馮仁昭四圍超：阿姐寸G.E.M. 家不在港
1 :
GS(14)@2015-03-26 00:37:30
■阿姐呼籲G.E.M.「經過」香港時上節目。電視圖片
唱歌唱到獲封為「宇宙G.E.M.」嘅鄧紫棋，雖然有唔少人大讚佢啲歌藝，但人紅咗對事情有唔同睇法，難免會惹嚟是非，好似鄭少秋同汪明荃（阿姐），前排佢哋喺節目中講，若果要搵一個後輩唱佢哋嘅經典歌會搵邊個，鄭少秋揀咗阿G.E.M.唱《笑看風雲》、結果俾人點名嘅G.E.M.，拿拿臨拎起支結他，自彈自唱，兼擺條片上網多謝對方兼找數。
■G.E.M.自彈自唱答謝秋官。電視圖片
網民讚阿姐有「骨」
呢條找數片喺前晚播出，跟住兩位前輩即場呼籲啲唱得之人上去節目，阿姐仲話：「我都發出呼籲，邀請阿G.E.M.，你經過香港，一定要嚟我哋《靚聲王》，好嗎?」就係呢句經過香港，即刻引起網民嘅討論，有人覺得點解汪明荃會講係「經過」，而唔係叫佢「返嚟香港」嗰陣，仲有人話：「其實我覺得阿姐今次夠哂精警又有『骨』囉，值得拍掌。」又有網民寫道：「阿姐都要抽一下水」、「世事都被阿姐看透了」及「人地（哋）宇宙巨gem（G.E.M.）先不屑上呢啲節目。」當然亦人覺得唔係乜嘢一回事，似乎有啲小題大做，又一次惹是非嘅G.E.M，噚日未有理啲留言，喺佢個fb貼咗張自拍相仲話：「享受能出門的時間，去哪都可以！」撰文：馮仁昭
來源:
http://hk.apple.nextmedia.com/entertainment/art/20150324/19087145