| ||||||
| 受 到金融海嘯打擊，美國銀行股票跌得好傷，單睇反映美國24隻金融股表現嘅KBW銀行股指數，就知道有幾慘烈。彭博資訊話，KBW銀行股指數上個禮拜五跌到 得番2724億美金，即大約2.12萬億港銀，連一隻中石油（857）嘅市值都大過佢哋。 KBW銀行股指數市值2.12萬億港銀呢個水平，其實係去返92 年10月時嘅水位。喺兩年前銀行業最風光時，個指數有成1.36萬億美金（10.6萬億港銀），可惜一場海嘯勁跌逾五成，而中石油A、H股上個禮拜五夾 埋，市值有成2.19萬億港銀，險勝美國24隻銀行股市值，都威番次。中石油都唔係冇跌過，股價曾經由高峯挫七成，但由上年10月尾低位，至今升番近四 成，就係咁打咗美國啲銀行一巴掌。彭博仲話，今年唔夠兩個月，中國上證綜合指數升咗27%，係全球各股票指數中表現最好，美國標普500指數就瀉咗 15%。 | ||||||