97金融風暴失200億大劉：點會唔怕輸
1 :
GS(14)@2017-04-08 19:39:49■大劉投資生意快狠盡，於商界40多年，曾經歷順流逆境。
【劉鑾雄講大劉】【連載系列之九 果斷轉型】劉鑾雄（大劉）於40年前由做風扇廠起家，至今財富估計有1,200億，躋身成香港十大富豪，多年來他從商之路經歷過高低起跌，日前他接受本報獨家專訪時坦言：「我絕對唔係一個成功嘅富豪。」
■大劉在秀樺面前，盡顯一臉慈父模樣。（版權所有．嚴禁盜用）
■大劉與甘比所生的細仔仲學攬實爸爸，果然孻仔孻心肝。（版權所有．嚴禁盜用）
■96年，大劉以超過36億將中環娛樂行賣給希慎。資料圖片
天文數字買機器
大劉後生做生意開風扇廠時已見膽識，別人最大的風扇廠用6萬呎廠，他夠膽投資買4、50萬呎廠房：「投資機器先係天文數字，用咗3、400萬成本開間工廠，總投資超過2億幾，高峯期工人約有萬幾人，投資咁大冇回頭路一定要去。」當年大劉的風扇廠一年賺幾億，更是全港唯一一間廠房有美國安全資格，所以定單接不停，令大劉儲得第一桶金，不過經營了6、7年，因純利由每年幾億跌至2、3%純利，他即果斷轉投地產及金融業生意，於96年以超過36億元高價將娛樂行賣給希慎，但於97金融風暴一鋪輸清。染指金融、外國債券的大劉，上落贏錢注碼高達5,000萬到1億美金，他笑言：「我點會唔怕輸啫！你估我打得呀！不過一個人食得鹹魚抵得渴，去賭場賭錢都唔會包贏，贏錢全憑自己經驗判斷！」投資多年，大劉曾於97金融風暴輸200億，不過在08年環球金融海嘯時，把握在雷曼爆煲前急流勇退套現不少資金，之後再大肆出擊獲利，令他贏了400多億。
「健康係最大財富」
提到外界指大劉身家被低估時，他表示不敢評論：「我絕對相信頭嗰20個身家係俾人低估咗。」大劉坦言年紀漸大，心境亦有轉變：「中國人有句說話『健康係最大財富』，真係啱嘅，俾你賺幾多嘅錢，但如果過兩日就拜拜，咁又有乜意思？錢有機會就搵，但唔需要刻意，都已經夠食夠着，唔需要去爭做第幾富豪，我要引述好多人講『我心中富有咪得囉！』」採訪：陳月媚攝影：陳俊強
來源:
http://hk.apple.nextmedia.com/entertainment/art/20170407/19982173