馮仁昭四圍超：周永恒作證冇影裁判官鬧嘥公帑
1 :
GS(14)@2015-03-18 22:29:59
曾有家暴前科嘅歌手周永恒，舊年聲稱喺佢天水圍寓所樓下，俾《忽然1周》男記者襲擊。案件原定噚日開審，但作為事主嘅周永恒卻未有到庭作供，主控解釋佢正喺北京參與私人健身教練培訓。裁判官聞言即不滿話：「選擇訓練都唔出庭！當事人自己都唔care！」直斥周永恒浪費公帑。控方申請押後審訊，裁判官聽完就問：「你證人準備轉行呀？」控方都話唔清楚，又形容周永恒係藝術工作者，工作日子繁雜，直至
馮仁昭四圍超：阿姐寸G.E.M. 家不在港
1 :
GS(14)@2015-03-26 00:37:30
■阿姐呼籲G.E.M.「經過」香港時上節目。電視圖片
唱歌唱到獲封為「宇宙G.E.M.」嘅鄧紫棋，雖然有唔少人大讚佢啲歌藝，但人紅咗對事情有唔同睇法，難免會惹嚟是非，好似鄭少秋同汪明荃（阿姐），前排佢哋喺節目中講，若果要搵一個後輩唱佢哋嘅經典歌會搵邊個，鄭少秋揀咗阿G.E.M.唱《笑看風雲》、結果俾人點名嘅G.E.M.，拿拿臨拎起支結他，自彈自唱，兼擺條片上網多謝對方兼找數。
■G.E.M.自彈自唱答謝秋官。電視圖片
網民讚阿姐有「骨」
呢條找數片喺前晚播出，跟住兩位前輩即場呼籲啲唱得之人上去節目，阿姐仲話：「我都發出呼籲，邀請阿G.E.M.，你經過香港，一定要嚟我哋《靚聲王》，好嗎?」就係呢句經過香港，即刻引起網民嘅討論，有人覺得點解汪明荃會講係「經過」，而唔係叫佢「返嚟香港」嗰陣，仲有人話：「其實我覺得阿姐今次夠哂精警又有『骨』囉，值得拍掌。」又有網民寫道：「阿姐都要抽一下水」、「世事都被阿姐看透了」及「人地（哋）宇宙巨gem（G.E.M.）先不屑上呢啲節目。」當然亦人覺得唔係乜嘢一回事，似乎有啲小題大做，又一次惹是非嘅G.E.M，噚日未有理啲留言，喺佢個fb貼咗張自拍相仲話：「享受能出門的時間，去哪都可以！」撰文：馮仁昭
來源:
http://hk.apple.nextmedia.com/entertainment/art/20150324/19087145
馮仁昭四圍超：生日撞正坐月GiGi抱女慶祝
1 :
GS(14)@2015-03-27 08:25:20
■GiGi噚日生日雖然冇出街慶祝，但老公Sergio一早買定蛋糕同佢慶生。微博圖片
噚日係梁詠琪（GiGi）39歲生日，不過佢生完冇耐，仲喺屋企坐緊月，所以唔打算出街慶祝食飯啦！只會同老公Sergio、囡囡、媽咪、細佬喺屋企食飯，噚日同GiGi通電話，同佢講生日快樂！聽佢把聲都好精神開心，問佢多了一個女兒，今年生日係咪不一樣？佢話：「係呀！活咗39年，今年過嘅生日最特別，囡囡嘅來臨，勝過任何生日禮物，經歷過自己湊BB後，我先發現媽咪好偉大。」
■有咗自己囡囡Sofia（右圖），GiGi先體會到媽咪有幾偉大。微博圖片
微博圖片
同老公輪更湊女
GiGi話自己親手湊女，冇請陪月，搞到每晚要起身餵人奶好辛苦，佢講：「餵咗兩個禮拜後，真係頂唔順，所以之後我先將人奶儲入雪櫃，到夜晚就叫老公整番熱啲奶畀佢食，兩個人輪更服侍囡囡，好彩老公放成個月假，可以幫吓手，見到老公同個女沖涼，我就好羨慕，好想參與，但阿媽話我仲未掂得水，湊女真係唔容易呀！」因為唔沖得涼，生完到
馮仁昭四圍超：G.E.M.俾JJ連累辣㷫Jolin粉絲
1 :
GS(14)@2015-03-27 08:30:10
■G.E.M.前晚共捧三獎。
鄧紫棋（G.E.M.）嘅是非陸續有嚟，前晚佢出席深圳QQ音樂頒獎禮，同場有林俊傑（JJ）、蔡依林（Jolin）、王力宏等歌手，當JJ同Jolin上台攞獎時，JJ見到坐喺台下嘅G.E.M.，即清唱兩人合唱歌《手心的薔薇》，主持黃子佼順勢叫G.E.M.上台合唱，G.E.M.仲送深情擁抱畀JJ，忘記台上仲有Jolin，令台灣天后變成路人甲，Jolin嘅粉絲不滿偶像被冷落，狂轟要同G.E.M.勢不兩立。
■Jolin同JJ齊齊攞獎，卻慘被冷落。《騰訊娛樂》圖片
■G.E.M.應JJ邀上台合唱，被指喧賓奪主。《騰訊娛樂》圖片
JJ寫歌補鑊
據知，JJ事後即刻向Jolin道歉：「我要向她說不好意思，剛才我很自high，尷尬了一下，為了補償她，要為她下一張專輯寫歌。」Jolin表現大方話唔介意，仲講笑話：「我還以為你要唱我《呸》。」之後Jolin以性感look露「胸器」唱新碟《呸》的歌曲。至於是非纏身嘅G.E.M.，前晚捧走最佳香港女歌手獎、最佳影視金曲、最佳人氣搜索3個獎，總計上年佢攞咗17個獎，G.E.M.話：「總覺得自己幸運，看到歌迷才知道低估了自己的幸運。」佢仲喺微博貼同王力宏合照並留言：「你是我從初中開始就一直很喜歡的全能音樂人。謝謝你所有鼓勵的話，我會加油！」撰文：馮仁昭
網民互片：歌迷心急護主
林俊傑和G.E.M.在台上合唱，冷落了同台的蔡依林，引爆三批粉絲在微博等社交網站展開罵戰。
G.E.M.歌迷對的人那麼的少：甚麼嘛，QQ音樂最受歡迎女歌手不是鄧紫棋麼？蔡依林甚麼鬼！只能說有些明星的粉絲太有錢了。女神就是鄧紫棋的小心情：憑甚麽要鄧紫棋道歉？她甚麼都沒做！別甚麼都算在鄧寶身上！蔡依林歌迷小四兒崽：我在想林俊傑以後見了蔡依林怎麼打招呼，以後鄧紫棋還敢去台灣嗎？周英中官方微博：這將成為我們蔡依林公主入行以來最尷尬的一場頒獎禮，陪站陪笑足足兩分鐘。林俊傑歌迷大哲學家的小褲衩：他和蔡依林是好朋友，他難道會是故意的嗎。一朵庸俗的人來瘋：請鄧上台把蔡依林晾在旁，甚麼傻逼主持人，憑甚麼林俊傑要無故躺槍！
來源:
http://hk.apple.nextmedia.com/entertainment/art/20150327/19091078
馮仁昭四圍超：《歌手》導演扯火G.E.M.恐被Out
1 :
GS(14)@2015-04-01 08:57:21
■如果G.E.M.堅持要唱新歌，可能冇份上《我是歌手》雙年巔峰會。資料圖片
內地歌唱節目《我是歌手》今個星期五舉行雙年巔峰會，叫埋班第二季同第三季參賽歌手再PK，G.E.M.、張杰都喺名單入面，仲有兩日就錄影，前晚總導演洪濤喺微博發脾氣話：「你不換歌，我們換人！晚安！」有網民就插佢搞宣傳都唔係第一次，同時又有網民爆料話歌手係早前同樣喺《康熙來了》「堅持唱自己新歌」嘅歌手G.E.M.，仲話想喺雙年巔峰會上演唱自己嘅新歌，而湖南衞視就想佢唱一首老歌，兩邊溝通唔掂搞到有啲扯火。另外，最後一集中途退賽嘅孫楠，亦俾湖南衞視正式封殺。此外，《我是歌手》第三季冠軍韓紅跟陳奕迅合唱《十年》，即係廣東話版嘅《明年今日》，播出後引來極大迴響，更掀起網民罵戰。
■網民惡搞韓紅飆高音嗰時，仲加埋Eason好似被嚇親個樣。互聯網圖片
網民惡搞韓紅
有人鬧爆韓紅將一首淡然愛情故事嘅歌搞錯晒，係唔係都飆高音，仲用「包租婆腔」糟蹋首歌。班網民又改圖捕捉韓紅嗌歌，Eason好似被嚇親嗰個樣，後面就加咗句對白「睇住呀！」，認真抵死！撰文：馮仁昭
來源:
http://hk.apple.nextmedia.com/entertainment/art/20150401/19097032
馮仁昭四圍超：乳名梁浸浸 Yumiko誕5.5磅女
1 :
GS(14)@2015-04-09 19:05:03■Yumiko噚日剛生完，即上載BB女嘅尿片照。互聯網圖片
鄭希怡（Yumiko）噚日朝喺港安醫院為化妝師老公梁學儲生BB女，據知佢今次係擇日開刀。Yumiko噚晚大約7點半左右，喺facebook上貼上BB下半身包住尿片嘅相，喺張相嘅角落頭清楚見到印有港安字樣嘅毛毯放喺床上。喺佢發相短短十幾分鐘後已經有60幾個「like」。不過佢為咗保持神秘感，暫時未公開B女個樣，相信多少都由於媽咪Yumiko貪靚，要等兩母女變番靚啲先可以現身。至於Yumiko噚日講番囡囡出世時話：「BB今朝出世，5.5磅，成個過程好順利，亦都好感動，學習點做媽咪。」而Yumiko就笑住話B女叫做「梁浸浸」，因為噚日涼涼哋。
■Yumiko早前公開大肚照。
物色臍帶血血庫
另外，前日Yumiko喺fb表示已經為BB女物色到一間可以儲存臍帶血嘅血庫，為BB嘅將來以防萬一，最特別嘅地方係嗰間血庫嘅資料係由未有亦不打算生小朋友嘅伍詠薇提供。撰文：馮仁昭
來源:
http://hk.apple.nextmedia.com/entertainment/art/20150409/19105411
Next Page