大阿哥已是巨無霸 左丁山
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130621/18306029史諾登走嚟香港爆料一事，愈來愈撲朔迷離，到目前為止，佢爆出嚟嘅所謂秘密，乃屬成年人可以想像得到嘅事，只有天真童子軍先至會驚呼大阿哥吼實你！你估英美民主國家就會尊重人民私隱，唔搞監控乎，佢地與中國之唯一分別，大概就係人民在電郵中批評政府而非付諸爆破行動，政府就唔會拉你而已，但如果啲反對派人士一有意參加競選，黑材料就會滿天飛咯，例如HP（惠普）總裁惠特曼女士以前做eBay總裁，聲譽甚佳，但去年年初，一話競選做加州州長，佢多年來僱用墨西哥非法移民做女傭一事，立即見報，真係唔遲唔早，政敵一早算好晒，顯然係佢嘅平時生活資料已盡在監控機構掌握之中。
「衞報」再根據史諾登電腦資料，指英國政府偷聽監控在英國開會嘅G8國家領導人，盡顯英國偽善一面，相信G8首腦到德國、俄國、法國開會，咪又一樣遭受會議主辦國監聽。監控已不是新聞，左丁山反而有興趣知道習近平前星期在加州與奧巴馬散步時，中方如何防止電話、電郵、談話被美國NSA偷聽晒，奧巴馬訪華時，美方又如何防止中方偷聽晒？
像我等一介小民，日常生活全部公開透明，根本無所遁形。朝早揸車出停車場，CCTV紀錄車牌及汽車在案，汽車過隧道，快易通公司知道晒，幾時在中環某停車場入閘，搭