睇完BIGBANG冇錢搭車走 阿Sa獲好心人贈車資
1 :
GS(14)@2017-01-24 03:00:13蔡卓妍（Sa）、古天樂同張智霖（Chilam）等昨日喺清水灣電影製片廠為新戲《常在你左右》進行拜神儀式，Chilam一身簡樸造型，角色係一位絕望者，同時又去鼓勵另一位絕望者阿Sa，戲中Chilam要肢解林家楝，佢話：「我未拍過呢類角色，為咗入戲會唔化妝，兼且加深黑眼圈同紅筋。為咗入戲，平時我太容光煥發，所以近排成日夜晚出去玩。」Chilam指一直恨同阿Sa合作電影，近日緊貼對方新聞，仲擔心佢聲帶出問題會傳染畀自己，阿Sa笑住話：「係疲勞過度，今日嚟到，佢扮沙聲唱《女校男生》。」阿Sa重提前晚睇BIGBANG時要改坐小巴離場，佢皺眉頭話：「我噚日痾咗十幾次，去到又要等，企又凍，完騷前提早離場，沿途行去小巴站已經見幾個人暈低。」上到小巴才發現冇錢，幸好有人豪11蚊幫佢哋畀車資，Chilam覺得埸地位置好，但需要時間去完善交通配套。
來源:
http://hk.apple.nextmedia.com/entertainment/art/20170123/19906204