征服焦慮症5年冇外遊黃?瑩韓國陪玩李珊珊腦瘤受控
1 :
GS(14)@2017-02-12 15:43:032017-02-09 NM
多年來厭病收埋自己，直至去年傳出患上腦瘤及在家中暈倒，外界始知李珊珊情況。經過一年時間努力，加上身邊朋友包括黃?瑩、林保怡，還有晨曦太子爺周志豪鼓勵，助她積極面對病魔及克服焦慮症，接受中醫治療，跑步強身；已五年無外遊的她，上月更與黃?瑩結伴去韓國旅行。
活躍不少的李珊珊，更征服了對群眾的恐懼，日前在林保怡陪同下，到中環玩歐陸嘉年華，玩離心力驚人的Atmos Fear機動遊戲，被360度狂fing至披頭散髮，李珊珊一樣冇有怕，腦瘤受控，心理身體同時回勇！有番信心
被爆有腦瘤後，深居簡出的李珊珊去年中出關，被本刊拍到與好友林保怡在赤柱敍舊，真身曝光，原來已閉關六年的她，並無走樣。
「俾人影到反而係好事！有腦瘤嘅傳聞真係令識珊珊嘅朋友都好擔心，見到佢咁精神，大家先放心啲，好多朋友都WhatsApp或者微信問候佢，又讚佢仲好靚女，令珊珊多番自信心！」身邊密友說。
過去大半年，珊珊變得積極面對自己的健康狀況，身邊閨密包括九七年合作《鑑證實錄》的林保怡、已婚的晨曦太子爺周志豪和黃?瑩，均居功不小。
「呢幾年嚟，珊珊幾乎同啲朋友斷晒聯絡，加上有焦慮症，出街去遠啲，都會感到不安有壓力，仲成日頭痛，身體好虛弱，搞到佢成日匿喺屋企唔願見人！」
睇Big Bang
如今李珊珊不再收埋自己！今年一月中，她與黃?瑩及周志豪夫婦結伴到韓國首爾六天遊，令已經五年沒有離港外遊的珊珊，邁出另一大步。「因為焦慮症，珊珊呢幾年都冇去旅行，不過自從開始籌備賣后冠嘅事，精神有咗寄託，珊珊開始多咗同以前啲朋友聯絡，好似?瑩，都係近幾個月先見番！?瑩本身都喜歡低調，所以特別啱傾！「呢次韓國旅行係志豪安排，日日由朝行到晚，又一齊睇Big Bang演唱會，珊珊真係好開心，仲plan緊再去旅行添！」男仔性格的李珊珊熱愛足球，更一直是晨曦擁躉，跟球隊太子爺周志豪識了十多年，感情要好。「珊珊同志豪好老友，乜都可以講，之前傳有個人夫揸車陪珊珊去睇醫生，嗰個咪係志豪囉！佢哋冇拍過拖，珊珊當佢自己細佬咁，同志豪老婆Karman（鄭嘉雯）一樣咁friend。其實唔只志豪成日陪珊珊睇醫生，Karman都係！」李珊珊密友說。
驚被偷拍
去年六月，李珊珊宣布拍賣后冠，一度令人誤以為她健康出現大問題，事實上，賣后冠做慈善已是五年前的構想，但李珊珊一直冇信心去執行；直至同志豪兩公婆提起，同樣選過港姐的Karman，對珊珊這個想法大表支持。「Karman○六年參加香港小姐，同陳茵媺同一屆，亦做過無綫藝員，佢同珊珊有好多共同話題，兩個好似親姊妹咁。珊珊籌備后冠拍賣，志豪同Karman都係團隊成員，已經開過無數次會。舊年珊珊發現有人偷影屋企，心情又變得好緊張，志豪兩公婆為咗令佢放心，即刻去咗珊珊屋企住咗幾日。」有了朋友陪伴鼓勵，李珊珊對個人健康問題，亦變得更加勇敢。除了西醫，又透過可靠的朋友介紹看中醫，雙管齊下。「睇咗中醫一個月，珊珊已經冇再頭痛，個人精神咗好多，所以佢已經持續治療咗大半年；另外Bowie（林保怡）就鼓勵佢做多啲運動，半年前珊珊開始跑步，但之前因為整親腳，停咗一輪，呢排又開始跑番。」
走進人群
克服了焦慮症的李珊珊，日前在林保怡及其好友陪伴下，一齊走入人群中。知道她愛玩刺激機動遊戲，林保怡更提議飯後去中環歐陸嘉年華。一行人十點幾到達中環海濱，買飛入場後，第一時間去玩過山車；排隊時有人認出李珊珊撩傾偈，她亦笑晒和陌生人傾了幾句；但對影相仍有點抗拒的她，一見人多，便戴番口罩，其間有人搵林保怡影相，她也只負責揸機。玩完過山車，李珊珊望住離心力驚人的Atmos Fear機動遊戲躍躍欲試，反而林保怡膽怯，最後珊珊與同行友人一齊玩，只見她被360度左轉右轉，fing來fing去，玩到頭髮亂飛，不停狂嗌；玩完，李珊珊更興奮到扎扎跳！之後三人再去掟公仔，玩到凌晨十二時多，由林保怡駕車送返屋企。
有心無力
96年以大熱姿態成為四料港姐冠軍的李珊珊傳腦生瘤，近幾年深居簡出。去年她突然在微博宣布拍賣價值過百萬的后冠，並將所籌得善款，全數捐予慈善機構，因而一度令外界揣測她身體情況堪虞。
宣布拍賣去年是李珊珊成為港姐的20周年紀念，6月她在微博宣布義賣港姐后冠，並表示有此構思已五年，所得善款將全數捐予六間慈善機構，可惜社署未有批出籌款許可，令有心無力的她十分沮喪。
積極籌備宣布拍賣后冠後，李珊珊積極展開籌備，邀請攝影師好友葉青霖的首徒Martin合作，推出純影集宣傳，並在fb開設個人賬號，直播拍賣過程，但反應只屬一般。
籌款細節李珊珊擬在旺角行人專區進行自拍活動，每位合照人士只需捐一元，時間為朝九晚五，當日籌得的善款將是拍賣后冠的底價。
社署唔批去年11月，李珊珊在微博留言，指得到社會福利署回覆，籌款許可證不獲批，令籌款活動要煞停。
撰文、攝影、攝錄：娛樂組
《鑑證實錄》20周年群星拱照 李珊珊生猛出山
1 :
GS(14)@2017-08-06 11:38:52■《鑑證實錄》前晚舉行20周年聚會，李珊珊興奮現身。微博圖片
劇集《鑑證實錄》在20年前播映時大受歡迎，前晚於中環中國會舉行「20周年大聚會」，出席者除主角林保怡和陳慧珊外，連「神隱」多年的李珊珊也有現身，加上近年於內地爆紅的劉愷威、莫可欣、鍾麗淇、蔡子健、劉江、林小湛、廖啟智、陳美琪、張松枝、郭政鴻、陳彥行、監製潘嘉德和編審賈偉南等，認真熱鬧。
■陳慧珊、鍾麗淇、陳美琪和林小湛當年拍《鑑證》不時NG，因而設「NG Family」群組。微博圖片
■林保怡（右）笑指跟郭政鴻覺得大家像雪藏一樣，樣子沒多大改變。微博圖片
保怡慧珊吹雞
郭政鴻和陳美琪等昨日將飯局照放社交網，早前被傳患腦瘤的李珊珊，前晚一身黑衣及戴上眼鏡到場，笑得相當燦爛。珊珊於微博留言：「二十年，可說佔了人生的一半。今晚有緣再聚，也是過去五年來最生猛活躍的一天。感謝各位，這夜嘗到久違了的興奮和快樂，我如同過度活躍症的孩子，不停跟各位談天說地。謝謝你們給我如此美好的時光。」記者昨問珊珊可希望開拍《鑑證》第三輯？她透過短訊回覆：「潘嘉德係監製，賈偉南佢哋兩個話想搞嘅話，我哋一定埋位。」林保怡昨透露早前在內地傳媒專訪中跟陳慧珊重遇，相約飯敍，他說：「叫吓叫吓就變咗咁多人，我哋都有講番二十年嚟大家個樣都冇乜點變，大家好似雪藏過咁。」可有機會原班人馬再拍《鑑證》第三輯？他說：「大家都有講起，但當然要睇劇本啦。」採訪：魯吉
來源:
http://hk.apple.nextmedia.com/entertainment/art/20170805/20111899