老樓周記：將軍澳大戶有需求
1 :
GS(14)@2016-09-09 05:33:04周日一口氣睇了四個單位，居然一個大型屋苑只得兩個要求的單位可以有匙，據代理指呢度好受歡迎，一出盤就被人掃，「以前我也是這裏的業主，年多前賣了，現時都好後悔」。在這三個星期，老樓分別在香港和新界區睇二手樓，可能正碰上新盤大旺，留場的大部份為年資較淺的代理，因沒有sell新盤的技倆。因為缺鎖匙盤，所以睇了三個業主盤，可能是新入伙盤的關係，樣樣東西都看得好清楚。高樓齡的屋苑瘋狂加價，反而新屋苑卻比較合理，怪不得置業者傾向新盤，起碼市場競爭比較大。新界因有一區未來一年有近四個新盤入伙，供應量多令租金受壓，尤其是三房單位需求有限，故此租金一樣跑輸細戶。有街坊形容，原本同區配套已經逼到爆，又多了數千個單位入伙，肯定搵食辛苦、坐車艱難；之前好多細戶被同區年輕客或是學生租用，最近吸引了不少鄰區家庭客進駐，家庭客亦喜歡租買新樓，這亦是新盤越賣越旺的原因。此外，同區多了兩所國際學校，租務市場又多了一批新客源，正好填補大戶租客不多的空隙市場。因此未來兩年租務市場或開始回升，幅度更可能比其他區優勝。講了這樣久，這區便是將軍澳；由三年前的供應重災區變成重點區，這個未來容納逾50萬人的大社區，看來也是住宅新星。劉兆昌資深地產傳媒人
http://www.HKLau.com本欄逢周五刊出
來源:
http://hk.apple.nextmedia.com/financeestate/art/20160909/19764687