ZKIZ Archives


另類本地遊 型賣「港味」

2012-03-22    NM

坊間的本地遊,大多以平、靚、正做賣點,參加者大部分是屋村師奶或老人家。二十五歲的鄭浩宜(Josie)和鍾振傑(Stephen),打破傳統, 大搞以「港式文化」為噱頭的本地一日遊。二人去年於Facebook成立Secret Tour專頁,利用工餘時間,免費帶領一班在港工作的外國人,捐窿捐罅遊蘇屋、灣仔舊區等,體驗地道香港文化,連CNN和日本電視台NHK亦來港採訪他 們。兩個年輕人見「Walking Tour」「有得做」,乘勢於今年二月將Secret Tour發展成一盤生意,主攻居港外國人及公司客,短短一個月,已吸引到領匯及太古城日本太太團找上門,月賺三萬七千元。


上 週六下午兩點,Secret Tour老闆Stephen和Josie,帶着二十個外國和本地傳媒記者,包括《華爾街日報》、《Time Out》、香港電台等,來到沙田禾輋街市大牌檔「陳根記」。Stephen先介紹大牌檔歷史及老闆,再觀賞即場斬燒鵝。吃過燒鵝,再去舊式士多「篤」魚 蛋,然後走過城門河,到茶餐廳飲奶茶,最後在盛記麵家吃雲吞。這是Secret Tour第一次接到公司客,幫領匯搞傳媒團,由揀店鋪、聯絡傳媒和寫講稿都由Stephen和Josie一腳踢,「大部分記者係之前訪問我哋而認識嘅。」 Stephen說。
三小時行程,收費三萬多元,是Secret Tour首宗「大生意」,對領匯來說卻是「小意思」,領匯市場部主管黃端華說:「公司有個員工參加過Secret Tour,話好得意,我哋咪搵Stephen合作,叫佢搞個團講吓領匯旗下老字號商鋪嘅歷史。做咗市場推廣咁耐,諗唔到咩新橋,佢哋嘅做法新鮮,又唔使點 使錢。」Josie續說,Secret Tour將於四月推出同一個行程的團予公眾報名,名額三十人,領匯以約四千五百元,買下一半名額,自行招募參加者。

「地道文化」引外國客
原 本在4A廣告公司打工的Stephen和Josie,放假最喜歡揹背包去旅行,捐窿捐罅體驗當地文化。二人去年開始在Facebook成立專頁,免費組織 在港工作或旅行的外國人,到香港各區體驗地道文化。每次主題都不同,包括參觀老牌屋邨蘇屋邨,其間由長沙灣搭地鐵到旺角,體驗狹窄空間,還有去新界郊區搞 野餐日,週日到中環和菲律賓傭工跳舞,甚至有「奶茶團」,由團友自備私家杯到舊式茶檔飲奶茶,「香港唔係只得睇大佛、去迪士尼,反而識吓本地人,聽佢哋講 故事,甚至去佢哋屋企食餐飯最開心。」Josie笑說。 一年以來,Facebook的「粉絲」已逾五千人,八成為外地人。二人覺得有商機,遂於去年十二月辭職創業,在大坑以月租四千五百元,租下五百呎的唐樓住 宅單位,由團友贈送沙發枱椅,正式開門做生意。「以前諗法好單純,鍾意去邊都得。依家辭咗份工,無得返轉頭,收支都要諗清楚。」Josie認真說。

首團「蝦碌」百出
公 司成立後第一炮是攝影團。Stephen和Josie見時下潮人喜用iPhone及專業攝相機四處拍照,想到請導師教團友拍攝街頭相片。他們挑選了一個同 為廣告出身的前輩Nick任攝影導師,「英文要好,仲要識講古仔,影相唔使太專業。」Stephen說。他們上網找資料計劃路線,包括土瓜灣、十三街、宋 皇臺、衙前圍村等,並親身到土瓜灣試行路線。二月一號放上Facebook作宣傳,十一號出團,每人收費七百元,一星期前報名減一百,名額二十人,怎知二 十小時內已爆滿。參加者以Paypal或銀行轉賬付款,合共一萬二千元。
創業「第一炮」,兩位老闆十分緊張,更叮囑隨團的記者不可透露身份,以免團友不快。當日早上十一時在旺角地鐵站集合,參加者包括從事金融業的新加 坡人、澳洲人,也有美國留學生及印度人等,他們均在香港生活了一段時間,大部分是參加Secret Tour的免費團而認識的。一行人自資乘小巴到達土瓜灣,Stephen用英文講解舊區外牆特色,團友都細心聆聽,更有英國華僑拿出筆記抄寫。導師 Nick用iPad展示以往影下的街頭照,指導團友拍照。之後,再到白宮冰室及牛棚書院等。由於Stephen不懂控制時間,到了下午兩點多,仍未吃午 餐。來自加拿大的Rachel向朋友投訴:「旅程好有趣,但我真係好肚餓。」最後Stephen要取消宋皇臺和啟德機場等景點,直接前往預先訂好的九龍城 樂口福潮州酒家。
這時,Stephen才醒覺沒有預先訂菜,惟有「丟下」團友予Josie,先跑去酒家點菜。「收人七百蚊,沒理由叫人去茶餐廳,一定要去啲企理 的。」Stephen氣喘地說,他預計每人開支七、八十元,每枱點了八碟例牌分量菜式,怎知團友自行添菜,酒家見人多又將菜式加大分量,到埋單時發現超出 預算。「我諗住一千五百蚊食午飯,依家要成三千蚊。」他無奈道。不過首仗仍「報捷」,扣除攝影導師的二千多元酬金,淨賺七千元。

鎖定公司客
除了攝影團,中文大學善衡書院學生事務處在報紙看到Secret Tour的報導,主動找上門,為新來港的交流生,搞團往元朗錦田和天水圍,看鄉郊村落與新城鎮規劃的對比,收費五千元。另外,公司亦繼續辦免費團當宣傳。 二月底的週末,他們推出免費灣仔舊區遊,參觀藍屋及用古董裝飾的大龍鳳酒吧等,一百人報名,須分開兩團。「嗰日落雨,好辛苦,講到口水乾,最後傳個袋收貼 士,外國人俾二至三百元,有個香港人竟然扔咗兩蚊入去,我真係好嬲。」Stephen激氣道,最後兩團合共收了二千元。他們明白靠散客難「賺大錢」,「除 非搞好多團,以量取勝,但我哋賣點係講古仔,好難搵到員工幫手帶團,得我同Josie做唔來。」Stephen說。 於是,他主攻公司客及團體客,目標是在香港居住和工作的外地人。「有啲外國太太因老公工作關係,來到香港生活,佢哋有自己圈子,平時好得閒,想認識香港, 又肯消費。」上月,Stephen便透過免費團,認識了專負責安排外國人在港住宿的中介公司,商議搞太太團。另外,一個曾參加Secret Tour的日本太太Mika,提議組織一班住在太古城的日本太太包團,「我喺香港住咗一年,之前上網見到Secret Tour,參加過觀塘廠廈團,睇人紋身、玩音樂,好有趣。其實好多外國人嚟到香港,都想接觸本地文化。」Mika笑說。Stephen特意為她們安排在早 晨送孩子上學後空閒時間,到大坑睇畫廊、整手作公仔,每人收四百元。第一團將於四月中開始,未定人數。「好過做散客團,但都好驚包團客都係一次性嘅。」 Josie擔心道。他們亦發現要向大公司賣「橋」不容易,「試過向一間公司提議搞個一百人嘅公司日,係搵個新界草地起個遊樂場,收費十萬元,講完就無咗下 文。」Stephen嘆氣道。

本小「冇嘢輸」
Josie和Stephen同在中大畢業,Stephen主修新聞系,Josie主修工商管理。Stephen坦言自小已喜歡吸引人注意,「中學時上上吓 堂覺得悶,試過突然起身行出去打開課室門,關上再行返埋位,老師同學呆晒望住我,哈哈。」談不上「乖」,但成績好,考上港大法律系,開學兩個星期後因「懶 背書」,瞞着家人轉報中大新聞系。大學二年班,Stephen在《成報》任實習記者,有次向上司採訪主任打探月薪,「個採主已三、四十歲,好有經驗,我問 坐到佢個位有幾多人工,點知只有兩萬蚊,當堂打個突。」畢業後他即轉行做廣告,其間認識同事Josie。 Josie愛好旅行,讀書時曾往芬蘭做了一年交流生,又曾獨自揹背囊去印度遊蕩,「去旅行最開心唔係去啲出名嘅景點,而係旅途遇到嘅人和事。」Josie 指,廣告工作不時要通宵達旦,生活單調。二人閒時喜歡分享旅行趣聞,索性成立Secret Tour,利用週末接待來香港旅行的外國人,每月搞一次特色團。 雖為興趣,他們也絕不馬虎。每次計劃路線,都會找一個在該區住了超過十年的朋友,為路線圖提供意見,再親身試行。平日,二人不時向人打聽趣聞,如哪間茶餐 廳的阿嬸沖的奶茶最大杯等。「外地旅客就算睇《Lonely Planet》都無呢啲地方,旅遊書介紹嘅好商業化,我哋要開闢未有嘅市場,令人諗起香港特色團就諗到我哋。」Stephen說,無心插柳,結果成立 Secret Tour公司,「以前月薪三萬元,吃餐飯每人最少都一百蚊,依家剛開始創業,限定一日用五十蚊食飯。我廿五歲,俾一年時間瞓身去做,唔得咪出嚟打工,有咩 輸唔起。」Stephen自信道。

開業資料(2/2012)
租金*: $9,000 裝修: $4,000 宣傳#: $12,000 雜費: $1,000 總投資: $26,000 *一個月按金,一個月上期 #製作網頁

營業資料(2/2012)
總營業額: $45,000 租金: $4,500 宣傳: $0 雜費: $3,500 人工: $0 盈利: $37,000 未計老闆人工

一點意見
東瀛遊創辦人兼執行董事禤國全承認Secret Tour「有諗頭」,更指出搞特色團的利與弊。

1 旅遊業競爭大,好多旅行社都有搞本地遊,例如西貢食海鮮,團費鬥平鬥賤爭客,Secret Tour的團賣主題及各區特色,市場少見,有得做。
2 主攻居港外國人市場只可短期維持公司運作,主題一旦重複,好快沒有「翻頭客」;長期應繼續以項目形式和團體及公司合作,例如搞商場租客團、公司日等。
3 為免過濫,每一個行業只可找一至兩間公司合作,例如同領匯合作開,就唔好再搵新鴻基等,可試下銀行、學校等。
4 應多向團友諮詢意見,發展更多主題不同的特色團,保持新鮮感,從舊客中搵新客。公司剛起步,一定要繼續搞免費團作宣傳。 ####


另類 本地 型賣 港味
PermaLink: https://articles.zkiz.com/?id=32055

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019