樓民講場:追不追價的困惑
1 :
GS(14)@2012-05-05 14:44:55http://hk.apple.nextmedia.com/te ... 307&art_id=16308995
今年 2月, 80後的我計劃買樓結婚,睇中粉嶺綠悠軒,當時業主叫價 248萬元,我決定購入,但因公事要離港三天,於是向代理口頭落實,並表明我會在回港後簽約。豈料三天後,我主動致電代理,才知單位已被另一內地買家加多 5萬元搶走!
我好激氣,因為當出現另一買家加價搶貨時,代理沒有通知過我,甚至要我親自追問簽約事宜,始知心儀單位已被買走。得罪講句,這種雙邊代理毫不專業,完全無為顧客的利益着想。
有買樓經驗的朋友教訓我這位初哥:口講無憑,睇啱就要「即磅」,期望代理維護顧客的利益,簡直天方夜譚。除了發吓脾氣,我根本無計可施。算了,就當作上了一課吧!
不過,這一課很昂貴(尤其對要上車的我)。這兩個月來,市況話就話靜止,但價錢卻一直升,如今再看各個放盤,都開價 268至 278萬元,才兩個月已叫高了廿多萬元,即是要預多幾萬元首期,我只是一個「掹掹緊」、逐蚊儲的打工仔,點追?
追,追唔起;唔追,不知升到何年何月;又怕高追後遇上暴跌,隨時影響半輩子的生活質素,最弊自己趕住用。成世仔,未試過心情咁矛盾兼難受。
讀者肥仔文
本欄園地公開,歡迎各界來信,以 450字為限,請電郵至
[email protected],
註明《家》樓民講場,請留聯絡電話。編輯保留文章的刪減權。
2 :
肥B(18468)@2012-05-05 16:16:54呢d野係要撞下板先識架啦....
3 :
Sunny^_^(11601)@2012-05-05 21:08:50大部分代理都係咁嫁啦.好明顯大陸人唔只比多5萬,應該更多既佣.
4 :
idsdown(1658)@2012-05-05 23:42:22切, 就算簽臨約都可以反價的, 最多賠3~5萬, 我就唔信佢落10萬細訂
5 :
肥B(18468)@2012-05-06 15:49:07所以咪話, 呢方面無經驗的, 一係找個有經驗的朋友幫幫手, 否則, 係要碰下一鼻灰先得~~
6 :
亞力士(1473)@2012-05-10 00:00:22結婚真係要買樓?
7 :
龍生(798)@2012-05-10 00:30:50梗唔係啦, 但你唔買, 囡囡唔嫁咋嘛
8 :
Ar Yan(11362)@2012-05-10 08:35:447樓提及
梗唔係啦, 但你唔買, 囡囡唔嫁咋嘛
係外父外母唔俾嫁~~
所以,我成日都話買樓俾囡囡,首期我俾,供就佢供,而且只落佢名架
佢立即話「你即係搵我笨,俾的重債我背」(n無收入)
佢又蠢唔晒呵~~

9 :
Ar Yan(11362)@2012-05-10 08:42:031樓提及
http://hk.apple.nextmedia.com/te ... 307&art_id=16308995
今年 2月, 80後的我計劃買樓結婚,睇中粉嶺綠悠軒,當時業主叫價 248萬元,我決定購入,但因公事要離港三天,於是向代理口頭落實,並表明我會在回港後簽約。豈料三天後,我主動致電代理,才知單位已被另一內地買家加多 5萬元搶走!
我好激氣,因為當出現另一買家加價搶貨時,代理沒有通知過我,甚至要我親自追問簽約事宜,始知心儀單位已被買走。得罪講句,這種雙邊代理毫不專業,完全無為顧客的利益着想。
個個客,真係當個盤係 經紀獨家架?
你想買時,人地都想買,你送票上去時,人地可能已經加多5萬簽左,通知都無用
唔通你叫屋主陪錢接你個價? 你肯加幾多? 10萬?20萬?
10 :
肥B(18468)@2012-05-10 09:56:099樓提及
個個客,真係當個盤係 經紀獨家架?
你想買時,人地都想買,你送票上去時,人地可能已經加多5萬簽左,通知都無用
唔通你叫屋主陪錢接你個價? 你肯加幾多? 10萬?20萬?
佢根本就未買過樓, 又無同有經驗的朋友幫手, 以為買樓先到先得, AGENT講「道義」架嘛.....
11 :
Ar Yan(11362)@2012-05-10 10:26:2410樓提及
9樓提及
個個客,真係當個盤係 經紀獨家架?
你想買時,人地都想買,你送票上去時,人地可能已經加多5萬簽左,通知都無用
唔通你叫屋主陪錢接你個價? 你肯加幾多? 10萬?20萬?
佢根本就未買過樓, 又無同有經驗的朋友幫手, 以為買樓先到先得, AGENT講「道義」架嘛.....
道義係想食你盤時, 叫你講佢講道義
12 :
肥B(18468)@2012-05-10 10:27:59入世未深係要交下學架嘛~~
13 :
GS(14)@2012-05-10 22:04:3911樓提及
10樓提及
9樓提及
個個客,真係當個盤係 經紀獨家架?
你想買時,人地都想買,你送票上去時,人地可能已經加多5萬簽左,通知都無用
唔通你叫屋主陪錢接你個價? 你肯加幾多? 10萬?20萬?
佢根本就未買過樓, 又無同有經驗的朋友幫手, 以為買樓先到先得, AGENT講「道義」架嘛.....
道義係想食你盤時, 叫你講佢講道義
現在道義不值錢
14 :
亞力士(1473)@2012-05-10 23:44:06唔關道義事 大家入來買野 你睇完話要諗 下個一來就扑鎚 點解唔賣比佢
15 :
龍生(798)@2012-05-11 00:53:03亞力士兄所言甚是啊
我都不明有什麼道義問題....
佢又無落訂, 點解要人留俾佢?
口頭落左就當係? 佢幾多歲?
係咪以為自己搭小巴, 玩後數?
16 :
Ar Yan(11362)@2012-05-11 07:42:4415樓提及
亞力士兄所言甚是啊
我都不明有什麼道義問題....
佢又無落訂, 點解要人留俾佢?
口頭落左就當係? 佢幾多歲?
係咪以為自己搭小巴, 玩後數?
所以,肥仔咪話佢係無熟人,無經驗囉!!
講真,有票有交易~~ 唔通個經紀同你賭白頭片
17 :
Danielchan(27995)@2012-05-12 21:09:53真係無辦法,冇落訂,只係口頭上講,如果你返到黎你話唔要,咁個業主米要失兩邊!
18 :
passport(1491)@2012-05-13 01:39:13我同意丫…口頭wo…唔通我叫佢hold哂話買就信丫?
樓民講場:華樂村屋270?
1 :
GS(14)@2012-05-19 12:13:26http://hk.apple.nextmedia.com/financeestate/art/20120519/16350451
買唔起市區樓,小弟上個禮拜就轉去睇錦田村屋,唔睇尤自可,原來近火車站一帶的村屋,全部三百萬起錶,嘩,殘殘哋又無景喎,經紀哥懶洋洋話,根本都無乜盤放,你唔買大把人買。
小弟呢刻好無奈,市區返工要搵到入錦田,都係想上車啫,我唔要求與鐵路近在咫尺,行十幾分鐘都殺,但似樣少少都叫咁貴,仲撞口撞面異族人,我點買得落手?
同經紀哥閒聊間,忽然佢手機響起,對方應該係同我一樣的搵樓客,只聽經紀哥話:「有間華樂,開270……」話口未完,店內另一位疑似街坊撲出,大叫:「270?唔好畀人睇住,快啲同我留起佢!」
經紀哥收線後,先至悻悻然向街坊解釋:「你知唔知邊個華樂呀?唔係大埔嗰個,係上水坑頭華樂山莊噃。」
小弟對村屋市場並不熟悉,回家後立刻上網搜尋一番,始知大埔華樂豪庭屬頗受歡迎的村屋,一般都要三、四百萬,難怪有人一聽到「華樂270」,即刻撲出嚟認頭。但係由呢次經歷,我又體會到一個幾令人氣憤的現實:筍盤,其實係輪唔到「街外人」!
讀者 窮公子
2 :
Sunny^_^(11601)@2012-05-19 18:43:46呢D情況經常出現...
3 :
肥B(18468)@2012-05-21 16:14:51肥水不流別人田, 唔做左幾十年人都唔知呀嘛....
樓民講場:想移民去澳門
1 :
GS(14)@2012-05-26 19:44:14http://hk.apple.nextmedia.com/financeestate/art/20120526/16370030
最近到澳門一遊探老友,多年沒去過,覺得澳門已經是不折不扣的賭博城,除了市容的巨變,物價都大幅增加,以前我會跟好友特地渡江吃價廉物美葡國菜,但現在一看餐牌,已經覺得不太值得刻意來吃,如果跟家中老嫩一起來,唔賭錢都唔知玩乜好。
此行是特地探望移居澳門做荷官的輝仔,兩老死吹吓水食吓撻(題外話,我吃開那一檔人氣撻,老早湮沒在高昂租金中)。輝仔住在澳門十六浦酒店附近的六百呎住宅單位,月租承惠六千;據講,澳門市中心住宅呎租大概十元,唔算話好平,但比起香港就的確平成半。
澳門專注賭博兼自由行後,好多港人過去搵食,輝仔呢類荷官,聽佢講每個月搵兩萬咁上下,呢個水平,香港都搵到,不過以單身寡仔計,輝仔話澳門就幾好使,因為租間香港市區樓,住好少少都肯定過萬蚊,即是租金、交通已佔過半收入,在澳門,交六千蚊租,交通費又平,除非你衰賭,否則個個月都會有多少積蓄。
對於我哋呢種香港仔,做不成最吃香的金融,仍可渡江做吓賭業,搞到我都有移居發展的衝動。論物價,港澳同樣高漲,但澳門起碼尚有平樓、平交通,香港政府可以做點事,等我安心留低嗎?
讀者 騾仔
2 :
肥B(18468)@2012-05-26 19:57:21會唔會婚姻介紹所已經有人要求對方有馬交身份證呢?
3 :
八旗子弟(15368)@2012-05-27 00:49:59馬交有二十三條,香港熱血青年又點會出賣心中民主自由核心價值,不如學下長毛去立法會做下議員收七皮野化算好多,PS:好似又話要加到十四皮
4 :
雪貓(1200)@2012-05-27 00:59:25俾建制派坐左三份二,選出嚟全部似長毛都係得廿個
5 :
Ar Yan(11362)@2012-05-27 12:43:283樓提及
馬交有二十三條,香港熱血青年又點會出賣心中民主自由核心價值,不如學下長毛去立法會做下議員收七皮野化算好多,PS:好似又話要加到十四皮
好多人鋪緊路啦~~ 早排電視,先有個令仔去質羅范,聲動俱全
樓民講場:香港仔買樓的故事
1 :
GS(14)@2012-06-02 18:23:02http://hk.apple.nextmedia.com/financeestate/art/20120602/16390927
香港樓價高過97了,對很多人來說,真是百般滋味在心頭。跟大家講一個地道香港仔買樓故事。
朋友中七畢業後工作數年,發展平平,95年加入美資銀行工作,97年樓價飛升,加上需要搬出,買入了單棟式323方呎單位,144萬元,供25年。97後,科技股爆破,樓價跌至66萬元,蒸發逾五成。本來有份工,按月供款,也非壞事。可是經濟翻天覆地,銀行也不能獨善其身,裁員潮開始,每天也活在恐慌當中,經歷了人生中數年的低潮,最壞方案,就是破產算了。
朋友是自住用家,不是圖利的炒家,為甚麼也會陷入這種情況?經濟不景,樓市急跌,懲罰了炒家,也懲罰了用家,何解?多年來,找不到答案。
今天估價197萬元了,如果放出,賺了15年的自住,仲收回百多萬現金。經紀和親朋戚友也不斷游說朋友換大單位,思前想後,還是拒絕了。
經歷過地獄與天堂,覺悟樓按是人生極大負債,供完才是你的正資產,期間要承受沉重的經濟和心理壓力,他已有了這寶貴經驗,不需要第二回了。
他享受自住細單位,除了不想再影響生活質素外,也保留着小屋帶來甜酸苦辣的回憶!
讀者 笑俠
2 :
abbychau(1)@2012-06-03 01:36:36一天自用, 一天都是負債, 即使你供完也是, 可不只是樓
3 :
idsdown(1658)@2012-06-03 21:00:342樓提及
一天自用, 一天都是負債, 即使你供完也是, 可不只是樓
富爸爸上身?!
如果唔識投資又或佢咁試過接近破産的經驗未恢復, 我寧願以不變應萬變, 腳踏實地, 搵到幾多食幾多.
4 :
abbychau(1)@2012-06-03 21:48:58呢個都係我睇到佢篇文之後第一個反應, 無啦啦彈"負債"呢個字出黎, 應該係上左身
5 :
GS(14)@2012-06-03 22:01:424樓提及
呢個都係我睇到佢篇文之後第一個反應, 無啦啦彈"負債"呢個字出黎, 應該係上左身
He was scared with his past experience
6 :
idsdown(1658)@2012-06-03 22:20:554樓提及
呢個都係我睇到佢篇文之後第一個反應, 無啦啦彈"負債"呢個字出黎, 應該係上左身
有投資都會係富爸爸咁諗, 但有時再諗諗就未必了
就好似D理財顧問一日到黑都話放錢係銀行會被通漲侵蝕, 攞錢去"投資(實為賭)", 咁就...
7 :
abbychau(1)@2012-06-03 22:22:00我意思主要係用字問題
8 :
idsdown(1658)@2012-06-03 22:25:27我都係
佢本書簡單黎講就係分辯負債同資産的概念
9 :
GS(14)@2012-06-03 22:33:348樓提及
我都係
佢本書簡單黎講就係分辯負債同資産的概念
他對,但說穿了就是買物業嘛
10 :
肥B(18468)@2012-06-05 10:31:40一朝被蛇咬.....
照咁睇文中所提及的, 應該係未婚獨居男, 無自身的家庭負擔, 好彩捱過97及海潚, 實屬可喜.
我都有兩位男同事出聲講過話唔會再咁高買樓, 試過97 唔敢再試....
但當時同而家真係唔同左, 對用家, 利息低左好多, 如主角係有心換樓, 大可照換, 只要工作穩定同唔好一下子換大咁多, 就唔會有問題吧....佢點都要俾舊錢出黎作為住屋的支出, 何不用黎供樓?
11 :
GS(14)@2012-06-05 21:34:1510樓提及
一朝被蛇咬.....
照咁睇文中所提及的, 應該係未婚獨居男, 無自身的家庭負擔, 好彩捱過97及海潚, 實屬可喜.
我都有兩位男同事出聲講過話唔會再咁高買樓, 試過97 唔敢再試....
但當時同而家真係唔同左, 對用家, 利息低左好多, 如主角係有心換樓, 大可照換, 只要工作穩定同唔好一下子換大咁多, 就唔會有問題吧....佢點都要俾舊錢出黎作為住屋的支出, 何不用黎供樓?
其實1997 D樓頂到現在最少賺租啦
樓民講場:擅自加鎖變獨家放盤
1 :
GS(14)@2012-06-09 17:52:53http://hk.apple.nextmedia.com/financeestate/art/20120609/16410813
最近阿叔有個吉盤想放,於是早前搵咗幾間地產代理幫手推銷。呢個單位有兩道門,一道木門、一道鐵閘,為咗方便大家,於是只係替木門配咗幾條鎖匙,而鐵閘就亦無落「塔鎖」,諗住一間舖一條鎖匙就算,反正屋內已經空無一物,唔使驚被人爆格,又諗住環保啲。
誰知呀,日防夜防,衰「 A準」難防。其中一間地產舖,為免個盤被其他行家捷足先登,竟然擅自加裝「塔鎖」,即係得佢哋有鎖匙,無形中就隔絕其他人帶客睇樓,等如獨家放盤。
大哥,你無嘢呀?你唔係以為其他人唔會向業主投訴啩?阿叔好快就獲悉事件,但根本唔知係邊間所為,況且家家有求,無謂搞到唔愉快,惟有拆走個「塔鎖」,自己另外裝過,再派鎖匙畀各代理。
我都知家生意難做,有客都唔夠盤,若然呢個放盤好快被人承接,真係過海神仙,「好彩」家個市非常牛皮,唔係郁得好「行」,故好易拆穿,但業主就條氣唔順,亦無代理會自認用過呢啲旁門左道,根本好難追究,惟有吞咗啖氣。
呢行蠱惑嘢好多,但積非成是,連客仔都麻木晒,真係香江怪現象。
讀者善叔
2 :
idsdown(1658)@2012-06-09 21:56:32呢D真係要影相再開名, 係各大論壇爆佢.
3 :
GS(14)@2012-06-10 10:00:312樓提及
呢D真係要影相再開名, 係各大論壇爆佢.
他都唔想講啦,雖然要查呢個人唔難的
4 :
Ar Yan(11362)@2012-06-10 16:03:063樓提及
2樓提及
呢D真係要影相再開名, 係各大論壇爆佢.
他都唔想講啦,雖然要查呢個人唔難的
同行如敵國,鬼打鬼架情況都打把啦~~
5 :
肥B(18468)@2012-06-11 14:10:42呢行係咁, 好多AGENT傾好左價錢, 但你未能即時佢簽臨約前(比如你在香港島, 個盤在新界, 你業主), 佢會「多口」提醒一句, 「X生, 多謝你先, 我而家即刻過黎同你簽約, 不過, 你都知啦, 一日未簽, 好多變數, 可以的話, 唔好打俾D行家住........」
呢句我聽過好多次, 就知呢行好多騎呢野...
6 :
八旗子弟(15368)@2012-06-11 15:27:41我試過簽緊約,業主電話一直響
7 :
Ar Yan(11362)@2012-06-11 20:03:515樓提及
呢行係咁, 好多AGENT傾好左價錢, 但你未能即時佢簽臨約前(比如你在香港島, 個盤在新界, 你業主), 佢會「多口」提醒一句, 「X生, 多謝你先, 我而家即刻過黎同你簽約, 不過, 你都知啦, 一日未簽, 好多變數, 可以的話, 唔好打俾D行家住........」
呢句我聽過好多次, 就知呢行好多騎呢野...
好易想像,agent要去買家收票,再去業主到俾票,中間的真空時間,隨時會俾人打尖,咪出現這句說話囉
好命水架,就agent係買家到,直接去業主到,唔好彩就2邊走~~~
8 :
Ar Yan(11362)@2012-06-11 20:06:456樓提及
我試過簽緊約,業主電話一直響
個agent應該係同個業主講,唔好簽住,我個客話出xxx價,張票來緊,你等等
這個情況,買家要快快手簽住佢~~價差唔多,就快些搞店佢~~(當然,可能係做戲都得)
9 :
八旗子弟(15368)@2012-06-11 20:08:29中了,業主唔理照簽
8樓提及
6樓提及
我試過簽緊約,業主電話一直響
個agent應該係同個業主講,唔好簽住,我個客話出xxx價,張票來緊,你等等
這個情況,買家要快快手簽住佢~~價差唔多,就快些搞店佢~~(當然,可能係做戲都得)
10 :
Ar Yan(11362)@2012-06-11 20:17:229樓提及
中了,業主唔理照簽8樓提及
6樓提及
我試過簽緊約,業主電話一直響
個agent應該係同個業主講,唔好簽住,我個客話出xxx價,張票來緊,你等等
這個情況,買家要快快手簽住佢~~價差唔多,就快些搞店佢~~(當然,可能係做戲都得)
業主都驚個agent 呃佢架嘛
仲有另一些情況,都會不停響電話,就係睇樓花這個情況時
帶個客睇完一次,個客食完飯再來睇,但唔同agent,你係最初個agent,可以點,洗定ass俾老細關心~~
所以,這一行係打餐死架行業,也是無所不用其極架行業
11 :
Sunny^_^(11601)@2012-06-11 22:01:548樓提及
6樓提及
我試過簽緊約,業主電話一直響
個agent應該係同個業主講,唔好簽住,我個客話出xxx價,張票來緊,你等等
這個情況,買家要快快手簽住佢~~價差唔多,就快些搞店佢~~(當然,可能係做戲都得)
我聽過有人中招.
代理A約下午3點落去簽約.
代理B下午2點打電話同業主講:X先生,我知你同代理A傾到價,但係我手上有個客出多10萬.下午5點趕來開票.
結果業主冇去代理A.點知5點去到代理B,代理B話:而家業主話要減反D呀...(略)
結果代理A個客買左第2個盤,而業主都冇左幾萬...
樓民講場:尋找有料師傅
1 :
GS(14)@2012-06-23 14:21:52http://hk.apple.nextmedia.com/financeestate/art/20120623/16450582
我哋裝修行業,角色彈性比較大,今日我做你老闆,明天我幫你打工,非常普遍,但有時角色轉換,未必人人適應。
有啲師傅覺得你要信我,對老闆要求視為唔識嘢、冇料。對於這種師傅,有啲老闆會同佢講,唔理你點做,起到貨、客人唔詐型、唔好要我孭鑊就得;亦有啲老闆,要每個細節都跟足佢提供嘅技術,須知道每個師傅都有自己功架,衝突往往由此而生。幾十年老友,一單工程玩完。
其實做打工仔,最重要知道自己位置,畀錢請你,有要求係應該,好似軍人咁,你幾精銳幾有經驗都好,你都要聽從上級指示,況且客人有時古靈精怪,過份到你唔信,而老闆最清楚,跟佢意思做,就算錯咗,都唔使你負責。做嘢各師各法,不如要求先做簡單嘢,建立老闆信心,再慢慢溝通。
其實所有老闆都係要求快、靚、正、準,缺一不可,家多數師傅都係差些少,快得來唔正,正得來唔靚,又快又靚又正,尺寸唔準都係嘥氣,我做呢行32年,都係一年前先覺得自己似番個師傅。想知師傅手工夠唔夠幼細、有冇料,好簡單,就係觀察佢換唔換開工衫、換出來嘅衫放得整唔整齊,就知道大概!裝修佬華哥
本欄園地公開,歡迎各界來信,以450字為限,請電郵至
[email protected],註明《家》樓民講場,請留聯絡電話。編輯保留文章的刪減權。
樓民講場:懷念家的感覺!
1 :
GS(14)@2012-06-30 17:15:33http://hk.apple.nextmedia.com/financeestate/art/20120630/16472885
作為土生土長的香港人,見證殖民地不同年代的居住環境,有不少「那些年」的回憶。
我出生在二百多呎的木屋區,住木屋的,大都是貧窮的草根階層,父母都要為口奔馳,人人都是手停口停。這個時代,物質主義不重,鄰居大多守望相助,家人團結,生活貧窮但快樂,我家木屋靠近山邊,小朋友就與樹木、野花、昆蟲、大自然一起成長。
小學三年級,木屋清拆,搬去三百多呎公屋,再不用害怕風吹雨打;舉家上樓之日,除了給我們遺留的家貓外,一家大細興奮莫名,比中六合彩更開心,公屋改善了窮人的生活,一家人朝夕相對,多了溝通時間。屋比從前好,親情也更濃厚了!
兄弟姊妹相繼投身社會,收入增加,決定以公屋換入七百多呎居屋,住了五年,但鄰居姓甚名誰也不清楚。屋比從前大,人的距離卻更大。
今天,我有一個三百多呎小單位,代價是從薪金中設立25年的自動轉賬給銀行,半生牛馬,供完之日,也是退休之時。我的故事正是港人住屋的演變,從木屋、公屋、居屋,至昂貴的私人樓。但我最懷念的,始終是木屋和公屋年代、那種家的感覺!
讀者 笑俠
樓民講場:大行與細行
1 :
GS(14)@2012-07-07 18:25:01http://hk.apple.nextmedia.com/financeestate/art/20120707/16492291
我哋消費者,難免比較鍾意名牌,貪質素有保證。但光顧地產代理呢,又未必係咁。
早排去搵二手樓,行入某大行,代理仔話無乜盤,不如去睇新盤,我話唔啱 Budget,而且現樓有貨睇,會放心少少。佢話好好好,於是隨意睇咗一個二手,跟住借啲意車我去睇某新盤,「你睇吓,計埋優惠呀二按呀,月供都係差唔多,梗係新盤好啦!」我忍住度氣喺示範單位行咗一圈,就借意走人,將條友列入黑名單。
後來同老手傾開,佢點醒我話新盤佣金高,又煩少好多嘢(例如同業主交涉講價、單位管理費諸如此類),仲要向發展商交數,梗係想你買新盤啦。我頂,假如我放盤,除非開筍價,否則咪唔使賣?
反觀好多細行無份做新盤,多數係做街坊生意,基本上會跟得貼啲,而且好多都係由大行跳出嚟開業,經驗有番咁上下,我仲遇過老實人直言單位邊度邊度漏水(我唔明佢點做生意,哈哈)。
行入細行收料、打好關係,以在下的觀察係絕對應該做的功課。但係細行根基無咁穩,遇着風高浪急,唔知會唔會有另類風險?
讀者飛哥
2 :
Sunny^_^(11601)@2012-07-08 11:22:39我討厭細行...成日都欺壓買家!!!
3 :
龍生(798)@2012-07-08 23:18:25我都好憎細行, 果的agent 多數都有種好乞人憎的味道
4 :
GS(14)@2012-07-09 22:51:35講多D得嗎
5 :
龍生(798)@2012-07-09 23:22:50即係未入去先抽秤左你先
盤問好多問題, 確定你有資格, 先會帶你睇樓
你去下就知, 好多都陰陰濕濕咁
6 :
GS(14)@2012-07-09 23:32:565樓提及
即係未入去先抽秤左你先
盤問好多問題, 確定你有資格, 先會帶你睇樓
你去下就知, 好多都陰陰濕濕咁
咁都好白鴿眼
7 :
肥B(18468)@2012-07-10 12:05:51間細行能夠在該區立足, 就係因為佢地好熟該區, 無論人同盤都係, 同埋細行間會互相合作,
佢地的態度係因為唔憂做先會咁, 好多街坊都以為係街坊嘛, 所以都會耳仔軟聽地氹, 而且通常呢D都係舊區, 成交紀錄無大型屋苑咁齊, 同容易找到, 就算同一條街, 座座大廈的則都唔同, 通個位有什麼問題都一清二楚, 而買家這方面的資訊, 相對透度低好多好多...
同埋, 我覺得好似細行多D坐貨咁....
8 :
GS(14)@2012-07-10 21:38:16所以是咪我地唔使旨意第一次就買到好野?
9 :
肥B(18468)@2012-07-11 10:44:03如果係明明市價200萬, 150萬俾你買到就係好野, 我諗你點都買唔到好野...
現實係, 放盤前, 一般業主(單幢/ 中原無記錄/成交極少的大廈)都會多走幾間「格下價」, 問下個AGENT層樓值幾錢, 有D醒D, 會問埋銀行做估價, 再精D, 會找家人朋友「放蛇」, 扮潛在買家睇下同區同質素的盤開緊什麼價, 成緊什麼價, 所以, 出現正完水魚的機會細左好多了 (做獨家, 唔知價)...
放盤第一個會知係個AGENT, 如果個盤開價真係咁正「物超所值」的話, 又唔係做獨家的話, 我估計, 個個AGENT都爭住找家人親戚頂左佢先, 自用放租唔定, 轉手摩出唔定....
未有SSD前, 有D錯價野, 梗係CALL 左炒家圥, 人地可以唔睇樓就買, 點同你用家, 做一次生意, 同一個單就幾乎無下一次...
10 :
Ar Yan(11362)@2012-07-11 17:47:459樓提及
如果係明明市價200萬, 150萬俾你買到就係好野, 我諗你點都買唔到好野...
現實係, 放盤前, 一般業主(單幢/ 中原無記錄/成交極少的大廈)都會多走幾間「格下價」, 問下個AGENT層樓值幾錢, 有D醒D, 會問埋銀行做估價, 再精D, 會找家人朋友「放蛇」, 扮潛在買家睇下同區同質素的盤開緊什麼價, 成緊什麼價, 所以, 出現正完水魚的機會細左好多了 (做獨家, 唔知價)...
放盤第一個會知係個AGENT, 如果個盤開價真係咁正「物超所值」的話, 又唔係做獨家的話, 我估計, 個個AGENT都爭住找家人親戚頂左佢先, 自用放租唔定, 轉手摩出唔定....
未有SSD前, 有D錯價野, 梗係CALL 左炒家圥, 人地可以唔睇樓就買, 點同你用家, 做一次生意, 同一個單就幾乎無下一次...
再多的再多的~

11 :
GS(14)@2012-07-11 23:01:35真是個個都計住
12 :
龍生(798)@2012-07-12 02:36:41有左ssd, 都係call 炒家先.....
用家買樓, 唔好講有冇下次, 只係佢既煩複程度, 己經足夠讓agent 唔想做佢生意
太平又驚件貨有問題, 太貴又唔會話試下還價
到真係埋枱時, 又要人為製造一次天人交戰, 機不可失的大龍鳯
又要番條村度問晒全村鄉親父老, 而媽姑姐, 老坑盲毛,
一人一句, 真係好麻煩
13 :
龍生(798)@2012-07-12 02:37:37人地大膽開價, 你咪大膽還價囉, 就係咁簡單
市價300, 佢都夠膽死開340
還佢250又何妨?
14 :
Ar Yan(11362)@2012-07-12 18:00:0413樓提及
人地大膽開價, 你咪大膽還價囉, 就係咁簡單
市價300, 佢都夠膽死開340
還佢250又何妨?
開咩都無所謂,你開咩個agent都係會俾個好唔情願個樣話俾你聽,你個價做唔到,要你俾多的,到你俾多的時,佢又將套戲做一次俾賣家睇,叫佢收順的
拉拉据据就deal架啦~
15 :
Sunny^_^(11601)@2012-07-12 18:28:5514樓提及
13樓提及
人地大膽開價, 你咪大膽還價囉, 就係咁簡單
市價300, 佢都夠膽死開340
還佢250又何妨?
開咩都無所謂,你開咩個agent都係會俾個好唔情願個樣話俾你聽,你個價做唔到,要你俾多的,到你俾多的時,佢又將套戲做一次俾賣家睇,叫佢收順的
拉拉据据就deal架啦~
好多時還價太hun既話會比人理會嫁.
我曾經有一次...X單位開260.但係市價大約240.我地還225.(11:00)
睇完第2間(代理),都係覺得X單位好....所以去反第一間代理問業主既還價(15:30)
!!!點知個代理話個價太冇成意一定唔得!!!(心諗:得唔得你都幫我問左先呀大佬)
最後揾第3間代理...入到去佢都知我地睇過好多單位.所以拎左個最平既擉家比我地.(16:00)
跟住佢就幫我地講價...
成交左(20:30)
16 :
Ar Yan(11362)@2012-07-12 18:43:1615樓提及
14樓提及
13樓提及
人地大膽開價, 你咪大膽還價囉, 就係咁簡單
市價300, 佢都夠膽死開340
還佢250又何妨?
開咩都無所謂,你開咩個agent都係會俾個好唔情願個樣話俾你聽,你個價做唔到,要你俾多的,到你俾多的時,佢又將套戲做一次俾賣家睇,叫佢收順的
拉拉据据就deal架啦~
好多時還價太hun既話會比人理會嫁.
我曾經有一次...X單位開260.但係市價大約240.我地還225.(11:00)
睇完第2間(代理),都係覺得X單位好....所以去反第一間代理問業主既還價(15:30)
!!!點知個代理話個價太冇成意一定唔得!!!(心諗:得唔得你都幫我問左先呀大佬)
最後揾第3間代理...入到去佢都知我地睇過好多單位.所以拎左個最平既擉家比我地.(16:00)
跟住佢就幫我地講價...
成交左(20:30)
成交左同一單位?
17 :
Sunny^_^(11601)@2012-07-12 18:45:0916樓提及
15樓提及
14樓提及
13樓提及
人地大膽開價, 你咪大膽還價囉, 就係咁簡單
市價300, 佢都夠膽死開340
還佢250又何妨?
開咩都無所謂,你開咩個agent都係會俾個好唔情願個樣話俾你聽,你個價做唔到,要你俾多的,到你俾多的時,佢又將套戲做一次俾賣家睇,叫佢收順的
拉拉据据就deal架啦~
好多時還價太hun既話會比人理會嫁.
我曾經有一次...X單位開260.但係市價大約240.我地還225.(11:00)
睇完第2間(代理),都係覺得X單位好....所以去反第一間代理問業主既還價(15:30)
!!!點知個代理話個價太冇成意一定唔得!!!(心諗:得唔得你都幫我問左先呀大佬)
最後揾第3間代理...入到去佢都知我地睇過好多單位.所以拎左個最平既擉家比我地.(16:00)
跟住佢就幫我地講價...
成交左(20:30)
成交左同一單位?
唔係呀...X單位等左3個月先減價,聽代理講仲比買家壓左唔少價
18 :
Ar Yan(11362)@2012-07-12 18:47:3617樓提及
唔係呀...X單位等左3個月先減價,聽代理講仲比買家壓左唔少價
咁硬正? 自住緊吧?
19 :
Sunny^_^(11601)@2012-07-12 18:49:2218樓提及
17樓提及
唔係呀...X單位等左3個月先減價,聽代理講仲比買家壓左唔少價
咁硬正? 自住緊吧?
係...但係睇樓個陣佢地話自己同屋苑買左個大單位
20 :
Ar Yan(11362)@2012-07-12 18:52:3619樓提及
18樓提及
17樓提及
唔係呀...X單位等左3個月先減價,聽代理講仲比買家壓左唔少價
咁硬正? 自住緊吧?
係...但係睇樓個陣佢地話自己同屋苑買左個大單位
咁奇怪? 買左大單位要上會供,應該好等錢洗架?定係有無限金錢?
唔通未入伙仲可以睇多幾個月? 到近上會時,實俾sell屎鋤死,低於市價成交吧~
21 :
Sunny^_^(11601)@2012-07-12 18:59:5120樓提及
19樓提及
18樓提及
17樓提及
唔係呀...X單位等左3個月先減價,聽代理講仲比買家壓左唔少價
咁硬正? 自住緊吧?
係...但係睇樓個陣佢地話自己同屋苑買左個大單位
咁奇怪? 買左大單位要上會供,應該好等錢洗架?定係有無限金錢?
唔通未入伙仲可以睇多幾個月? 到近上會時,實俾sell屎鋤死,低於市價成交吧~
"到近上會時,實俾sell屎鋤死"我諗係呢D case...
同埋佢地兩公婆好似好有錢...話說呢間係兩房單位,每間房都大約80呎...
bedroom放左個大大衣櫃同床之後就放唔落野...個櫃超大!.
另外間房係入唔到去既...因為成間房都係3,我諗有過百件@.@
22 :
GS(14)@2012-07-12 21:45:45是咪公務員?
23 :
Sunny^_^(11601)@2012-07-13 09:43:3522樓提及
是咪公務員?
唔知...睇過一次樓點知呀...只係知佢地OK有錢同OK鍾意買野囉
24 :
龍生(798)@2012-07-14 00:41:32古怪case 呢
25 :
冷豬肉(3343)@2012-07-20 16:40:2415樓提及
14樓提及
13樓提及
人地大膽開價, 你咪大膽還價囉, 就係咁簡單
市價300, 佢都夠膽死開340
還佢250又何妨?
開咩都無所謂,你開咩個agent都係會俾個好唔情願個樣話俾你聽,你個價做唔到,要你俾多的,到你俾多的時,佢又將套戲做一次俾賣家睇,叫佢收順的
拉拉据据就deal架啦~
!!!點知個代理話個價太冇成意一定唔得!!!(心諗:得唔得你都幫我問左先呀大佬)
法律上agent有責任將offer報畀業主 現實係你乜價都走去同業主講 佢會屌柒個sells 個sells話唔得可能係想鋤你 或者真心覺得未到價 費事煩
樓民講場:領匯連根拔起老店
1 :
GS(14)@2012-07-14 18:50:55http://hk.apple.nextmedia.com/financeestate/art/20120714/16512929
筆者老家位於新界區的居屋,近日回區探親,驚覺才兩三年沒回來的地區,已面目一新:樓下那個冷清清的街市,已經改裝成大型超市,小型食肆當然也沒有了,變為連鎖快餐店。似乎領匯(823)所到之處,社區面貌是離不開大整容,反正以前都是「死場」,老人社區沒甚麼消費力,搞幾搞還真的好像熱鬧了一些。
不過老媽就是有點看不順眼,說以前的街市因為太靜、無生意,租金好像才千多元,有位老伯就因為租平,搞檔賣十元八塊的元寶蠟燭香,賺到餐晏仔就滿足,所以老伯一擺就十多年,但領匯搞完其他熱門屋邨後,近兩年連三四線的場都盯上了,也來改造一番,結果老伯的香燭檔經過一輪抗爭,仍然無法保留,要讓路給超市。
千多元的租金哪裏可找?老伯惟有被迫退休。可能因為當日吵鬧過一番,現時的超市連香燭都有得賣,以示「回應居民需要」吧!
有時冷眼旁觀,實在百般無奈。街坊今時有個巨型超市,還可以入內嘆冷氣,齋睇無幫趁亦得,但老伯檔口雖小,卻儼如社區的一道風景,是十多年的感情累積,我們追求社區發展時,有需要連根拔嗎?
讀者 楊女士
何祖欣 · 留言最多的人 · Baruch College, The City University of New York
哎,香港家陣D鋪幾個月就轉手一次,細鋪其實系社會D凝聚力同人情味的核心價值,創意無限,我去外國D商場都系五花八門,各有特色,好多年後,那裡的鋪和老闆店員都沒有變過!香港D商場都系連鎖式,所有都系倒膜一樣!
回覆 ·
· 6 小時前
Henry Wong · 留言最多的人 · Hong Kong
善用社會資源, 以前千多元租金係由納稅人津貼, 今天領匯賺錢要納利得稅, 香港人得益....
回覆 ·
· 7 小時前
2 :
idsdown(1658)@2012-07-14 21:07:43領匯似乎被人地形容到無惡不作的東西. 領匯的出現的確係踼走左唔少小租戶, 引入唔少連鎖商店, 租金貴左. 會唔會過份左?
記憶中, 以前無領匯, 好多主婦要跨區買餸, 原因係附近街市根本無野買, 價錢亦唔平, 選擇少就更不在話, 跨區買餸真係出錢出力又要出時間.
發覺領匯商場有個好處, 夏天有唔少老人家到商場食2蚊雪糕嘆冷氣, 應該慳左唔少電費.
3 :
GS(14)@2012-07-15 09:59:44發覺領匯商場有個好處, 夏天有唔少老人家到商場食2蚊雪糕嘆冷氣, 應該慳左唔少電費.
我那區以前是百貨店...現在是成個商場有
4 :
Sunny^_^(11601)@2012-07-15 10:21:41有時番新左都冇人租.
我樓下個商場仔,有個鋪吉左都成7個月@.@
有大既連鎖店就好喇.得一間OK同PK...其他都冇咩好
5 :
肥B(18468)@2012-07-16 13:48:17「可能因為當日吵鬧過一番,現時的超市連香燭都有得賣,以示「回應居民需要」吧!」
唔係而家先有, 早十幾年, 我住當時住的一區的WELLCOME, 都有元寶蠟燭賣, 記得好似仲有白飯魚, 好搞笑架~
6 :
Sunny^_^(11601)@2012-07-16 13:50:545樓提及
「可能因為當日吵鬧過一番,現時的超市連香燭都有得賣,以示「回應居民需要」吧!」
唔係而家先有, 早十幾年, 我住當時住的一區的WELLCOME, 都有元寶蠟燭賣, 記得好似仲有白飯魚, 好搞笑架~
welcome而家仲有白飯魚...兩年前學校既表演要求白鞋,但演出前一日先講.逼住我揾白飯魚(不過唔係間間有)
7 :
GS(14)@2012-07-16 22:11:595樓提及
「可能因為當日吵鬧過一番,現時的超市連香燭都有得賣,以示「回應居民需要」吧!」
唔係而家先有, 早十幾年, 我住當時住的一區的WELLCOME, 都有元寶蠟燭賣, 記得好似仲有白飯魚, 好搞笑架~
我都在惠康買過白飯魚
8 :
GS(14)@2012-07-16 22:12:106樓提及
5樓提及
「可能因為當日吵鬧過一番,現時的超市連香燭都有得賣,以示「回應居民需要」吧!」
唔係而家先有, 早十幾年, 我住當時住的一區的WELLCOME, 都有元寶蠟燭賣, 記得好似仲有白飯魚, 好搞笑架~
welcome而家仲有白飯魚...兩年前學校既表演要求白鞋,但演出前一日先講.逼住我揾白飯魚(不過唔係間間有)
當年我記得好平
樓民講場:懷念往昔鄰舍情
1 :
GS(14)@2012-07-21 13:39:48http://hk.apple.nextmedia.com/financeestate/art/20120721/16534411
筆者非常喜歡周杰倫的流行曲《稻香》。年輕人喜歡往外闖,但當成長、碰得一面子灰後,就會懷想家鄉的單純樸實,家鄉總是張開兩臂,歡迎我們回家,是我們永遠的依靠。
但現實是,我在東莞的祖屋,天空變成一片灰,魚塘成了臭水池,田野早就被一所所加工廠取代。以前我可以跟鄰家小孩通山跑,雖然夜晚來得特別早,只得一盞微弱的燈光照明,但家家中門大開,鄰里笑嘻嘻「串門子」,晚上睡覺都不必關門上鎖;我拿着皺皺的幾毛錢紙幣,已買到大包糖果請客,自覺很富有。
如今,這個夢境中的家鄉已去得老遠,有些鄰居因為土地發了財,住進新式洋房,但門前、心中的鎖,已越裝越厚。
我家祖屋被困在石屎林中,廢棄多時,說不定會在某天乘我們不察,忽然間就拆掉吧,反正我們這些離家的,沒甚麼權發聲呢。
我為那些為保存傳統、環境而抗爭的人們鼓掌。環境改變,失去的不單是一所房子,而是人們心內最後的避風港、溫暖的故人情,經濟的確很重要,但不應該是「你死我亡」的遊戲,發展必須平衡,經濟增長真的慢少少都唔得?
讀者 老鬼
Next Page