【泰山踢館】意大利粉都可以打邊爐?泰山:好食到出唔到聲
1 :
GS(14)@2017-03-22 00:31:59平日去這餐廳,泰山一定食最出名的意粉。
前電台DJ泰山最喜歡食,除了在家煮飯仔,他更喜歡與太太結伴試新餐廳,每月兩次,過一下難得的二人獨處時光。部份的飲食經驗,他會寫成食評在facebook專頁發佈:「我真係信得過架。」今次,他和我們去試的Linguini Fini以手造意粉出名,他也常去。餐廳在上個月晚市,推出意式火鍋,「聽落好似會中伏喎。」但我們還是決定試一試。
那天晚上,整間餐廳只有我們一枱食火鍋,其他客人都報以奇怪目光。餐廳一早把原來的刀、叉和餐碟換成電磁爐、筷子和碗。火鍋食材可以單點,也有套餐,我們點了有雞肉、牛肉、豬肉、蔬菜、蒜蓉包、手工意粉的三至四人份量套餐The Bronx,套餐的鴛鴦湯底分別是番茄羅勒汁和巴馬臣芝士汁。前者用來燙熟食物,後者用作蘸醬。與中式火鍋一樣,餐廳亦準備了十一款醬料供客人「混醬」,不過醬料的選擇全部都是意粉常用的配料如鯷魚、番茜、青醬、乾辣椒片等。肉的份量比預期少,每人只分到兩至三片。打邊爐,香港人最重視牛肉的質素,餐廳提供的非肥牛,「是肉味濃、肉感重、質地偏腍的Hanger Steak(腹肉牛扒)。如果是生牛肉會的朋友,你一定會很喜歡,只要涮十下就食得。」肉丸味道不錯,但由於使用的麵粉極少,所以煮熟後整個散開,吃到的不夠半粒。他最喜歡的是蒜蓉包,「你知有啲餐廳嘅蒜蓉包乾過我荷包,但這個蒜蓉包,質感似炸donut,好好味,就算唔食打邊爐,也一定要食蒜蓉包。」他說蘸滿芝士汁更美味,是絕配。食物的份量不多,但勝在有手工意粉,放入芝士汁輕輕加熱,已經可以吃。份量對於四位女士來說足夠,但男士的話要叫兩份。泰山最後給了9分,因醬汁過膩且未達到港式邊爐神髓而未達滿分,「其實我覺得呢度唔中唔意,但作為一個新嘅食物,係值得一試,更加未必會失望。如果喜歡打邊爐又接受西菜的話,是可以來試試,但如果是傳統踢拖,鍾意邊食邊隊啤酒的,唔好嚟!只會嘥錢。」火鍋套餐$429起,須一日前預定
Linguini Fini中環伊利近街49號記者:吳宛蔚攝影:鄧鴻欣2017果籽繼續認真知味。識買惜用。行以求知。好事多為。重修舊好。緊貼果籽報道,即like:
http://fb.me/AS.AppleDaily
The Bronx套餐($469)有個鴛鴦湯底,紅汁是以番茄和羅勒等材料煮成,用來燙熟食物,白汁是巴馬臣芝士fondue,用來蘸煮好的食物。
店主參考港式邊爐,把意粉常用的11款配料分別用小碗盛着給客人「混醬」。
三至四人份的肉拼盤份量少,但肉的味道和質素不錯。
泰山最推介是蒜蓉包,口感非常軟熟又香,與巴馬臣芝士汁是絕配。
來源:
http://hk.apple.nextmedia.com/su ... t/20170320/19963552
【搵兩萬還萬四】Sing之天使菠蘿哭訴出唔到碟 做OL兼影相
1 :
GS(14)@2017-04-06 07:41:372009年郭穎橋喺庾澄慶主持嘅節目《耳分高下》你「Sing之天使菠蘿」(資料圖片)
郭穎橋呢個名你未必記起,但講你知佢係2009年綜藝節目《耳分高下》入面做「Sing之天使——菠蘿」,你就一定有聽過。
I have a camara, I am Pineapple, Uhh! Pineapple Camara.(陳慧安攝)
菠蘿呢個身份令佢多咗曝光賺多咗錢(資料圖片)
今年30歲嘅「菠蘿」,雖然當時嘅名氣唔及「藍莓」劉俐同「柑桔」蕊蕊,自言唔夠靚,但都賺到蚊錢,佢坦言行性感係work、多咗嘢做,不過佢話:「可以唔性感就唔好太性感,希望喺節目度攞到個曝光率,之後出番嚟做歌手,都唔會畀人哋覺得係一個o靚模囉。」搵到啲錢又點?佢嘅夢想係做歌手,喺2008年同一間經理人公司簽咗份「不平等條約」:「我當你賺兩萬蚊先,你嗰個月都還咗萬四啦。我係唱demo然後簽公司做歌手,我希望我熱愛嘅嘢可以唱到畀大家聽,但係派第一隻歌,唔係你鍾意唱嘅嘢。」當時出咗兩首歌《兩生花》同《好痛呢》都係行輕快活潑嘅歌曲類型,做唔到理想嘅歌手有遺憾嗎?佢突然眼泛淚光:「最遺憾係出唔到碟,覺得細個唔識嘢,所以搞到咁…」
但都令佢(前排右三)要成日行性感(資料圖片)
歌手事業多阻滯,令郭穎橋醒覺要腳踏實地。(陳慧安攝)
講到當年出唔到碟,郭穎橋就即刻感觸落淚。
唔撈大台、之後更因為唱片公司執笠,加上佢同經理人公司打解約官司,搞到佢喺娛樂圈冇晒蹤影:「官司花咗5年settle,耗盡咗青春。我返咗去做office,做老闆嘅助理(秘書)。」佢繼續話:「我唔係生於大富之家,亦知道唱歌唔可以一直去堅持,應該要腳踏實地去試吓轉型,所以去學一門手藝係學到老都用得到。」做OL嘅郭穎橋儲咗啲錢去台灣學攝影、同去英國進修影BB:「我鍾意小朋友,但影小朋友係俾我搵食嘅。我希望做到攝影家,希望可以周圍去影相,雖然呢樣嘢好遙遠,但你要有夢想,先令你可以向前行。」
轉做OL儲錢去台灣學攝影,由零開始。佢攞住張做學生時嘅作品。(陳慧安攝)
阿橋嘅作品多以黑白照同建築物為主。(圖片由被訪者提供)
夢想做攝影家,可以四圍去影相。(圖片由被訪者提供)
佢o依家繼續返緊office,兼做攝影師,無悔入過娛樂圈嘅佢,行呢條攝影路一啲都唔易:「我覺得我marketing太差,好似社交網絡入面有啲女仔影相叻到出event。喺我角度如果做一個全職攝影師,就係你會接商業嘅工作,可以出去接其他event,以攝影師個銜頭去做,你影嘅相係可以攞出去賣嘅。你有人際網絡,就好容易做得起所有嘢。」
台灣學成之後,阿橋去咗英國進修學影BB,今次動嬰兒Gianna就考吓佢。(陳慧安攝)
阿橋好細心同1歲嘅Gianna陪養感情,咁影相都容易啲。(陳慧安攝)
化妝: Milk Cheng場地:Mr& Mrs Fox採訪:懷鈺、嵐山攝影:陳慧安攝錄:馮峰、Neo郭穎橋 wedsite:
www.kiukwok.com
www.instagram.com/kiukwok
www.facebook.com/kiukwok photography
來源:
http://hk.apple.nextmedia.com/entertainment/art/20170406/19981017