阿澤有心踩界挑電檢
1 :
GS(14)@2016-03-17 14:52:53杜汶澤主演、邱禮濤執導的電影《選老頂》（前名《選老坐》）又再有宣傳片，阿澤在片中解釋為何鍾意拍社團電影：「黑社會電影向來都係我哋香港電影嘅翹楚，黃、賭、毒邊啲題材邊啲過唔到審批，我哋拍邊啲啦。」明顯與內地電檢制度對着幹。的確《選》片內有很多血腥場口，王宗堯更要戴着假陽具招搖地跳下跳下。王宗堯表示戲內洪卓立飾演男同志，有一場浴池戲為方便洪卓立有嘢揸手，所以要戴住這支道具。講到粗口，阿澤就反問：「你要睇番本身個合理性，有乜可能你拍一個黑社會戲係冇粗口？」他還表示黑幫電影好睇的地方，就是睇到人對於權力和慾望的爭鬥，與現今香港政治生態不謀而合。撰文：李森
來源:
http://hk.apple.nextmedia.com/entertainment/art/20160317/19532392
80歲依然有心有力 四哥食袋鼠尾壯陽?!
1 :
GS(14)@2016-08-04 04:06:20四哥謝賢啱啱過80歲大壽，有心有力嘅佢，同細自己46年嘅女友CoCo，拍拖超過11年，而早排四哥仲幫大台拍新劇，試過遇車禍嘅佢，康復神速，話咁快行得走得。弗到爆嘅四哥，多年嚟keep住32吋腰兼零肚腩，而且肌肉結實過唔少後生仔。之前佢公開養生之道，除咗食得健康，四哥坦言從不依賴「偉哥」或者壯陽藥物。有周刊就透露四哥自有一套養生法，除咗堅持行山健體，仲鍾意以天然食材進補，有指四哥平時會進食有強身壯陽之效嘅澳洲袋鼠尾。難怪80歲嘅四哥，依然老而彌堅。
來源:
http://hk.apple.nextmedia.com/entertainment/art/20160803/19720816
【堅過星爺】街頭人肉風火輪 63歲鄭叔有心有力
1 :
GS(14)@2016-08-21 08:11:06鄭叔連續轉咗12圈，真係睇見都覺得暈呀
「熱血」嘅嘢唔係好多人會明，就好似電影《激戰》入面，當張家輝決定再上擂台打MMA，佢老死黑仔(姜皓文)即爆晒青筋問「你癲夠未？！我都唔明你打嚟做乜？！」無錯，我哋見到「熱血」嘅人和事，第一個反應都可能會問「為乜？」不過，學戲中嘅張家輝話齋「我同你呢個年紀，仲有嘢需要人明咩？」
年屆63歲嘅鄭叔，柔軟度認真驚人，超輕鬆就擺咗隻腳去棵樹度！
玩咗街頭健身幾十年，鄭叔話最開心係識到呢班後生仔
呢招「人旗」(human flag)，真係少啲臂力都做唔到呀
目測擁有44吋胸肌嘅鄭叔，今年已經63歲，咪睇佢o依家咁「勇武」，原來鄭叔細個嗰時身體好弱，所以佢就開始做運動強身健體。初初只係跑步游水，但天生跳跳紮嘅佢覺得跑步游水太悶喇，於是就開始周圍爬，點知爬吓爬吓，喺桿上做啲體操動作，咁佢就由十幾歲開始成為咗o依家喺外國好興嘅街頭健身(Street Workout)運動員喇。
鄭叔話自己最滿意自己個胸肌喎，目測起碼44吋，大家點睇？
天秀路公園係鄭叔放工必「蒲」嘅地方
倒立呢啲基本嘢點會難到鄭叔呀
本身做電工嘅鄭叔，一放工就會落屋企樓下嘅天秀公園同啲鋼架玩遊戲。除咗一般嘅街頭健身動作，好似「人旗」(human flag)，即係兩手緊握垂直柱，將身體凌空90度；同「龍旗」(dragon flag)，呢個動作由李小龍發明嘅一個腹部健身動作之外，鄭叔仲自創咗個絕技「風火輪」，就係呢個勁度十足嘅「風火輪」，感染到一班人哋眼中嘅「廢青」去跟鄭叔學嘢。幾年前，佢仲聯同兩個後生仔一齊創立咗 Barkids(街頭極限健身學校)，身體力行推廣呢項運動。到目前為止，鄭叔嘅師兄弟已經超過100人。其中一位學員Zach驚歎：「我依家好有熱誠，但到我60幾歲一定冇鄭叔咁勁啦，有時玩到攰，見到佢仲轉風火輪，就好有能量。」
雖然鄭叔擁有一身好武功，但始終都唔係「十八廿二」，屋企人又點會唔擔心佢受傷呢？不過擔心還擔心，佢哋都好支持鄭叔繼續玩，只係間唔中「囉唆」幾句，太太得閒仲會陪佢一齊到天秀公園添。可能好多人會覺得鄭叔都一把年紀，不如玩番啲「輕擎啲」、又安全啲嘅運動，但鄭叔就話會玩到玩唔到為止，仲話運動冇講幾多歲：「生命在於運動吖嘛！」佢對街頭健身嘅「熱血」程度，真係勁過唔少後生仔！
街頭健身呢種極限運動先由東歐興起，雖然未列為奧運項目，但已經引起國際注目。2011年喺拉脫維亞首都里加、舉行首屆街頭健身世界錦標賽。佢係糅合健身、體操以及多人合作嘅運動，玩家會喺公園或街頭，利用公共設施練習。近呢兩、三年，本港有唔少青少年藉住睇一啲網上片段自學練習，現時香港都有大約百幾人玩呢種運動，主要年齡介乎喺16至30歲。除咗天水圍嘅天秀公園設有健身站，維園、屯門、將軍澳等都會見到一班街頭極限健身運動員。【Sam哥x林丹】屋邨仔進化機長憑羽毛球衝上雲霄
http://bit.ly/2aNJGfF採訪：植詠珊（Cathy）編審：懷鈺編導：Kaman拍攝：Neo、Kaman剪接：Roy
來源:
http://hk.apple.nextmedia.com/entertainment/art/20160821/19744469
有心有力劉華50歲做爸爸 羅大佑57歲老來得女
1 :
GS(14)@2016-09-02 05:49:4254歲嘅杜德偉，同細佢24年嘅老婆李曉冰（Ice）結婚3年，今年5月終於宣佈造人成功，仲要係一索得男，真係可喜可賀！原來圈中除咗杜德偉有心有力外，仲有唔少年過半百嘅男藝人，榮升做老竇。劉德華「民間特首」劉華，喺佢50歲嗰年，就成功做老竇，老婆朱麗倩喺養和醫院，幫佢生咗個女劉向蕙，當時劉華仲喺佢嘅官網公佈喜訊，好多粉絲仲留言送上祝福。齊秦王祖賢嘅前男友齊秦2010娶咗佢年輕24年嘅孫麗雅做第二任妻子，同年佢就以51歲高齡做老竇，老婆幫佢生咗個囡囡齊心，14年佢老婆再幫佢生多個仔，湊成「好」字。羅大佑「台灣音樂教父」羅大佑喺2010年，同細佢13年嘅圈外女友Elaine結婚，兩年後誕下Elaine幫佢生咗個女Gemma，當時羅大佑已年屆57歲，今年4月，佢哋一家三口被台灣傳媒影到佢到一家三口同朋友食飯。溫兆倫結過三次婚、51歲嘅溫兆倫，去年先做老竇，佢第三任老婆趙庭幫佢生咗個可愛囡囡柔美。
來源:
http://hk.apple.nextmedia.com/entertainment/art/20160902/19757127
曾蔭權讚財爺：對港好有心
1 :
GS(14)@2016-09-10 13:43:39【立會選戰2016】【特首跑馬仔】【本報訊】立會選戰後，前特首曾蔭權近日一改卸任後低調作風，昨在報章訪問罕有評論財政司司長曾俊華，雖曾蔭權避談曾俊華是否下屆特首合適人選，但大讚對方「對香港好有心」。全國人大常委范徐麗泰昨亦指，社會對梁振英應否連任有不同意見，但她認為就算梁不能連任也非甚麼大問題，強調「（特首）呢個位唔係世襲」。有學者認為，北京正研判下任特首應否有競爭，故不少有意者陸續表明想法。記者：林俊謙 呂浩然
昨《am730》再刊出曾蔭權訪問，曾蔭權被問到，盛傳是下屆特首人選之一的曾俊華，是否有能力出任特首時，曾蔭權即「嘩吓」一聲，未有正面回應，只稱香港很多人都有能力，但隨即說自己與曾俊華是30多年朋友，形容他們「際遇好特別先見得到，所以都唔好特別講出呢啲嘢」，又指「我知道佢（曾俊華）係對香港好有心」。曾蔭權又憶述1982年任沙田政務專員時，正是在其下屬、時任沙田助理政務專員的曾俊華及基覺小學校長盧光輝游說下，批出63萬元協助成立少棒隊。
曾蔭權
范徐麗泰：個位非世襲
除了曾蔭權外，范徐麗泰昨出席一活動後亦談到特首選舉，她表示知道很多人希望梁連任，亦有好多人不想梁連任，故換人與否在於有沒有中央和港人都接受的人選。但范徐麗泰拒評曾俊華和立會主席曾鈺成是否有能力出任特首，推說不知道兩人會否參選，只稱理想人選要「能令香港不同政治取態都可坐低傾，唔啱傾到啱，互相有交流、有溝通、有節衷」。被問到梁不能連任會否造成衝擊，范太即反駁「喂，呢個（特首一職）位唔係世襲㗎喎，咁所以冇得連任好正常咋喎」，又指「以前係未試過，但香港未試過嘅嘢成日都會發生啦，今次（立會選舉）都發生好多未試過嘅嘢啦，係咪？所以呢個唔係一個問題」。
學者指京研判引入競爭
中大政治及行政學系高級講師蔡子強相信，北京不會在立會選舉後就立即決定來屆特首人選，但會開始研判特首選舉中，應否「畀人入閘」的問題，因而不少人即使未能明刀明槍表態，亦開始暗示其想法，例如卸任特首後，一直沒有接受訪問、沒有評論時事的曾蔭權突然受訪，正是一矚目之處。至於這次曾蔭權受訪是否意味曾俊華有機會，蔡子強並不認同，又指反而對於很多人而言，曾俊華日前再獲國家主席習近平握手更加重要。
來源:
http://hk.apple.nextmedia.com/news/art/20160910/19766476
【毅行有心人】69歲參加者 行完100公里上山執垃圾
1 :
GS(14)@2016-11-24 07:41:34Raymond玩完100公里，只休息了一晚就率領Susan及Tristina來到毅行第9個檢查站，由大欖涌水塘步行至毅行終點大棠度假村，執沿途垃圾，全長12.1公里。
「年紀最大，不是最無能力嘛！」羅小韜（Raymond）呢句我可以證明。69歲健步如飛，剛走完毅行者100公里，休息一晚竟然再到線道執垃圾，屆復屆，已經持續這個習慣9年，有心有力，認真老而彌堅。跟着他與義工上山的記者與攝影師後生佢一大截，有幾段路被拋離甚遠。如果佢係一部車，我哋連佢車尾燈都見唔到。
羅小韜是退休建築師﹐2001年首度挑戰毅行者，與外展學校訓練課程的同學組隊參加，從此變成捨不得戒掉的癮，行過返唔到轉頭。「行完覺得幾有意義，可鍛鍊身體，又可認識香港郊外，又幫到樂施會籌款。」計番Raymond當年都已經50幾歲，做出33小時成績還算不錯，但他計計計，發現當中有7小時用咗來休息，又捱了兩個晚上，攰到唔識講，但佢沒被嚇退，反而下定決心，翌年成績定必要減少7小時！原班人馬上陣，第二年果然26小時搞掂，講得出，跑得到。「之後再提高難度至24小時，追到2009年先追到超毅證書，可以話係中晒毒，上曬癮。」Raymond口中所講的「超毅證書」，即超級毅行者證書，要於18小時內走完100公里的人才有。年過六十，他的成績都可謂相當驚人。
練過太極教新手放鬆
很多毅行者都是負傷捱住完成，辛苦到哭泣。Raymond練過太極，他認為對減少摔倒很有幫助，之後他又參加香港遠足覓合團，跟山友組織行山團，學習如何避免抽筋、嘔吐、膝頭痛，還積極培訓新手。「我好有興趣訓練新會員﹐好似今年我三位隊友都係新手，佢哋雖然有跑山跑馬路，但未試過玩毅行者。」
Raymond會教他們放輕鬆，不要緊張。「緊張會抽筋﹐腸胃也可能不舒服。」他又提醒上山落山、上落樓梯，膝頭別扯直，要微微屈曲，衝擊沒那樣大，膝頭便不會痛。他今年的隊伍好國際化，隊友都是毅行新鮮人，包括同樣為長者的Ming、二月誕下第三胎，極速回復鋼條身形的美國人Lauren，以及23歲印度後生仔Islam﹐隊名叫扶老攜幼，好貼切。不過由於他們都要上班或照顧小朋友，所以全隊操練只此一次。「很多時候是兩個或三個人練。一定要全個路線練兩次，分段練習。去年我練得太少，本來預計20小時完成，但最後20公里跑唔郁，只能急行，拖慢隊友，要21小時才能完成。」Raymond跑山多過記者行路，經驗豐富，但年紀有時的確是障礙。「千萬唔好冷親同傷，我哋年紀大，一傷要8星期才能復原。」今年Raymond與兩名隊員以23小時24分鐘完成賽事，可惜最後生的Islam完成7成路段後膝頭劇痛，要無奈退出，所以最終只得三人衝線。
賽後行多12公里執垃圾鬆關節
一如以往，完成賽事後稍為休息，Raymond便會率領義工回去賽道執垃圾。他笑說：「幫手的義工，我諗我都係年紀最大，無所謂嘅，自己行得走得咪做下。」他更謂這樣走動、屈屈膝頭彎彎腰，能加快復完速度。「英文叫active recovery，即係唔係坐响度唔郁，搽油等佢自己好番，比賽完拉筋都係唔夠的，執垃圾好處係可以鬆吓關節。」他和兩位香港遠足覓合團義工負責清理大欖涌水塘至大棠度假村一段，全長12.1公里。「執垃圾最初由2008年開始，我自己帶着朋友幫樂施會執一兩段賽道，後來2011年跟大會聯絡，擔保幫佢哋執晒所有賽道，變咗官方清潔隊。」他們一行人會輪流執，提高效率，否則步伐會慢。今年山路垃圾不算多，可能由於大會今年不再派紙杯，還送不鏽鋼杯予參賽隊伍。「往年喺檢查站附近通地白紙杯，要走到500米至1公里外先見唔到。選手邊行邊飲，然後就順手丟掉。今年唔派真係少咗好多垃圾。」雖然大會樂施會派發的能量食物都有選手號碼，也有罰則不讓隨地丟垃圾的人再參加賽事，但沒公德心的大有人在。「有啲人唔理，我只係參加一年，你執到唔比我明年參加，我都唔理，嗰啲丟慣垃圾仍然會照丟。」自私選手隨手一丟，就要人義務幫你執手尾，公平咩？自己垃圾自己帶走，好基本吧！記者：葉青霞、梁慧琳攝影：劉永發、周芝瑩
懸崖邊的垃圾要二人手拉手合力才能夾起帶走。沒公德心的人有沒有羞恥心？
金山鄰近大埔道，垃圾可能是支援隊給參加者剩食。如果清潔工人來不及清理，有可能惹來猴子覓食。
今年大會鼓勵參加者自備容器，更送出不鏽鋼杯，今年更不再派紙杯，減少大量即棄垃圾。(相片由 watermelon indl提供)
香港遠足覓合團今年派出近80人於毅行者賽道麥理浩徑執垃圾。
69歲的羅小韜(右一)，帶領首次參加毅行者的隊友，包括只有23歲的印度人Islam(右二)，三子之母Lauren Decoff(左二)、及同為長者的Ming，體現隊名「扶老攜幼」的精神。
羅小韜及兩名隊友今年用23小時24分鐘完成100公里的賽事。
來源:
http://hk.apple.nextmedia.com/su ... t/20161124/19843504
【月底結業】老牌紙廠開倉益有心人 已停產美國貨最罕有
1 :
GS(14)@2016-12-07 08:01:44生意艱難，位於黃竹坑的「進業紙行」快將結業，但仍有大量高質素藝術紙品囤積，負責人不想平白將優質紙品扔到廢紙廠、浪費造紙工人心血，故決定開放零售，以優惠價錢賣予有心人。
進業紙行由1979年起，代理美國紙廠出品的高級紙張予印刷廠。當中包括羊皮紙、布紋紙、水彩壓紋紙等等。近月傳出結業消息後，陸續有有心人將事件貼上社交媒體，希望「救得一張得一張」。從紙行的Facebook專頁所見，存貨中不乏色澤亮麗、壓紋細緻的高級紙品，負責人更留言指紙廠已停止生產這類高質素而又繁複的紙張，「製作過程非常複雜，真是要好好珍惜」。負責人目前已將多款款式切好為A4及A3的厚薄紙，方便有興趣的人士選購收藏。部份紙品更以優惠價20元一包作超抵價發售。從樹木變成優雅紙品，當中歷經了無數工人的心目，希望這些紙品最終能有人欣賞，不致淪為垃圾。網上消息指紙行將於本月底結業，亦有傳或會延期至明年一月中，惟截稿前仍未得到負責人確認消息。進業紙行香港黃竹坑道30號長德工業大廈10字樓電話：93618088記者：李珮禎
負責人在專頁指出，紙廠已停止生產這類高質素而又繁複的紙張，「製作過程非常複雜，真是要好好珍惜」。
從樹木變成優雅紙品，當中歷經了無數工人的心目，希望這些紙品最終能有人欣賞，不致淪為垃圾。
來源:
http://hk.apple.nextmedia.com/su ... t/20161207/19857241
廣告經綸：有心才做到好廣告
1 :
GS(14)@2018-01-28 18:38:59一月是一個出差出到差不多忘了自己身處何方的月份，剛剛從廣州去完上海，又去了新加坡開了一個會，之後就當晚飛回香港繼續搏殺。在新加坡機場一落機，就看到一系列的燈箱廣告，廣告以不同的運動明星為題材，把一個一個的足球、拳擊主角分成兩張照片，大的一張是今天成功的運動員在球場和拳賽上競技，而小的一張則是他們小時候的照片，標題大概的意思是「他們今天的強勁體魄及鬥志，幸好當年沒有被那些呼吸道感染和鼻敏感等疾病拖垮」，而廣告的右下方自然是產品硬照，我想那該是個專門對付傷風感冒、鼻敏感和哮喘的醫藥產品。在機場長廊一路走來，一排一排看到的都是這個品牌的廣告。本來，沒有甚麼特別，只不過是很平常的戶外燈箱廣告罷了。當我拖着行李轉了個大彎，步進入境大堂的一刻，抬頭看到有兩塊比剛才要再大十倍的燈箱廣告，依然是同一品牌、同一產品，廣告畫面及文案跟之前的截然不同，今次說：「怎能讓傷風感冒打擾了你和家人旅行的溫馨時光？」，另一版本：「怎能夠讓傷風感冒阻礙了已經令你喘不過氣的出差公務？」，右下角除了產品，還加了個「屈臣氏有售」的字樣。確是很好的一個機場戶外廣告，由媒體購買到創意設計都配合得很自然，也有相關性。比起平日在機場看到的銀行、保險、名車、名錶更有意思，也更吸引。今天人人都說是數碼廣告及社交平台的年代，但誰說傳統廣告已死？有心做好的廣告，簡簡單單，無需VR、AR、QR等科技，緊貼旅客的腳步，一浪接一浪，細緻又帶點小聰明。廣告，無論是甚麼型態，只要有心做，就可以做到好的廣告，唔係次次都要搞到驚天地泣鬼神才肯罷休。兩天之內，我從氣溫10幾度去到0度以下兼落埋雪，再來到30幾度的熱帶，忽然之間，真的感到好像有點作病，頭重腳輕，可能是時候要在新加坡機場的屈臣氏買盒這款感冒藥，幫我打打底先得！文迪晞
來源:
https://hk.finance.appledaily.co ... e/20180126/20285726
【請廣傳】帶狗肉節倖存狗狗見新主人 急尋飛紐約有心人幫忙
1 :
GS(14)@2018-02-04 23:52:36獨立動物義工潘秋嬣（Natalie）之前已用相同方法，將另一獲救狗隻送往美國德州。（受訪者提供）
食狗肉這不文明的行為，簡直人神共憤。在廣西玉林狗肉節中喪失生命的狗隻不計其數，幸好，總有善心人願意伸出援手，救得一隻得一隻。去年6月，一群獨立動物義工成功攔截開往玉林的貨車，救出逾1300隻狗，再將牠們送往不同城市的庇護所加以照料，待健康狀況良好後，透過網上平台讓世界各地新主人領養，為牠們尋找一個家。香港獨立動物義工潘秋嬣（Natalie）照顧的一歲狗狗James，已有美國夫婦認養，正尋找好心人幫忙，帶牠在今年3月由香港飛往紐約。一切辦理文件的手續和費用，將由Natalie和其他義工負責，好心人只需登記James作額外的寄倉行李即可。
獲救的1300隻狗被送往內地不同城市的庇護所，其中一百多隻送到深圳。Natalie憶述當時接收狗隻的情況：「很可惜，有不少狗有狗瘟、腸熱或者脫水，已經離世了，存活的我們就盡量醫治。當健康狀況良好，我們就開始找暫托或領養人。」這半年來，義工們已透過facebook等不同渠道，幫到很多狗隻尋得新主人，現時深圳的庇護所大概只剩20隻獲救狗隻，而Natalie負責照顧的James是其中之一。義工在本月中為James製作短片，上傳至澳洲一個關注貓狗權益的註冊慈善團體「Fight Dog Meat」的facebook專頁，很快就找到一對居於美國長島的夫婦，表示可以收養James，「他們本身也是Fight Dog Meat的成員，已養了四隻八哥，有豐富養狗經驗。」不過，現時Natalie的煩惱在於James如何前往美國，因為牠身處的深圳並無開往紐約的直航機，送往其他有直航的城市亦太轉折，所以最佳方法是由香港直飛紐約。Natalie說：「如果有有心人剛巧需要去紐約公幹或旅行，總之需要去紐約，而又容許James做額外一件行李，我們會很感激，因為這是運送一隻狗去外地最便宜的方法。」不過要留意，有心人必須乘搭國泰航空，因為其他由香港前往紐約的航空公司，都不接受動物作為寄倉行李，如聯合航空只限貨運，美國航空的航線則不接載動物。她指，以放置James的籠子體積計算，若當寄倉行李，只需多付四千多港元左右，但當作一般貨運，視不同航空公司而定，一般都需要過萬甚至兩萬元。「我們這群義工來自世界各地，因為狗肉節我們才會認識、聚在一起去幫助狗隻，我們全都是獨立義工，沒有機構背景，籌款很多時都靠網上眾籌平台去做，資金十分短缺。」她形容現時是要「慳得一蚊得一蚊」，節省下來的金錢用於幫助其他獲救狗隻，「去年六月，很多人會因為狗肉節的新聞而一窩蜂捐錢，但之後照顧牠們的工作是很困難和漫長，亦需要經費，堅持找位有心人幫忙，就是希望盡量節省金錢，令其餘資金可以撥予其他仍然生病、仍在找新主人的狗肉節獲救狗狗。」由於內地的檢疫部門大概要到2月底才處理好James的相關文件，所以最理想的出發日期為3月，「預計中國政府的動物出境證明將在2月20日辦妥，我們認為最理想的出發日期為3月初，但即使有心人要到3月底才可幫忙，我們亦願意等。」Natalie再三強調，一切文件、手續和費用，都由她和其他義工，以及領養James的夫婦負責，而起程當日，她亦會全程在漁護署職員陪同下，將James由深圳送到香港，再直接送到機場。如果你或者身邊有朋友，將於3月乘搭國泰航空飛往紐約，又有意幫忙，請從速以WhatsApp聯絡Natalie，電話：62090411。
Natalie已向漁護署作書面申請，有意幫忙的好心人不必處理任何文件及手續。
漁護署申請表格上標明，James將於深圳灣入境香港，並於同日送往機場，空運到美國。
2017年6月19日，一群獨立動物義工成功攔截開往玉林的貨車，救出逾1300隻狗。（受訪者提供）
義工將獲救狗隻帶往不同城市的庇護所照顧。（受訪者提供）
Natalie於本月中曾在facebook發帖尋找有心人。（網上截圖）
深圳並無直接開往紐約的航班。（網上截圖）
記者：李煒汯攝影：劉永發全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180201/20291698
Next Page