零食店勇闖死場開舖3.8萬平租首都廣場3,000呎
1 :
GS(14)@2017-08-06 11:13:31■Kent（右）旗下的Crystal House進駐首都廣場開店，人流不俗。
【周末專題】被喻為近年經典劏場的尖沙嘴首都廣場，開業至今已有三年多，但仍有七成舖位空置。近期，有一間銷售零食及飲品的小店Crystal House，「包起」首都廣場1樓28個舖位承租，成為商場最大租戶。店主張乙家（Kent）不諱言夠膽進駐死場，全因為租金夠平，「所以試吓」。記者：程俊華 吳美茸 攝影：陳家文 馮峰
零食店Crystal House去年以售1元一包檸檬茶而廣為人知，本來有兩間分店，在6月底起租用首都廣場1樓鄰近正門扶手電梯旁的28個舖位，連走廊共有近3,000方呎，但這個面積甚大的舖位，月租只需3.8萬元，呎租只約13元，可以說是平過工廈。而且一簽便簽了5年長租約，對自己在此商場開舖信心十足。
Kent指出，到首都廣場開舖是受到商場的業主協會邀請，「舊年年尾已經開始接觸，傾足半年先成事」。最後有28個舖位業主參與租出舖位予Crystal House，各劏舖的間隔牆都由業主協會負責打通，Kent只需花費10萬元作簡單裝修及添置貨架便可開業。「呢度真係影都冇隻，平租可以試，如果太貴租做埋只夠交租，人工都冇埋，咁點做呢﹖」由於該28個舖位並非全部相連，中間有個別舖位業主拒絕參與出租，故此Crystal House只用一半舖位經營零售店，其他都只是用來擺貨。「租商場比租工廈好，因為工廈除咗交租仲要交埋管理費，呢度（首都廣場）淨係交租，雜費業主自己畀番」。
■首都廣場近七成舖位空置。
開業1個月 營業額逾30萬
Kent為新店斥近80萬元入貨，如果最後賣不去，都可分去觀塘及長沙灣兩間分店，分散風險。而舖內只聘兩名員工，其他時間由Kent兩夫婦及家人幫手看舖，控制營運成本。據記者觀察，Crystal House開業後，並未算大幅刺激到首都廣場的人流。分店由上午11時開始營業，開到晚上9時，周六更至10時。Kent表明，周一至周五人流確不算多，周末則滿意，平日可做三位數字生意，星期六日營業額最少四位數，「絕對做到收支平衡，希望短期內有錢賺」。開業一個月，營業額逾30萬元。暫時顧客都是以熟客為主，因在facebook已儲到一班支持者，特意來新店消費，單一消費額最高達500元。至於一般街客只會買飲品等，人均消費10至20元。
Crystal House售賣的貨品較超市甚至各連鎖零食店都要便宜。Kent認為，「來貨價大家都咁上下，但大品牌舖租貴，賣貴啲都係補貼租金，其他舖頭同一件貨賣貴兩蚊，嗰兩蚊就係業主賺咗」。他不介意在「死場」開舖，因為只有控制到租金成本，才可以控制到毛利。「唔係要賺得多，一個月扣晒本，賺到1萬幾千已經OK」。
Kent透露，在首都廣場開舖後，已收到其他劏場的邀請。「如果我哋開咗，可以帶旺商場，都考慮喺其他死場開多幾間」。
來源:
http://hk.apple.nextmedia.com/financeestate/art/20170805/20112346
2 :
舊會員(60465)@2017-08-09 15:41:09之前有另一個報導，都冇咁DETAIL，連租鋪幾錢都冇講...
其實佢仲未BREAK EVEN...就算BREAK EVEN左...當兩公婆既人工...一萬幾千真係唔多