學校堅稱冇收到通知范冰冰：有些事情不用分對錯
1 :
GS(14)@2016-10-27 06:02:41大陸女星范冰冰大前晚喺武漢一間大學宣傳馮小剛執導嘅電影《我不是潘金蓮》，點知中途突然被趕離場，有人話冰冰喊住走，馮小剛明顯對呢件事好不滿，話自己拍電影有生以來，第一次遇到呢啲事。據知因為有中央官員去巡校，學校方面驚啲學生淨係掛住睇冰冰而「冷落」京官，所以有呢啲突兀舉動。前日學校方面喺官方微博貼咗個聲明，話呢個唔係大型群眾性活動，所以冇向公安機關申報，加上一直都冇收到范冰冰會到場，為咗維持場內秩序，所以將范冰冰勸離，而唔係所謂嘅被趕。不過之後冰冰嘅工作室亦都出咗個聲明，佢哋話對於活動進行中嘅突發狀況同各方擔心，表示充分理解和充分配合，不過佢哋喺三個星期前收到劇組通知，而並非所傳「沒有接到范冰冰到場的通知」。昨日凌晨范冰冰亦喺微博留言，佢話：「有些事情，不用分甚麼對，甚麼錯，只是各自站的立場不同，角度和眼光也就不盡相同。還是一句，大家都不易，這就是生活！但是看到同學們笑了！我就開心！這樣真好！」
來源:
http://hk.apple.nextmedia.com/entertainment/art/20161027/19813354