筆者有時都會睇一睇嘉利國際(1050)的股價，但總是沒有買入的沖動。幾個月前公司的Fullhouse餐飲品牌在香港開業，都想搵日試一試，看看它的經營狀況(國內的東莞店去年10月已經開業)。
近日有報紙推介話嘉利國際工業轉型消費股，弄到昨天股價飆升一倍。其實這一年炒家一值推介工業轉型消費股， 首先有CEC，最近目標就有中慧國際。炒家在CEC獲豐厚利潤，所以食過番尋味，所以昨天就輪到嘉利國際了。
其實筆者認識嘉利國際的員工，在兩三年前已經知道該公司轉型 旅遊公司+wedding planner。筆者和朋友都很專業不會問對方公司的經營情況 (避嫌嗎!)，但俾筆者的印象是該新業務是“得個做字”。這一個判斷跟昨天的業績報告完全一致。
截至二零一三年九月三十日止六個月，消費者及服務業務好像好好賺，HK$12,051,000 收入毛利有 HK$7,292,000 (毛利率60.5%)，但計埋銷售費和行政費，其實勁蝕HK$26,479,000。其實公司也很坦白在業績中寫明 “有關期間，服務及消費業務之表現，未能轉虧為盈，成績未能讓人滿意” 。但炒家炒得興喜，不管三七二十一，最緊要有散戶跟風便可以賺大錢。
講開就講，其實嘉利國際老細的私人業務好像有網購，炒家隨時炒下炒下炒注入網購業務，到時又可以炒轉型科網股呢，哈哈！！
個人認為嘉利國際最大的賣點是鳳崗的地皮，如果轉型成功當然會帶來新增長點，但轉型之路仍然崎嶇啊！
總之一句，散戶要獨立分析。