2009-03-09 AppleDaily
| |||||
| 萬科喺內地地產界係龍頭，主席王石嘅人工亦係07年同行中最高，佢年薪691萬銀（人民幣‧下同）仲創下行內最高薪酬紀錄o忝，之不過，金融海嘯吹倒內地樓市，萬科08年嘅年報未出，王石咗幾多人工未知，不過佢上年嘅紀錄已經俾人打破咗。 樓市隆冬獎金照發 早 幾日內地上市嘅華遠地產公佈08年業績，董事長任志強總薪酬有774萬銀，據華遠地產份年報講，董事長年薪喺320萬銀，但任志強總報酬就有774萬銀， 即係佢08年按《公司獎勵基金管理辦法》攞咗400多萬銀獎勵基金。問題就喺呢度，家陣內地房產業正值隆冬之時，一眾市場人士及內地傳媒都質疑，地產高層 因乜仲可以攞到咁高花紅囉。查實破王石紀錄嘅，任志強唔係第一人，另一間內地上市、主攻珠海房地產嘅華發股份，08年年報披露董事局主席袁小波攞到薪酬 723.74萬銀，雖然唔及任志強多，但都爬過王石頭啦，而袁小波07年只得144萬元。 | |||||