志偉穿針引線靚靚成龍反面22年破冰
1 :
GS(14)@2017-08-19 19:10:46■靚靚前晚跟成龍飯局，為當年激嬲成龍一事冰釋前嫌。微博圖片
成龍早年在自傳表示對一位當紅女星工作態度不滿，試過拍完戲後要女星補錄兩句對白，但對方玩失蹤，令全組工作人員呆等。而去年12月成龍在內地節目《新聞當事人》訪問，亦再度斥某演員耍大牌，令他倍感氣憤，並送對方五個字：「看你幾時完！」
■成龍前晚送上《霹靂火》間尺給靚靚作禮物。微博圖片
■曾志偉（右）安排靚靚與成龍和解。資料圖片
■有傳靚靚95年與成龍拍《霹靂火》時，耍大牌激嬲對方。劇照
脾氣大得罪人
有傳成龍不滿的當紅女星是95年合作拍《霹靂火》的袁詠儀（靚靚），有傳成龍之後曾在導演會聚會提出此事後，不少人附和，對靚靚採取封殺行動，令她電影工作減少。不過傳聞一直未有人證實，只是靚靚早年曾在訪問中承認當年年少輕狂，試過因脾氣大而得罪人。想不到事隔22年，謎團終於解開，靚靚昨在微博貼上跟成龍合照，留言謂：「外間一直傳言，我是讓成龍大哥生氣的女星，昨（前）晚感謝在曾志偉先生的安排下，終於知道真相，謝謝，成龍大哥對我不計前嫌，原來很久前還為我製作了一些禮物，真的很感動！」
「問清楚佢嬲乜」
記者昨向靚靚了解，她說：「我兩年前喺內地做嘢，聽到傳媒講大哥（成龍）嬲咗我，我想向大哥問清楚究竟佢嬲乜嘢，但一直冇機會。直到曾志偉想搵Chilam（張智霖）開會，佢同阿姐汪明荃組織個協會，幫喺內地做嘢嘅幕前幕後，老公因為要開工去唔到，我就問志偉我可唔可以嚟，等我親口問大哥。」對於有傳當年拍《霹靂火》耍大脾激嬲成龍，靚靚說：「唔係，係之後電影後期做宣傳，我冇出現到，因為我都唔知，冇人通知我，但大哥就入咗我數。不過當年大哥冇話封殺我，如果佢封殺我，我之後都冇可能簽畀嘉禾，?家同大哥講清楚，大家都冇嘢啦。」採訪：鍾國仁
來源:
http://hk.apple.nextmedia.com/entertainment/art/20170819/20125798