梁志天八成生意來自內地
1 :
GS(14)@2017-10-15 18:57:00■設計師梁志天在內地的生意蒸蒸日上。
【本報訊】許多雄心勃勃進軍內地的港資，最終都丟盔棄甲回流，但梁志天20年來在國內的生意卻蒸蒸日上。「我哋永遠都唔會將香港啲嘢搬字過紙咁搬過去。每一個項目，無論喺香港、國內定全世界，都係通過一個好理性嘅市場分析，同發展商一齊訂立一個方向，而示範單位講到尾都係一個銷售工具。」港大畢業後在地產界打滾的梁志天，1997年重組公司，並開展首個在內地的示範單位設計。他憶述當年內地普遍以毛坯房交樓，「入去間屋咩都無，英泥沙嘅地下、牆就乳膠漆求其髹、廁所得個窿同畀條喉你」。
進軍內地20年
「眨吓眼就過咗20年，中國嘅房地產已經好成熟同改變好多」梁志天慨嘆。公司去年住宅設計營業額逾2億，進佔世界第一，八成生意在深圳河以北，並在北京、上海、廣州及成都設分部，他更在國內被形容為樣板房專業戶，即示範單位專家。梁志天解釋，國內現時連示範單位亦分作多個種類，例如精裝交樓標準樣板房，「好似香港新樓咁，有晒地板、廁所、廚房」；精裝修樣板房，即在單位內配置家具，「做啲改動就好有個性」；還有一種名為全創意樣板房，「拆咗佢全部改過晒」。梁志天認為樓價上漲是使內地樓市快速成熟的主因，「賣樓咁貴，買家自然會提出一個要求……發展商亦明白有責任提高素質。」至今中港頂級豪宅都用上同等材料，「其實大家都已經用到最好㗎喇，地板、牆紙、窗，都喺全世界搜羅……我覺得國內，特別係一線城市（樓市）同香港無乜大分別，佢賣嘅對象除咗國內人之外，全世界都會買。」雖然生意在國內佔比重過香港，梁志天強調「你問我最鍾意咩（稱呼）？就係香港嘅設計師！我喺全世界演講，最後會有一句，我係百分之百來自香港。」
來源:
http://hk.apple.nextmedia.com/financeestate/art/20171014/20182926