吳君如鐘情觀塘商廈 六年升值一倍
1 :
GS(14)@2017-03-05 22:59:392017-02-22 EW
內地澧沅弘金融集團收購志昇證券之後，在香港成立Fortune Fountain Capital Limitied，上周開幕典禮竟找到吳君如身影？原來其母是志昇老客戶，自己部分投資亦由志昇負責，「阿媽派我來支持吓，佢跟開呢度一個經紀，我都係跟阿媽玩吓！」吳君如笑說。
不過，吳君如自言極少炒賣股票，屬極穩陣派投資者，多數持有藍籌及磚頭。問她有何投資心得，她大笑︰「無㗎，邊有時間坐喺度短炒，有呢啲運都用來拍戲好過。我信磚頭多過信股票，穩陣好多！」
講起投資磚頭，吳君如和陳可辛兩公婆的確有一手，翻查記錄，兩人以公司名義於一一年七月，合共以約三千三百萬掃入觀塘萬兆豐中心兩個寫字樓單位，該兩個單位現時估值合共已高達近七千萬，持貨不足六年暴升一倍有多，相當和味。
兩人亦同時持有萬兆豐中心一個車位，一二年僅以八十六萬買入，現時市值已達一百七十萬元，同樣幾近翻倍。
投資有道，是否會留給女兒做嫁妝？她說︰「我咩都係留畀佢㗎啦！依家開始幫佢儲錢，來緊會買吓基金，不過唔會同佢講，我驚佢之後會被男仔呃晒啲錢啊！」
撰文：裴浩輝 攝影：楊耀文