📖 ZKIZ Archives

名校代價 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20120603/16392054
朱克伯格娶 Priscilla Chan為妻，現在有更多資料說明 Chan不是甚麼港女，而是越南船民之女，父親到達美國之後，拼命工作成為小餐館老闆，培育子女成才，送女兒入哈佛，完成所謂美國夢。現在 Chan女士嫁俾朱克伯格，即時變成所謂「千億夫人」，搞到美國啲離婚律師議論紛紛，研究一對新人有冇簽訂結婚協議，寫下財產他日一旦離婚就如何分配。此 乃超級富豪特徵，未結婚就想好離婚時怎麼辦，否則他日會成為離婚律師嚿肥豬肉。
並非人人可圓美國夢嘅。 Chan小姐結婚之後，另有一單小新聞，就係美國得薩斯州有一位家中大家姐因為要搵錢支持細佬妹生活，做兩份兼職，因此經常不回中學上課。原來得州有條奇 怪法律，學生不得經常曠課，呢位大家姐竟然因此被控告無理曠課，法官話要執行法律，罰大家姐坐監二十四小時，真令人同情，而呢家人與 Chan小姐有共同之點，就係父親同是越南船民，不過係搵唔到錢，仍然捱窮嘅船民。不知道 Chan小姐成為醫生，成為朱克伯格夫人之餘，肯唔肯捐番一啲獎學金俾呢個不幸越南家庭呢？或者索性成立一個基金，扶助居住美國之貧窮越南人呢？
入 讀哈佛，哥倫比亞呢啲長春藤大學，若非窮家子可以拿助學金嘅話，富裕中產都怕幾惡頂。呢日一位哥倫比亞大學學生回港放假，與父親在國金軒吃午飯，左丁山亦 在場，聽父親講起，讀哥倫比亞一年，所有學費食宿費雜費加埋，至少一年六萬五千美元，再俾啲零用錢，一年七萬五千美元走唔甩嘞，四年就是三十萬美元，差不 多埋單計數要二百四十萬港紙。至於有冇回報，第日先至知，總之為了栽培兒女成才，父母照磅水可也！問呢位學生：「讀哥大經濟系有乜好處？」學生話：「眼界 大開，視野無窮！例如一位西班牙教授教書半年之後就走，佢同時係巴塞隆拿球會理事，西班牙央行顧問；一位巴西教授啱啱競逐世界銀行行長失敗；與蒙代爾教授 一齊行街聽佢講嘢，潘基文到校演講， Jeffrey Sachs教授送我一本親筆簽名書，有幸同呢啲大名人傾偈上堂，聽佢地講書，學到少少皮毛都終生受用！」
PermaLink: https://articles.zkiz.com/?id=34043
Next Page
ZKIZ Archives @ 2019