📖 ZKIZ Archives

42歲翁嘉穗油面演繹Balenciaga粉紅裙徐子淇都着過

1 : GS(14)@2016-09-29 08:05:52

97年港姐冠軍翁嘉穗於99年與七海化工老闆鄔友正結婚，翌年一索得男。去年以41歲高齡再陀B，日前生完一年的她，與老公現身鄭秀文個唱慶功宴。翁嘉穗早已回復弗爆身形，穿上徐子淇穿過的Balenciaga2016早春系列粉紅色jacquard A字形連身裙，大方得體，粉色又予人回春感，完全不覺得她已屆42歲，惜滿面油光，有點煞風景。




來源: http://hk.apple.nextmedia.com/entertainment/art/20160929/19784911
PermaLink: https://articles.zkiz.com/?id=310591

徐子淇家庭照撐義賣

1 : GS(14)@2016-10-13 08:09:39

智行基金會親善大使徐子淇（Cathy）為支持雪花百家被義賣活動，以一幅家庭旅行照送上祝福，她說：「我們一家非常重視家庭時光，平日無論工作多忙碌，我們都會抽時間陪小朋友。近年我更帶同女兒參與慈善工作和探訪災民等活動，希望她們親身接觸及幫助世界上更多有需要的人，向他們送上關懷及溫暖。」Cathy感謝護膚品雪花秀支持智行基金會，讓更多愛滋遺孤得到教育的機會。撰文：非非




來源: http://hk.apple.nextmedia.com/entertainment/art/20161013/19798818
PermaLink: https://articles.zkiz.com/?id=311866

徐子淇封肚唔生B

1 : GS(14)@2016-10-15 12:12:15

■徐子淇昨指早前和老公李家誠被影到接吻魚相，覺得很尷尬。


■徐子淇（右）昨以大使身份出席籌款晚宴。

徐子淇和老公李家誠昨到尖沙嘴出席智行基金會籌款晚宴，身為大使的子淇佩戴英皇珠寶贊助價值逾1,700萬元、超過100卡的鑽飾登場，她說：「半年前籌備晚宴覺得好辛苦，因為香港經濟冇咁好，好難搵贊助，好在自己冇放棄，估計籌到超過500萬。」早前子淇夫婦被讀者影到在美國環球影城變身接吻魚，問是否計劃生第五胎？子淇說：「其實都好尷尬，好多人打嚟笑我哋，聽朋友講啲人喺街影相可以賣到報館，其實你哋影到相可以賣番畀我，我畀多過報館少少。」問會否再生B？她說：「唔生啦，夠啦，希望多啲時間陪佢哋。」採訪：羅慧敏攝影：林德雄




來源: http://hk.apple.nextmedia.com/entertainment/art/20161015/19801080
PermaLink: https://articles.zkiz.com/?id=312132

徐子淇都着減價衫　6折美牌過季裙去ball

1 : GS(14)@2016-10-17 08:09:27

千億新抱徐子淇與老公李家誠，日前在尖沙嘴出席智行基金會籌款晚宴，作為基金會大使的徐子淇穿粉紅透視晚裝現身，配鑽石長耳環及粗手鏈，令粉色青春得來，又不失高貴。這條粉紅色薄紗shirt dress出自美國品牌Carolina Herrera，屬過季的2016春夏系列，runway版以同色綁繩束腰，commercial piece則以薄紗蝴蝶結代替。過季裙款在網店仍有售，以6折捉銷，比原價便宜了近2萬大元。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20161017/19803590
PermaLink: https://articles.zkiz.com/?id=312441

【生B配方】徐子淇飲鹼性水追仔

1 : GS(14)@2016-11-08 05:45:51

徐子淇



圈中不少藝人為生BB而用盡一切方式，其中黎姿更成功生下孖女。


徐子淇　配合酸鹼

為李家誠誕下兩女後，表示與老公試盡生仔秘方，自己進食要配合酸鹼度，飲鹼性水和寶礦力，而老公則多吃肉，終於2011年和去年誕下三子李俊熹及細仔李建熹。


黎姿　擺風水陣

2008年與商人馬廷強結婚後，傳豪擲30萬接受人工受孕，又找風水師改名「黎珈而」及在家中擺風水陣，結果2010年產下孖女，兩年後再產下細女。


陳慧琳　拉姑貼士

育有兩子的陳慧琳，傳憑狄波拉授生仔心得，包括行房前一星期男方要狂食生蠔和牛肉，女方要多食水果蔬菜，及晨早交歡和男上女下，完事後女方要用枕頭墊屁股休息15分鐘。


喬寶寶太太　玫瑰花水

喬嫂1991年產下大仔後五次流產，其後以五湯匙玫瑰花乾加五杯水煲成一杯，於完經後第十五日飲用，每日一杯連飲五日，結果於2004年成功懷第二胎仔。




來源: http://hk.apple.nextmedia.com/entertainment/art/20161108/19825835
PermaLink: https://articles.zkiz.com/?id=314446

秋風起繼續跌膊　徐子淇性感look襯Prada

1 : GS(14)@2016-11-08 05:54:12

千億新抱徐子淇雖然已為四名子女的媽媽，但是身材樣貌都keep得好，駕馭性感服飾都冇難度。大前晚在「UNICEF HK30周年慈善晚宴」上，子淇就相當亮眼，因為在秋季涼風中她仍然以跌膊look上陣，穿上新銳哥倫比亞設計師Johanna Ortiz的16春夏系列波點跌膊crop top加波點長裙，大晒驕人身材。子淇同時挽上Prada的經典Galleria手袋，簡約又不失貴氣。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20161107/19825566
PermaLink: https://articles.zkiz.com/?id=314590

徐子淇助難民百萬計

1 : GS(14)@2016-11-16 05:10:16

徐子淇和老公李家誠、王梓軒等昨晚在圓方出席「香港救助兒童會慈善晚宴」，以贊助人身份現身的子淇捐出數百萬港元，上月並跟隨該會到意大利探訪難民。子淇說：「見到好多傷心畫面，有個13歲小朋友嘅父母過身，逃難去過7個國家，蛇頭話可以坐橡皮艇去歐洲，其實隻艇唔可以出海，超載又冇救生衣，好危險。唯一可以做係租拯救船，其實我捐嗰幾百萬都買唔到一架拯救船，所以只係租。」並哽咽：「上個禮拜有隻坐住270人嘅艇，有240人死咗，有個小朋友仲眼白白睇住爸爸浸死。」本月29日是她生日，她說：「我生日唔緊要，反而希望多啲人去關注呢個善事。」採訪：黃曉妍攝影：陳順禎



■王梓軒亦有現身撐場，支持香港救助兒童會。





來源: http://hk.apple.nextmedia.com/entertainment/art/20161114/19832618
PermaLink: https://articles.zkiz.com/?id=315673

【馮仁昭四圍超】徐子淇寫真　賀34歲生日

1 : GS(14)@2016-12-01 00:01:28

■千億新抱徐子淇34歲生日，上載一輯同老公李家誠影嘅靚相放閃。互聯網圖片





千億新抱徐子淇噚日34歲生日，噚日凌晨時分佢喺社交網大放閃光蛋，貼咗多張同恒基二少老公李家誠外遊嘅靚相，大晒恩愛，相中嘅子淇同老公着住白色情侶裝坐喺韆鞦上面，同老公深情對望。另一張就係李家誠揸開篷古董車，子淇仲不經意露出一條久遺嘅事業線。



■徐子淇貴為四子之母，至今仍有少女味。互聯網圖片

揚言愛到老

四子之母嘅子淇，仔女一日一日咁成長，但係佢依然保持美貌同身材，佢喺社交網用英文留言：「我不介意自己老，因為有你陪我一齊老！」同李家誠已經係老夫老妻，但子淇喺生日再次對老公講愛的宣言，真係冧爆。子淇06年下嫁李家誠，喺澳洲舉行世紀婚禮，婚後專注家庭，為李家開枝散葉，十年間湊成兩個「好」字。結婚第二年就生咗長女李晞彤，晞彤轉眼已9歲，之後係7歲嘅二女晞兒，5歲嘅三子俊熹，同埋14個月大嘅四子建熹。今年仲係兩人結婚十周年，佢哋一家六口早喺暑假已去咗美國度假慶祝錫婚，心情愉快嘅索爆人妻子淇，當時仲被影到連環啜爆老公。撰文：馮仁昭




來源: http://hk.apple.nextmedia.com/entertainment/art/20161130/19849715
PermaLink: https://articles.zkiz.com/?id=317667

徐子淇生日放閃著愛牌DG波點裙慶生

1 : GS(14)@2016-12-01 08:06:48

千億新抱徐子淇(Cathy)同老公李家誠結婚十周年，兩人婚後密密造人，共生了兩女兩子，湊成一對「好」字，日前是Cathy34歲生日，加上結婚十周，特別影了一輯靚相，並於IG開心share。今年Cathy就同老公出埠慶生，相中見Cathy同老公Martin穿上白色情侶裝，又出動開開蓬車拍輯，Cathy穿上最愛的Dolce& Gabbana黑白波點tube dress裙，更輕露事業線，相當性感。其實子淇是波點控，不時穿波點裙示人，34歲生日也要波點裙慶生，可以她愛波點的程度。徐子淇另一幅寫真相，着了性感喱士白裙、戴花環。其實她一向愛這類童話式的花環headpieces，去年九月她和女兒一齊孖住着DG母女裝，亦戴了相信來自英牌Rock n'Roses的花花頭冠。而今次的雙圈花冠設計，品牌今季亦有新作，只需29英磅。




來源: http://hk.apple.nextmedia.com/entertainment/art/20161201/19850773
PermaLink: https://articles.zkiz.com/?id=317841

徐子淇花仙子look同名模Heidi撞裙

1 : GS(14)@2016-12-07 07:41:16

千億新抱徐子淇着盡靚衫，出席ball場者宴會都不時出動大牌晚裝，日前出席演藝學院籌款ball，當然絕不欺場，以性感花仙子look與老公李家誠齊齊現身時，又再成為全場焦點。子淇這個造型既優雅又性感，不單集單肩與中空cut out的性感元素，還有浪漫的立體花卉裝飾，加上粉紅至粉紫的漸變雪紡用料，感覺飄逸又甜美。這一條漂亮禮服出自美國品牌Marchesa的2016秋冬系列，品牌擅長設計紅毯晚裝與婚紗，不少荷李活女星都是品牌忠粉，事實上在今年初的奧斯卡頒獎禮上，德國名模Heidi Klum亦穿過同一條晚裝，keep得極fit的子淇穿起來也絕不輸蝕。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20161206/19856743
PermaLink: https://articles.zkiz.com/?id=318521
Next Page
ZKIZ Archives @ 2019