步速不同，有人跑得快，有人跑得慢，笑到最後唔易做到。
FB page：
https://www.facebook.com/seeforcaptain/
來源:
https://hk.finance.appledaily.co ... e/20171127/20226656
經濟客艙：為何炒輪發達的不是我
1 :
GS(14)@2017-12-05 00:46:58天下散戶同樣「貪」，擲錢入股海，都係想求財。投資定投機，最緊要有錢賺。不過，天下散戶有時候也忘記了，世界沒有免費午餐。上星期高登討論區一篇牛熊證玩家自白，有散戶買咗隻388同700牛證，以小博大，但最後難逃被打靶。牛氣衝天嘅美股，科網股升勢強勁，好似蘋果公司上月初創新高，升見176.24美元，近日守住170美元水平樓上。有位美股投資者仁兄網上貼文話，見蘋果公司破頂就順勢追Call，聲稱勁賺6倍半。買Call輪勁賺，也可以十倍奉還。追騰訊Call輪或追蘋果公司Call輪都好，槓桿效應猶如雙面刀刃，贏大鑊，也可以輸到到冇朋友。買Call或Put輪付出嘅成本，相對買入正股低，亦唔會以輪證代替買正股。短線策略而言，美股波幅徘徊紀錄低位，追Call仍然能夠博到跑贏大市。長線而言，扑中藍籌股食息，總好過炒輪賭大細。大家想悶悶哋咁贏，定好刺激咁輸，我會揀前者。
FB page：
http://fb.com/seeforcaptain/
來源:
https://hk.finance.appledaily.co ... e/20171204/20233791
經濟客艙：比特幣泡沫不可怕
1 :
GS(14)@2017-12-18 03:48:26Bitcoin升勢急勁，引來全球投資或投機者加入，個個都想搭到呢轉比特幣升浪嘅快車。無論比特幣升穿5,000美元或升穿1萬美元，都會提提比特幣出現泡沫，終會爆破。不過，人人都話泡沫爆破，泡沫就一定爆破咩。
Bitcoin市值近2,400億美金，規模只有蘋果公司8,600億美元市值嘅三分一；Bitcoin市值跟全球黃金逾7萬億美元市值，規模確實蚊與牛比。不過，Bitcoin升值與市值規模擴展好快，擔心出現泡沫若爆破嘅睇法越來越多，又無乜基本因素可言。
Bitcoin急漲急回，蘊釀泡沫未至於好似樓市泡沫咁，拖累經濟表現。買家透過各地Bitcoin交易平台買賣，繞過銀行體系，未至於構成系統風險，觸發骨牌效應，令其他資產跟住跌。同時認同有種講法，唔識coding、心急賺錢嘅投機者，錯過樓市升浪後，錯過比特幣升浪又如何，冇人咁博用全副身家炒Bitcoin。美國即將推出Bitcoin期貨買賣，專業投資者或投機者也好，大家想入場玩，就需要更多嘅錢。芝加哥期權交易所嘅期貨合約有1個Bitcoin，現價計1.5萬美元，近12萬港元，保證金由三成提升到四成，入場費約4.8萬港元，比起黃金同原油期貨高嘅保證金要求高幾倍。美國Bitcoin期貨買賣發展如何，仍有許多未知，但相信可以提升Bitcoin交易買賣嘅資訊，甚至知道究竟邊啲大戶重倉Bitcoin，都可以提升外界對Bitcoin買賣嘅信心。
FB page：
https://www.facebook.com/seeforcaptain/
來源:
https://hk.finance.appledaily.co ... e/20171211/20240864
經濟客艙：當你賺得比我多
1 :
GS(14)@2018-01-07 15:12:35人生確實有幾多個十年可以虛耗，不把握當下、豁出去冒險，唔通眼睜睜睇住人哋賺錢，自己日日心裏葡萄，總是羨慕別人有幾好。所以聽到「富豪險中求」，大家都讀得懂，敢冒險先有機會。但大家追逐財富增值，同時好易忘記了「富貴險中求」真正嘅意思，叫大家留意升得越快越高，冒嘅風險越大。願意冒險，跟去冒不必要嘅險，其實係兩回事。日本同南韓嘅Bitcoin炒風，相對香港有過之而無不及。喺香港可能係「無買騰訊（700）、又無買樓」嘅人去炒Bitcoin；日本多數係散戶炒Bitcoin。Bitcoin今年初至今累升17倍，日經平均指數今年初至今累升係17%，輸贏高下立見。
Bitcoin打入今年香港Google熱爆財經話題外，亦打入日本熱爆「比較」話題第三位。日本人問Google大神，搵吓邊個虛擬貨幣交易平台嘅手續費最抵。日本電子加密貨幣交易平台嘅成交有增無減，由今年4月至11月，增加354億美金（約2,700億港元）。日圓計價嘅比特幣交易，單計今年10月佔全球交易量近四成。最近德銀有報告發現，日本散戶係推動比特幣價格飆升原因之一，估計平均年齡30至49歲嘅散戶去玩，正如開首所講，唔想眼睜睜睇住人哋賺錢，也過不了「睇住人哋賺得比你多」呢個心理關口。睇過關於日本散戶買比特幣嘅故事，Bitcoin今輪升浪，為佢哋帶來「必賺」嘅感覺，唔識Bitcoin或區塊鏈都不緊要，重點是識得點買賣同套現。日本炒Bitcoin嘅人，大部份認為養老金靠唔住，反而炒Bitcoin可以賺點錢，幫補生活。難怪2017年日本散戶揀嘅年度漢字係「昇」（升）字啦。
Captain Cool
FB：
https://www.facebook.com/seeforcaptain/
來源:
https://hk.finance.appledaily.co ... e/20171218/20247722
經濟客艙：美股認真討論區
1 :
GS(14)@2018-01-15 03:28:26美股今年開局強勢，未必全民皆股，美國散戶持股比例，相對2008年金融海嘯期間更低。最近睇到《華爾街日報》有個故仔，提到美國股市表現嘅時候，但散戶參與程度下降。報道引述咗蓋洛普調查，科網泡沫爆破後起，2001年至2008年期間，平均超過六成美國人有炒股。相對，2009年至2017年期間，聲稱有買股票嘅美國人，比例降至54%。最近搵咗美國不同年紀嘅散戶同金融業界人士做訪問，講吓對美股同投資嘅睇法。相比其他千禧BB或八、九十後嘅散戶，分享點解唔願買股票、寧願揸現金，有位基金經理John Fox講嘅感受，最淡淡然，但印象最深刻。佢形容今輪美股狂升，係佢職業生涯最唔期待嘅牛市，絲毫感受唔到興奮，又唔似千禧年咁，連酒吧嘅電視都播CNBC嘅節目。
John Fox喺金融圈打滾超過30年，由87年股災到科網泡沫爆破，再經歷亞洲金融風暴，到2008年金融海嘯，原來睇慣金融大場面嘅專業投資者，投資炒賣都想講求「氣氛」兩隻字，「贏大家一齊贏，輸就大家一齊輸」。氣氛越熾熱，投入程度越高。報道無提到John Fox點解對今次美股升市咁冷淡，亦冇披露佢持倉去年係咪輸好多，但可以肯定美股升市，散戶唔玩，最緊要有大戶落場，服侍美國1%富人嘅投資，仲多錢賺。
FB:
https://www.facebook.com/seeforcaptain/
來源:
https://hk.finance.appledaily.co ... e/20180108/20267800
經濟客艙：瘋狂樓市的財富效應
1 :
GS(14)@2018-01-22 06:06:49香港股市同樓市齊齊升，照道理應該有助產生「財富效應」，消費意欲增加。不過，最近一項調查發現，香港樓價持續上升，近六成受訪嘅有樓人士也感受唔到「財富效應」出現，亦不覺可以放膽消費，令生活負擔加重。「財富效應」意思指財富變動，令大家嘅財產及可支配收入，隨樓價上升而增加，繼而擴大消費。相反嚟講，財富縮減就影響消費下降，屬於「負財富效應」。樓市癲升，有樓人士唔覺受惠，即使樓價指數再破頂。只要層樓一日未供斷，樓價再創新高帶來只係紙上財富，並非「冇買騰訊又冇買樓」嘅人先慘情。近兩、三年先上車嘅朋友，經常講笑話買到五、六球嘅單位又如何！如果有賊仔入屋打劫，荷包乾塘，除咗個單位，就係部iPhone X同呢部D字頭嘅三合一風扇最值錢，電視機都係淘寶淘返嚟，冇嘢值錢可以偷。相信，早三、四年前有機會買樓嘅有樓人士，或者幫囝囡買樓嘅慈父慈母，供斷第一層或第二層樓後，可能先真正感受到瘋狂樓市帶來財富效應。
FB:
https://www.facebook.com/seeforcaptain/
來源:
https://hk.finance.appledaily.co ... e/20180115/20274560
經濟客艙：美元擺脫頹勢3個理由
1 :
GS(14)@2018-02-04 23:14:29美元失守90重要關口，今年首4星期累跌3.5%，逾30年最差開局。自美國總統特朗普上場後計，美滙指數已經累跌15%。美國債市見「熊」，未嚇窒美股狂牛，更有弱美元扶助。股市樂見疲弱美元，尤其依賴海外市場收益的公司，美元下跌，海外收益滙回美國將更多。相反強美元，公司海外滙回收益將會「縮水」。美國總統特朗普和財長姆欽，近日發表美元評論，令美滙指數顯著下滑。官員出口術，資金已作明確表態。截至上星期二止，CFTC錄得淨短倉規模錄114.7億美元（約894.6億港元），規模為3個月最高。美元弱勢可否扭轉，接下來聯儲局議息應該會啟示。貨幣滙率最主要取決於利率，息率越高，對資金吸引力更強，繼而帶動貨幣升值。聯邦基金利率期貨顯示，下星期三、四兩日議息會議，宣佈加息機會為兩成。不過，2018年之後7次議息會議加息機會率維持八成以上。美國加息步伐加快，美元有機會扭轉跌勢。美元跌，日圓又貴咗外，人民幣升值亦引起關注。如果內地突然干預阻人民幣升值過急，美元又有機會擺脫下滑趨勢。不過，內地為實現人民幣滙率市場化，相信唔亂咁出手。技術層面睇睇，美滙指數現時相對強弱指標（RSI）錄得21，近5年以來最低。呢個指數低於30，顯示超賣情況嚴重，為美元沉重沽壓，帶來止跌回升嘅小小希望。
http://fb.com/seeforcaptain/
來源:
https://hk.finance.appledaily.co ... e/20180129/20288593
經濟客艙：人生喺等待跌市中渡過
1 :
GS(14)@2018-02-13 01:50:38有人話，人生好多時候喺等待中渡過，講到底就係冇咗份豁出去博一博嘅勇氣，為做不到的事情，找找藉口。香港樓價並非人人負擔得起，總有些人日日望樓價急轉彎、樓價下跌，提供一個合適嘅入市良機。不過，現實通常趕不上變化。成日等香港樓價勁跌先入市買樓嘅人，就好似玩梗《旅行青蛙》咁，玩梗一款waiting game。玩《旅行青蛙》，打開個Apps睇睇隻青蛙冇返屋企，然後出去摘吓三葉草、儲吓「貨幣」。大家可能內心經歷啲掙扎，「究竟課唔課金買道具好呢」，最後都係唔買。又有人等吓等吓，索性喺fb或者IG貼文發哀號，「點解仲唔返嚟呀！又去咗邊度旅行！」香港想置業嘅人，喺等香港樓價下跌嘅waiting game入面，就冇《旅行青蛙》咁過癮。樓價冇得預知幾時跌定升，等待過程之中，就要努力工作，冇得好似《旅行青蛙》咁有人供養兼可以隔時去旅行。等待過程之中，有人選擇不吃不喝，盡快儲首期上車；也有更多幸運兒有慈父慈母「課金」，不用為首期煩惱，有上車捷徑。不過，玩香港樓價呢個waiting game嘅人，好多時候「等」，只為買唔到樓搵個藉口，等吓又等吓，到樓價真係跌，有些人同樣不認為合適入市機會，又畀投機同顧慮影響，再等下次跌市先出手，結果等吓又等吓，為咗更「抵價」去買樓，咁人生喺等吓又等吓中就渡過了。
FB:
https://www.facebook.com/seeforcaptain/
來源:
https://hk.finance.appledaily.co ... e/20180205/20295754
Next Page