搵中醫為老公調理49歲吳婉芳陪食中藥三年
1 :
GS(14)@2017-03-03 00:59:18港姐吳婉芳當年由好友志偉、陳百祥介紹下，認識富商胡寶星之子胡家驊，二人結婚廿三年，一直恩愛如昔，吳婉芳亦淡出娛圈，過住少奶奶嘅生活，不過與圈中人仍有聯絡，好似契哥張學友、好友吳鎮宇等，由於胡家愛駒「喜蓮系」均是大賽常客，每次愛駒贏出賽事，吳婉芳都會陪老公胡家驊現身馬場兼拉頭馬。可惜上周四胡家驊在睡夢中猝逝，送往律敦治醫院搶救兩個鐘，返魂乏術，終年57歲，昨日於香港殯儀館設靈，今日出殯。早前有報道指，胡家驊三年前講過肝有事，一向好杯中物嘅胡家驊講明戒酒，吳婉芳搵咗中醫為老公調理身體，據周刊稱吳婉芳亦陪老公一齊食咗三年中藥，今年情人節，吳婉芳一個去銅記睇男士用嘅護膚品，點知今年就係老公同佢過嘅最後一個情人。報道又指，吳婉芳老公信密宗，胡家驊猝逝後，邀喇嘛到大坑家中做法事，胡家亦會將帛金全數捐去四川貢噶寺。
來源:
http://hk.apple.nextmedia.com/entertainment/art/20170302/19945053